Accueil
Envoyer à un ami
Version imprimable
Partager

Vutate per a vostra donna corsa preferita

L'ottu di marzu hè a ghjurnata di e donne. Allora per una volta semu bravi cun elle è femu un omagiu à e donne corse. E corce, sò elle chì ci supportanu...



Vutate per a vostra donna corsa preferita
A Donna di Bunifaziu : Hè a nostra antenata à tutti. Hà campatu versu -6000 è avà si riposa à u museu di Livia. D'ella si sà ch'ella era malata è ferita, è ch'ella hà campatu grazia à a sulidarità di i soi chì l'aiutavanu. Eranu bravi i Corsi, tandu.

Faustina Gaffori : Ùn si sà chì hè a parte di legenda è di verità, ma a storia dice chì a moglia di Ghjuvanpetru Gaffori era una chjocca. Quandu i Genuvesi avianu accintu a so casa, i so amichi sò stati demuralizati è pronti à rendesi. Allora per incuragisceli, l'hà minacciati di mette u focu à un barile di polvera per fà saltà tuttu. L'omi ùn si sò micca resi. Un'altra volta, mentre chì i Genuvesi avianu chjappu u so figliolu, hà dettu à i so partigiani : "ch'elli u tombinu puru, ma voi ùn vi rendite micca !". Cun 50 donne cusì, ùn averiamu micca persu in Ponte Novu.

Rusanna Franceschetti Serpentini : Vestuta è armata cum'è un omu, era a moglia di Ghjuliu Francescu Serpentini. Paulista, hà cumbattutu à a battaglia di U Borgu, hà cumbattutu in Ponte Novu.

Culomba Carabelli : Nanzu d'esse un nome di biera, Culomba era a capimachja di a vindetta. A vera Culomba, quella chì hà ispiratu à Mérimée, era di Fuzzà è ùn ci vulia micca à stuzzicalla troppu.

Santa Divota : Corsa di Lucciana, martirizata in 312.

Margherita Paccioni di Rennu : Margherita avia trè figlioli. Dui sò stati tombi. U terzu, Margherita hà tenutu à presentallu à Pasquale Paoli : "Generale, a guerra ch'è vo fate hè ghjusta. Dui di i mo figlioli sò digià morti à fiancu à i vostri patriotti. Sò ghjunta oghje per presentavvi quellu chì mi ferma".

Danielle Casanova : Nanzu d'esse un battellu, Danielle Casanova era una resistente aiaccina, arrestata in 1942 è morta in depurtazione in Auschwitz.

Vannina d'Ornanu : Moglia di Sampieru Corsu. Strangulata da Sampieru Corsu.

Maria Ghjentile : Ferraghju 1769, a ripressione francese face corre u sangue in u Nebbiu. À U Poghju d'Oletta, i patriotti corsi sò torturati è impiccati. A moglia d'unu di i st'omi, Maria Ghjentile, và una notte à spiccà u so maritu per dalli una sepultura degna d'un cristianu.

A mamma di Tumasgiu Cervoni, di Suveria : Tumasgiu Cervoni hè quellu chì hà salvatu à Pasquale Paoli, prigiuneru di Mariu Emanuele Matra à u cunventu d'Àlandu. Ma s'ellu l'hà salvatu a vita hè per via di a so mamma, chì l'hà furzatu à andà à u succorsu di Paoli allora ch'elli s'eranu intuppati. A prova ch'ellu ci vole sempre à stà à sente a so mamma...

Maria Dumenica Rivarola, detta "A Monaca" : Sta patriotta hè stata una grande accanita di Pasquale Paoli è fù l'agent secret di u Babbu di a Patria in Livornu. Per ringrazialla, Pasquale Paoli l'hà fattu piantà a bandera corsa in Capraia, quandu l'isula hè stata cunquistata da Achille Murati.

A Mora di A Vinzulasca : Hà campatu à u principiu di u XXesimu seculu, è ùn vulia sapè nunda. Si vestia cum'è un omu è purtava sempre u fucile. D'ella ci fermanu qualchì ritratti è carte pustale è a chjamanu "la bergère de Venzolasca". Ma u so veru cugnome era "A Mora".

Renée Falconetti : Era un'attrice cunniscitissima nanzu à a guerra. Hà ghjucatu in u famosu La Passion de Jeanne d'Arc di Carl Dreyer. Bon, avà ùn vi dice forse nunda ma hè appena cum'è sì oghje un'attrice corsa averia ghjucatu in Titanic o Star Wars. Impussibule, neh ?

Letizia Ramolino : Mamma d'imperatore. In crisa nera contr'à u so figliolu Napulione, ùn assisterà micca à u so sacru è fù aghjustata nant'à u guatru da u pittore David. Torna una mamma azeza...

Isabelle Casanova : Hè stata a prima à arregistrà una paghjella, in 1935. Pochi eranu à l'epica à s'interessassi à e pulifunie corse. Tandu i Corsi si vergugnavanu di a so cultura è quandu un gruppu cantò una paghjella nant'à una scena in Bastia, e riazzioni sò stati fischji è "iscia, cantanu cum'è l'arabi"... Iè, eccu pè induve semu passati.

Laetitia Casta : Bon d'accordu hà imprestatu a so faccia à Marianne. Ma quantunque.

Geneviève Moracchini-Mazel : Un munumentu di l'archeologia corsa. Hè stata una di i primi à interessassi è à prutege u patrimoniu storicu di a Corsica, à un'epica induve ùn interessava à nimu è induve si dicia à i Corsi ch'elli ùn avianu nè storia, nè munumenti.

Anna Rocchi : The voce. Nunda chè pè a so interpretazione di Principellu è Dio ti salvi Maria.

Dorothy Carrington : scrittrice, sturiana, giurnalista inglese, hà cunsacratu a so vita à a Corsica.

Ma di siguru, tutte e donne corse, moglie, mamme, mammone è surelle di croce di Corsi cum'è noi meritanu stu premiu !

Averianu pussutu entre in u sundagiu (ma ùn c'era più piazze...) : E Duie Patrizie, Marcelle Conrad (botanista), Maria Leandri (per l'inseme di a so opera è per e so chjame à Dite a Vostra), Angelina Risterucci, Noëlle Vincensini, Beatrice Casale (prima pueta di lingua corsa), Joséphine Poggi (creatrice di I Machjaghjoli), Benoite Danesi (bastiaccia chì s'occupa di i disgraziati), Michèle Salotti (militante eculogista), Regina (quella di Regina & Bruno)...

Ùn averianu micca pussutu entre in sta lista : Alizée, Jenifer, Francesca Antoniotti.

A Donna di Bunifaziu : a più vechja Corsa di u mondu

Vutate per a vostra donna corsa preferita

Faustina Gaffori

Vutate per a vostra donna corsa preferita

Rusanna Franceschetti Serpentini : hà cumbattutu à U Borgu è in Ponte Novu

Vutate per a vostra donna corsa preferita

O Culomba le to labre...

Vutate per a vostra donna corsa preferita

Margherita Paccioni presenta u so ultimu figliolu à Pasquale Paoli

Vutate per a vostra donna corsa preferita

Vanina è Sampieru : e storie d'amore finiscenu sempre male, in generale

Vutate per a vostra donna corsa preferita

A Mora di A Vinzulasca

Vutate per a vostra donna corsa preferita

Renée Falconetti : un'attrice corsa nanzu à a guerra. Hè cum'è si avà una Corsa ghjucava in Star Wars o Titanic...

Vutate per a vostra donna corsa preferita


l'8 di Marzu 2013
U Webmaestru


Da u più recente à u più anzianu | Da u più anzianu à u più recente

1.mandatu da u ghjudice u 08/03/2012 07:35
Eva di u Colombo

2.mandatu da Glutor u 08/03/2012 07:49
La femme de Georges Moustaki ?

3.mandatu da Michè u 08/03/2012 08:09
a FAMAS?

4.mandatu da u burghianiccu u 08/03/2012 09:15
Sarah Mc enzie

5.mandatu da Marcu u 08/03/2012 09:27
Ci vole donne cusi oghje....in i tempi à donna sabia pisca,caccia...cume l omu e ava un pensanu che a l estetique! Bella a donna chi Corre à pressu a u cignale no?!

6.mandatu da Balaninu u 08/03/2012 09:39
Pudemu aghjustà à Santa Ristiduta, martirizata in 303 in Calvi.

7.mandatu da Grossu panzutu u 08/03/2012 09:56
Vi guiti sempre Faustina la Corsa! Enfin sti pochi tempi ghje piuttostu Lady Caca a guida di e nostre surelle...

8.mandatu da Claude E. u 08/03/2012 10:18 (da un teleffuninu)
Eu vogliu vuta per anne marie natali

9.mandatu da Ulongu u 08/03/2012 10:26
Angèle Moziconacci. Cumu vi site pussuti scurdà di quessa ?!

10.mandatu da L'orsu di Corti u 08/03/2012 10:30
Xavière Tiberi.
S'ella ùn hè una santa cum'è Divota, Restituta o Ghjulia, hè quantunque secondu i so detti, a moglia di un santu.

11.mandatu da J G u 08/03/2012 11:04
Ava scambiu di casaca e giru u moi discorsu
Serede forse scuntente ch’io vi n’aghju dettu troppu
Ma side o care donne cume e lingue d’Esopu

Ma e nostre reunioni un serebenu perfette
S’ellu un ci fussi mezza a noi giovanotte e zitellette
Sò e mamme e le mammoni ch’un vulianu e feste

In fattu di litteradura un pò passà sottu a l’arcu
Un ha fattu l’Odissée nemenu a Telemacu
Ma ch’ha salvadu a francia fù purtantu Jeanne d’Arcu

Vulide piu bellu esempiu e piu bellu suvenire
Senza lacrime ne pienti senza gridi ne suspiri
Santa Blandina a suffertu i piu crudeli martiri

Sottu a un crudele dilemu Andromaca ci s’he trova
O perde u so figliolu o diventa sposa nova
Ma la veviva d’Hector n’ha supportadu a prova

Una chi l’ha viste grige da un sorteci in flachina
Lu so babu a vulia o per moglia o concubina
Ma si n’hè tirada a bè a virtuosa Cudina

Grandi donne un ne manca su mu rileghje a storia
L’Inguilterra hè bella fiera e a so piu grande gloria
Hè quandu ella ha parladu di a regina Vittoria

A nostra corsica amata di donne celebre n’hè piena
C’hè madama Scamaroni e po c’hè Campnchi Helena
E Daniella Casanova morta sottu a la catena

Per loda tutte e donne ci vole piu d’un volume
E po dinu un pueta chi che me aghji più lume
Per canta stu bellu fiore di grazia e di parfume





12.mandatu da J G u 08/03/2012 11:12
Una canzona anziana cantata da u mo ziu Vincente :
In a prima partita cita e donne periculose e in sta seconda parte co vi mandu si pente ramententuci e nostre donne celebre

13.mandatu da Muntese u 08/03/2012 12:18
E Marina Raibaldi !!!! A possu aghjustà?

14.mandatu da Castagniccia u 08/03/2012 12:47
Colomba

15.mandatu da Marazzu u 08/03/2012 13:04
Vi site scurdati di a più bella; Francine Massiani ...

16.mandatu da Isulana u 08/03/2012 13:07
Francine Massiani!!!!!

17.mandatu da Ali Berta u 08/03/2012 13:09
Mma Natali !

18.mandatu da Mare nostrum u 08/03/2012 13:12
È viva à donna !! Vi supurtemu ogni ghjornu !!! 😝

19.mandatu da Vinzaresu u 08/03/2012 13:16
A bella è corsofona Francine Massiani di sicuru!!!

20.mandatu da mijagavignanica u 08/03/2012 13:18
Faustina di siguru !!!!

21.mandatu da Massimu u 08/03/2012 14:24
Anne Marie Natali per mè

22.mandatu da KÜG u 08/03/2012 14:27
Hélène Fillières

23.mandatu da tomino u 08/03/2012 16:08
a piu bella e Diana Salicetti

24.mandatu da donne di l'anne 80 u 08/03/2012 16:32
Genevière Moindrot



(-> sortu)

25.mandatu da Mikanome u 08/03/2012 16:54
Anne-Marie Natali

26.mandatu da tinelu u 08/03/2012 18:57
Isabelle don ignazi !!!!!
Bellâtre sicuru

27.mandatu da U Mercatu... u 08/03/2012 21:42
Fiora Oliva, chjamata " A Culunella" unu di i carrughju di u quartieru di San ghjisè in Bastia porta u so nome....entro in citadella pè cuntrà u Vescu vussutu pè a ghjesa di a francese..andò indé a "loge" stabilita dà l'ufficiali francesi è brugiò (incu e so cumpagne : donne di u mercà) l'attrazzi di i "fratelli"... ..

28.mandatu da Claude E. u 08/03/2012 23:07
Margherita Paccioni di Rennu oghje un prisenta micca u so ultimu figliolu a Paoli (ghje un has been), ma a jean jean di papa per ave a so piazza, e tuttu mondu la sa...

vogliu vuta torna per madama Natali

29.mandatu da perchè micca u 09/03/2012 11:54
O U Mercatu, dui punti:
1) A Culunnella è i so partigiani eranu reazziunarii fedeli à u rè di Francia
2) U locu dettu Culunella esistia bellu prima à Fiora Oliva (vede u "plan terrier" di u1770), dunque a "rue Colonella" ùn hè micca stata chjamata per ella. Nisunu sà per avà ciò ch'ellu vole dì stu nome

30.mandatu da MARCUCCIU u 09/03/2012 12:10
ci volé a guardà é donné di a CTC marie antoinette brunelli,maria guidicelli,stephanie grimaldi ;josepha giacometti,hé tutté l'altrè bèddè donnè chi ripresentanu a Cosica,,,,,,un' ci hé bisognu di circà in' altro cusi béddi ritratti.......

31.mandatu da Mafiusellu u 09/03/2012 14:19
Sandra Paoli !!!

32.mandatu da Gamba storta u 10/03/2012 11:31
Anch'eu votu pè Mma Natali, a nostra G. De Fontenay !!!

33.mandatu da Sandamianu u 10/03/2012 11:40
Trois hésitations...Difficile de choisir.
Notre Antigone?
Rosanna Serpentini?
Et a Monaca...Personnage tout à fait extraordinaire. Trois destins de femmes.
Finalement la Sepentini me plait assez...

34.mandatu da Calina u 11/03/2012 23:32
Marthe Franceschini alias DAVIA a prima corsa chi a cimitu un sultanu marucanu !

35.mandatu da Calina u 11/03/2012 23:33
Scusate m'hè scappattu u s di scimitu

36.mandatu da Antonia u 15/03/2012 20:46
Hannu dimenticatu a filetta ! !

37.mandatu da Antonia u 15/03/2012 20:51
Era per ' vergogna a te chi Da nomi a to terra' ! Mi so sbagliata !

38.mandatu da Ghjuvan'Petru d'Altiani u 17/03/2012 09:36
Pensu, éiu, à Marie-Claude Petragalla.

39.mandatu da Cazzu Marinu u 08/03/2013 12:30

40.mandatu da giranduloni u 08/03/2013 12:35 (da un teleffuninu)
Moi.

41.mandatu da Estengaj u 08/03/2013 12:49 (da un teleffuninu)
Faustina

42.mandatu da Mighé u 08/03/2013 13:02
Angèlina Risterucci simu di listessu paese,ma ancu faustina a cunnoscia mica!

43.mandatu da Lolisam u 08/03/2013 13:27
Micca Noëlle Vincensini. Ah No p'allora!

44.mandatu da claude e. u 08/03/2013 14:36
dominique per i 15 ani di glaude

45.mandatu da Ghj u 08/03/2013 14:57 (da un teleffuninu)
Danielle Casanova

46.mandatu da Lisandru u 08/03/2013 19:47
Oh putana A Piazzetta hè u meliu "site internettu" di u "webu"

47.mandatu da u nostru campa u 08/03/2013 21:51
Delphine Leoni ,un sgardu........................................................

48.mandatu da Piùcorsuchèmèùnsìpò u 08/03/2013 22:06
A mo moglia ch´ hà fattu eri per a seconda volta e frappe. Un deliziu ! O cara ti kiffu gravu è ti kissu à l'usu mè.

49.mandatu da MARCUCCIU u 08/03/2013 22:43
NOELLE VINCENSINI

50.mandatu da J.R de Dallas u 09/03/2013 11:52
Santa ghjulia locu di difesa di à natura. !!!

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta