Accueil
Envoyer à un ami
Version imprimable
Partager

Visitate u museu Fesch !

Quale hà dettu chì a cultura è i musei ùn interessavanu à nimu in Corsica ? Visitate i nostri musei nanzu ch'ellu ùn ci fermi più nunda...



Visitate u museu Fesch !
Infine appena d'originalità ind'è i trafficoni nustrali. Dopu à i tràffichi di droga, d'arme è i braccasgi , eccu u tràfficu d'opere d'arte. Ci scambia.

A storia di l'arrubecciu calamitosu di u museu Fesch è di u ladru chì si face arrubà, ci vulia à inventalla. È quale simu ?

Sta storia vene dopu à quella di l'omu chì s'hè messu una fucilata... è chì hè statu cundannatu à un annu di prigiò. L'Aiaccini sò in forma, aspettemu u svegliu di i Bastiacci per fà peghju.

U mèritu di st'affare serà quellu di fà appena di pubba per u museu Fesch. Tutti i media parigini anu ripigliatu sta frasa : Riche de 400 toiles exposées sur quatre niveaux, le musée d'Ajaccio abrite la plus importante collection de peinture italienne en France après celle du Louvre.

Avà, tuttu u mondu a sà ! Prufittemune dunque per fà appena di pubba à i musei corsi :

- In Merusaglia pudete arrubà una calzetta di u Babbu di a Patria à u museu Pasquale Paoli.
- À u museu d'Aleria pudete sempre circà di parte cù un pezzu di ceràmica rumana.
- In Corti pudete sempre pruvà d'arrubà una fattoghja niulinca à u museu di a Corsica.
- In Bastia nisuna inchietutine, e vitrine di u museu sò sempre viote.
- In Livia pudete parte cù u cubitus di a Donna di Bunifaziu, a nostra vechjetta a più antica.

Dunque, prufittate di visità i nostri musei nanzu ch'ellu ùn ci sia più nunda da vede.

Per finisce, sàppiate chì l'arrubbecciu di u museu Fesch ùn hà nunda à chì vede cun l'affare Bastelica-Fesch.

u 21 di Farraghju 2011
U Sgaiuffu



1.mandatu da adonnadibunifaziu u 21/02/2011 11:24
ah non, un mi tucchetti micca !

2.mandatu da ANTO u 21/02/2011 15:03
U soldu si face di piu in piu scarsu ,allora tuttu hè bonu pè fassi appèna di munétà !

3.mandatu da Gjunvan'Marcu u 22/02/2011 19:03
Un è più u musée Fesch ghjè u musée Fosch

4.mandatu da Cath u 24/02/2011 12:27
" In Bastia nisuna inchietutine, e vitrine di u museu sò sempre viote" mi piace, ma guarda che ci hè ancu u focu in Bastia http://www.corsematin.com/article/faits-divers/le-musee-de-bastia-est-ferme-en-raison-dun-incendie-au-premier-etage
"Tout est récupérable" tutti! ouf, semu salvi!

5.mandatu da campile u 24/02/2011 14:03
kadafi corsu ? allora ancu Benali ? . . . . e Sarcosi ? chi si assumiglia a Figatellix ? o menu di cepu ( di nasu) , a sapete chi a Castafiore (di sarcosi) venaria a canta au teatru di Bastia a l'invitu di madamicella Sufiani ! ghjè un "scoop" ...a prestu

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta