Accueil
Envoyer à un ami
Version imprimable
Partager

Vutate Culioli !

Ghjacumu Culioli deve cantà sta sera in Sueda per u Liet Lavlut, l'Eurovisione di e lingue minuritarie.



Vutate Culioli !
Ghjacumu Culioli

Ghjacumu Culioli hè u figliulinu di Ghjuvan'Andria Culioli, u famosu barbutu di Chera. Hà iniziatu per contu soiu a so carriera musicale incù I Surghjenti. Hà cuntinuatu dopu incù u Core d'omi di Sartè, incù Ghjuvan'Paulu Poletti. Infine, dipoi di più di menu dece anni, hà pruduttu trè dischi "solo" ma accumpagnatu sempre da i so amichi. Pudete ritruvà a so biugrafia è a so discugrafia nant'à u so situ Internet, quì.

Sta sera, canterà accumpagnatu da Bruno Susini, Jacques-Pierre Carli, Diana Saliceti, Pino Latuca, Jean-Michel Panunzio, Rosair Riccobono, Serge Haouzi è Alexia Glass.

Vutate !
Dui premii saranu dati.

Unu da noi. Per vutà, abbasta à andà quì[ trà 8 ore è mezu è 9 ore sta sera.
]b
È quill'altru da una ghjuria internaziunale. Da ripresentà a Corsica, serà Alanu di Meglio à andà ci.

Una Star'Ac regiunalista?

Allora sì, s'ella hè una bona ch'ellu canti à stu scontru eurupeu, soca averete pensatu chì un Eurovisione, ancu puru di i cantadori in lingue minurate, puderebbe passà per una stonda appena anticogna, una robba di Star'Accia, cum'è più nimu ùn ne vole sente puzza.

Eppuru nò, ci hè ancu da dumandà si s'è st'accolta di più di menu cunfidenziale chì s'assumiglia à e merendelle passatiste di Baracci fatte à l'epica di u Muntese ùn serà micca à l'iniziu di mosse culturale più maiò. Megliu, sta cumpetizione trà i rughjoni, ùn serà micca l'annunziu d'una custruzzione pulitica à rughjoni di l'Europa?

u 18 d'Utrovi 2008
Sbanditu



1.mandatu da circinelludiguagn�nativup�liguagnesusosanguaversatu u 18/10/2008 09:23
Tuttu bè ! Ma a canzona scelta, ohimè !!! saremi po noi cundannati à a tristezza ?

2.mandatu da in cauda venenum u 18/10/2008 09:26
OHHHHHH MIMIMIMIMI CULIOLI UN'ANDAVA MICCA INDE A RUBRICA DI SOTTU
VUTATE CULIOLI U SBARBUTU DI CHERA
RIDU MA SPERGU CH'ELLU VINCERA

3.mandatu da l'impiccatu u 18/10/2008 18:35
a cultura s'invita infine à a cunneria : evviva l'EUROVISION IN CORSU

ùn manca più ch'è Dave

4.mandatu da Elvira u 18/10/2008 18:50
pà fà li piacè,à iddu u pusfiddolu di u Barbutu, ghjeu stasera faraghju u me duveru di (vasgi) paisana! VOTU À GHJACUMU CULIOLI!
..........TOMBULA!!!!

5.mandatu da Elvira u 19/10/2008 08:00
è cussì fù fattu! ci voli à parta "à caternu" pà avè a ricunniscenza di i soia? EVVIVA CULIOLI!!!

6.mandatu da Sbanditu u 19/10/2008 09:31
TOMBULA PER GHJACUMU CULIOLI

Hà vintu i dui premi ! Quellu di i spettatori è quellu di a ghjuria!

Da leghje quì]url:http://www.letelegramme.com/gratuit/generales/regions/bretagne/chant-des-langues-minoritaires-la-corse-vainqueur-en-suede-20081019-4010497_1501884.php

7.mandatu da in cauda venenum u 19/10/2008 11:45
OGHJE SOCU VERAMENTE FELICE HE A PRIMA VOLTA CHI QUALCHI SIA CHI
VOTU VINCE

8.mandatu da piratella u 20/10/2008 00:44

Culioli Presidente! Ci cambieria ...Chì voce! chì omu!

9.mandatu da GWM u 20/10/2008 11:23
qual'hè chi s'arricorda una canzona (m'hè scappatu u titulu) incù ste parolle, à pocu pressu in u ripigliu: "la la la pè strappàssi u collu s'era compru a GTI....GTIIIIIIIIIIIIIIIIIII"....

10.mandatu da SPERENZA u 14/11/2008 19:00
u gruppu SPERENZA tuttu unitu e felici di a vittoria di GHJACUMU CULIOLI ......per a nostra terra , a nostra lingua materna , u nostru populu .... ......BASGI FRATERNI O GHJA

Novu cumentu :