In a guerra di i pippol, sò trè à avè fattu e so valisgie. Sardou, Clavier è avà Séguéla.

Bon, và bè ch'ellu ne ferma torna assai, ma a disfatta di Jacquacciu à u tribunale amministrativu di Bastia hè simbulicamente forte.

Ramintemu chì l'omu à a Rolex dumandava à esse indennizatu per ùn avè pussutu custruisce a so villà di 568 m2 in Bunifaziu. Hè cusì, più anu soldi, più ne volenu...

Di siguru, ùn l'impediscerà micca di cumprà in altrò, ma u messagiu mandatu hè forte : nò, a Corsica ùn ne vole micca di sti ricconi carchi à soldi chì dicenu "aimer la Keurse" in i so palazzi pretensiunuti.

Oghje, u situ web di u Nouvel Obs intitulava : La Corse, terre maudite des peoples.

Fuss'ella puru...

Ramintatevi, i premiati annu passatu sò stati Christian Clavier (20%) davanti à Barbier (9,5% digià !), u PADDUC è i famosi "Obamistes ajacciens" (9%).

Quist'annu, hè Paul Giacobbi, dettu "Paul Emploi", à fà tòmbula : in testa cun 20,6% di i voti. Sunnieghja di ghjunghje in testa à e prùssime elezzioni, per avà si cuntenterà di u scrutinu di u catinu di l'annu. Serà u fattu di u feuilleton di l'estate è u rimore di a so allianza à Sarko ? I lettori di A Piazzetta l'anu plebicitatu.

Sempre segondu per u segondu annu à fila, u còmicu Christophe Barbier (14,8% di i voti) ch'ùn si presenta più. Per ciò chì tocca à ellu, semu per una volta d'accordu cun Sarkozy quand'ellu dice chì "les médias, il faudrait les passer à la kalachnikov ".

Terzu, l'anzianu ghjucadore di u Sporting Salim Arrache. Un bunissimu attore anch'ellu. Si n'hè andatu per ùn fassi minà dopu à una storia di donne, ellu hà dettu ch'ellu era razzisimu. Oghje ghjoca in Grecia, à u PAS Giannina chì si batte per ùn falà in segonda divisione greca. Bof. Cunclusione di Fred Antonetti : Je pense qu'il y en a qui justifient leur médiocre performance sur le dos du racisme et ça, ça commence à me gonfler sévère". Eccu.

In daretu truvemu a povera Grippa A (6,5%), Susan Boyle (5,6%), Thierry Henry cù a so manu (5,4%) è Séguéla (5,2%) è Sarko (5%).

Jean Sarkozy, David Guetta è Eric Besson (tutti 3,7%) averianu meritatu un premiu.

Roman Polanski, u sempre pupulare Jean-Pierre Treiber, Rachida Dati, Michael Jackson, Frédéric Mitterrand è Johnny Hallyday facenu menu di 2%.

Eccu per u catinu di u 2009... Per quellu di u 2010, si principia forte.

In 2008, hè statu Christian Clavier à avè ricevutu u più voti da a parte di i lettori di A Piazzetta. Ci sò stati più di 900 voti (iè hè assai, ma a froda hè autorizata) è hè statu l'attore à riceve u più voti (20%) davant'à Christophe Barbier, u PADDUC è i famosi "obamistes ajacciens" (tutti circa 9%).

L'elezzione hè aperta per u catinu di u 2009, avà tocca à voi ! Eccu i candidati :

Thierry Henry : Cù a so manaccia, hà eliminatu l'Irlanda chì meritava di vince. Ma sopr'à tuttu, invece d'esse l'eroe chì hà mandatu i Bleus à a Cuppa di u Mondu, l'attaccante hè passatu per un latru è un falsone. A Francia masoscista s'autoflagella. Ancu Jacques Attali dice a soia : "Je me sens Irlandais, parce que ce peuple magnifique, uni dans la défaite comme il l'eut été dans la victoire, est privé d'un avenir ludique, qu'il méritait mieux que la lamentable équipe de France." A Francia si tazza à prupositu di a manu d'Henry, è noi ci campemu...

Roman Polanski : Hà mancatu di pocu u so trasferimentu à u centru penitenzariu di Casabianda cun Emile Louis.

Jacques Séguéla : Dopu à a so casa in Cala Longa, a Rolex, u vechju macuccu a si caccia cun internet "la plus grande saloperie inventée par les hommes". Hè ora d'andà, o Ghjà...

Diego Maradona : I grandi ghjucadori ùn facenu mai grandi intrenori. Hà lampatu à i giurnalisti argentini : "Venite à suchjammi avà". Grossa classa...

Jean-Pierre Treiber : Ci hà fattu crede ch'ellu campava in infernu in a furesta, allora ch'ellu era à u caldu in un appartamentu cun abbunamentu à Canal Sat. Di siguru hè ellu a faccia di l'annu...

Christophe Barbier : Nunda ch'è di pregacci un avvene à l'usu i Ch'tis : "Alors, peut-être, verra-t-on un jour 20 millions de Français applaudir dans les salles de cinéma, comme ils l'ont fait pour les Ch'tis de Dany Boon, le chaleureux spectacle des valeurs humaines de la Corse". A si mèrita, u so tìtulu di catinu intersiderale.

Rachida Dati : À cosa ghjova Rachida Dati ? Forse una risposta in 2010 ?

Christine Lagarde : Ci hà mustratu chì e donne pudianu esse ancu più mostruose ch'è l'omi.

Ségolène Royal : Speremu ùn più sèntenne parlà in 2010, è ancu menu in 2012...

Nicolas Sarkozy : Grossu palmarès in 2009 ! A so più grande bugia : "travailler plus pour gagner plus." Ci aviate cridutu, voi ?

A Grippa A : A psicosa di l'annu.

Barack Obama : Bon, appena và bè, ma u premiu Nobel di a Pace senza fà nunda, ancu noi a pudiamu fà.

Michael Jackson : Cumu semu gattivi ? Ùn v'hà micca faticatu à voi, MJ quist'annu ?

Frédéric Mitterrand : A so piazza in Casabianda, a si mèrita anch'ellu.

Jean Sarkozy : Jean-Jean, u più grande pistunatu di tutti i tempi.

Johnny Hallyday : Peccatu, ci hà fattu sperà...

u PADDUC : Hà fattu nasce una grande mossa quist'annu, da Association régionale de gestion de la race de porc “nustrale” à Union des Marocains de Corse-du-sud, eranu tutti in u cullettivu anti-PADDUC. A Corsica scopre ch'ella hà una "sucetà civile" chì si mubilizeghja. Prublema : u restu passa à u segondu pianu è malgradu u ritiru di u pianu cuntinuveghjanu di vèndesi terreni è i casali di bettonu si mulitplicheghjanu da per tuttu. Allora ?

David Guetta : U peghju, hè chì certi giovani pensanu veramente ch'ellu hè corsu perchè passa spessu à l'Acapulco...

Diam's : Era megliu quand'ella ùn cantava micca.

Susan Boyle : Listessu ch'è Diam's. Ma in più di quessa, grazia à ella tutti i goffi pensanu ch'elli ponu riesce a so vita. Maladetta tele-realità chì face sperà tutta a miseria umana.

Christian Clavier : Nunda ch'è pè i 400.000 euri di a surveglianza di a so villà.

Thomas Dutronc : Hà inventatu u cuncettu di "pippol bravu" è noi ci cridimu...

Didier Wacognes : U catinescu ghjudice di u prucessu d'Yvan Colonna mèrita a so piazza quì. Ancu u giurnalistu di u Figaro chì seguitava u prucessu si ne ridia... per divvi.

Salim Arrache : Hà inventatu u cuncettu di razzisimu per fà scurdà ch'ellu ghjoca cum'è un pede.

Eric Besson : Perchè hè difficiule di fà peghju cum'è omu pulìticu.

Raymond Domenech : In listessu tempu, un tippu chì riesce à mettesi a Francia sana contr'à ellu ùn pò esse ch'è un tippu bè !

Paul Giacobbi : Ci hà gunfiatu tutta l'estate cù u so transferimentu à diritta cun Sarkozy. In fin'di contu, parte cù u PS à e territuriali. Per avà ùn si sà ancu s'ellu vole vince cù a diritta o cù a manca. A frasa di François Hollande : "Je ne considérerais pas une victoire avec Paul Giacobbi comme une victoire". Arf...

I "mous" vs i "duri" : L'idea di l'annu : u naziunalisimu si sparte in "duri" è in "molli". Sta simplificazione arrangia à tutti è eviteghja di pigliassi troppu u capu. Pare tutta un'idea marketing di Séguéla.

Quelli di A Piazzetta : Perchè ci faticanu anch'elli...

Sbanditu avia digià parlatu di i limiti di l'azzioni pulitica publica davanti à l'incapacità di l'azzioni legale à impedisce e custruzzioni di e case di i pippol in Cala Longa.

L'affare di Séguéla cuntinuveghja di fà i rimusci, vistu da parechji cum'è un'autorizazione di bettunizà u liturale corsu, cun l'accunsentu di i servizii di u Statu, di a ghjustizia, di l'eletti, è ci vole à dilla di certi corsi più primurosi di fà i so affari ch'è da a preservazione di e coste.

I difensori di l'ambiu alzanu a voce. Norbert Laredo di i Verdi Corsi hè assai inchietu nant'à Alta Frequenza
mentre chì u Cullettivu pè u rispettu di a lege liturale ùn conta micca piantassi custì, a spiega Michèle Salotti, assai critica in quant'à a Ghjuvancarlu Orsucci, u novu merre di Bunifaziu chì avia fattu nasce tante speranze pè impedisce u scempiu di u liturale.

Prublema : avia dettu di manera chjara innù a so campagna eletturale ch'ellu ùn impedisceria micca e custruzzioni accurdate in l'anzianu PLU catastroficu d'Ati Lantieri, è certi parenu scoprela. Nant'à certi forum, u dibattitu s'infiara è e riazzione sò spessu arrabbiate.

Al dilà di u casu Séguéla, stumachente perchè mediatizatu è perchè l'omu hè un amicu di Sarkozy, stu fattu pone u prublema di u sviluppu di a Corsica è di a scelta di turisimu ch'è no vulemu.

Ma chì serà l'interessu di sviluppà u turisimu di e "maisons segondaires" pè ricconi è "jet-setteurs", cun i so pippolacci disprezzanti è dispettosi, chì venenu à chjodesi innù i so bunker di bor'di mare, è chì s'impatruniscenu di un liturale ch'ùn hè micca soiu ???

Un ghjornu o l'astru, ci vulerà chì quelli chì anu fattu scalà tutta sta rubaccia chì face ghjunghje u vòmitu è chì sfracella u nostru patrimoniu ecològicu paghinu !

Induve vanu i nostri pippoli?

Principiemu appena avà e nostre ricerche.
Sapimu digià chì Ghjuvan'Francescu Bernardini s'hà compru una casa in Privlaka, un paisacciu di Cruazia ! Seguelacciu face fughje i nostri pippoli!

À sente l'ultimi puttachji di a piazza d'À in Bastia, pare chì Maì Pesce, a voce di i Chjami Aghjalesi si n'anderebbe duie simane in Irlanda per un Irish Guiness Tour. À ellu sì chì li piacenu e tradizione !

In quantu à Felì, sarebbe partutu à u Casino di Monacu! Pare ch'ellu provi di rimpattà tutti i so debbiti à Ricordu per i dischi ch'ellu ùn hà mai vendutu. Ùn sarebbe micca aspettatu in i Fulelli da quì à st'estate.

In fatti di literatura, l'attualità hè puchissima. L'accademizianu bastiacciu Angeot Rinaldi sarebbe aspettatu da i so cumpari à a Gaypride di Parigi. Per avà, ùn si sà ancu cumu s'ellu s'hà da traveste.

Infine, dopu l'annunziu ufficiale di a leia trà Jennifer è Pascal Obispo, u paese di Purti Poddu s'aspetta à u matrimoniu. Allora o Pasquà, attenti à e fucilate!

Una quistione suciale

Al di là di u scumpientu eculogicu, a casaccia di Séguéla hè u simbulu di l’inghjulia cullettiva chì ci hè fatta. Quale hè trà di noi chì si puderebbe pagà una casa sicundaria d’2800 m² ? Quale ? Quantu tempu vi ci vuleria travaglià per pudè vi la pagà ? À ochju, pensu chì mi ci vulerianu omancu trà 30 è 40 seculi ! S’ellu era sempre vivu, mancu Ghjesù u Cristu averebbe abbastanza soldi da custruì la sta casaccia ! Cristacciu, s’ellu avia travagliatu di più ! Qualessi sò i meriti di Séguéla per ch’ellu possa gode ellu di a nostra terra ? Perchè sterianu d’altri, tutta a so vita, in Lupinu, in Piffanò o à e Saline ? A segregazione suciale è spaziale hè bella chjara. Quantu sò i Corsi di Cala Longa ?

Custruimu una risposta !!!

L’altru eri in Corti, Edgar Morin dicia chì e suluzione spuntanu spessu quandu e situazione parenu impussibile da scioglie. Senza u bumbardamentu di Pearl Harbor, l’Europa sarebbe firmata in e mani di i nazì è di i fasciti. Grazia à Séguéla, unepochi si disceteranu forse, cum’è l’anu fatta i Stati Uniti in u 1941 ? Ùn sunniemu micca. Ùn ghjunghjeranu micca l’Americani per aiutà ci à caccià à Séguéla è i so amichi ! A suluzione hà da vene da quì. Da noi tutti.

Attenti quantunque à ùn micca perde ci in quitione troppu particulare in giru à l’amicacciu di Sarkozy. U prublema ùn cuncerna solu a so casa. Case cum’è a soia, si ne custruiscenu à palittate ! Si tratta sopratuttu di a leghjittimità di a pruprietà di a terra. Chì vole fà u populu corsu di a so terra ? S’ellu decide demucraticamente di vende la. Bona ! Ch’ellu a venda. Ma per avà, sta quistione ùn li hè ancu stata posta. Sò dunque i tribunali francesi chì a danu a risposta : « C’est bon, on peut construire ! »

A ricunniscenza di u populu corsu

Pare ch’ella fussi has been, anticogna ancu, sta rivendicazione. Eppuru… Eppuru, ghjè a sola misura chì possa difende in listessu muvimentu, è a terra, è a lingua, è l’impieghi. A ricunniscenza d’una citadinanza culturale corsa fundata nant’à e cumpetenze linguistiche, suciale è ecunomiche è a vuluntà d’impegnà si in a vita di a Corsica pò permette di difende a terra da i speculatori. Hè una misura qualitativa. Ùn si tratta quì di caccià à nimu ma d’integrà megliu a ghjente.

Rispunsabilisazione di l’eletti

Incù sta ricunniscenza, l’eletti serianu rispunsevuli di tuttu in pettu à i citadini elettori. Avà, ponu sempre dì chì hè colpa à a DDE, à u prefettu o à un antra stituzione dicentralizata. Quandu averanu elli l’inseme di e cumpetenze legislative, l’elettori cunnosceranu i soli rispunsevuli di a situazione, bona o micca, di a Corsica. Hè una quistione di sincerità è di demucrazia.

Bunifaziu : i tippali o i pippoli ?

Più chè i so tippali bianchi è u Ditucciu, più chè a so citadella, a so lingua o i so scrittori, oramai, quandu si parla di Bunifaziu, vi venenu in capu i so pippoli. Curagiosa è chjuccuta, a so presidente Vincente Cucchi, a si prova di difende a bellezza di a Corsica. Si ne caccia incù a privatisazione è a custruzzione camulata di e nostre sponde. Ancu noi, di i permessi di custruì dati ochjichjosi à pippoli è ricconi più incantati da a gabbia (réserve naturelle de vos vacances…) chè da l’acelli chì ci stanu, ùn ne vulemu micca…

I Corsi in Lupinu è i pippoli in Cala Longa ?

Ma hè cascata a decisione di u tribunale amministrativu di Bastia. Permette à Seguéla, l'amicu di Sarkozy, di ripiglià a custruzzione di u so casamentu. Ne riparleremu...


tags : bétonnisation littoral corse