Accueil
Envoyer à un ami
Version imprimable
Partager

V'hè piaciutu u cynips ? Ci hè megliu chì ghjunghje



U cynipsacciu hà stirpatu i castagni.
U pinzachju rossu hà stirpatu e palme.
E pecure anu a frebba catarrale.
È pè i turisti ci hè a "bilharziose".

Chì ci ferma ? L'olivi !

Per pocu tempu forse. "Xylella fastidiosa", hè u nome d'una batteria chì sterpa l'olivi.

Face un sterminiu in Italia, in a regione di e Puglie.

Ùn ci hè trattamentu è l'Auropa hà ordinatu di lampà in pianu l'arburi chì sò tocchi : vinti trè mila ettari.

Più castagni, più animali, più arburi, più olivi. Forse, cusì puderemu fà cresce ancu di più parpaings è case segundarie.

Ma per avà, a malatia ùn tocca ch'è a regione di Lecce. Per avà...

u 3 d'Aostu 2014



1.mandatu da sardu u 04/08/2014 02:18 (da un teleffuninu)
o a piazzetta, a batteria hé un altra cosa, simmai batteriu...

2.mandatu da mmi un colpu à beie u 04/08/2014 03:51
E chì ghjè chì sterpa a cunneria ?

3.mandatu da Santucci u 04/08/2014 17:32 (da un teleffuninu)
O sardu,

Batteria o batteriu hè listessa. Una parulla si pò impiecà pè dui affari sfarenti.

4.mandatu da sardu u 04/08/2014 23:20 (da un teleffuninu)
ok

5.mandatu da ficca nasu u 05/08/2014 06:40
L'ete intesa cum'è mè, l'hà detta Hollande:

" QUAND DES MINORITES SONT PERSECUTEES, IL Y A URGENCE A AGIR "

ghjè vera, ghjè ellu chi l'hà detta stu 4 d'agostu

E s'ellu spazzaca davanti a so porta avanti di dà e lezzzio

Ci toccherebbe à ramintalli chi e minurità oppresse ci so ancu ind'è ellu, forse ùn a sà micca

E chi face per elle : i nega

6.mandatu da U pettirossu u 05/08/2014 08:55
U sardu hà a raghjoni mi pari, si dici "un batteriu".

7.mandatu da santoni dd u 05/08/2014 13:11
j ai des oliviers en casinca qui sont malades !!!

8.mandatu da gab u 24/08/2014 14:49
..... u calafrone chinese a l' apa

9.mandatu da Falculella Salvatica u 07/09/2014 10:44
U calafrone d'asia ùn hè ancu ghjuntu quì ... Ancu di grazia ... Mà ùn sterà tantu ...
Santoni chì l'accade à le vostre alive ? Avete fattu verificà per a Fastidiosa ??

Novu cumentu :