Accueil
Envoyer à un ami
Version imprimable
Partager

Vulete esse à a moda? Mettite e tonghe 'IFF' !

Mentre simu in u mezu di l'estate, avemu decisu di dà a parolla à un giovanu capu d'impresa. Soca, n'avete digià intesu parlà? Hà creatu l'impresa "Ribellu design" chì vende e tonghe "IFF".



ump, iff, flnc, macagna, plage, touriste, corsica, corse, mer, mare
ump, iff, flnc, macagna, plage, touriste, corsica, corse, mer, mare
Sbanditu Cumu vi serà venuta l'idea di creà e tonghe "IFF"?
Ribellu design L'idea, l'aghju pigliata à l'UMP, u partitu di Sarkozy. Sò stati elli i primi à imbruttà i nostri renaghji di segni UMP. Quandu aghju vistu chì un gruppu "Basta les français sur les plages" era statu creatu nant'à Facebook, aghju avutu l'idea di cummercializà e tonghe "IFF". Sò sculpite ste trè lettere nant'à a sola. Quandu marchjate in a rena, à ogni passu, scrivite "IFF"!

Sbanditu Hè vera ch'elli sò un casticu i pinzuti quandu elli venenu à u mare, ind'è noi!
Ribellu design S'appiccicanu à 2 cm da e nostre moglie, posanu crosci è carchi di rena nant'à e carreghe di e paillotes. Mughjanu i so figlioli! Dopu dui minuti, sò rossi imbacati! Ci n'hè una techja! A m'aghju pruvata, ghjuchendu à u volley, appicichendu li un ballò in piena faccia. Indarnu. Nunda a ci la face à intimurì li. Ùn ci hè manera di fà li scappà! "Nous adeurons la Keurse..." Ma a vi la dicu eiu, cù ste tonghe, anu da capì !

Sbanditu Al di là di ste tonghe indiate, avete ancu creatu tonghe macagna?
Ribellu design A Corsica hà bisognu di capi d'impresa cum'è mè. E tonghe sò à a moda ma sopratuttu, aghju pensatu à a persunalisazione. Oghje, per esse fashion, ci vole à avè listessi scarpi chè l'altri ma esse sè stessu dinù.

Sbanditu Aiò! Chì cuntate di fà?
Ribellu design Nant'à l'inseme di a clientela, ùn aghju micca solu corsi azezi chì ùn ponu pate i pinzuti è di modu generale, i turisti. Allora, per fà di e tonghe un cummerciu sicuru, aghju pensatu à creà una cullezzione incù parechji mudelli. Ci serà per esempiu un paghju di tonghe per l'amichi di i taliani. Hè a tonga "ILF", I Lucchisacci Fora" ma aghju pensatu ancu à l'amichi di a Corsica incù a tonga "I♥C", I Love Corsica! Tutti i pumataghji a mi l'anu da cumprà! Infine, per tutti l'altri, più lascia corre è tranquilli, ci hè a tonga "MNF" : Mi Ne Futtu !

Sbanditu Benissimu! Vi pregu curagiu è forza per a vostra impresa!
Ribellu design À ringrazià vi! Ùn vi ne fate, u cummerciu macagna, hè u cummerciu di l'avvene!

u 3 d'Aostu 2008
Sbanditu



1.mandatu da Stavroguine u 03/08/2008 10:50
I "tonghi indiati" faci rida.

2.mandatu da pazzurgu u 03/08/2008 12:05
puderemu ancu fà e tonghe pè l'elezzioni : UMP, PS, PC, ZUCCA, CNI, PNC, RINNOVU etc... cusi cuntermu dopu e traccie annatu à rena. e quellu chi averàne u più serà capumachja di l'assemblea....

3.mandatu da Còsulu u 03/08/2008 15:01
!! E quandu c'hé una marighjàta, ùn c'hé più nimu !!

Sarià bè di fà un beddu cazzu, cusi calchi dunzelli immarzìti vi suvitani. è bò !!
O allora una bedda potta ! Ma hé più difficiuli tandu !!

4.mandatu da luna rossa u 05/08/2008 13:07

mdr o Sbanditu!

Si puderia pensà dinù à tonghe "GTS" (Go to Spain) o "PGH" (people go home)

5.mandatu da Gérard u 22/04/2009 18:33
Eccu i "Tonghi Corsi" : http://www.facebook.com/home.php#/group.php?gid=35059778795&ref=ts

6.mandatu da Gérard u 22/04/2009 18:33


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta