Accueil
Envoyer à un ami
Version imprimable
Partager

Vutate per u peghju festivale di l'estate

Chì saria a Corsica l'estate senza i so festivali ! Tutti parenu ralegrassi... ma ci hè veramente di chè ?



Vutate per u peghju festivale di l'estate
Ah i festivali corsi di l'estate... i so artisti has been, e so suvvenzioni lampate à buzeffu, u so pùblicu insuppurtèvule.

Nanzu di fà i criticoni, salutemu quantunque u curagiu è u travagliu di quelli chì si lancianu in l'organizazione d'un festivale. Hè vera, tuttu quessa per finisce in flacchine nant'à A Piazzetta.

Felicitazioni dunque à quelli chì si sò dati di rimenu per facci sente è vede artisti mìtichi cum'è Deep Purple, Joe Cocker, Toto, Daniel Guichard, Mireille Mathieu.

L'avantagiu di i festivali hè ch'ellu ci permette di vede gruppi è cantarini chì sò has been dapoi 20 anni. Pigliate l'esempiu di Kassav chì passa quist'annu à Porto Latino. Più nimu ne vulia ! Ma hè bè di dalli appena di travaliu à sti giuvanotti. Per infurmazione ùn si sò più prudutti nant'à una scena dapoi 1994 è un cuncertu à a MJC di Charleville-Mézières.

Listessu cù i BB Brunes quist'annu in Patrimoniu. Avemu amparatu chì stu cosu hà un raportu cù a musica è u rock. Ah bon ? Quist'annu chì vene aspettemu dunque à Tokio Hotel.

Passemu nant'à i cow boys chì facenu l'ordine (o piuttostu mettenu u disordine) in e serate. Per esempiu cunsigliemu à l'organisatori di Porto Latino d'amparà à u so persunale d'esse sìmpaticu cun quelli chì venenu à spende i so soldi ind'è elli. Nò, ùn si dice micca « maintenant vous dégagez » à i so clienti. Risultatu : parechji sò quelli chì boycottanu... Ma forse hè u scopu d'attirà solu una clientela frestera à quale li si pò parlà male ? Trippa per noi...

Passemu dinù nant'à u peghju in un festivale : u pùblicu chì ùn capisce nunda. Preferisce i Simple Minds à Elvis Costello o à Marcus Miller, hè un veru peccatu. Ma hè megliu di cullà à mustrassi per un gruppu chì passava più spessu à a télé in l'anni 80. Face più maccu.

Hè quessu dinù un festivale in Corsica, un cosu induve ùn si sente nunda, ùn si vede nunda, ma ch'è vo puderete cuntà durante e longhe serata d'inguernu : « ouais j'y étais, comme c'était nul ! »

Chì ne dite voi ? Site piuttostu Cuntentone o Criticone ?

Màrcuri 21 Lugliu 2010
u webmaestru



1.mandatu da Omertà u 2010-07-21 20:37
Aghju fattu u boycott d'isse serate carche di drugati (micca sempre d'altrò), puzzanu u cane mortu è ascoltanu una musica di hippie di merda..

FORA !!

Una bona butiglia à l'acapulco chì face 200euro incù i fraté ascoltandu rihana QUÈ GHJE A CLASSA !!! (Ò micca) Povera corsica...

2.mandatu da corrado Summa u 2010-07-21 21:34
eeeeee è che ci puoi fà. hè la globalizzazione. Tuttu lu mondu hè cussi oramai..
puro si vai all'isula di Bali, truvi li drugati è l'imbriachi...

3.mandatu da Enrico u 2010-07-21 22:36
Aghju vistu chì in li locandini citati vi sò puru "e ghjurnate internaziunale di Corti"... Ma facenu cusì schifu? Ci vulìa andà quist'annu chì veni...

4.mandatu da drobnjacku u 2010-07-22 01:05
in Patrimoniu ci hè quantunque sempre appena di qualità (fora i bb brunes di merda !)

porto latino hè un SCUMPIENTU senza nome, un festivale di merda pè i francesi

e ghjurnate so un festivale sempre uguale di poi 30 anni.ùn ci so che omi barbuti e azezi

5.mandatu da Piatamò u 2010-07-22 02:26
Mi paria comica a piazzetta? Cercu sempri a risa in iss articulu quì. Piccatu o sgaiuffè parchì di régula ti leghju vulinteri ma di volti po pari un baulonu razzistu priistoricu chì rendi u so azizumu senza arti. Ma forsa a faci apposta è un l aghju micca capita. I fistivali ùn sò parfetti è hè capita chì contani à nantu à l intaressu Di i turisti par avè successu ma eiu chì socu un pocu musicanti mi Dani l uccasioni Di Veda musicanti artisti di talentu chì da par Eddi ùn sariani ghjunti quì. ancu s eddi ùn ani più attualità pà certi trovu ch eddu hè bestiu Di ghjudicà par rapportu à què!

6.mandatu da imbecille u 2010-07-22 08:10
pensava, cume carlu pasqua , che a lutta armata avia prottetu e coste corsi di a speculazione.
simeoni ha dettu che a lutta armata era un fiascu.alora cuale chi a prottetu e coste corsi ? sara u pnc e l'ipc ? ghje una nova scrittura di a storia.?

un si capisce piu niente.
mi pare che pasqua he megliu piazzattu che simeoni a nantu su sughjetu.ma mi possu sbaglia.
mi ramentu chi.i capi moderati hannu principiatu in a clandestinita. cambiendu di campu, hannu cambiati idei.

ci vule a dumanda spiegazione a i capi di u pnc e di l'ipc. aghju mancatu un capitulu

7.mandatu da Bianca Neve u 2010-07-22 09:22
Un ghjornu Simeoni co dicerà chi unaziunalisimu corsu ùn hè fattu pè salvà i corsi...mà a pianetta sana..

36 % a l'elezzione è 4000 culoni scalati, sta lotta dinù hè un fiascu....!! Simeoni è cumpagnia ùn so micca o un so più naziunalisti e quessa mi dispiace...!!

8.mandatu da U Rossu... u 2010-07-22 10:00
Cavallu ghjè ORMAI pè i corsi un'isula persa....mà circhemu di TENE tuttu u restu di à nostra isula......è cundannà c erte frome di lotta ùn aiuta micca l'affare..!

9.mandatu da estrimei u 2010-07-22 10:39

"Chì ne dite voi ? Site piuttostu Cuntentone o Criticone ?"
basta ch'elli un scrocchinu solli publichi!

10.mandatu da marboeuf u 2010-07-22 11:00
Cosa venenu da fà simeoni, a lotta armata, u pnc, Cavallu, ind'un articulu anant'i festivalacci ?!

11.mandatu da ghjuvan michele aulas assinu u 2010-07-22 11:14
U mo cugnatu chì si techja di tizzoni hà dettu parlendu di calvi on the rocks " bouh c'était le top", donc ùn pò esse chè un festivale di merda

12.mandatu da Polo u 2010-07-22 13:41
Eu preferiscu di : aghju vistu st'artistu in Patrimoniu , ghjera un incantu . O puru, aghju vistu quessu in San fiurenze ghjera una merda .... Hé sempre megliu chè di pensà ch'in Corsica ùn si passa mai nunda ! Ancu puru sè tuttu ùn ci po piace ghjè bè d'apresi à tutti i generi di musica ! Hé megliu Elvis Costello in Patriminiu o i Pignotti à u shopping de nuit ?

13.mandatu da CAVALLO u 2010-07-22 14:15
o Marbeuf !! pone una quistione, mà ti do a risposta, so un festivalacciu o un flockoracciu naziunalisti, andà à mette une bandera corsa in "cavallo" face ride oghje à tuttu u mondu...simu à e rise..!

14.mandatu da anto u 2010-07-22 15:06
Eu chi un freguentu micca i festivali diceraghju cume Chirac: i festivali" mi ne toccanu una senza move l'altra !"S'elli un vi piacenu fate cume mè statevinè in casa.
http://www.blog-anto.be

15.mandatu da corsu u 2010-07-22 15:49
i ghjurnate di corti, qui si face a festa : parole parole ....azzione?

16.mandatu da Carghjisanu u 2010-07-22 16:12
Mi dumandu ciò ch'ellu vene a fà mezu, mà a lotta armata di i trè ultimi anni hé di più un fiascu Che altra affare, un pachettu di postu 4 zitelli chi partenu pè dece anni in pariggi, certe volte palisendusi tra di elli a u passaghju è un hè u fattu di lampà una trentina di residenze a l'anni ch'a da impedisce a ghjente di stallassi dighjà chi quand'ellu ci n'era 300 a l'annu ùn viaghjava... Infine ghje ciò che pensu

17.mandatu da estrimei u 2010-07-22 16:48
hé capita chi , si u Populu un pianta di bocchipensullà, simmu lecchi.
un basta a vutà , ci'ole dinnù a difendeci.
a mez'a tutte , una bella manera he quella di praticà a nostra lingua in cherughju , nant'a e piezze e 'nu i cummerci.
e s'ellu ci he una parente , o un 'amica , chi "ne comprend pas" : tantu peghju per ella !
sfrencisà quand'ell'un ci ne bisognu he un attu di suttumissione.
i nostri elletti ci duverianu riflette!

18.mandatu da machja u 2010-07-22 19:13
Mi dispiace a dila, ma di poi assai tempi, un si leghje piu che critici, nant'e piazzette di corsica,un criticu hè bonu s'ell'hè custruttivu, s'ellu serve a fa cambia e cose.
Face piu di trent'anni che no denunziemu cio chi si passa in de noi, avale a sapemu,saria ora di fa pruposte e di piantà i discorsi bavaciulosi.
Se n'avete una tecchia di e fiere,festivale,feste o altre manifestazione, chi piacenu quantunque a qualchi corsi e a certi turisti,tandu fatte salta i batteli e l'avio, chi ci portenu si frusteri.
Ma se vo lasciate vene ghjente in casa nostra ci si vole a accoglie cume a sapemu fà.
Pigliemu esempiu nantu l'altri paesi,cume u paese bascu,i britoni,catalani chi sanu fà ,tutte l'anni feste magnifiche, chi incantanu millai di turisti senza nuce a a so cultura, ne a so lingua.
Quelli chi rietanu tuttu cio chi vene d'altro (for di e subvenzione) volenu tene a corsica per elli solu,per campà tra di elli,e ghje cusi chi un populu sine more.
Alora femu feste, fiere, animazione, cume a sapemu fà , a l'usu corsu, per fà cunosce u veru visu di u nostru populu,e piantemu di d'esse negativi cume i dui vecchji di 'u Muppet show'

19.mandatu da acquadorezza u 2010-07-22 19:24
eo ne cunnoscu unu di festivale apertu solu à ghjente di ottima qualità: San Bartulu, ma attenti ùn dite nunda à nimu chi certi ci ghjunghjerianu pè intussichisce u locu è sta ghjente, à truvà ci quassù d"aostu, ci serà da beie è da manghjà senza scurdà si di a santa prucessio

20.mandatu da estrimei u 2010-07-22 19:51
aghju scrittu:"sfrencisà quand'ell'un ci ne bisognu he un attu di suttumissione. "
vulia scrie:sfrencisà quand'ell'un ci ne he bisognu he un attu di suttumissione.

21.mandatu da Cugnome u 2010-07-22 20:31
Marboeuf ha ragio, chi vene a fa a pulitica in un articulu nanta i festivalacci ?

Site faticati di vede naziunalisimu in ogni locu!

22.mandatu da per ride u 2010-07-22 22:31
Mi dispiace a dila, ma di poi assai tempi, un si leghje piu che critici, nant'e piazzette di corsica,un criticu hè bonu s'ell'hè custruttivu, s'ellu serve a fa cambia e cose. (MACHJA)

Iè ma tù criticheghji à quelli chì criticheghjanu...

Quì hè u locu di a critica, di a magagna, di e cacciate, di e flacchine, ùn hè un partitu puliticu o a CTC.

I Simeoni sò ....simeonisti (cum'è parechji d'altronde), ùn hè micca una critica ...Hè cusì.

23.mandatu da machja u 2010-07-23 08:42
Alora mi anderaghju in un altru locu e vi lasceraghju tra macagnosi,flacchinatore e cacciatore......ma ancu e magagne so pulitici,un si po piglia tuttu a a rise.
Scialatevi

24.mandatu da stuzzicabugnu u 2010-07-23 09:17
A a piazzetta ùn seti mai cuntenti!
Hè una maravidda par a Corsica d'avè tutti sti festivali chi pamettani à uni pochi di digraziati di buscassi un pezzu di pani!
A piazzetta cunnosci i nomi di tutti sti ghjunghjiticci: par contu meu ùn aghju mai intesu mintuà unu solu; è u peghju hè chi ci so i Corsi chi si movani par andà à sentàli; in Patrimoniu,ùn ani mai invitatu à Natale Valli chi à à chitarra hè unu di i più forti; ci vularia forza ch'iddu si fessi chjamà Valescu?

25.mandatu da Asteriscu u 2010-07-23 09:27
@ machja, difendi a floclurizzazione di a sucieta, avemu dà fà spetaculi pè fà piacè a ghjente chi averanu cusi une "Caution" indentitaria...credemi puru chi avale ùn risichemu più (Noi altri corsi..) di firmà trà di noi...so elli chi fermararu trà di elli, è noi li faremu i balli cume l'africani facenu pè amusà i visitatori bianchi... puver'à noi, "Main basse sur un île" era un scritttu prufetticu.........e piglia u pudere à a CTC ùn ci cambierà nunda...........................Si deve avà d'accittà a nostra gattiva sorte è piantà di fà crede à i corsi chi l'avvene serà megliu incu CL o inseme pè a corsica...

26.mandatu da Zitellu u 2010-07-23 11:02
Per avè vistu tanti è tanti cuncerti ind'è u cuntinente è in Corsica nustrale, possu dì chì u festivale di Patrimoniu hè u più bellu, è chì hè sempre un mumente di vera musica... Quessu ùn cambia micca dapoi chì a cumenciatu perechje decenie và !

27.mandatu da machja u 2010-07-23 11:25
Ale ! i ghjaccaracci so capiati,hanu trovu un ossu a rusica.

Inno o Asteriscu ,un hè ne a folclurisazione di a sucieta,ne i naziunalisti,ne mancu u statu francese chi ci tombanu, ma "corsi" cume te, chi un si movenu mai e si lascenu pulsa cume cabretti.

Avale pianteraghju, che so tecchiu di si cuntrasti di merda.

28.mandatu da pichjettu u 2010-07-23 11:36
Calvi on the rock è a ghjuventù corsa cuntenta di fà cume i francesi in St trop' è di pagà 10 euri una biera calda à nantu à a rena, sirvuta dà una femina prestu sbarcata !
Cùn què simu sicuru chì u populu corsu ùn esiste più...
Ancu di grazia chì - per u mumentu - pudemu sempre fughje i città per raghjunghje i nostri paesi ghjuntu l'istatina.

29.mandatu da Asteriscu u 2010-07-23 12:53
@ machja i corsi cume mè so stanchi di vede certi corsi fà nice di esse naziunalisti, d'andà à chere voti "pè esse" mere o consigli regiunali.....ed acittà à filusufia di u culunialisimu

Eo mi so mossu abbastanza (cume d'altri...) purtantu ùn ci riesce à piantà nè à vince u culunialisimiu chi ghjè avà forte postu ch'ellu hè difesu pè certi naziunalisti...e cusi !!

Bon'istatina..!! e sorti appena di e to macchje o servaticò..!!

30.mandatu da per ride u 2010-07-23 13:45
O mà (pè Machja), ti possu dì chì ancu eiu mi sò fattu magagnà chivi, ùn vole dì.
Mi face piacè di magagnà, di vede magagnà ancu e cose ch`e tengu care è po quelle dinò ch'e ùn possu pate.

CI VENGU NANTU À A PIAZZETTA
CHÌ MI PIACE CUSÌ TANTU
A PALESU, CH'ELLA SIA DETTA
A SCRIVU È PO MI NE VANTU
QUÌ MI FACCIU UN'AFFACCATA
PÈ FAMMI UNA RISATA




31.mandatu da estrimei u 2010-07-23 14:02
o Asteriscu ,
ti vogliu rimpruverà stu cugnumacciu , e... accunsente a so che tu hai scrittu

32.mandatu da Carghjisanu u 2010-07-23 15:34
Un hé micca un affare di stragneri chi sbarcanu tutti i ghjorni chi ci face smarisce, so i corsi chi riccusanu di parlalu, se i corsi piantanu di parlà un so micca a i stragneri di fa u sforzu. Avà se tutti queli chi u parlanu oghje u trasmettanu allora ci sera sempre ghjente pà parlalu

33.mandatu da corsu u 2010-07-23 15:52
a carghjisanu

scrivi in grecu o in genovese?

parchi sei abbastanza sottomessu; chi fa chi ci si po fa 1975 !!!!!!!anchassai chi certi hannu cercu di fa calcosa

senza elli oghje a piazzetta saria statu in francese e a corsica i baleari!!!!

34.mandatu da Asteriscu u 2010-07-23 18:18
un ti parlu solu ti Lingua o Carghjisanu....pensanu francese e votanu e piglianu decisione pè noi....iè ghjè un prublema i strangeri chi scalanu...e chi si stanu dipoi 50 anni,....

35.mandatu da Asteriscu u 2010-07-23 18:30
@ Estrimei . amicacciu stu cugnome hè "prvucazione" o scherzu....e volenu mustrà è palisà francisazzione di e mente i corsica postu chi i francese ghju,ghjenu ad esse corsi ghjè chi ùn simu più corsi....!!

36.mandatu da estrimei u 2010-07-23 20:43
l'avia capita ! ma so piu gherbatu per fà e critiche che i cumplimenti.-he per quessa ch'o mi chjammu estrimei-

37.mandatu da Casevechje u 2010-07-25 21:43
Unu di i più belli hé settembrinu in tavagna, no?

38.mandatu da Nebbiulincu u 2010-07-28 19:16
A ME MI PIACE PORTO LATINO è l'altri festivali

39.mandatu da Lione (di Furiani.).. u 2010-07-29 13:04
A Fiera di i "prighjuneri corsi" di qui e d'altro...ci saria mondu no ?!

40.mandatu da assurdu u 2010-08-03 15:00
Patrimoniu: alta qualità ma nisun cuntattu di l'artisti di u mondu cu l'artisti di Corsica. (cume'ellu si face in ogni locu inde u mondu). peccatu!

Porto latino: una merda senza nome (manu dibango, kassav; casimir..)

Jazz cervioni: micca male

41.mandatu da Ribella u 2010-11-01 00:38
Esse o un esse , hè a quistione!
I festivalacci,? diciarbellume...e "suvvenzioni."..i solli...à quale , induve vanu?perche?
u sinema dinu..ponu gira qui cu i solli di e so reghjioni...
quelli di a nostra devenu serve pe sviluppa u sinema corsu! ci capiscenu una nerpia, o troppu in e finanze publiche!
Listessu affare pè tutte e linee di u bilanciu finanziariu.
I solli servenu à diciarbella! sempre apena di piu!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter