Accueil
Envoyer à un ami
Version imprimable
Partager

Ùn ti scurdà di mè...

In tempu di campagna eletturale, certi temi venenu male per i puliticanti. In una Corsica più pupulata di persone più anzianotte chè giuvanotte, a quistione di a ghjuventù corsa ùn hè di quelle chì arrecanu i voti...



Ùn ti scurdà di mè...
Eppuru, u prublema ci hè è sarebbe ora ch'ellu fussi trattatu. In un articulu esciutu in u giurnale Le Monde, Antoine Albertini a si prova di mette lu in risaltu. Piglia in esempiu l'affare di l'assemblea duve i maiò serianu stati trapassati da u vespaghju di i giovani.

Ma a quitione di a ghjuventù ùn cuncerna micca solu a so leia incù i naziunalisti. Mancu appena! Vi piglieraghju un solu un esempiu statisticu. Si tratta di u livellu di scularisazione:
"La Corse se caractérise avant tout par la faiblesse des taux de scolarisation des jeunes de 16-19 ans ou
de 20-24 ans : près de 10 points séparent la Corse des taux observés en métropole. Les sorties sans qualification atteignent ainsi dans la région 14% !"


Cumu spiegà sti risultati? Perchè i giovani Corsi vanu menu à a Scola chè i Francesi? Qualessi sò i sbocchi prufessiunali per un giovane in Corsica?

À chì vole stà in Corsica, li vene cum'è scelta d'esse funziunariu, muratore, cucinaru, statinante, disimpiegatu o appena ladrone... Guardate a struttura ufficiale di l'impiegu in Corsica...

Davanti à tamantu purgatoriu, hè bella sicura chì l'educazione vene cum'è una suluzione anticogna. Un prufessore pagatu 1500€ u mese ùn ripresenta micca un mudellu di riescita suciale. Li vene male di dà cunsiglii à i giovani. Passerebbe per un baullu. A dicia cusì Finkielkraut in un intervista data pocu fà à u giurnale Libération.

Invece, d'altre ghjente chì t'anu di più pesu è valore suciale li puderianu piglià sott'à e so ale...

U situ di u Cereq
L'impiegu publicu in Corsica

u 31 di Ghjenaghju 2008
Sbanditu



1.mandatu da GWM u 31/01/2008 20:46
Ottima intervista di quellu Finky ! Passa aspessu per un'vechju riazziunariu mà hè un'tippu intelligente, è sopratuttu chi sà parlà di manera chjara. E assai piacevule di leghjelu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta