A Piazzetta, blog in lingua corsa - blog en langue corse | apiazzetta.com informations, actualités Corse http://www.apiazzetta.com/ 2012-05-18T18:15:12+02:00 Webzine Maker 42.7027779 9.4499998 http://www.apiazzetta.com/favicon.ico Truvate a bona ragione d'arrestà A Piazzetta 2012-05-18T14:57:00+02:00 http://www.apiazzetta.com/Truvate-a-bona-ragione-d-arresta-A-Piazzetta_a1343.html http://www.apiazzetta.com/photo/art/imagette/4222463-6398226.jpg 2012-05-18T14:18:00+02:00 U Webmaestru Truvate a bona ragione d'arrestà A Piazzetta
Precizemu chì tutte ste rimarche ci sò state fatte da veru, ùn avemu inventatu nunda.


1. Quelli chì facenu A Piazzetta sò closce di manca :
sò una mansa di gauchos-bobos-socialo-communistes-écolos di manca chì ùn anu micca vutatu pè Marine Le Pen, chì vergogna.
U veru Corsu deve esse naziunalistu francese.


2. Quelli chì facenu A Piazzetta sò scrucconi di diritta :
Sò una mansa di latri chì difendu u gran'capitale è i patroni.
Sò capitalisti chì ùn piglianu mai a difesa di i poveri è di i picculi impiegati.

3. Quelli chì facenu A Piazzetta sò traditori anti-naziunalisti :
Sò una mansa di sgaiuffi anti-naziunalisti, nemichi di a Patria è traditori à a Nazione Corsa.
Si pò criticà à tutti, ma micca i patriotti.

4. Quelli chì facenu A Piazzetta sò scrianzati chì anu magagnatu un omu puliticu. Quessa in Corsica ùn si face. Appena di crìtica và bè, ma ùn ci vole micca à deccunà non più. Saperete truvà u nome di stu grande omu puliticu corsu (1 metru è 80) ?

5. Quelli di A Piazzetta sò "carchi à soldi" è "ils se gavent". Hè vera chì fà un giurnale gràtisi chì sorte tutti i trè mesi raporta assai soldi è d'altronde viaghjanu tutti in Cayenne. Peccatu ch'elli sianu tutti benevulenti è chì nisunu sia pagatu.

6. Ùn ci vole micca à criticà u BTP. Nè quelli chì custruiscenu, nè i Corsi chì vendenu, nè i merri chì facenu i PLU. Di tutte e manere, "iè ma capisci, c'est bien parce que ça va créer des emplois".

]]> Mickaël Vendetta rifugiatu puliticu in Corsica? 2012-05-07T02:20:00+02:00 http://www.apiazzetta.com/Mickael-Vendetta-rifugiatu-puliticu-in-Corsica_a1341.html http://www.apiazzetta.com/photo/art/imagette/4164667-6321016.jpg 2012-05-07T02:12:00+02:00 U Sgaiuffu Mickaël Vendetta rifugiatu puliticu in Corsica?
Mickaël Vendetta l'avia prumessa nant'à u so blog : "Je ne resterai pas en France si Hollande passe au Pouvoir". Bona nutizia dunque, u sustegnu nùmeru unu di Sarkozy duveria smarrisce di a scena mediàtica.

Ma a gattiva, hè chì cù i risultati di Sarkozy in Corsica (55,87%), u nostru paese puderia diventà u rifugiu pè i sustegni di l'oramai ex presidente, à cummincià pè Mickaël Vendetta.

Ùn anderà micca in L'Alzi (100% di voti pè François Hollande).

Ma hà a scelta : Rusiu 93,5% di i voti pè Sarkozy, Ciamanacce 93,4, Bustanicu 87,9, A Porta d'Ampugnani 85,1, U Tassu 88,5, E Piazzole d'Orezza 86,3 chì facenu megliu chè... Neuilly sur Seine (solu 84,2 !)

È di siguru, U Borgu 80,1% pè l'UMP.

Pè e cumune chì anu vutatu à Hollande, ci hè sempre L'Alzi chì face tòmbula è chì puderia accoglie da quì à pocu à Hugo Chavez.

Ma dinù : E Casevechje 94,2% pè u candidatu di u PS, Ortiporiu 93,1, A Nuvale 91,2, I Pirelli d'Alisgiani (90,7), Muracciole (86), Ogliastru (85,4), Sant'Andria di u Cotone (85,3), Bilìa (84,4), U Salgetu (83,1), A Crucichja (82).

Cun risultati sìmili, serà chì l'elettori di sti paesi anu cunvinzioni pulitiche forte à l'UMP è à u PS, à u puntu di fà risultati degni di certi paesi africani ? Serà ch'elli sò tenuti da i so merri ?

O ch'elli votanu cum'è u so merre perchè "iè ma capisci, le maire il est gentil, il fait des choses pour le village et il nous a rendu beaucoup de services" ?

Andate à sapè...

]]> Per quale votanu i morti ? 2012-05-06T15:31:00+02:00 http://www.apiazzetta.com/Per-quale-votanu-i-morti_a1340.html 2012-05-06T15:22:00+02:00 U Webmaestru A nutizia vene da u situ di Corse-Matin :

Les assesseurs de François Hollande ont contesté ce matin deux signatures sur la liste d'émargement au bureau centralisateur No 1 présidé par le maire Georges Mela. Ils ont relevé deux paraphes en face de deux personnes décédées. Ceci est contesté par les responsables du bureau et les assesseurs de Nicolas Sarkozy, mais les socialistes entendent bien faire figurer cette réclamation au procès verbal.

Piombu ! E chjame à a mubilizazione di François Hollande è di Nicolas Sarkozy anu francatu e porte di u cimiteriu. I morti sò à manca o à diritta ? Eccu una bona dumanda...
]]> Hè natu u lonzu bling-bling 2012-05-06T01:12:00+02:00 http://www.apiazzetta.com/He-natu-u-lonzu-bling-bling_a1338.html http://www.apiazzetta.com/photo/art/imagette/4140945-6286672.jpg 2012-05-06T01:12:00+02:00 U Webmaestru Hè natu u lonzu bling-bling
Infine l'avemu, l'AOC di carne purcina corsa. Speremu ch'è no ne puderemu prufittà ancu noi è ch'ellu eviterà e derive di i purcelli chinesi. Arricurdatevi di u scumpientu tragi-còmicu di i stands corsi di u Salon de l'agriculture.

Ma induve i capizzoni corsi anu fattu a presentazione di l'AOC "charcuterie corse" ? In Alisgiani, induve a carne purcina hè cusì bona ? In Tàravu induve l'agricultori ùn anu micca tutti porci chinesi ? In Vallerustie, chì pruduce u figatellu cusì fine ?

Nò, l'anu fatta in... u duminiu di Murtoli, ci dice Corse Net Infos.

Strana scelta di u locu. Sapete, Murtoli hè stu paradisu pè turisti carchi à soldi induve ci sò beach party cun ghjente bè. U JDD ùn avia scrittu qualchì annu fà un articulu intitulatu L'ombre du grand banditisme à Murtoli ?

Dopu ci spieganu l'organizatori chì : "Le choix du lieu, plus que par sa situation géographique exceptionnelle, se voulait symbolique, puisqu’il permet de faire un lien entre le tourisme et l’agriculture. Comment prétendre à un tourisme de qualité si l’on n’a pas une agriculture de qualité et si l’on n’a pas des produits de qualité ?"

Eccu, hè detta. St'AOC tantu aspettata ùn saria una bona nutizia pè i purcaghji corsi ? Pè u sapè fà nustrale ? Pè i paesi di l'internu ? Pè i Corsi ?

In un locu di lussu, ci dicenu chì hè sopr'à tuttu una bona nutizia... pè u turisimu.

Dunque, si deve avè bona sciarcutteria... pè avè un turisimu di qualità.
Si deve cantà canzone corse... per fà un turisimu culturale.
Si deve difende i nostri munumenti... per fà un turisimu identitariu.
Si deve prumove à Napoléon... per fà un turisimu stòricu.

À forza d'ùn pensà chè turisimu, ùn ci rindimu mancu più contu chì i Corsi sò diventati strangeri in u so propiu paese.

À i ricconi è i turisti, u prisuttu AOC in Murtoli.
À i lonzi corsi, i knackis è u prisuttu made in China di u supermercatu.

]]> U disegnu di Battì 2012-05-06T01:28:00+02:00 http://www.apiazzetta.com/U-disegnu-di-Batti_a1339.html http://www.apiazzetta.com/photo/art/imagette/4162853-6317979.jpg 2012-05-06T01:00:00+02:00 U Webmaestru U disegnu di Battì

]]> E più grosse emuzioni di u Sporting 2012-05-01T17:35:00+02:00 http://www.apiazzetta.com/E-piu-grosse-emuzioni-di-u-Sporting_a1279.html http://www.apiazzetta.com/photo/art/imagette/3891211-5852951.jpg 2012-05-01T00:59:00+02:00 U Webmaestru E più grosse emuzioni di u Sporting
È hè per via di sti mumenti chì u Sporting hè più chè u club.

Allora ch'ellu serà forse da quì à pocu campione di L2 (l'ultima volta era in u 1968), ci semu dumandati chì sò state e più grosse emuzioni risentite, in tantu chè sustenidore.

Da Philippe Gottardi à Claude Papi, passendu pè Yves Mangione è Antò Drobnjak, eccu e 17 più grande gioie chì anu fattu a storia di stu club appena speziale.

Di siguru, ùn pudete micca esse d'accussentu... À voi d'arricchisce stu classamentu in i cummenti.

17. Bastia - Martigues 2-1 (cuppa di Francia 1990-91)

Un arbitru calamitosu hè un bonu ingrediente per un maccione. Quellu di stu Bastia - Martigues di cuppa di Francia 1990-91 ùn firmerà micca in a storia, ma fù una partita ricca in emuzioni chì muscanu u futbol di l'anni 90 : Pounewatchy, cazzotti, calci è arbitru impauritu chì fischja un penalty nant'à César Nativi à l'ultima segonda sott'à a pressione di i bastiacci è di pùblicu.

Era bè, u futbol senza i soldi è senza Thiriez...

http://www.dailymotion.com/video/x53h18_bastia-martigues-90-91-un-match-a-l_sport

16. Bastia - GFCA 3-1 (1986-87)

Un picculu derby à i tempi di a D2. Un certu Pierrot Bianconi... E fiure si passanu di cummentu.

http://www.dailymotion.com/video/xlbnj6_sc-bastia-gfca-l-exploit-de-pierrot-bianconi_sport

15. Bastia - OM 4-1 (2003-04)

Mette 4 buts à l'OM hè sempre un grande mumentu, ancu quandu Chimbonda ghjucava à u Sporting.

http://www.dailymotion.com/video/x202xl_bastia-om-la-gifle_sport

14. Monaco - Bastia 0-1 (2011-12)

Una vittoria in luni sera à 4 minuti di a fine davant'à 1000 Corsi chì anu fattu u viaghju, sapendu chì u Sporting ùn vince mai in i grandi mumenti currisponde à una vittoria in finale di a cuppa di mondu, per noi chì semu abituati à soffre.

http://www.dailymotion.com/video/xon656_j23-as-monaco-sc-bastia-le-but-avec-frequenza-mora_sport

13. Bastia - Metz 1-0 (1995-96)

A Francia di Thierry Roland ùn parla chè di u Metz di Pirès è Pouget, leader di D1 nanzu di vene in Furiani. Purtantu, serà un but di l'eternu Antò Drobnjak à 2 minuti di a fine chì infiammerà à Furiani, pienu à tappu sta sera...

http://www.dailymotion.com/video/x691tb_bastia-metz-1-0_sport

12. Nizza - Bastia 0-1 (cuppa di Francia, 1991-92)

U spiazzamentu u più caòticu dapoi Torino, un battellu di a SNCM messu in pistìcciuli, una tribuna di Nizza arruvinata (serà chjosa dopu à stu macciu), più di 100 bombe agrìcule nant'à u terrenu, un ghjucadore nizzardu abbambanatu da una di ste bombe... tandu u ballò ùn era micca veramente un sport.

Vittoria 1 à 0 cù una reta di Piotr Rzepka. Di Fraya è Mangione sò in quarti di finale.


http://www.dailymotion.com/video/x1dcsj_nice-bastia-coupe-de-france-92-2_sport
http://www.dailymotion.com/video/xwrcu_5000-bastiais-a-nice-cdf-92_sport
http://www.dailymotion.com/video/x1ddki_nice-bastia-coupe-de-france-92-1_sport

11. Bastia - Reims 1-0 (2011-2012)

But miraculosu di Khazri à u 91u minutu. È a Corsica sana torna à sunnià di L1... Semu di ritornu ?

http://www.dailymotion.com/video/xosw27_j24-sc-bastia-stade-de-reims-frequenza-mora-l2-saison-2011-2012_sport

10. AC Aiacciu - Bastia 0-1 (2009-2010)

Bastia hè muribondu. In l'ultimi di u classamentu, u Sporting si batte per ùn more è per salvassi in L2. U macciu ùn hè micca arangiatu è a vittoria strappata 1 à 0 face sperà torna appena. Tamanta gioia per sta sola vittoria fora di casa quist'annu.

Ma ùn si puderà evità a falata in National...

http://www.dailymotion.com/video/xcteki_ac-ajaccio-sc-bastia-le-resume-plan_sport

9. Lens - Bastia 1-3 (2011-2012)

J27 - RC Lens / SC Bastia - Frequenza Mora - L2... par

8. Lyon - Bastia 0-1 (Cuppa di a Liga 2000)
Quarti di finale di a Cuppa di a Liga in Liò. L'OL hè campione di Francia è torce tutti i so avversarii. Bastia ellu ùn hà mai vintu fora di Furiani quist'annu. Frédéric Née marca in u primu tempu ma l'OL di Sonny Anderson punta forte. À l'ultima segonda (92 esimu minutu !) l'arbitru fischja un penalty pè a squadra d'Aulas. Stumacati, anderemu dunque à e prulungazioni... Ma Eric Durand caccia u tiru di Tony Vairelles. Jean Pruneta pienghje...

http://www.dailymotion.com/video/x301c5_lyon-bastia-2000-coupe-de-la-ligue_news

7. Bastia - Nancy 0-0, 3-0 ap. (cuppa di Francia 1991-92)
Quarti di finale di a cuppa. Bastia in D2 riceve u Nancy di Zavarov, Zitelli è Vairelles tandu in D1. Zeru à zeru dopu à 120 minuti. Bruno Valencony caccia tutti i penaltys in un'ambianza sudamericana indescrittibile...

http://www.youtube.com/watch?v=paeFUdT5R-g

6. Bastia - Monaco 2-2 (1994-95)

5. Bastia - Steaua Bucarest 3-2 (cuppa UEFA 1997-98)

4. Bastia - Nancy 1-0 (1993-94)

3. Bastia - Créteil 2-1 (2010-2011)
Una vittoria è u Sporting serà campione. Ma Créteil ùn vole sente nunda è a partita ferma à 1 à 1. Fermanu 10 segonde à ghjucà. Una volta di più, u Sporting passa à cantu à una grande occasione. Cum'è sempre...

Ma Sylla segna una rete venuta da ùn si sà induve è Furiani si libereghja di tanti traumatisimi è di frustrazioni accatastati durante anni è anni. Cù Hantz, Bastia ùn hè più a squadra di i macciacci è ritrova a L2.

Record di decibeli arregistratu nant'à u but di Sylla. È tuttu què ùn hè chè terza divisione...

http://www.dailymotion.com/video/xilq6q_j39-sc-bastia-us-creteil-le-resume-national-champion_sport

2. Bastia - St Etienne 2-1 (finale di a cuppa di Francia)
Solu trufeu vintu da una squadra corsa. Roger Milla è Louis Marcialis entrenu in a storia.

1. Torino - Bastia 1-2 (UEFA 1977-78)
Nunda chè u synthé di Vangélis vi dà a carne pulina. Johnny Rep, i guanti rossi di Krimau in a neve è Castellini n'en revient pas...

Fora di categuria : Bastia - Grasshopers Zurich 1-0 (UEFA 1977-78)
Ùn hè micca tutti l'anni chì un but manda u Sporting in finale di una cuppa d'Auropa. Claude Papi ùn hè micca un umanu, hè un diu.

]]> Rothen dinù ricunnosce u populu corsu 2012-04-30T00:10:00+02:00 http://www.apiazzetta.com/Rothen-dinu-ricunnosce-u-populu-corsu_a1337.html http://www.apiazzetta.com/photo/art/imagette/4140799-6286476.jpg 2012-04-29T23:28:00+02:00 U Webmaestru
Veuillez installer Flash Player pour lire la vidéo
Sarkozy ùn ne parla, Hollande non più. Emile Zuccarelli è Jean-Paul de Rocca Serra in 1991 avianu vutatu contr'à u Statutu Joxe chì ricunniscia "le peuple corse, composante du peuple français". U Conseil Constitutionnel censurava più tardi st'articulu. Per elli dunque, u "populu corsu" ùn esiste micca.

Ma in un mese, Jean-Michel Aulas è un ghjucadore di Lille, Chedjou, l'anu ricunnisciutu.

Sta volta hè tuccata à Jérôme Rothen in l'emissione di Canal+ di parlà di "peuple corse".

À quandu a ricunniscenza di a FIFA, nanz'à quella di l'ONU ?

A video nant'à u situ di Canal.

]]> A Svizzera hà dettu di nò à e residenze segundarie 2012-04-27T14:31:00+02:00 http://www.apiazzetta.com/A-Svizzera-ha-dettu-di-no-a-e-residenze-segundarie_a1335.html http://www.apiazzetta.com/photo/art/imagette/4134408-6276958.jpg 2012-04-27T13:09:00+02:00 U Webmaestru A Svizzera hà dettu di nò à e residenze segundarie
Un referendum era organizatu in Svizzera (chjamanu quessa una "votation"). L'iniziativa d'un ecologistu era chjamata « Pour en finir avec les constructions envahissantes de résidences secondaires » è dumanda a limitazione à 20% di residenze segundarie in e cumune.

L'argumenti :

Diminuer le nombre de lits froids : vale à dì case piene di mondu in perioda turistica (quattru settimane à l'annu à u più), viote u restu di l'annu. "On va créer des villages fantômes" dicenu i Svizzeri.
Augmenter les habitants des villages. : "Nous ne voulons plus d’une extension des constructions qui fait grimper les prix, expulsant les locataires de leurs propres villages, où tout devient trop cher".
Terre natale menacée. Nos enfants aussi sont en droit de profiter encore de montagnes intactes. → Finissons-en avec ces lotissements sans âme de résidences secondaires qui dévorent et enlaidissent nos paysages !
Des sites et des paysages intacts sont un atout touristique. Trop de résidences secondaires mettent cet atout en danger. → Arrêtons cette défiguration de nos régions alpestres qui menace le tourisme !
Spéculation et affaires lucratives. La frénésie de la construction fait exploser les prix. → Halte à la perte de logements abordables pour les autochtones !
Un mètre carré par seconde. Voilà ce que nous perdons en terres cultivables, précieuses, jour après jour, année après année. → Arrêtons cette perte irrémediable, causée en grande partie par les résidences secondaires !
Préserver le patrimoine et sauver la nature contre le bétonage.

U contru-argumentu hè "tourisme = emplois".

In Corsica, ne simu in certe cumune di u liturale trà 50 è 75% di residenze segundarie, è certi eletti pensanu ch'ellu hè troppu pocu. S'è no arrestemu di custruisce, "on va tuer la Corse !" (sic) ci dicia Antoine Giorgi.

I Svizzeri anu sceltu di limità à 20% e residenze segundarie. In Corsica, si pensa chì u sviluppu passa solu pè l'immubiliare è u turisimu. E terre agrìcule smariscenu per fà piazza à lotissements novi novi. I merri cercanu di mudificà i PLU sott'à a pressione di u settore di u BTP. U Statu chjode l'ochji : u prefettu Patrick Strzoda ùn hà datu ragiò à i prufessiunali di u bastimentu in Portivechju ?

"Iè ma capisci, le tourisme et l'immobilier, ça va créer des emplois". Tantu peghju si a sucetà corsa ella, si sfragella appena di più ogni ghjornu.

Da vede : http://www.residences-secondaires.ch

A Svizzera hà dettu di nò à e residenze segundarie

A Svizzera hà dettu di nò à e residenze segundarie
Verbier, in u cantonu di u Valais. Cum'è in Corsica, ma senza u mare.

]]> U paese induve Sarko è Le Pen anu fattu 0% 2012-04-26T23:43:00+02:00 http://www.apiazzetta.com/U-paese-induve-Sarko-e-Le-Pen-anu-fattu-0_a1334.html http://www.apiazzetta.com/photo/art/imagette/4125839-6261501.jpg 2012-04-26T00:07:00+02:00 U Sgaiuffu U paese induve Sarko è Le Pen anu fattu 0%
Ci hè un locu di Corsica induve Jean-Pierre Pernaut ùn venerà mai.

Induve Didier Barlevien ùn cumprerà mai a so residenza segundaria.

Induve Nadine Morano è Brice Hortefeux ùn veneranu micca à fà campagna.

Stu paese si chjama L'Alzi, in Boziu.

Nant'à i 27 vutanti, nisunu hà lampatu un biglittinu pè un candidatu di diritta.

Hè una di e rare cumune induve a candidata FN hà fattu 0 votu (5 cumune nant'à 360 : A Munacìa d'Orezza, E Casevechje, A Parata è Currà), a sola induve Sarko ùn hà nisun sustenidore.

Serà l'anima di Sambucciu d'Àlandu chì hè sempre viva in Boziu ?

DSK, Robert Hue, è Laurent Fabius puderanu dumandà l'esiliu puliticu in paisucciu buzincu, casu mai Sarkozy sia elettu presidente di a Ripublica...

]]> U Sporting ùn pò micca more 2012-04-25T13:06:00+02:00 http://www.apiazzetta.com/U-Sporting-un-po-micca-more_a1333.html http://www.apiazzetta.com/photo/art/imagette/4125441-6260968.jpg 2012-04-25T00:44:00+02:00 U Webmaestru U Sporting ùn pò micca more
7 anni dopu à avè persu a so piazza in L1, dui anni dopu à a so retrogradazione in CFA, u Sporting hè di ritornu. Hè l'occasione di salutà qualchì amichi nostri :

Frédéric Thiriez : per l'inseme di a so opera anti-corsa.

Gervais Martel : u presidente di Lens chè no lascemu ellu dinù in fondu di a classifica di L2.

Jean-Jacques Panunzi : chì ùn vulia micca chì a CTC salvi u Sporting durante l'estate 2010.

Henri Legarda, presidente di Le Mans : avia dettu nant'à Bastia chì : « Les rencontres se déroulent toujours dans une agressivité permanente et un climat de terreur. ». U so club hè sempre in l'ultimi di a classifica.

Jean-Claude Darcheville : chì avia rispostu à a dumanda Le pire public de France ? « Celui de Bastia. Ce sont vraiment des c... J'aurais bien aimé que le club descende en CFA. Dès lors, il n'y aurait pas de déplacement là-bas... »

Mamadou Niang : Chì s'era battutu cum'è un lione in u 2005 per marcà contr'à u Sporting. Avia dettu tandu ch'ellu vulia fà tuttu per fà falà à Bastia in L2.

È di siguru, tutti quelli chì si sò tichjati durante anni è anni quand'elli eranu dirigenti di u Sporting. Falatu in National, Bastia ùn interessava più à nimu. Di ritornu in L1, speremu chì i manghjoni stianu u più luntanu pussibule da Furiani...

Ritruvate ritratti è filmi nant'à u situ officiale.

]]>