Vis ma vie... Prof de corse.

Parenti, principali, culleghi, elevi... Tutti d'accordu : CASSE TOI PAUV' CORSE !
Tuttu ciò chì vene quì sottu ùn hè micca inventatu.

8ore menu 10 :
Prima affaccata in sala di i prufessori, prima cacciata. U simpaaaaticu cullegu scalatu di pocu da a Meurthe-et-Moselle à insignà u Francese :
_"Ah prof de corse, mais c'est génial ça ! Mais vous avez passé un concours vous aussi ? Mais alors, vous êtes payés comme un prof normal ?".
Eh nò o connu, eiu vendu e patecche à bor'di strada è cum'è i pumataghji sò scappati, m'anu chjamatu quì à insignà u Corsu ! Eppoi cum'o sò bravu, mi pàganu in fichi secchi. Ti và ?

9ore:
In scola di 6°, l'elevi sò scritti nant'à e liste di Corsu. Anu un mese per sceglie s'elli vòlenu cuntinuà à amparà u Corsu o nò. S'è vo v'èrate scurdatu di stu fattu, u spechjittinu di u primu rangu a vi ramenta prestu :
_"On est obligés d'écrire même si on arrête le Keurse à la fin du mois ?"
Innò u mo coccu, ùn sì micca obligatu à scrive, quì poi fà ciò ch'è tù voli, ti poi ancu fà una pisciata nant'à u tavulone sè tù voli...

S'è vo fate cusì, hà da esse un scempiu, allora per circà di tene u più mondu pussibule, l'ùnica soluzione : vi ci vole à fà u tappinu. Ci vole chì u vostru corsu sia più interessante ch'è d'andà fora di scola à ghjucà à baby-foot in trà d'amici. Allora site peghju ch'è un Cunsiglieru Generale, prumittite à sbuzeffu. Quist'annu, avete prumessu à i vostr'elevi di fà canzone, surtite in muntagna, surtite à u mare, surtite à u sinemà (ma à vede à Harry Potter), surtite à ballò è feste cun fiumi di coca-cola. Soldi per finanzà tuttu què ùn ne averete micca. Ma pudìate fà astrimente ?

10 ore :
Recreaziò : a principale sbarca à salutà a so ghjente è sapè s'è tuttu si passa bè.
_ "Ah bonjour, bon pour le Corse je suppose qu'il n'y a pas de problèmes hein ?"
Eh nò, eiu cantu è spazzu in terra, ùn aghju bisognu di nunda...
_"Rolala c'est difficile, mais à quoi ça peut bien servir d'apprendre le corse dans le monde d'aujourd'hui ? Les enfants le savent bien...".
Eh iè, hè vera chì hè impussìbule di campà oghje senza cunnosce u preterit inglese, senza cunnosce à fondu à Pythagore, senza sapè a vera storia di u vasettu di Soisson è senza avè massacratu una granochja in Scienze à ott'ore di mane per vèdene e stintine.

11ore:
U biundacciu à u primu rangu :
"_Mais le corse on en a pas besoin quand on n'a pas d'amis Corses ou pas de village, non ?". Ridu ? Ùn ridu micca ? Ridu ? Ùn ridu micca ? U mengu ?

2 ore:
Ind'è l'astra scola di 6° :
_"On pourra faire une sortie voir des gens parler corse ?". Piengu ? Ùn piengu micca ? Piengu ? Ùn piengu micca ? U mengu ?

3 ore:
Ken, un picculu pulunese chì ùn sà una parolla di Francese hè venutu à truvà u prufessore di LCC per dilli ch'ellu ùn venerà più à u so corsu. Ùn capisce nunda ma nant'à u so spartitempu hà fattu una croce nant'à a parolla "corse".

Spiegazione d'una cullega insignante : _"Ben ouais quoi, le pôv' il est perdu, il vaut mieux qu'il arrête le keurse non ?". Nimu hà pensatu à caccialli i corsi di matematiche, di biologia, d'inglese o di technò, ma di corsu, sì.

4 ore: Reunione cù i parenti.
Festivale :
_"Je voudrais que mon fils soit dispensé de Corse." Micca male. Eppo di tutte e manere "u mo figliolu, parla talianu, hè listessa". Megliu ! "Je crois que Brice-Grégory va arrêter le Corse, je ne parle moi-même pas assez bien pour pouvoir l'aider", hè vera chì Thalès, Pythagore, u sistema digestivu di u topu pinnutu è a cuncipitura di u portachjavi luminosu in Tennulugia, i manèghjanu tutti à a perfezzione.

Site accantu à a vostra cullega prufessore di matemàtiche ch'insegna in a filiera bislingua di u stabilimentu. Affacca una mamma spaventata :
_"Mais attendez, c'est des maths en lang'Keurse là que vous leur faites ?!?!
_Oui... C'est une filière bilingue...
_Ah mais ça a rien à voir avec les maths alors !?"
Curagiu...

È i duveri da fà in casa ?! Ne parlemu ?
S'è vo ne date : "eh và bè ! Digià chì u zitellu hà tenutu u Corsu, s'è in più ci si sò i duveri ùn ci si sorte oh !!!"
S'è vo ùn ne date micca : "Uffa, in Corsu ùn fùttenu nunda, u zitellu ùn hà mancu duveri !"

5 ore :
Surtite crechju, smutivatu è paranò ? Nurmale... U vostru amicu passa davanti à a scola in vittura, vi vede in cusì pèssimu statu :
"_Euh, ùn và micca ?
_Bah, sò appena stancu...
_ Eh và bè !!! Prof de Corse aiò arresta appena, tu as la grrrrosse plaaaaanque toi oh !"
U mengu.

Allora elevi, parenti, prufessori, à quandu un veru statutu per fà piantà a cumedia è dà un sùppulu d'impurtanza à sta lingua ?

u 12 d'Utrovi 2011

Ussamà Ben Lazezu

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

1.mandatu da bislinguismu u 13/10/2011 06:58

Salute, vi prupongu di fà un giru in prifettura pà vede u veru bislinguismu: Arabu-Francese. E cusi e lingue parlate da i gjovanni in Corsica so u Francese e l'Arabu... Una classa bislingua pè 10 "nurmali" avete a parte di Corsi in Corsica! Curagiu a quelli prufessori Corsi(micca di Corsu) annegati in un mare di Maestri Francesi! Mà...Chi fà?

2.mandatu da morati u 13/10/2011 08:10

Un si pó parlà di nunda senza pichjà annanti l'arabi ! un era mica quistione di l'arabi mi pare, un sò mica l'arabi chi hannu pruvatu a tumbà a nostra lingua. Occupatevi di l'arabi, cusì un guardate mica in'altró !

3.mandatu da bislinguismu u 13/10/2011 09:08

Pichjà annanti l'arabi? Parchi ch'aghju dettu? A parolla Arabu è sacrata? Vecu simpliciamente chi u Statu priferisce fà panelli Arabu/Francese, classe di "Primo-Arrivants" piuttostu chè d'incaricassi di i Corsi e di u Corsu. Ch'elli parlanu a so lingua mi face piace, eiu so per a Cultura, ma mi face ancu più piacè di sente parlà vecchji arabi parlà a nostra lingua...Eccu

4.mandatu da U ghjudice u 13/10/2011 10:20

Nunda à aghjustà à st'articulu, ié forse un'affare,
10 ore di sera, vai à beie ti un colpu è vedi i Mantini chì cantanu " prof de corse...", i meni à buttigliate in capu.

5.mandatu da Antonino Albertini u 13/10/2011 10:21

da i mei parti si diceva : " tannu pagatu cu tre poche di fichi secci" . :o)
Scehrzi a parte.. ma si può ?? Prima li francesi, mò pure l'arabi stanno ad invadere la corsica. cazzu!! ma nu poco di curaggiu e dignità, facitevi rispettà da sti francesi del cazzo. Cussi pirdite un solo la lingua, ma tuttu.. la storia, la cultura, la dignità.
Eiu ci tengo perchè vi considerò più che vicini di casa.
un ci posso credere.. cartelli in arabu.. e quiddi in cinesi , rumeno e albanesi ??

6.mandatu da mamone u 13/10/2011 11:42

Vegu vo n'avete publicatu u mo cumentu : chi hè chi vi ha distubardu...dunque un si po di cio che lmu si pensa?

7.mandatu da U webmaestru u 13/10/2011 12:56

@ mamone : nò, i cummenti ùn sò micca muderati è ùn sguassemu micca i messagi (ancu quand'elli c'insultatnu...)

Forse ci hè statu un bug (accade), o forse ti sì fatta un brocciu. A Piazzetta hè sopr'à tuttu un spaziu di libera spressione, torna puru à publicallu !

8.mandatu da Balasko u 13/10/2011 15:16

i mantini ci serebe vursutu ch'elli ci andessinu appena di più à piglià i corsi di corsu invece di criticà, chì oimè e cambierine !!!

9.mandatu da u ghjudice u 13/10/2011 16:47

O Balasko, e cambiarine ùn sò solu i Mantini à struppià le, ma u più chì sò ridiculi i Mantini hè quand'elli trattanu i Muvrini di gruppu francese, ma i Muvrini elli ùn cantanu chè in corsu.

10.mandatu da picciaghjolu u 13/10/2011 16:51

un ziteddu (corsu !) à un prufissore bislinguu : "monsieur vous êtes aussi prof d'italien
?"
"non pourquoi ?"
"beh au tableau il y a écrit lezziò..."

11.mandatu da MARINI u 13/10/2011 16:52

Listessi cumenti in classa d' Inglese : "mais Madame de toutes façons l'anglais ça sert à rien, maintenant il faut apprendre le chinois!" Bonne chance o zitté!

12.mandatu da André Santini u 13/10/2011 16:54

futtite ci a pace, i Corsi ! nimu ùn vi vole.

13.mandatu da mijagavignaninca u 13/10/2011 17:11

o Cristu santone !!! liberatecci di tutti issi pinzuti e issi corsi impizzutiti (cun valenu mica megliu) davanta tutt'se pazzie un si po micca resta sereni e esse moderati.Sera forse megliu d'impara l'arabu ? a mumenti chi tochera !!!!!
fora i ...(cumu si dicce "fossoyeur" in Corsu ?) è bè quelli di a lingua Corsa, fora !!!
so in zerga per tutta a mo serrata !!!
salute a tutti

14.mandatu da AjaccinuParatacciu u 13/10/2011 17:20

Iè, mi so fattu un brocciu!
Eccu: cum'averaghju da fà,chi un' cè mancu diziunariu corsu ind'u corretore di "Word"!
Ô sgio webmaestru, fate i currezzione da voi stessu, e ditemi cum aghju da fa per mandavi un disegnu a prupostu di l'arabi e di i corsi?

15.mandatu da Michel BARMAN u 13/10/2011 18:12

Arrestate di lagnavvi ! L'hà detta u rettore : tuttu và bè.

16.mandatu da Tancrède Paoletti u 13/10/2011 21:13

Provu in dialettu ancu s'eiu ùn u parlu più dapo a me ziteddina.
I prufessori di Corsu sò una manza di strampalati, pagati par ùn futta nudda. Ch'eddi si lagnessini, hè una vargogna ! Duvariani essa carchi a ricuniscenza pà a Reppublica chì li da a so misata ancu s'eddi ùn ghjovani à nudda. E socu d'accordu (Ah, scusetimi, Estrimei m'hà da pulsà) vulia dì - d'accunsentu par una cosa : l'arabi so culpevuli, quale sia u sughjettu. Parchì so Arabi è ch'eddi mi dani u schifizzu. Eccu a parolla d'un anzianu chì n'ha visti altri è tanti !

17.mandatu da U ghjudice u 13/10/2011 22:39

Tancrède, site unu di i nostri più grandi intellettuali.

18.mandatu da stefana u 13/10/2011 23:17

(da un teleffuninu)

chi quelli ''corsi''chi anu a vergogna di a lingua nustrale amparinu chi un si campa che cun una scelta :esse sè o esse schiavi

19.mandatu da Tancrède Paoletti u 14/10/2011 07:32

Ma socu eiu, o Madama, socu eiu, a vi possu assicurà !

20.mandatu da NICOLU u 14/10/2011 12:07

andetté a rasciavi tutti quanté vo sitté ,intelluttuali di corsu !!! éiu u corsu un' l'aghiu mai amparatu,l'aghiu sempré parlatu,é u parlu in'cu i mei .Prof de corse!!! hum bèèèèè

21.mandatu da Francizator u 14/10/2011 13:26

iè o Nicolu, ind'i tempi di Luigi Piombu, u corsu "s'amparava in casa" è era "parlatu cù i soii" cum'ellu si dice.

Ma grazia à una generazione di vechji chi ùn l'anu vulsutu amparà à i so figlioli (si vergugnavanu di parlà a so lingua, ci vole à falla...), i giovani ùn u parlanu più.

à ringraziavvi i vechji d'avè sfrancizatu !

22.mandatu da Tantouzes è panette u 14/10/2011 15:21

Alè, piglia è portala in casa quessa o Nicò !!!

Ahahaha !!! Bravu o Francizator !

23.mandatu da ANTO u 14/10/2011 18:54

Cio chi mi pare appèna stranu hè di mette in una classe bislingua ,zitelli chi ne parlanu ne capiscenu u corsu (a u cullegju) ,soga hè per mantènè qualchi postu di prufessore ?

http://blog-anto.be

24.mandatu da perchè micca u 15/10/2011 00:16

Nantu à stu sugettu fate u piacè di leghje u scrittu di Marcu Biancarelli, "un surrisu", p.92-93 di u so ultimu libru Cusmugrafia.

25.mandatu da Tancrède Paoletti u 15/10/2011 11:03

I vechji v'ammerdani ! Ch'edda sia detta !

26.mandatu da Massimu u 15/10/2011 11:05

(da un teleffuninu)

In una sucietà induve u corsu un si parla micca tropu in casa, un truvete micca che l'impurtenza di i prof di corsu hè diventata enormissima ? Oh figlioli senza què, i ghjovani, induv' anu a amparà lu ? À elli di fà corsi di qualità è chi piacenu a i zitelli, ancu s'ellu un hè micca simplice avà..

27.mandatu da Tancrède Paoletti u 15/10/2011 13:04

I ghjovani ùn parlani micca corsu, o baulò ! Svighjetivi !

28.mandatu da u miumese u 15/10/2011 13:14

Serà nurmale sè dopu à quessa a mo cunsummazione di Lexomil hè crescuita di 250% ?

29.mandatu da u miumese u 15/10/2011 13:14

*cresciuta, scusate per u sbagliu.

30.mandatu da in saecula saeculorum u 15/10/2011 13:21

un statutu per u Corsu? quale hè chì u parle? quale hè chì u scrive? i prufessori di corsu parlanu francese, i naziunalisti parlanu francese?, e piazze è i carrughji parlanu francese ... Ferma "via stella", RCFM è basta... Ancu à l'assemblea i naziunalisti parlanu francese... è dopu dumandanu l'officialità... parenu fole. Amparatelu in casa è dopu si vidarà...

31.mandatu da Tancrède Paoletti u 15/10/2011 14:54

Quandu sentu parlà corsu annantu à RCFM, pregu pà a sparizioni di stu dialettu di caca ! Tandu i prufessori di corsu si buscarani un travaddu veru. Li farà prò, à st'asinacci.

32.mandatu da Claude E. u 15/10/2011 18:39

ICF... quessa si e a vera suluzione
cantemu tutti I Corsi Fora !!!

"quand comptez vous partir?" cf. quastana

33.mandatu da Tancrède Paoletti u 15/10/2011 22:22

Eccu a verità, mansa di malasciamè !

http://tancredepaoletti.blogspot.com/2011/10/lapsus-calami.html?spref=fb

34.mandatu da Fan di Tancrède u 15/10/2011 23:33

U nostru Tancrède hà ragio o ghjente, saria ora d'apre l'ochji. Femu la finita cun stu patois di mendiant, cantemu in francese è ingagemuci in l'armata francese.

O Dancrède, presentati à l'elezzioni, eiu saraghju cun tè.

Alò zitelli di a patria,
u ghjornu di gloria hè ghjuntu !

35.mandatu da antone u 16/10/2011 00:02

boh... quella cosa ch'aghju lettu a chjamate puesia?? Bella rubaccia... oh nò mà seriu hè una cacciata stu situ??

36.mandatu da Tancrède Paoletti u 16/10/2011 08:14

Una cacciata ??!!! E parchì saria una cacciata, o Monsieur ? T'aghju settanta quattru anni è a macagna ùn mi piaci tantu ! E po' qual' seti par ghjudicà di ciò chì hè o ch'ùn hè micca puesia ! Aghju cunnisciutu à Diane de Cuttoli, Eiu, o Monsieur ! E vo, chì cunisciti ? Tzek è Pidò ? Socu sicuru chì par vo', i testi di l'Arcusgi o di Diana di l'Alba so capi d'opara ! Ohimè à dui mani ! A verità hè ch'ùn ci capiti nudda, à a puesia ! Allora basata cù i vosci cummenti vargugnosi ! Andeti piuttostu à a scola, vi farà prò.

http://tancredepaoletti.blogspot.com

37.mandatu da André Santini u 16/10/2011 13:17

J'adore ce personnage "Tancrède"; hè franchement mec, tu joues trop bien les vieux tarés!

38.mandatu da antone u 16/10/2011 15:29

Parchè hè vera chi i vostri cummenti ùn sò micca vargugnosi... Mancu e sarpe ùn cappianu velenu cusì pessimu.. È vera chì voi, ghjustu a leghje vi, si vede che vo sete una referenza pè criticà/cundannà i prufessori di corsu è quelli chi prumovenu u bislinguisimu.. È scusatemi oh monsieur mà mi pare chi a puesìa un si limita micca a accurdà e disinenze.. "pour une vraie litterature corse"?? "vera" sonna cume "morta". Sapete ciò che pensu eu hè chì voi è a robba di vostru generu appartenite à u passatu è chì in un ultimu fiattu, cappiate tuttu ciò chi vi ferma di gattivu e di pessimu...

39.mandatu da Tancrède Paoletti u 16/10/2011 16:16

In un ultimu fiatu, dici, o muccicò ? Socu sempri vivu è i ghjovani ùn mi facini micca paura, ancu s'eddi si piattini sottu una mascara ! Pocu disprezzu pà l'anziani ! Pudarii ommancu rispettà quiddi chì t'ani nutritu è asciuvatu u culu, o brumacò, par permetta ti di duvintà u vituparatu chè tù sè duvintatu ! Induva l'ha vistu, u vilenu, o sarpi chè tù sè ? Aiò, a po' palisà : sarè ancu tù prufessori di corsu è t'affoca a vargugna, ùn hè ? Ancu u to ciarbiducciu di ghjaddina ti permetti di capiscia chè tù ùn ghjovi à nudda è ch'ùn ti miriti mancu appena a to misata ! Prega ! Prega puri ! Diu ti perdunarà - s'è tù ùn sè micca duvintatu musulmanu, ciò ch'ùn m'istunaria micca !

http://tancredepaoletti.blogspot.com

40.mandatu da Claude E. u 16/10/2011 17:08

o commandant Bertolini si tu !! u gruppu FRANCIA a pruclamatu u so ritornu nant' u situ di tancrède.gouv

41.mandatu da mijagavignaninca u 16/10/2011 18:15

un bè ! mi parià chi a piazetta era un locu di flachinè e di magagna ma a l'usù adiù u sentimu d'un locu dà regulà i conti !!!!
o ghjente siatè a pena piu tolerentre tra divoi... un' e mica d'issà manerà chi po puderede da a pena d'altura a i vostri thjami e rispondi e chi e cosè avanzzeranu in'sù povaru paese...
amiccizia e fratellezza

42.mandatu da Tancrède Paoletti u 16/10/2011 18:57

Tuttu u mondu m'insulta, senza rispettu par u me capu biancu ! T'avaraghju po' u drittu di difenda mi !

http://tancredepaoletti.blogspot.com

43.mandatu da Antone u 16/10/2011 19:19

Quale insulta à quale?? Voi mi parlate di rispettu?? Guardate puru u vostru primu cummentu e viderete quale hà insultatu u primu... D'à vostra bocca ùn escenu chè insulte cum'è a bavacciula da un ghjacaru arrabiatu... U fattu d'avè u cappu biancu ùn vi dà micca u dirittu d'insultà a ghjente hè u rispettu ùn si dà chè à e personne rispettose o monsieur

44.mandatu da Tancrède Paoletti u 16/10/2011 19:30

Un a possu creda ! Senza rida ! E s'è vo vuleti fà i parangoni, eiu priferiscu "ruspu" in piazza di "ghjacaru arrabiatu." Hè più simpatica. O Monsieur.

http://tancredepaoletti.blogspot.com

45.mandatu da Faustin Moreschi-Defonds u 16/10/2011 21:00

Ùn vi piace micca a mio puesia ? Andate à fà vi leghje mansa di mal'allivati, bocchirutti, sciamplan, carmuglii etc...
Aghju fistighjatu i mio novant'unu annu di ghjinnaghju è mi tengu arrittu per riceve vi cum'ellu si deve ! Calamatrò, appasci, dispittosi, sangu'lu porcu mi colla a rabbia !!

46.mandatu da Claude E. u 16/10/2011 23:26

91 anni e fai usu di internet... umbhè un ai micca un profilu facciabuk , nen?
pientaate un po, o site macagnone o alora site a CFR... un tutti casu avete fattu a parla di voi ^^

47.mandatu da vechjone u 16/10/2011 23:53

O Paoletti, vai à fighjulà un episode di DERRICK è à fatti una crise cardiaque davanti à DES CHIFFRES ET DES LETTRES

48.mandatu da Faustin Moreschi-Defonds u 17/10/2011 07:12

O Claude E, sicura ch'o sò nant'à FB, tù nò ? Move ti chì, à ghjù mai, ùn ci hè più piazza...

PS : in corsu dopu à 21, 31,....91, 101, etc si sciacca u singulare. Dunque 91 annu per piacè.

49.mandatu da Tancrède Paoletti u 17/10/2011 12:32

Seti una mansa di sgaiuffi ! Basta à visità u me blog par sapè chì Faustin è eiu ùn semu micca "macagnoni" : semu dui omi di valori, pronti à difenda i so cridenzi di pettu à tutti i bolcheviko-naziunalisti di a criazioni ! A verità hè ch'ùn suppurteti micca a contradizioni, subra tuttu quandu edda hè argumentata - iè, Antone, parlu di vo' ch'ùn seti capaci chè d'abbaghjà com'è un yorkshire - parchì vi mancani u curaghju è a intelligenza ! Dui anni di serviziu militaru v'avariani fatuu prò : avariati pussutu duvintà omini veri.

http://tancredepaoletti.blogspot.com

50.mandatu da Faustin Moreschi-Defonds u 17/10/2011 12:40

Ìè, è una pochi di calci in quellu locu dinù ! Bella sterpa, 'ssi giovani "corsi" chì si permettanu di pisà a voce cù l'anziani. Vargogna !