Yes we stamp !

A dumanda hè bella sèmplice : in un paese chì i giòvani più và è menu sò, cumu serà chì a pupulazione sia crisciuta cusì tantu ?

U perchè
A risposta hè stata data in settembre 1998. Hè u risultatu di raportu Glavany, chì hè statu fattu ghjustu dopu à l’assassiniu di u prefettu Erignac. A cumissione parlementaria ch’ellu cunducia tandu u Diputatu sucialistu era ghjunta à a conclusione ch’ellu ci vulìa à incuragsice è favurizà l’arrivu massivu di funziunarii di u cuntinente da pudè rivigurà a pupulazione, l’attività è dunque l’ecunumìa Corsa. Hè scrittu ancu in stu raportu chì ci vulìa, à capacità equivalente, à ricrutà funziunarii cuntinentali piuttostu ch’è i funziunarii Corsi.

A traduzzione
Cacciatu a vasulina, vole dì chì u Pudere Pariginu, saziu di scumbatte incù sti Corsi chì li dàvanu a pena in capu è ancu in altrò, vulìa dipoi tandu annigà ste fere à mezu à una fiumara bella zeppa d’imigrati Francesi. Menu sò, è menu si senteranu chè ?

Allora ?
Allora iè, simu di più numerosi oghje. Trecentu mila dìcenu. Scalaticci è ghjunghjidicci freschi freschi per a maiò parte.
Da quì à vede nasce e famose Amicale di i Corsi ind’è e cità isulane ùn sterà tantu. È ùn steranu tantu dinù à sciaccà chjudende maiò in u parcu regiunale, induve noi altri, l’indiani di Còrsica, ci puderemu stà trà di noi, à manghjà e caccauette ch’elli ci lamperanu i turisti smeravigliati.

Chì fà ?
Basta a pienghjulera, passemu à l’atti. L’avemu noi a suluzione : chjavate, stampate, tribbiate, cuprite, futtite è mettite quant’è vo pudete, ma Corsu ! Invece di stà à pienghjulà nù u vostru cantu, surtite un pocu, biitevi un colpu è circate di dunnighjà è salvà u vostru pòpulu. L’arme l’avete (s’è tuttu và bè) è ùn risicate micca a prigiò per quessa (s’è tuttu và bè dinù). Iè, entrimu oghje in a lotta più piacente di a Storia Mundiale : i rivuluziunarii Corsi di dumane passeranu u so tempu à dunnighjà è fà figlioli Corsi à i quattru venti.

Guerra à u preservativu !

STAMP ! AND STAMP CORSICAN !