Accueil
Envoyer à un ami
Version imprimable
Partager

Una serata nant'à Direct 8

L'emissione nant'à Direct 8 intitulata "Corse : paradis des touristes ou paradis des magouilles ?" hà fattu parlà assai in Corsica. Ma in fine di contu, perchè ?



Una serata nant'à Direct 8
Cù un tìtulu cusì, nant'à a catena tv di Cyril Hanouna, c'eramu preparati à u peghju.

Avemu fidighjatu quantunque è à u finale, chì c'era di cusì tremendu ?

E paillotes : Una volta di più avemu vistu chì a cummedia di e paillotes ùn finisce più. Iè, ci sò i manghjoni ch'occupanu sempre u liturale di manera illegale, è u Statu face pocu. Face un pezzu chì a carnavalata hè cunnisciuta.

U liturale privatizatu : Quessa dinù a cummedia ùn finisce più, da a Marana à Cala di Figu. L'emissioni tv è i ministri di l'internu passanu, u prublemu ferma.

E custruzzioni illegali : Un paese pè ricconi di Piantaredda in Bonifaziu hè statu custruitu di manera illegale. Cumu ? Ùn a sapiate micca ? Purtantu, face un pezzu ch'elli si movenu partiti è associ di difesa di l'ambiu...

Delsol è Séguéla : A cummedia di i ricconi bling bling, novi sgiò di sti lochi ? A cunniscimu dinù.

A carne purcina : Face un pezzu dinù chì u saucisson d'âne è u prisuttu chinese ùn ci facenu più ride.

Eccu pè u custatu. Nunda di novu, sola robba cunnisciuta.

Ma, nant'à Facebook è Twitter l'emissione di Direct 8 hà offesu assai mondu. È avemu riprincipiatu cù u tradiziunale "quelle image on donne de la Corse"...

Pare ancu ch'ellu ci sia di più mondu per indignassi di Direct 8 chè di a viulenza di e bande maffiose ch'arruvinanu a Corsica.

Allora hè vera chì u stile di l'emissione era discutèvule (in listessu tempu ùn eramu micca nant'à Arte). Ma s'hè vistu quantunque e curagiose militante eculugiste corse chì si battenu (Vincente Cucchi d'ABCDE in Bunifaziu) chì si piglianu i risichi (Valérie Colonna, di l'associu le GARDE). Ùn vole micca dì chì tutti i cummercianti sò ladri è s'hè vistu dinù pruduttori di salumeria onesti di u Nebbiu o d'Alisgiani.

Perchè tante riazzione è cummenti d'ostilità ? A corsa à i soldi è e scruccunerie di u tuttu turìsimu ùn sò micca nove. L'estate passemu da 300.000 abitanti à u passa è veni d'un milione è mezu di turisti chì facenu girà i capi.

È dopu, vulterà a stessa dumanda chè no ci punimu dapoi cinquant'anni, "quel tourisme pour la Corse ?"

Serà forse chì certi ùn volenu veramente micca vede a realità in faccia...

Fatevi a vostra idea :


Piantaredda, permessu di custruisce illegale.
Piantaredda, permessu di custruisce illegale.

u 7 di Ghjugnu 2013



1.mandatu da bastiacciu stortu u 07/06/2013 09:32
A quallè avèrèmu da da capu allora , a i scruconucci o a i scrucononni .... ???

2.mandatu da Petru Saetta u 07/06/2013 11:47
Hélène Constanty : "Bon, bah, in fin'di contu u prifettu Bonnet ùn avia micca tuttaffattu tortu"...

3.mandatu da babbo` u 07/06/2013 11:56
Un face mica piace ma ghjè veru.
Dopu ci vuleria a circà perchè l'affare si passenu cusi in Corsica,cu a viulenza i corsi averianu a cultura di a scruconeria ?

4.mandatu da bastiacciu stortu u 07/06/2013 12:08
E quellu " vase de Soissons ".... Un sèra micca un Corsu qui l'a sciappatu ....????.....

5.mandatu da Calvoise u 07/06/2013 13:00
Gloria à e donne, oneste è curagiose, di l'assuciazioni, è à l'omi, onesti e curagiosi, di u Fronte.
Sò elli a forza è l'avvene di a Corsica.

6.mandatu da bastiacciu stortu u 07/06/2013 13:20
Ancu l'iceberg qu'a affundattu u Titanic éra Corsu ....!!!

7.mandatu da pseudo u 07/06/2013 14:50
U turismu prufitta sempre a i listessi


8.mandatu da Barabbas u 07/06/2013 15:50
Per Delsol, cum'hè chi avvà so tranquilli ? Basta a pagà per esselu? Sarebbe peghju cume risultatu... chi paga po culunizzà!

9.mandatu da Leandri u 07/06/2013 17:22
Andate à fà vi inculà incù u turisimu

10.mandatu da livia u 08/06/2013 02:10
So stata stumacata di vede tuttu que !
Ma chì m'hà stumacata ancu di più, so i cummenti di certi annantu facceu debouekkk
"oh bendidon, zèment pas la Keurse, ces cons là, y dizent du mal de nous, les keurssi, et ils vont bien finirent par nou nicker la saison" "honteux, clichés" "enculés" "y nou zaime pa" et cetera
un aghju lettu una parodda par di a pena di stu ziteddu chi ha vistu a so mamma trattata cusì male, e un'hè ch'un essempiu.
A piazzetta hà raghjò, u tuttu turismu rendi conu

11.mandatu da amstrong lans u 08/06/2013 09:23
s'è lu ùn era chè u turisimu chi rende conu o Lì, seriamu salvi ma ci hè u restu....

12.mandatu da stumacatu u 09/06/2013 18:31
Ô Livia, un n'hè micca u turismu chi rende conu, hè u cerbellu biottu techju à soldi.

E tandu, principianu u scasciu e l'arie di ministru di i bauli chi si piglianu per capizzoni perche hanu vendutu un terrenu o una casa di famiglia o ancu hanu un cumerciu chi si mette à viaghjà bè - per miraculu ch'un ci cunoscenu nulla...!!

Quale hè di no ch'un l'hà micca vistu...?!!

Puderete pensà che so gattivu (o ghjelosu) ma so elli i gattivi, paesani incu quale avette sempre campatu, chi vi piglianu per m... d'un ghjornu à l'altru perche so duventati richi...!!

13.mandatu da livia u 09/06/2013 20:52
Noi gattivi ?
Innò !
Noi simu ghjentili, civili !
Appena scherzosi !

Ma, ch'aghju fattu di u mio mandile ,,,,?
..............

14.mandatu da stumacatu u 09/06/2013 21:38
Ghjè, so stumacatu...!

E, tu ô Livia, va e fatti un giru in cucina invecce di chjachjarà incu l'omi !!

15.mandatu da livia u 09/06/2013 22:26
Ô stumacatu
un mi circà micca

16.mandatu da livia u 09/06/2013 22:29
A pulitica si fà cu u capu
micca cu u ....[bip bip bip]

17.mandatu da stumacatu u 10/06/2013 18:47
"Ô stumacatu, un mi circà micca"...
"A pulitica si fà cu u capu, micca cu u ....[bip bip bip]"...

Chi strega !

Sara ancu di u MLF a nostra Livia...!!

18.mandatu da stumacatu u 10/06/2013 18:49
Ô amica, tarocu !

Un si sa mai...

E po un si dice micca MLF ma MLD !!

19.mandatu da livia u 11/06/2013 00:08
;-)))

Aiò ! Vulia dì "tianu in manu"
e allora !?
bip bip bip = tianu in manu

E un sò micca una strega ....podassi appena appena.....
; )

20.mandatu da stumacatu u 11/06/2013 06:32
Eccu in cucina...!!

Novu cumentu :