Accueil
Envoyer à un ami
Version imprimable
Partager

Van Loc, Derrick, Columbo... i tempi sò difficiuli per i flicchi

I tempi sò difficiuli per a pulizza. St'ultimi mesi anu vistu parte dui tercani di i cummissariati : l'inspettore marsegliese Van Loc è u terribule inspettore Derrick. Oghje s'hè amparatu chì hè Columbo, tontu liatoghju, chì hè statu chjosu. Quale serà u prussimu ?



Van Loc, Derrick, Columbo... i tempi sò difficiuli per i flicchi
In i cummissariati regna a tristezza. In i cummissariati, si face a suppa di musu.

Hè u cummissaru Van Loc à avè principiatu a seria.

Pocu tempu dopu, una terribile nutizia casca. Da a MAPAD à u Serenu, hè a listessa tristezza : hè mortu l'ispettore Derrick. I più d'ottanta anni sò cummossi.

Oghje, s'ampara chì tocca à Peter Falk, alias Liutenante Columbo, à avè persu u cerbellu.

Allora avà, si trema ind'è i turchini. A paura di a "lege di e serie" face u so effettu. Quale serà u prussimu à passacci ? Forse un principiu di risposta :




Van Loc, Derrick, Columbo... i tempi sò difficiuli per i flicchi
U Commissaire Moulin : St'antipaticone di Moulin hè unu di i più inchieti. U peghju fliccu di a télé francese hà pigliatu un colpu di vechju. Attenti à ellu !

Van Loc, Derrick, Columbo... i tempi sò difficiuli per i flicchi
Marcel Patulacci : U cholestérol di Marcellu hè appena altu in stu mumentu. Saria peccatu di perdelu cusì prestu.

Van Loc, Derrick, Columbo... i tempi sò difficiuli per i flicchi
L'ispettore Barnaby hè datu à 50 contr'à 1 da i bookmakers inglesi. Ma pudemu sempre cuntà nant'à u sodu pulizzeru brittànicu.

Van Loc, Derrick, Columbo... i tempi sò difficiuli per i flicchi
Robert Broussard : micca sigura ch'è no l'appiamu da pienghje.

Van Loc, Derrick, Columbo... i tempi sò difficiuli per i flicchi
Attenzione ! Navarro hè in testa di e clàssifiche di i bookmakers ! Fà pianu o Roger...

Van Loc, Derrick, Columbo... i tempi sò difficiuli per i flicchi
Roger Marion... boarf... Ci ne puderemu passà, nò ?

Van Loc, Derrick, Columbo... i tempi sò difficiuli per i flicchi
Cruchot, Gerber, Fougasse è Berlicot : Ferma sempre qualchì gendarmacciu di Saint Tropez. Finiscerà quandu stu carnavale ?

Van Loc, Derrick, Columbo... i tempi sò difficiuli per i flicchi
Le Renard : u cumpagnu tedescu di Derrick, l'amicu di u dopumeziornu si sente solu dapoi a morte d'Horst Tapper. Ci la ferà à tene u colpu ?

u 3 di Ghjugnu 2009
u webmaestru



1.mandatu da Culomba u 03/06/2009 00:51
Vi scurdate di e donne!?
Eiu scummettu chì hè a flicca di "più merza a vita" chì s'hà da fà scannà da u Gattivu di a seria, cumu si chjama digià ? Eiu ùn la sò, ùn guardu a seria chè quandu ci hè un'amica in casa chì si pianta davanti, ùn ci hè mezu à fà cena tranquilli!!

2.mandatu da inspecteur gadget u 03/06/2009 00:57
sta burdana di Julie Lescaut ?

3.mandatu da KÜG u 03/06/2009 09:33
chi femu di u puverettu di TATORT ?

4.mandatu da corbier u 03/06/2009 10:42
è di st'inculati di Cordier ?

5.mandatu da filidatu u 03/06/2009 11:07
è sta coghja di corinne touzet?

6.mandatu da KÜG u 03/06/2009 11:36
è ognunu s'impippa di TAGGART ?

7.mandatu da circinelludiguagnènativupèliguagnesusosanguaversatu u 03/06/2009 15:20
Mi pari chì quì nimu ùn si preoccupa tantu di 'ssu cicciutu di Maigret ???

8.mandatu da camellieri u 03/06/2009 19:47
è Oraziu l'americanu di Miami, chi quand'ellu s'appronta pe tirà pare ch'ellu si tirga una cureghja !!

9.mandatu da ZIU ANTO U PURCAGHIU u 03/06/2009 19:53
Hè u prefettu BONNET,u preferitu di Chevenement a l'epica di quedi flicchi spezialisti di bruscia è paillotè,i rigritate o i ringrazziatè ? ? ?

10.mandatu da circinelludiguagnènativupèliguagnesusosanguaversatu u 04/06/2009 07:38
È Bourrel è Dupuy, hein ?! cù i so facci beddi francesi, è i so fim in biancu è neru ?! Ii tempi ùn so micca difficiuli par eddi ? Pinseti forsa ch'edd'era interessanti di ripetta ogni ghjornu: "Cristacciu! Ma sarà po sigura...!"

11.mandatu da ghjuvan Marcu u 04/06/2009 16:01
O Circè,
SI andatu à circalli luntan' à questi qui.... Ci n'era un altru chi pasava u sabatu a sete or'è mezzu, ùn m'arricordu più u so nome ma a parte era ghjucata da ssu cunnacciu di Daniel Gelin. Dunque ùn era micca una parte di cumposizione....

12.mandatu da jean pierre coppa u 05/06/2009 01:35
ci n'hè una techja di i flicchi !!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta