Accueil
Envoyer à un ami
Version imprimable
Partager

Canzone surelle

Cunniscite tutti "A Strada di l'omu", canzona di Canta u Populu Corsu. Ma sapete da induv'ella vene ?



In lu settanta, indiatura, country/folk music, versu nustrale è puesia campavanu in armunia. Canta u Populu Corsu cantava (è fischjava dinù) A strada di l'omu (in u discu "A Strada di l'avvene", scritta da GP Poletti) :

Canzone surelle

A cunniscite tutti :


Issa bellissima canzona chì ci pare un classicu corsu, era un'adattazione è un accunciamentu di « Dark as a dungeon » una canzona americana scritta da Merle Travis, un grande musicante di bluegrass.

Eccu u filmettu di Mèrulu Travis, in custume di minadore da salutà i veri travagliadori, cantendu è sunendu di ghitara (è di zappone) in 1951 :


Eccu dinù à Johnny Cash chì dimostra ch'ellu si pò cantà i strazii di l'operai incù una banana in capu (l'avera ancu pruvata è riesciuta incù una patata calda in bocca).


A grandissima Joan Baez anch'ella hà fattu a so ripresa :


È per compie l'affare (ma pichjate puru nant'à internet chì ci sò tone di riprese), torna una interpretazione sòbria è distinta di Mèrulu Travis accumpagnatu incù mandulina è voci di u Nitty Gritty Dirt Band un impurtantissimu gruppu di country/folk chì si primurava anch'ellu, à a so manera, di u Riacquistu :


u 27 d'Aprile 2015
Zenbucucciu



1.mandatu da Franceschi Clemente-Ghjuseppu u 27/04/2015 20:08 (da un teleffuninu)
Ebbeh ! Eo aghju sempre cridutu chì a musica era ancu di Poletti

2.mandatu da Franceschi Clemente-Ghjiseppu u 27/04/2015 21:18
Ebbeh ! Eo aghju sempre cridutu chì a musica era ancu di Poletti

3.mandatu da Luca u 27/04/2015 21:45
Anch eiu ùn sappia micca chi ssa musica era americana almenu per u ritmu ma ùn è micca a sola ripigliata chi è stata fatta esiste dinù l aranciaghju chi è una ripresa di una canzona irlandese e dopu dicenu chi simu ripiegatu anant a noi stessi

4.mandatu da GFrancescu u 27/04/2015 23:44
hè a versione di Joan Baez chi hà ispiratu à Poletti

ma a versione a più bella hè a nostra mi pare

5.mandatu da Franceschi Clemente-Ghjiseppu u 28/04/2015 10:45
Ma di tutte e manere ancu se certi ùn volenu micca dilla, parechje canzone corse sò in fatti riprese !
Appuntu ci hè un sughjettu annant'à sunemu induve ci ne sò qualchi d'una ; eccu lu quì : http://www.sunemu.net/fr/articles/chansons_corses_et_versions_originales

6.mandatu da Luca u 28/04/2015 13:12
Per me l importante ùn É micca ch'elle sianu represe oppuru no l omu e fattu cusi l idee si scambianu e dinú l,opere a ghjente le face soie per me è un segnu di vitalità e d apertura

7.mandatu da guerrini u 28/04/2015 15:14
Magnifica dimustrazione pè fà capisce à a ghjente chì a cultura hè universale.

Bravi quelli di a Piazzetta!

8.mandatu da estrimei u 28/04/2015 17:42
Guerrini scrive : "Magnifica dimustrazione pè fà capisce à a ghjente chì a cultura hè universale."
basta a sapè ciò ch'omu intende pè "cultura" ...
s'omu cunsidereghja chi a cultura hè l'erte d'andà a cunosce , amparà , a circà tuttu ciò chi ci hè in astrò scurdendusi di ciò ch'omu hè, in suttumettendusi a a moda di u mumentu , chi impone una manera d'esse di cuncipisce e cose ; a cultura hè universale .
per quelli chi a cultura hè , nenzu a tuttu, ciò chi quelli chi sò in giru a noi ci anu amparatu, una manera d'esse , di campà 'ncù l'astru e di rispettallu , ancu per esse pronti a arricoglie ciò ch'omu scopre di bè in astrò s'ell'un guasta u nustrale, tandu a cultura aperta a l'universale hè nenzu a tuttu nustrale .
quandu adopru corsu , mi ricunoscu di una cultura chi 'ùn hè micca universale ; quandu adopru u frencese 'ncù u mio accentu specìficu , 'ncù a miò manera di raghjunà, portu una cultura chi 'ùn hè micca quella di l'universale .
pigliu un esempiu :- l'americani anu una cultura , hè a soia , 'ùn hè manc'appenna a meia .

9.mandatu da listincu u 28/04/2015 17:52
hà ragio guerrini
a musica he universale
quantu ci n'he chi credenu chi a canzona di Poletti hè corsa?
cusi bella... he purtantu, hè country.
Poletti he andatu a circalla, hà messu u so estru soiu, u so versu, u risultatu hè magnificu

bella lezziò!

10.mandatu da stumacatu u 30/04/2015 20:44
"« Dark as a dungeon », Amnesty International", era scrittu nantà u discu...

11.mandatu da stumacatu u 30/04/2015 20:48
E "Companeru" era inspirata d'una canzona sud-americana...

12.mandatu da MC SCEMU O CHI u 01/05/2015 12:38
Ié ò Stumacatu. I musicanti erani Los Incas [https://www.youtube.com/watch?v=JZETZGT-eTc

A 1:29 l'accordi s'assumigliani ancu à u principiu di Populu Vivu (dischettu Populu Vivu di I Chjami).

Novu cumentu :