Accueil
Envoyer à un ami
Version imprimable
Partager

Visitate un stadiu di l'anni 80

Custruisce un stadiu novu chì hà digià 20 anni di ritardu, hè pussibule.



Visitate un stadiu di l'anni 80
Furiani, Timizzolu, Mezavia. Pè a prima volta di a so storia, a Corsica averà trè clubs prufessiunali, è trè stadii di u Tiers-Monde.

Didier Rey a dice à Corse Net Infos : On est en train de s’émerveiller de constructions qui sont tout à fait normales ailleurs, et qui se réalisent en quelques années, voire quelques mois ! On s’émerveille devant la tribune Sud de Furiani, mais on a à peine, aujourd’hui, un stade du vingt-et-unième siècle ! On a tellement pris de retard qu’on arrive à s’extasier devant des choses normales. C’est ça qui est grave.

20 anni dopu à a catastrofa di u 5 di maghju 1992, a Corsica ùn hà sempre micca un stadiu degnu di stu nome. A ricustruzzione di Furiani hè una vergogna senza nome. Manghjerie, incumpetenza, lascia corre... Eccu a storia d'un scumpientu, sìmbulu di tutti i difetti di a Corsica.

1993 : un prugettu mal pensatu

Quandu Jean Zuccarelli (u babbu d'Emile), tandu presidente di u District dice in u 1993 "On ne construira jamais à Bastia un stade de 18.000 places, c'est de la folie ! On aura un stade de 6000-8000 places, on n'ira jamais au delà" si capisce megliu perchè avemu messu tantu tempu per avè qualcosa chì s'assumiglia à un stadiu.

Ch'ellu sia per u finanzamentu è a custruzzione, s'avanzerà à pezzi è à buccò... "par tranches" dunque. Nisuna visione d'inseme, sempre in l'urgenza.

Dopu à a catastrofa, u prugettu ritenutu pè a ricustruzzione d'Armand Cesari hè u quellu di l'architettu Navari, chì copia u Stadio delle Alpi in Turinu.

À l'epica, u prugettu pare interessante. Ma cù u tempu u mudellu di i stadii taliani di u principiu di l'anni 90, luntani da u terrenu, parenu mal fatti per u futbol. Oghje, ancu u Stadio delle Alpi hè statu distruttu. Troppu luntanu, troppu grande, troppu viotu è impersunale...

Cusì hè stata pensata a nostra tribuna Est di Furiani, a prima à esse stata rifatta in u 1995. Oghje, tutti i stadii sò custruiti nant'à u mudellu inglese, più vicini da u terrenu è più caldi. Peccatu pè l'ambianza in Tribuna Petrignani.
Visitate un stadiu di l'anni 80

1996 : Appena di manghjeria pè a tribuna Nord

Cù a ricustruzzione di a tribuna Nord (sempre micca finita 20 anni dopu à a catastrofa), a storia si cumplicheghja.

U cantieru di Furiani hè statu criticatu da a Cour Régionale des Comptes chì trova parechje irregularità. Scrive u giurnale Libération in u u 1996 :

La chambre estime en effet que l'attribution du marché s'est faite sans véritable appel à la concurrence. Elle dénonce également la désignation de l'entreprise SNC Vendasi pour la réalisation des travaux, estimant que la proposition de Vendasi «était irrégulière juridiquement et inacceptable économiquement».

Ci hè dinù a quistione di l'acquistu di i terreni in giru à u stadiu per fà un parking : Des terrains évalués à 480.000 francs (73.175 €) ont été payés quatre fois plus cher pour créer un parking en bordure du stade si pò leghje in Le Parisien.

A ghjustizia hà ricunnisciutu una "entente illicite" di trè intraprese (Trojani, Vendasi, Piacentini) chì seranu cundannate.
Visitate un stadiu di l'anni 80

2005, un prugettu novu... chì metterà u tempu à fassi

In u 2005, si riparte cù un prugettu novu (di l'architettu Pierre Ferret) pè a tribuna Sud è u tettu di a Nord.

Ma i finanzamenti metteranu u tempu à ghjunghje. E manghjerie di a tribuna Nord anu calmatu quelli chì danu e suvvenzioni è u Sporting piglia a falata à u livellu spurtivu. In u 2008, sempre nunda. Hè tandu ch'Emile Zuccarelli cappia a so famosa frasa : "vous devriez me remercier"... Semu 16 anni dopu à a catastrofa.

Finalmente, i travaglii cumminceranu in u 2009. A nova tribuna Sud aprerà in u 2011.

Fà u listinu di e malfatture di u stadiu Armand Cesari piglieria troppu tempu, tantu ch'elle sò numerose. Eccu e più grosse.

E tribune cù... i "pylones" à mezu

Visitate un stadiu di l'anni 80
E tribune Est è Ouest anu a particularità d'avè "pylones" pè schjarisce u terrenu... à mezu à e tribune. Di siguru, quand'è vo site in daretu à sti piloni, si vede assai menu bè u terrenu.

Sti piloni duvianu esse pruvisori, u tempu di mette un altru sistema di lumi. 20 anni dopu, u pruvisoriu cuntinuveghja d'esiste.

Ma ralegratevi, Armand Cesari hè u solu stadiu d'Occidente induve si pò vede quessa !

Una tribuna di stampa... d'induve ùn si vede micca u terrenu

A dicenu i giurnalisti : da a so tribuna, ùn ci hè micca una visibilità nant'à l'inseme di u terrenu.

Jean-Marie Lanoë scrive in France Football ch'ella hè "parfaitement ratéeée" (sic).

Un giurnalistu chì vole firmà anònimu hà dettu chì "même la tribune de presse du stade du Tonnerre de Yaoundé est mieux faite".
Visitate un stadiu di l'anni 80

Senza tettu, piove l'acqua... sin'à i spugliatoghji

Era prevista di mette un tettu nant'à a tribuna Nord. Prublema : hè stata 15 anni senza tettu. Tandu, l'acqua hà infiltratu a tribuna, piena di fissure, di malfatture, d'infiltrazioni, di rùghjina.

A videò si passa di cummentu.

Visitate un stadiu di l'anni 80
Eccu cum'è a tribuna chì duvia esse a più nova, a più muderna, hè digià arruvinata, vechja è da rinnuvà.

Allora femu un tettu... ma luntanu

Oghje, a Nord hà dunque un tettu... ma chì ùn ricopre micca tuttu.

In fatti, ci sò unepochi di piloni in Nord chì duvianu purtà u tettu. Ma anu più di dece anni è ùn ponu più suppurtà u pesu d'un tettu novu.

Cunclusione : ci hè vulsutu à custruisce una nova seria di piloni, assai più luntani chè previstu è chì ùn coprenu micca l'inseme di a tribuna Nord. Micca male, nò ?
Visitate un stadiu di l'anni 80

Un parking chì ùn ghjova à nunda

U grande prublema di Furiani quist'annu chì vene serà u so accessu. Cumu fà quandu ci seranu più di 15.000 persone ?

Ci hè un grande parking di 2.500 piazze, ma hè sempre viotu. Normale, si mette 1 ore pè sorte di stu parking. Senza leia cù a RN 193 pè sorte più in furia versu u Meziornu, stu parking ùn ghjova à nunda.

Allora a ghjente s'ingara sempre cum'ellu pò, ciò chì pone un veru prublemu di securità.
Visitate un stadiu di l'anni 80

Visitate un stadiu di l'anni 80

Un'ultima cacciata...

U tettu di a Nord (in tela) duvia falà più in bassu di a struttura di i piloni, cum'è in Sud.

Ma nò... Ci hè statu "un'errore in a scrittura", ci dice Corse-Matin :

Renseignement pris, c'est« une erreur rédactionnelle » dans le marché final passé avec la communauté d'agglomération de Bastia, qui est à l'origine de cet oubli. Et cette anomalie serait imputable à l'architecte des lieux : le texte n'était pas conforme au dessin. Donc pas de bâche de ce côté-là.

« C'est une erreur matérielle en effet, elle sera corrigée »confirme Emile Zuccarelli, le président de la Cab, selon lequel « reproche en sera fait à l'architecte ».


Da ride ? O da pienghje ?
Visitate un stadiu di l'anni 80

Costu finale di sta maraviglia : più di 32 milioni d'euros

Eccu u prezzu à pagà per avè un stadiu di l'anni 80, in u 2012.

Manghjerie, incumpentenza, lascia corre, eccu a storia di a ricustruzzione di u stadiu di Furiani.

20 anni dopu à a catastrofa, ci ritruvemu cù un stadiu digià vechju, mal fattu, rughjinosu, micca finitu. U sìmbulu di i tutti i difetti di a nostra sucetà.
Visitate un stadiu di l'anni 80

Chì ne pensanu l'altri ?

Allora và bè, dicerete chì à A Piazzetta semu sempre azezi, è à a CAB diceranu ancu chè no semu "manipulati". Pudete pensalla. Ma lascemu a cunclusione à Jean-Marie Lanoë, giurnalistu spurtivu cascatu u 5 di maghju :

"Furiani ressemble à un stade d'il y a vingt ans, on dirait que ce stade a vingt ans de retard".

U stadiu di l'anni 80 in l'anni 2010... Marty McFly ne sunniava, Bastia l'hà fatta.

Da vede :
L'emissione Inchiesta di Via Stella, nant'à u stadiu di Furiani
U ducumentariu di Vincent Alix Sempre Vivu, nant'à Canal +

u 27 di Maghju 2012
U Sgaiuffu



1.mandatu da aceistu u 27/05/2012 20:39
bravi, ancassà che vo site qui pe dinuncia ssi manghjerie

2.mandatu da u miumese u 27/05/2012 21:00
"Pè a prima volta di a so storia, a Corsica averà trè clubs prufessiunali"

Scusate mà ùn hè micca a prima volta : in u 1968, France Football scrivia "Boom sur la Corse : l'ACA et le SCB en Division 1, le GFCOA en Division 2"

Dà vede in u Corse-Matin di Ghjovi mi pare, in a rubrica "24 heures en Corse"

3.mandatu da Tomislav u 27/05/2012 21:11 (da un teleffuninu)
Nò u miumese, u GFCA era in D2 ma avia u statutu amatore, micca prufessiunale dunque...


4.mandatu da tinelu u 27/05/2012 22:23
Moi ce qui me gonfle , dans tout ça , continuons à passer la pommade à nos chers élus de merde, à leurs lécher leurs cul , à les voter , la raison pour laquelle on a toujours nos stades de merde , tout le monde la sait , mais personne ne dis quoique se soit , on pense tous la même chose , mais on ne dit rien nous le peuple on subit , eux les gros plein aux as qui se remplissent , qui. Nous prennent pour des vaches à lait , mà sapemu chi e nostre vacce so scalancate.....
Alora ava basta !!!!!!
Induve so tutti sti soldi plus de 30 millions d'euros pour faire un semblant de tribunes, des parking bidon , la tribune nord uni part en pezzi , l'est et l'ouest facenu paura , s'il pleut nous sommes pas couvert , une boutique de folie , etc etc etc
Heureusement qu'il y'a des gens toujours féru de leur équipe et de leur club .............


5.mandatu da Casalta u 27/05/2012 23:10 (da un teleffuninu)
Hà ragiò Tinelu... Tuttu u mondu a sà e nimu un dice nunda. Surfacturations des travaux, élus qui ferment les yeux, patrons d'entreprises qui se gavent et... Racket ?

Non je déconne, tout ça n'existe pas.

6.mandatu da Casalta u 27/05/2012 23:10 (da un teleffuninu)
Hà ragiò Tinelu... Tuttu u mondu a sà e nimu un dice nunda. Surfacturations des travaux, élus qui ferment les yeux, patrons d''entreprises qui se gavent et... Racket ?

Non je déconne, tout ça n''existe pas.

7.mandatu da Derricku u 28/05/2012 01:53
Vergugnosu...

Eletti, capi d'intrapresa, manghjoni di a Cuncolta chi vi site empiuti e stacche nant'a una catastrofa site a VERGOGNA di stu paese


8.mandatu da Enid Blyton u 28/05/2012 09:30
Voi i Corsi, ùn seti mai cuntenti, accantu à u stadiu ci hè u più grande Quick di Francia. Mi vene i tre F di i u puvaru Salazar é di u sò régimu dimucraticu in Portugal: Fado, Fatima è football.
Traduzioni: Paghjella, Santa Maria è football.
Evviva à a famidda Zucarelli!!!

9.mandatu da henry smart u 28/05/2012 13:32
Ancu s'o capiscu quelli accaniti per u sporting, ci vole à sape quantunque chi u ballo prufessiunale he una caricatura strema di u sistema capitalistu !
E in issu sistema qui ci so i ricchi tratechji è i poveri sottu sviluppati ! E ingiru à i "poveri" ci so quelli chi volenu prufitta à u megliu di u sistema , perche soldi à piglia ci ne sempre per una minorita !
O allora c'he l'interessu elleturalistu.
E Po ci permette di scurda di u statu di u nostru paese , di l'assassini ecc... Si Po sente in certe reunione pulitiche chi st'annata he una Bella annata per a Corsica ! i club corsi è deputati naziunalisti chi anu una scenza d'esse eletti à l'assemblea naziunale.
Va be poca riflessione pulitica !!! Ma he vera mi ne scurdava ...a pulitica s'assumiglia di più à una partita in Furiani cu sustenidori accaniti chi dicenu di si ogni volta ch'ellu c'he un but...euh... una Bella frasa generale schisendu e pusizione chjare chi un mancherebbenu di divisa i" supporters".
E viva u populu corsu !!

10.mandatu da stumacatu u 28/05/2012 20:48
Per furtuna ci so certi naziunalisti, emanazione di u diavulu, culpevule e respunsevule di tuttu chi - incu e so piculi 10 per centu à l'elezione e senza mai autu u putere... - aiutanu a spiega e capi comu a Corsica po esse in sta situazione di sottu-sviluppu fendu parte di unu di e paese i piu svilupatti di u mondu !!

11.mandatu da Duttor' Caseddu💼 u 28/05/2012 21:00
Nosci eletti hani capitu tuttu dipo i tempi rumani...
Micca i Rom' d'oghj ma quiddi chi diciani: 'panem et circences'...
U pane e u ballo' eccu cio chi ci voli a u populu d'oghj!
E in piu di chjava ci si carcani di piu!
Forza u Squeubeu, Forza Popaul, Forza Jean-Jean, Forza Camilou, Forza Alain...
Forza Corsica? Si Diu voli ci ni surtaremi...

12.mandatu da Derricku u 29/05/2012 04:02
Qualessi naziunalisti o stumacatu ? Quellu chi eranu à u capu di u SCB qualchi anni fà e chi si so tichjati, viutatu e casce di u club , empietu e panze à u puntu d'arruvinà u Sporting ?

Ne parlemu di quessi ?

13.mandatu da Grossu panzutu u 29/05/2012 11:52
Un "dossier" degnu di i grandi giurnali d'invisticazione americani! Piu che interessante!

14.mandatu da Pumata u 29/05/2012 12:02
Un stadiu a l'imagina di a Corsica! Assai passione, drami, qualita, talentu putenziale tamantu! Tuttu que arruvinatu da puliticanti pinsa bè chi manghjanu a purcinu. Ch'un credenu ind'u putenziale lucale di paura d'ùn ave piu bisognu di a so cara francia "8000 places maxi"! Chi tenenu ragiunamenti di prifetti "on eloigne la tribune elle est pleine de fou"! Di stu schifeghju chi ne pudia nasce... Spergu che no ne simu surtiti di tuttu que ancu se...

15.mandatu da Claude E. u 29/05/2012 12:18
aghju pensatu a una cosa: e se no pientemu a pulitica sarebbe bè per a corsica nen... i corsi in pulitica a un mumentu o un altru si techjanu alora bon, kolkose per tutti, indipendenza e talibanismu eccu a suluzione a u "problème keurs"

16.mandatu da ANTO u 29/05/2012 16:13
In cu una somma simulè averebbemu avutu in Bastia un ospidale mudernu in cu tuttu cio chi ci vole ,tuttu questu hè frazzu in ssi tempi di crisa nèra !

17.mandatu da stumacatu u 29/05/2012 16:28
"Un stadiu a l'imagina di a Corsica !" Ghjustu, Pumata !!

"I corsi in pulitica a un mumentu o un altru si techjanu." Peccatu ma verità, Claude E...
Per a seguita, si deve riflette appena di piu...

Parlariu bè di ballo, ma leghjendu à cio ch'a scrittu Duttor' Caseddu, staraghju bassu...

Per u restu, pensu à quelli chi anu fattu perde, cun intenzione, à so animà à u nostru populu, per u soldu...

E quasi piu mancunu indè no un n'hè francatu...

18.mandatu da J G u 30/05/2012 08:45
I solli publichi ponu ghjovà a altre cose che a u ghjogu di u ballô e a ingrassa una banda di corbi prufitaori di un sistemu di piglia piglia vergugnosu !

19.mandatu da stumacatu u 30/05/2012 09:59
Derricku, un n'avetti micca tortu in certi punti ma a vostra cerca mi face appena pensa à quelle di u capitanu d'un batellu scemu, à a deriva nantu à un mare mossu, chi vestighja i topi in fondu di "cala" : esistanu, ma chi riprisentanu e so veramente u prublema fundamentale...?

20.mandatu da Buvone u 30/05/2012 21:45
I manghjoni ch'elli fussi corsi o d altro so i listessi.
Chi creite ?
"Tocca u soldu un c'he piu nimu "
diccia a mo Zia
So cumu i rè neri chi vendianu i schavi pe spechii o palline di culori!
Elli vendanu a keurse pe cumpra 4x4 e altru connerie !

21.mandatu da sempre vivu u 30/05/2012 22:12
Bravu !! Buvone ,tuttu e dettu

22.mandatu da stumacatu u 01/06/2012 10:36
"Elli vendanu a keurse pe cumpra 4x4 e altru connerie !"

Ghjustu !

23.mandatu da J G u 02/06/2012 11:46
Ma tutti quelli chi hanu abusatu di i solli publichi , quandu hanu da esse cundannati a a prigio ferma e po a rimbursa i solli , e a riffà a so contu ,tutte e ribarazioni di e so malfature ! ! ! sarebe ora di fà ghjustizia no !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta