Accueil
Envoyer à un ami
Version imprimable
Partager

Vogalène ? O Zuccarelli ?

Chì ne surterà di sta brutta campagna chì dà a voglia di rende à tutti ? Dumenica, u scrutinu diventa un referendum.



Vogalène ? O Zuccarelli ?
À sente i candidati in Bastia dumenica sera, tuttu u mondu avia vintu. Zuccarelli era cuntentu d'esse in testa. Simeoni era felice di pudè piglialli a merria è d'avè fattu un risultatu storicu. Tatti perchè hè diventatu "l'homme-clé" cun pochi mezi. Bon, Milani era appena menu felice ma cuntava pisà nant'à u segondu giru. Simoni perchè hè statu a revelazione di a campagna ricunnisciutu da tutti cum'è bunissimu candidatu. Fanti perchè ùn era micca l'ultimu è Baccarelli perchè hà fattu 2%.

Ma luni, e cose anu scambiatu in furia. Fendu i calculi, omu s'avvede chì Gilles Simeoni ùn pudia vince solu. O allora di troppu pocu. Troppu risicatu, ci vole à fà un'alleanza.

A seguita a cunniscite, pocu à pocu si custruisce un'unione Simeoni-Tatti-Milani, senza Eric Simoni.

Da a vittoria di dumenica sera, tuttu u mondu s'hè trovu in una disfatta : a diritta li dispiace d'andà cù a manca, a manca li dispiace d'andà cù a diritta, à i naziunalisti anu l'impressione d'esse i curnuti di a storia, à Corsica Libera u stumacheghju d'esse scantati. Certi cantanu "mi ne vocu à cantà, cun Tatti è cun Milani..."

Ancu Milou perde... u so sonotone (a dice Corse-Matin).

L'alleanza ùn piace à nimu, ma ci vulia à fanne una per caccià quelli chi sò à u pudere dapoi 50 anni.

Nant'à u web tuttu u mondu hè in deprima è hà l'impressione di perde qualcosa. Insulte, parapiglia è teni. Tuttu u mondu hè traditore di l'altru.

À tal puntu chì certi dillusi di diritta, di manca è naziunalisti dicenu vutà à... Jean-Jean à u segondu giru. È i partigiani di Zuccarelli di ripiglià l'argumenti di... Corsica Libera.

Cumprumissione ? O sola manera pragmatica di caccià à Zuccarelli è d'ottene una vittoria storica ?

A situazione ùn piace à nimu. In cità l'ambianza s'ingattivisce. Tuttu u mondu vole rende ? Ma ci hè peghju : da u cantu di Zuccarelli, omu torna à crede à a vittoria.

Torna più forte : Jean-Jean parla di "arrangements politiciens dictés par des intérêts personnels". Ellu, l'omu di u "conclave de Venacu", passatu da u fondu di a lista à l'esecutivu di a CTC, dà e lezzioni...

Allora eccu, dumenica chì vene serà sia una "vittoria à a Pyrrhus", sia nova disfatta di Ponte Novu, sia una vittoria storica. Và bè avemu capitu, nimu serà d'accunsentu è sta campagna lascerà e tracce.

U scrutinu hè diventatu un referendum. Per o contru à Zuccarelli ? Stop o torna vinti anni di zuccarellisimu ? Hè a sola dumanda chì vale.

Vogalène ? O Zuccarelli ?

u 26 di Marzu 2014


Da u più recente à u più anzianu | Da u più anzianu à u più recente

88.mandatu da U turcu u 14/04/2014 14:49 (da un teleffuninu)
Stasera ci campemu c e maffiosa

87.mandatu da Pititu u 14/04/2014 08:30
Duie settimane senza publicà, un s'hè mai vista , o allora e malatu u sgaiuffu....E si u scopu di a piazzetta era ( dipoi i principii ..) di batte fà batte zucarelli in bastia fendu nice di scherzà e di scrive in corsu......Era un blog Puliticu ?

86.mandatu da ginalolo... u 10/04/2014 15:36
iè o henry, parlemu à pena di culu!!!

85.mandatu da henry smart u 10/04/2014 10:54
piglieranu anch'elli appena di riposu !!! a si meritanu quantunque. averanu anch'elli un travagliu, una famiglia...
E po e macagne nant'à l'elezzione, a sciarpa ecc so ingnilocu ! forse tucchera à a piazzetta di lascia un pocu a pulitica da cantu.

84.mandatu da circinelludiguagnenativupeliguagnesusosanguaversatu u 10/04/2014 10:20
Mmmh... o bastiacciu stortu, mi pare bella finita ! Avà ch'anu vintu in Bastia...

83.mandatu da bastiacciu stortu u 09/04/2014 17:46
Ho , a Piazzetta ... sitè infangati ???... mettitè è cadènè....!!

82.mandatu da Tritore u 09/04/2014 14:01
IE PASSEMU À E NUVITÀ !

Par undettu a fotò di Gilles simeoni cù a sciarpa francese appicicata à u pettu .

Ma "ùn ci vole micca à oppone i simbuli" ... Ci hè da dumandassi à chì servenu i simbuli s'elli ùn s'opponenu micca.

81.mandatu da simu freschi u 07/04/2014 15:35
Vogalène o micca, avà cambiate un pocu di sugettu. Cacciate stu disgraziatu è passemu à altre cose. A vita ùn s'hè micca arrestata u 30 marzu per tutti ?

80.mandatu da Indria u 07/04/2014 12:33
A prupositu, l'associu France-Corse, a vistiga "muderna" di a CFR hà avà un contu Twitter.
Pudete andacci pè rispondeli !

79.mandatu da pittagoru u 01/04/2014 12:00
gilles=17; fransoua=12; loulou=5; jean jean=9; o Fransoua ùn fà micca u colpu ch'è t'ai fattu ùn hè tantu....

78.mandatu da Methodique u 31/03/2014 22:01
So militante dapoi zitellu ,e ind'é u muvimente aghju vistu tuttu , nimu u po da lezzio a nimu.
A sapemu tutti !!! ,allora circa u so ché per un' ellezione municipale c'iole a pianta.
In 2004 si so spiccati ,e arrangiava a tutti ,(les modérés et les durs) anu giratu unu e l'atru appressa a Giaccobi , e tant'altri ,un colpu quessu po dopu un'altru é gira e volta , a fa ingolle a i militanti tuttu. ,allora parla di tradimentu??? Si facenu a cuncurenzza secondu l'epica circendu a vince é a ghunghje in testa per fa l'unione chi li cunvene .I corsi u so micca pronti a franca u passu ,anu messu piu di quarant'anni per fa u merre naziunalistu é caccia "un dinausore" ,tantu tempu persu ,allora ch'ellu bastava a vuta in omu liberu senza a avé paura di u so ché.Discutate cù un corsu ,cosa vole un corsu a piazza ,allora andate contra a qué ,ié si po di chi Siméoni ci hé ghjuntu ,é u so micca Simeonistu....

77.mandatu da Ahmed Zavia u 30/03/2014 22:06 (da un teleffuninu)
G.Simeoni face parte di quelli chi difendenu l'idea d'una cumpagnia marittima regiunale...

76.mandatu da sardu u 30/03/2014 17:04
acquaviva...in italia a situazione hé peghju di a francia.....

75.mandatu da sardu u 30/03/2014 17:04
acquaviva...in italia a situazione hé peghju di a francia.....

74.mandatu da canard u 30/03/2014 15:50
e a donna d yvan vota sempre in bastia?

73.mandatu da acquaviva u 30/03/2014 15:45
TE MI PONGU A QUESTIONE:CHI DICERA SIMEONI DI I SVILUPPI DI A STORIA DI A SNCM ?HA DA DI QUALCOSA DI NOVU O HA DA DIFENDE UNA COMPANIA BRACCIU ARMATU DI U CULUNIALISMU FRANCESE DIFESA OGHJE ANCU DA CERTI NAZIUNALISTI( U STC DIVENTATU A CGT CORSA).AVERA PAURA DI PERDE QUALCHI VOTI O NO?STI FAMOSI AUTUNUMISTI HANNU DA PIGLIA UNA STRADA DIVERSA FENDULA FINITA CU UNA CUNTINUITA TERRITORIALE CULUNIALISTA O HANNU DA CUNTINUA:UN SAREBBE ORA DI GIRA U CAPU VERSU L'ITALIA O A SARDEGNA O AVEMU DA FIRMA PER SEMPRE A L'ANTICOGNA CULUNIALE?HE NANTA I FATTI CHI SI PONU GHJUDICA L'OMI PULITICHI MICA NANTA A E PAROLLE: ECCU PERCHE UN SO TROPPU OTTIMISTU.

72.mandatu da Finu u 30/03/2014 12:50 (da un teleffuninu)
E a legge di gandolfi pe i prighjpneri pulitichi ci vole a raminta tuttu

71.mandatu da Ahmed Zavia u 30/03/2014 07:45
Eppo...ci vuleria à riflette un pocu...
U scopu ghjè di caccià i Zuccarelli fora di merria...
Quale po pensà chi, da Pariggi, un' unione trà l'UMP e i "clandestini" seria passata cume lettera à a posta ???
Tutt'ognunu sà chi l'unione ùn seria mai stata pussibule trà i partiti "tradiziunali" e i naziunalisti "duri"...
Per G. Simeoni, a scelta era presta fatta : o accuncciàssi 'cù Simoni e lascià da cantu più di 20% di voti (quelli di Tatti e Milani), 'cù u risicu forte di lascià Zuccarelli ripigliàssi a merria per torna 6 anni (à u minimu...), o fà un' unione 'cù Tatti e Milani ma essendu obligatu di lascià da cantu i (guasgi) 5% di Simoni...

70.mandatu da Ahmed Zavia u 30/03/2014 07:33
I naziunalisti di Corsica Libera facenu i stumagati e tènenu G. Simeoni da tradittore...
Parlenu di vergogna, di tradimentu, di sete di pudere, d'unione contr'a natura, .... e si scordènu chi st'elezzione ghjè sopr'à tuttu un'elezzione lucale...
Ma qual'hè chi si ramenta chi, qualch'anni fà, i stessi hanu chjamatu à sustene l'UMP (e tandu èramu sottu à u guvernu Sarkozy...) per caccià Zuccarelli (u babbu) da a so piazza di deputatu ???
Qual'hè chi si ne ramenta oghje ?
Eiu pensu chi tandu era più vergugnosu di fà ste manopere, sopr'à tuttu per un' elezzione "naziunale" cum'e i legislativi...
Allora...altri tempi, altr'usi ???

69.mandatu da Lonzu Ribellu u 29/03/2014 21:22
O BASTIA , vutate ... ma pietà... micca pè Zuccarelli .... o feraghju una crisa di nerbu Zuccarelli BASTA !!!! Zuccarelli FORA, FORA, FORA !!!!

68.mandatu da Zeruffu u 29/03/2014 14:28
GHJUSTIZIA ! GHJUSTIZIA !

FEMU PAGÀ i ZUCCARELLI PÈ TUTTU U MALE CHI ANU FATTU À A CORSICA

AVÀ, ZUCCARELLI, PAGA A FATTURA !

67.mandatu da babbò u 29/03/2014 14:05
o ghjente, apprite l'occhji,so elezione francese,e dumane ancu zuccarelli o Simeoni, Bastia sara sempre una cita francese,si liticanu per appicicassi nant'u pettu u stracciu francese !
In francia avemu vutatu Hollande per caccia Sarko,in Bastia vulemu caccia zucca per mette gilles ma un cambiera nulla,firmeremu sempre sott'a legge francese.

66.mandatu da sinaamortecamperemuancunoi u 29/03/2014 08:48
chì dibattitu???!!

65.mandatu da henry smart u 28/03/2014 23:01
allora quale ha vintu stu dibbattitu ?

64.mandatu da canard u 28/03/2014 16:20
u guvernu francese si campa .se zucarelli vince sara cuntentu,se simeoni vince sara cuntentu vistu che simeoni un face peura a nimu

63.mandatu da tont''''e finu u 28/03/2014 10:31
E mentre chi vo' parlate, altieri e puri... papadà, un bottu pè l'Uffiziu Hlm.
Sò cusì impurtanti li vostri bisbigli ?
Guardate à ciò chi ci vene à contru.

62.mandatu da caccaru u 28/03/2014 09:07
"Simu cusì noi, cù u novu femu l'anticu è cù l'anticu ùn femu nunda"......Riflettu o Corsu à sta cacciata di G.Thiers

61.mandatu da henry smart u 27/03/2014 23:57
ie di u restu ci n'infuttimu ! Dumane senza zuccarelli ci sera da manghja per tuttu ognunu nant'à sta terra ! a guerra sera un suniacciu di u seculu passatu ! E u populu corsu turnera à parla u corsu !

60.mandatu da Zeruffu u 27/03/2014 22:28
ZUCCARELLI FORA PE U SEMPRE

U RESTU MI NE FUTTU !

59.mandatu da stumacatu u 27/03/2014 19:00
Basta !

Un n'hè mancu "auto-destruzzione", hè solu che certi hanu capitu ch'un si ghjunghjerà mai à nulla per a Corsica sana e si volenu fà à so piazza "à u sole"...

I nostri puliticanti d'oghje so cume "I Muvrini" di nanza : a Corsica li serve per alzassi e basta !

58.mandatu da stumacatu u 27/03/2014 18:50
"Digià un aghju mai dettu chi corsica libera era u diavule."

Hè vera, ô Proffu, un l'avette micca detta mà l'avemu capita...

A diavulisà certi, hè cusi che J.C. Angelini hè vicinu à perde in Portivechju, che G. Simeoni un n'ha ancu vintu in Bastia e chi S. Renucci risica di perde in Aiacciu...

Spiegatecci, quelli di Corsica Libera, so corsi e cristiani, o no ?

Cunoscu digià a vostra rispota ma eiu che sogu ne di l'uni ne di l'altri vedu bè che cio che vi sparte hè piu forte che cio chi vi duveria adunisce : a Corsica !

Cume l'hà dettu Un ci hè male : "solu un calculu lucale par parmette à "parsunalità" di ghjungne à "e rispunsabilità" "...

D'altri nomi, un altru clanismu, e basta !

57.mandatu da tremendu u 27/03/2014 18:17
piu va e piu so fieru di purta a mo fede indipendentista , e di marchja a capu arritu .

56.mandatu da un idea u 27/03/2014 17:07
Hè vera.

55.mandatu da circinelludiguagnenativupeliguagnesusosanguaversatu u 27/03/2014 16:33
O "un'idea", si face sopratuttu u to cordon contr'à CL incù certi anziani di a CFR...
:)

54.mandatu da un idea... u 27/03/2014 15:30
i naziunalisti anu sempre avuti contra elli "un cordon sanitaire"

sta volta, u "cordon sanitaire" si gira e si face contru a CFR. ghjustu ritornu di e cose.

53.mandatu da un idea... u 27/03/2014 15:28
infine simu d'acunsentu.
iè, ci vole a avanzà nant'a cio che no avemu in cumunu piutostu che nant'a cio chi ci divide

pè dumenica : i zuccarelli basta !

u restu, mnf.

52.mandatu da Vomitu u 27/03/2014 14:14
Sò d'accusentu incù un idea. Ghjè interessante di pruvà d'avanzà tutti inseme annant'u à u statutu di residente. Ma un sò micca siguru chì per FAC è eletti di prugressu sia a so preocupazione principale. Pensu piuttostu u cuntrariu.
Tuttu u prublema puliticu hè quì. Ùn hè micca un prublema "d'etichetta".

51.mandatu da Zeruffu u 27/03/2014 14:04
ZUCCARELLI FORA

U RESTU, MNF !

50.mandatu da un idea... u 27/03/2014 12:02
Piutostu chi di parlà d'autonomia o d'indipendenza, perche micca travaglià nant´a u piu urgente : u statutu di residente

5000 francesi in per annu, eccu cio chi ci tomba

Mettemu ci d'accordu, CL, FAC e eletti "di prugressu" per ghjunghje à què, in furia

Ci hè urgenza

49.mandatu da O CORSU RIFLETTI u 27/03/2014 11:52
A tattica di Simeoni fendu l’unione cù sucialisti è cù a diritta seria un bè o un’alba nova sì a Corsica andessi versu l’Autunumia scartendu l’Indipendenza impussibule. Ùn si puderebbe capisce chè cusì u ricusu d’alleanza cù Corsica Libera. S’ell’hè a megliu suluzione per una Corsica appaciata perchè micca ? Avà ci vole à sapè si veradimente si cerca l’Autunumia o s’ell’ùn hè chè un cambiamentu d’omi per a sacchetta.

48.mandatu da proffu u 27/03/2014 07:45
digià un aghju mai dettu chi corsica libera era u diavule : ci so i militanti sinceri ma difendenu una ligna ch'hà fiascatu tuttu u longu ch'hè un pezzu e i so capizzoni un hanu mai sappiutu tiràne e cunsequenze (ti feraghju rimarcà chi guasi tutti i militanti di FAC venenu da l'anziana Cuncolta ..) . In aiacciu e in corti era piu faciule di fà l'unione postu ch'un c'era nunda à vince (ne à perde) ,per cio chi tocca à bastia e purtivechju hè vera chi hè disgrazievule chi à u statu attuale corsicza libera ca un sia micca in capacità d'offre un alternativa credibile o d'integrassi à st'alternativa (aghju digià dettu perchè)

47.mandatu da Vomitu u 27/03/2014 07:06
O Sgiu Proffu, voi chì sapete tuttu, spiecatemi un pocu : in Aiacciu, in Corti o altrò via site adduniti à Diabule ?
È in Portuvechju hè colpa di Corsica Libera si i Simeonisti facenu perde à Angelini ?

46.mandatu da carlu u 27/03/2014 01:48
Zuccarelli FORA PER SEMPRE !

u restu Mnf !

45.mandatu da ohimè u 27/03/2014 01:01
si capisce a desillusione di corsica libera....
si capisce a voglia di rende davant'à st'unione....
si capisce quelli chi volenu caccià i Zuccarelli....

i campi anu datu i so punti di vista.. un si puderanu sente

un vale piu a pena di cummintà, forse si po chjode u dibatitu. videremu dumenica avà. e aspettemu a seguita

44.mandatu da basta ! u 27/03/2014 00:45
Per piacè, n'avemu intesu abbastanza !

Avemu capitu chi CL/Inseme un so d'accordu

Un' vale a pena d'aghjustane, basta l'auto-destruzione !

43.mandatu da henry smart u 27/03/2014 00:36
Ie o proffu. abbastanza d'accunsentu cun tè !
possu critica femu/inseme ma da capu à e lezzio di Corsica libera !!!! que po allora lasciemu corre !
per piace, un ci fate u colpu di u tradimentu !!
voi chi v'accunciate cun certi maffiuselli/maffiusone è l'ump ...in parechji lochi.
ie per a camera d'agricultura...e per tuttu u restu !!
u prublema di Corsica libera un he micca una lotta armata sincera ! so tutte e cumbriccule mancu appena revoluziunarie ! so dure di che ??
ava l'altri ? ghje vera chi diventa una mossa à pezzi è à bucco .

42.mandatu da hantzu u 26/03/2014 23:26
Eccu Zeruffu. Fora e basta. I conti si feranu dopu.

41.mandatu da Zeruffu u 26/03/2014 22:52
Zuccarelli hè l'omu chi ha tumbatu a Corsica.
L'omu di u riferendu mancatu di 2003. L'omu di u INNÒ à tuttu. L'omu chi chjamava i Francesi à mette i Naziunalisti in prigiò. L'omu chi insultava a ghjuventù. L'omu chi hà distruttu tuttu è chi ci hà fattu perde 10 anni, purtenducci a betunizzazione è u banditismu.

FUTTEMU FORA I ZUCCARELLI PER SEMPRE !

40.mandatu da simu freschi u 26/03/2014 21:06
Blaise Pascal hà scrittu "Vérité en deça des Pyrénées, erreur au delà", cusì accade in Corsica : Verità di quà di Vizzavona, sbagliu al di là. Pè u Jean Zuccarelli di Bastia, ci vole à calcicà u naziunalisimu funestu, pè u Jean Zuccarelli d'Ajacciu, u so cuginu carnale, si pò esse candidati nantu a lista di Renucci à fiancu à i naziunalisti è ancu appena si truvava cun José Filippi. L'avia detta Biasgiu, quellu sì chì ci capia

39.mandatu da proffu u 26/03/2014 21:00
quelli di corsica libera un ne devenu vulè che à elli stessi , a so incapacità e u so mancu totale di credibilità .. ch'elli tirinu e cunsequenze di i so sbaglii e u di u perchè di i so scori di miseria .. s'arripiccanu à a solidarità cu una lotta armata ch'un esiste più nu i fatti e chi l'impedisce di fà alleanze ..in piu ci vole à parlà da quale elli so riprisentati e dumandàssi cumu omu po avè a voglia di vutà per certi capilista senza carisimu e incapaci di sorte di discorsu stereottipati .. un li ferma dunque che u pudere di nuce : un l'hanu micca inventatu elli , anni fà i cummunisti fecianu vutà in sottu per a diritta contr'à i sucialisti , chjamavanu que u "votu rivoluzionariu " curiosu quantunque di vede riclamà di fà lista communa da quelli chi sei anni stracciavanu a sera tutti l'affissi di gilles o ancu chi impiastravanu i muri di "pnc kollabo" .. curiosu dino quandu so quelli chi nu u listessu tempu s'acconcianu cun giacobbi à l'assemblea fendu passà i buggetti o ancu chi si piglianu a camera d'agricultura di u cismonte inseme cu i giacubbisti , chi caccianu un prisende di a camera di u pumonte femu a corsica per mettene unu di l'ump .. ma elli so puri e duri (lolu) e danu e lezzio !!

1 2
Novu cumentu :