Accueil
Envoyer à un ami
Version imprimable
Partager

Ùn v'inchietate, i rifugiati ùn volenu micca vene in Francia

Sì a Francia hè d'accunsentu per accoglie 24.000 rifugiati in dui anni, rari sò i migranti à sceglie stu paese.



Mentre chì Jean-François Baccarelli si stanca à organizà manifestazione anti-rifugiati, i rifugiati elli, si ne impippanu cumplettamente. Di a Francia ùn ne volenu sente puzza : disimpiegu, ambiente generale pessimu, amministrazione troppu loscia.

Per elli l'Eldorado sò i paesi di u nordu di l'Auropa : Svezzia, Finlanda, Norvegia, è puru l'Alemagna.

Ma a Francia ùn l'attira micca. Ancu menu ch'è l'Italia o a Spagna, ci dice u Huffington Post.

Oghje a Francia scopre cun surpresa ch'ella ùn hè micca un paese chì face sunnià i disgraziati chì fughjenu a miseria.

Spiega Catherine Withol de Wendhel, circadora à u CNRS è spezialista di l'immigrazione :

« La France n’a pas une tradition d’accueil aussi importante que l’Allemagne en matière de réfugiés. Beaucoup de pays européens ont un toit beaucoup plus généreux qu’en France, comme le Royaume-Uni et l’Allemagne où tout le monde est logé, avec parfois la possibilité de travailler »,

Da riflette nant'à u mitu di u "pays des droits de l'homme" induve i strangeri campanu d'aiuti di a CAF.

In tantu, in Corsica, i rifugiati cuntinuveghjanu d'alimentà e discussioni è discetanu e paure. Nant'à u situ di Corse-Matin, un sundagiu dice chì 65% di i Corsi ùn volenu accoglie ghjente :

Ùn v'inchietate, i rifugiati ùn volenu micca vene in Francia

Un'opinione ostile à i migranti ? Tè ?

Purtantu ci pare chì e residenze segundarie cuntinuveghjanu à esse vindute di modu massicciu à i ricchi fresteri.

u 24 di Sittembre 2015



1.mandatu da Cardone u 24/09/2015 23:37 (da un teleffuninu)
Ah sicura chì i milliunarii chì s'impadruniscenu à colpu di casoni fora di qualchi patriottu prontu à cunnosce à prigiò poca ghjente si ribella..
Quand'ella s'agisce di tazzà qualchi centinaia di famiti scalzati è senza difesa tandu affaccanu tutti!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta