Accueil
Envoyer à un ami
Version imprimable
Partager

...è in Aiti, ùn si passa nunda

Disinfurmazione ? I media parlanu di catastrofa, di millaie di morti, di scumpientu maiò. Un terramotu averia distruttu à Aiti. A squadra di A Piazzetta hà fattu a so inchiesta.



...è in Aiti, ùn si passa nunda
Ci vole sempre à malfidassi di i media è di a disinfurmazione ch'elli facenu.

Dapoi eri, ùn ci n'hè più ch'è per Aiti è e so millaie di morti per via d'un terramotu tremendu.

Sapete, Aiti ?

Paisolu di a pieve di Vallerustie, à cantu à Erone è Lanu

In faccia, u San Petrone è à i so pedi, u fiume di a Casaluna.

Cummossi da a nutiziaccia, semu cullati in l'antica pieve pè fà a nostra inchiesta.

È custì, surpresa !

For'di a vittura di u pane è u camiò chì porta e rumènzule, nisun rimusciu. Nè pumpieri, nè imbulenze, nè mancu Croce Rossa o Bernard Kouchner à u succorsu, NUNDA !

...è in Aiti, ùn si passa nunda

Sola animazione : un impiegatu municipale chì scambiava l'ampolle è chì cacciava ghirlande, decurazioni di Natale è Pappà Noël in plasticu.
...è in Aiti, ùn si passa nunda

...è in Aiti, ùn si passa nunda

E case elle, sò sempre arritte...
...è in Aiti, ùn si passa nunda

Per sapenne di più, andate nant'à u blog d'Aiti

È sopr'à tuttu, ùn vale a pena di mandà i vostri soldi, ùn ci hè più nimu quassù.

Ghjovi 14 Ghjenaghju 2010
U sgaiuffu



1.mandatu da Fiumorbu u 2010-01-14 16:46
Quessa,ci vulia a falla!

2.mandatu da Bébé Doc u 2010-01-14 18:04
Quì u tarremotu hè duratu parechje decine d'anni .... E' s'ellu volta oghje, ùn tomba più à nimu, disgraziosamente ...

3.mandatu da estrimei u 2010-01-14 18:36
a dillà franca , Aiti , he in mane sicure - l'aghju sottu a l'ochji , di notte cume di ghjornu - e ancu si un terramodu ha sprufundatu a so strada , nepochi d'anni fà , a l'ora ch'o scrivu , i lumi publichi so accesi e u campanile si s'he fieru .

4.mandatu da Fiumorbu u 2010-01-15 07:41
Ma mi pare quantunque che certi ritrati so stati presi quand' ellu c'era u terramotu no?sopratuttu quellu di lomu chi accuncia u lume.......????

5.mandatu da UBoziu u 2010-01-15 11:09
Un informazione esemplare, chi vi face onore, cunduta à l'inffuria cu una prufessiunalità chi mi maraviglia è chi ristabilisce à verità. Altru che FR3 Corsica ! Pare che i so' giurnalisti si so' straviati pè stu rughjone spapersu : a quest'ora giranu sempre in tondu tra Erone è Lanu !

6.mandatu da Fan u 2010-01-15 11:17
Haha bella macagna :)

7.mandatu da miccaèbastiacciuinnizza u 2010-01-15 14:11
a ringriazziabi, m'avete toltu un penseru !!! chi a mo mamma sta vicinu a u'san pedrone!

8.mandatu da Bragaghju u 2010-01-15 14:17
Vi ringraziu ! Site un veru contraputere faccia à i media internaziunali ! Cù "A Piazzetta" surghje a verità !...

9.mandatu da Stancumortu u 2010-01-17 14:41
Aiutu per Aiti, forze chi ci n'he piu Che bisognu ma stu tarramottu ferma una disgrazia maio chi face risente chi a risa hé in bocca a i scemi, allora salute per elli.

10.mandatu da Marboeuf u 2010-01-17 21:09
Vargogna a voi ! Ci sò lìmite ind'a macagna...
Avete pinsatu à a realità di stu drama ? Avete pinsatu à ciò chi pò esse di campà una tamanta discrazia ? :
Campà ind'a pieve di Vallerustie !

11.mandatu da anto u 2010-01-18 07:53
In cu certe disgrazie un si po sta che zitti !
http://anto.over-blog.org

12.mandatu da DUME di BASTIA u 2010-01-18 11:25
In AITI un c'hè né terramoto né terra morta, tuttu vive in pettu a l'omu. Solu Cristu in ghjesa s'addispera, un si trova più un cristianu pè di una messa per l'altra Haiti chi tantu soffre e si ne more.!!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter