1. A terra corsa à vende : Hè vera, hè più faciule di vende u so terrenu ch'è di piantacci i pomi. Allora vindimu tuttu, custruimu lotissements, casali è bungalows. I Corsi sò entrati in una corsa frenètica à i soldi degna di i paesi di u terzu mondu. È u peghju, hè ch'elli ùn si rendenu mancu contu chì vendenu a so terra à i più ricchi, mettenu i so figlioli fora...

2. U clanisimu : A sapemu, i pistunati è e piazze date contr'à un votu esistenu dapoi Filitosa. Quelli chì facenu i muzzi pè l'omi pulitichi dinù. È voi ? Site liberi ?

3. A cunsumazione, u parè : U Corsu d'oghju ùn hè micca cunsumatore, hè hypercunsumatore. Mette un caleçon pull-in, hà listesse Ray-Ban ch’è Sarkozy, è parte in vacanze à Disneyland. U restu ùn hà più nisuna impurtanza. A Corsica hè dunque a regione a più povera, ma a più forte in cunsumazione (teleffuni, vestiti, grandes surfaces...). Ci hè un prublema, nò ? Basta d’avè u caddie pienu è d’esse à a moda. Et qui on est !

4. A maffia : Ùn v'inchietate, i nostri figlioli averanu u travagliu : feranu i muzzi in l'intraprese tenuti da i capimachja trafficoni di u turisimu è di i stabilimenti di notte. Eppò maffia in Corsica, ùn ci n'hè.

5. A droga : Vinti anni fà, u drugatu era un marginale, un malatu. Oghje, un cuccainumanu hè un tippu bè. Truvate ch'è no avemu fattu i prugressi ?

6. A tramandera chì ùn si face più : Sì a Corsica perde a so cultura è a so identità, ùn hè micca sempre colpa à “l’état français”. Noi dinù, ci avemu una parte di respunsabilità. Perchè a transmissione di a lingua, di a cultura, di i valori, di i canti... s'hè rotta ? Sì a Corsica s’assumiglia à n’importa qualessu dipartiementu francese senza anima, ùn ci vulerà micca à lagnassi.

7. U cumplessu d’esse corsu : Per certi, tuttu ciò chì vene di Corsica ùn vale nunda. Semu tutti incapaci, a nostra lingua un patois arcaicu, ùn avemu nè storia nè patrimoniu, quelli chì vanu à l'università di Corti sò capre. Infatti, meritemu di smarisce è di diventà « cum'è l'altri ». Hè ciò chì hè in traccia di passassi in stu paese, nò ?

8. I criticoni : Bon hè vera, criticà hè u sport numeru unu in Corsica, dapoi sempre. D’altronde, avete ancu u dirittu di criticà A Piazzetta, è ancu d’insultacci nant’à www.apiazzetta.com. Ma quantunque, sapemu dinù chì 99% di i criticoni sò ghjelosi. È chì ùn fendu nunda, almenu ùn serete micca criticatu...

9. A corsa à i soldi : Oghje, tuttu hè in prumuzione in Corsica. Ci vole à fà i soldi fendu n'importa chè. Immubiliare, sciarcutteria corsa di porci chinesi, casgiu corsu di latte sardu, case è terreni vinduti à n’importa quale, privatizazione di u liturale, piazze di parkings à 15 €, rubbaccia pè turisti... Si face di menu in menu qualità, è purtantu ùn ci hè mai statu tantu poveri. Saria tempu di scambià qualcosa nò ?

10. A telè : Secret Story, Cauet è i Feux de l’Amour. U veru corsu cunnosce tuttu di TF1.

11. Eurodisney : U corsu d'oghje viaghjaﾠ: và in Disneyland. Ma ùn hè micca a curiosità d'andà in altrò, sò più simpàtichi Mickey è Pluto.

12. A mittumania : Circate di cuntà quantu mittomani cunniscite, ch'elli sianu mittunelli o grossi mittò, pretensiunuti o ambiziunuti. A mittumania hè a malatia di u seculu in Corsica è ùn hà ancu finitu d'arruvinà stu paese. Cumu si dice "imposteur" in corsuﾠ?

13. I dj : Cinquanta anni fà, i Corsi vulianu sia entre ind'e culunnie, sia entre in a pulizza. Digià ùn era micca terribule. Oghje, volenu fà sia DJ, sia Tony Montana. Micca sigura ch'ella sia megliu.

14. U fatalìsimu : Hè cusì... Chì voli fà... Baccalà per Corsica... Face 1000 anni ch'ellu si dice chì "Corsica non avrai mai bene" è cuntinuvemu à accettà tuttu ciò chì ci accade senza fà nunda. Bah...

15. Ponte Novu : 1769, u principiu di a fine, u principiu di i guai.

16. U tuttu turisimu : Nunda di megliu pè arruvinà un paese ch’è di vulè sviluppà l’ecunumia di a Corsica unicamente nant’à u turisimu, cuncentratu nant’à 15 ghjorni d’estate. Pupulazione multiplicata pè 10 in certi lochi, appititti maffiosi, bettunizazione, idea ch’ellu basta à fà a stagione per campà...

17. A perdita di a memoria : È chì n'avemu da fà di e nostre ràdiche, di l'antichi, di a memoria, di i nostri lochi, di nostra storia... Sta sera ci hè « L'amour est dans le pré » è basta ch'ellu ci sia u Johnnie Walker nant’à u comptoir.

18. U cunfurmìsimu : “Manghja à gustu toiu, vestiti à gustu di l’altri...” dice u pruverbiu. Hè per quessa ch’è no avemu tutti listessi vestiti, listessi spechjetti di sole, listessu teleffunu ?

19. I supporters di l’OM : Hè talmente più faciule di sustene un club forte è riccu ch'è un club corsu poveru è chì strazieghja... Vede dinù “cumplessu d’esse Corsu”.

20. I karaokés : Iè, in 2011, ci sò sempre i stabilimenti chì organizeghjanu serate karaoké. “Femme” di Jean-Luc Lahaye è “Une autre histoire” di Gérard Blanc, ci vole à arrestà...

21. A ghjente chì ùn facenu più “l’appel de phares” : O zitè, ditela quand’elli ci sò i flicchi nant’à a strada...

22. A passione di u goffu : Durante 10.000 anni, i Corsi anu sappiutu custruisce belli paesi è belle case integrati à u paisaghju. Oghje, à colpi di parkings, hangars, grandes surfaces è lotissements, a Corsica s’assumiglia à a Seine et Marne o à a Meurthe et Moselle. Cumu serà ch'è no semu cusì forti pè imbruttà u nostru paese ? Cumu ci ghjudicheranu e generazioni future ?

23. U mitu di u travagliu di dui mesi : Facciu a stagione, “je me gave” è dopu mi riposu. Nunda di megliu per diventà un populu di lonzi. Ma ùn diventeremu micca tutti ricchi cusì...

24. L’accentu francese : “Rodidon hé t’as mis où l’saucisson keurse ?” Nò, ùn hè più pussibule di sente què...

25. Facebook : Voi dinù, avete di più amichi nant’à Facebook ch’è in a vita ? Quantu tempu ci passate ? Avete pigliatu a pausa per a vostru ritrattu di prufilu ? Vi site digià pigliatu in fottò cù u vostru iPhone ? Megliu : avete u vostru book di mittomanu ? À parte quessa, nò, Big Brother ùn esiste micca. LOL.

26. I canterini di pizzeria : Ind’i tempi, cantà era una tradizione, un piacè, un mumentu di festa da sparte cù i so amichi. Oghje, si canta pè fà i soldi. “On se monte un groupe ?” S’ellu hè pè massacrà Catena è Compañero, hè forse megliu à stà in casa...

27. I nomi struppiati : J'monte à Piétra, j'vais à Alandaux dans le Boziaux puis à Vénacaux et à Farinol, avant de repartir à Erbalunga, à Cargèz et à Portitch. C'est beau la Keurse...

28. A distruzzione di a natura : A ricchezza di u nostru paese hè a so natura, per avà sempre appena priservata. Ma cù a frenesia di custruzzioni, quandu a Corsica s’assumiglierà à a Côte d’Azur, quand’ellu ùn ci firmerà più nunda, cumu feremu ?

29. U passatisimu : “C’était mieux avant, nanzu sì chì, ind’i tempi...” Bon, in fatti, micca sempre.

30. L’identità ridotta à... un gadget : Chì vole dì esse corsu oghje ? Purtà un ribellu in oru, mette un autocollant “souvent conquise jamais soumise” nant’à a vittura, mughjà “mort aux vaches” in burdata, appartene à un gruppu Facebook “je suis corse et j’en suis fier”... È dopu ?

30+1. A nurmalizazione : Pianu pianu, u populu corsu entre in u rangu, manghja, beie, cunsumeghja è fideghja a telè, cum’è tutti l’altri catini di stu mondu. Avete da vede, avemu da finisce u populu u più beauf di u mondu...

In Corsica semu forti pè truvà feste è fiere pè tuttu : fiera di u casgiu, di a castagna, di u vinu, di u legnu, di u mele, di u ficu... L'Olandesi n'anu inventatu una chì puderia avè a so piazza in Corsica : a fiera di u tizzone.

Ind'è noi ci aviamu digià à "festijoint", ma custì hè ancu più grossu. A Cannabis Cup esiste dapoi 1988 è cum"è à a Santa di u Niolu, ci sò parechji stands di pruduttori chì presentanu i so prudutti. Ci hè una ghjuria chì i tasta tutti (o piuttostu chì i fuma tutti) è chì dà una ricumpensa à a più bona erba.

U successu hè tale chì u guvernu olandese vole avà interdisce à i fresteri di vene. Da sente nant'à u situ di France Info : A Amsterdam, le succès de la Cannabis Cup. I strangeri i più numerosi à andacci sò d'altronde i... francesi.

È di siguru, cum'è pè tutte e cunnerie, vulite ch'ellu ùn ci sia micca Corsi ? Oghje, ogni paese (o guasi) hà u so cutlivatore di canapu. Face un pezzu ch'ellu si pianta di più cannabis ch'è di granu. Di lugliu scorsu era in Castagniccia chì un "agricultore" s'hè fattu chjappà... in traccia d'annacquà e so lenze (da leghje in Corse-Matin : Castagniccia : un cultivateur de cannabis pris la main dans l'arrosoir).

Hè cusì, oghje l'ortu di babbone è a lenza di minnana ghjovanu pè l'amatori di tizzoni. È forse sti cultivatori seranu in "Tempi Fà", da quì à 50 anni...

Ci sò parechje manere di mette a puzza in una riunione pulitica. Ci hè statu l'attentatu à a ciavatta cont'à George Bush.

V'arricurdate di u Gilbercopter ? Avà ci hè dinù u Peniscopter. Sò i Russii chì l'anu inventatu per disturbà un meeting di Garry Kasparov, u capimachja di l'oposizione à Vladimir Poutine...

Allora ch'elle si cummencianu à preparà e territuriale di 2010, forse ch'ellu derà idee à certi per i longhi è annuiosi meetings, riunioni, dibattiti o AG...

Iè, si ponu tutti felicità : a Corsica s'hè appaciata. Notte turchine ùn ci n'hè più. A pulizza anti terrurista ci l'hà fatta, n'avemu finitu cun 30 anni di viulenza. Alleluia !

A spiega José Thorel, procuratore di a Republica in Aiacciu, 50% di bombe in menu pè l'annu 2008.

Ma à rombu di corre appressu à "viulenza pulitica", forse s'hè menu fidighjatu ver di u banditisimu, i traffichi in tutti i gèneri, u milieu... Bon elli si sterpanu trà d'elli, ma quessa l'arrangia bè à a pulizza. A dicenu anch'elli : "on compte les points".

A cunsumazione di droga ella si porta bè. À tal puntu chì a coccaina hè più cara in Bastia ch'è in Aiacciu. Ci hè di più dumanda !

In quant'à l'arrubecci di banche è di cummerci, anu u ventu in poppa elli dinù. Cunsequenza di u sottu sviluppu è di a dumanda di droga ?

Iè, a Corsica si porta veramente megliu di poi chì i servizii di u Statu anu riesciutu à fà tace e bombe...

L'emissione si pò sempre ascultà in podcast (pagina 8) nant'à u situ d'Alta Frequenza.

- Je voulais vous demander votre point de vue sur la drogue et la jeunesse insulaire. Il est inutile de se cacher, nos jeunes sont bien atteints par ce mal. Je voulais vous demander ce qu'il fallait faire pour se débarasser de ce fléau...

- Ecoutez... ça, on touche à un problème de société profond. Se débarasser de ce fléau ? Je n'ai pas de remède miracle et je pense que pour éviter que la jeunesse ne plonge là dedans il faut peut être, nous les parents, nous occuper plus de nos enfants, peut être plus les surveiller. Maintenant je vous dit c'est un phénomène de société, tous les jeunes veulent fumer, veulent s'affirmer avec ça. Ce n'était pas le cas à notre époque. Moi j'ai 58 ans, quand j'avais 20 ans, la drogue n'éxistait pas (sic) ou elle existait mais peut être mais pour des gens nantis, mais nous nous n'en avions pas connaissance. Aujourd'hui, comment lutter contre ce fléau, comment faire pour éviter que cela perdure ? Je pense que c'est une prise de conscience au niveau du cocon familial et faire très attention et peut être orienter les jeunes à faire du sport, les orienter ailleurs, et leur faire comprendre parce que ça c'est un problème d'éducation je pense qui est là, mais il y a aussi le problème de phénomène de société, quand on est en groupe, de vouloir fumer ou... ou toucher à la drogue. C'est une question très sensible. Comment s'y prendre ? j'avoue que je n'ai pas de remède miracle. Je pense qu'il faudrait, à un moment donné, peut être au niveau de l'éducation nationale informer les jeunes. Peut être qu'il y a un besoin au quotidien d'informer et de faire comprendre aux jeunes que ce n'est pas une solution, que ce n'est pas une fin en soi (re-sic) et qu'il faut éviter d'y toucher. Maintenant on a vu dans les années 80, 92, 93 une dérive en Corse avec "a droga basta" avec des assassinats. Ce n'est pas en tuant des gens qu'on va régler le problème de la drogue. Je pense pas que quand il y avait des dealers qui ont été assassinés que le problème de la drogue a été réglé donc je pense plus que la drogue est un problème pédagogique que... qu'une répression tout azimuts...

È dopu :

- Quel est le mot qui vous définit le mieux ?
- Je crois que je suis quelqu'un de courageux, je crois que le courage me définit très bien.

Più tardi, una dumanda di Frédéric Bertocchini nant'à i so prublemi cù a ghjustizia quand'ellu era à u capu di a CCI :

- Quand on est confrontés à des problèmes comme je l'ai été, la justice doit passer. Si on a fait des bêtises, on doit les payer...


Eccu.

Pensu ch'ellu ùn ci hè nunda d'altru à aghjustà.

Ma ùn sò micca s'ellu hè megliu à ridene o à pienghjene...

Tuttu principia in 2006...
Circhemu di ripiglià l'affari in l'ordine. Tuttu pare principià cun l'assassiniu di Robert Feliciaggi di marzu 2006 in Aiacciu. Amicu di Charles Pasqua, "Bob le cigare" era cunnisciutu per esse un "africanu" è avè parechji affari da l'altra parte di u mare : casinò, PMU è tuttu ciò ch'imbuleghja i soldi è u ghjocu in u cuntinente neru, Camerun, Benin, Ile Maurice, Gabon, Congo...

Feliciaggi era un amicu di Jean-Jé Colonna mortu di nuvembre 2006 è presentatu cum'è u dernier parrain corse. A so discressione è u so statutu di padrinu corsu alimentavanu tanti fantasimi chì a so morte hè stata assai cummentata...

Perchè avè tombu à Feliciaggi ?
Sin'à tandu, l'equilibriu di u banditisimu corsu paria chjaru trà a banda bastiaccia di a Brise de Mer è l'amichi di Jean-Jé. Ma seranu i so affari africani o quelli in Corsica Suttana chì attiravanu l'appititti ? E spiegazioni di i giurnalisti ùn mancanu.

Cismonte vs Pumonte ?
Di poi, pare ch'ellu sia un colpu ognunu :
23 aprile 2008 : Richard Casanova si face tumbà in Purtivechju
17 ghjugnu 2008 : Jean-Claude Colonna, vice presidente di u Gazélec è cuginu di Jean-Jé, si face siccà.
3 lugliu 2008 : Daniel Vittini presentatu cum'è un puntellu di a Brise de Mer si face tumbà à u Poghju di Venacu.
u 9 di lugliu, hè u giru d'Ange-Marie Michelosi di fassi tumbà in Grussetu Prugna.

2-2 o 4-0 ?
Un colpu un suttanacciu vicinu di Jean-Jé, un colpu un supranacciu di a Brise... Allora ? Si reguleghjanu i conti trà Terra di u Cumunu è Terra di i Signori, un colpu ognunu ? O ci serà un'antra squadra chì vole fà a pulizia ? Per avà ùn risichemu micca di sapè a verità. A dice in Libé un pulizzeru : «Pour l’instant, on compte les points.»

L'ipòtesi di a "terza squadra"
Aspettendu u prussimu, ognunu dice a soia. Saria un colpu di a maffia russia chì averia assai invistitu in Corsica Suttana, sopr'à tuttu in Purtivechju. Quelli di u Petit Bar ? O a banda di Casinca, menu cunnisciuta è più discreta, ma chì sà manighjà a pistola ? Ma pare ch'elli sianu stati assai tocchi dop'à l'affare Concorde.

Custì dinù, ognunu dice a soia.

Richard Casanova è u PLU di Purtivechju...
Hè statu Le Point à dà l'infurmazione : In a vittura di Richard Casanova s'hè trovu una copia di u PLU di Purtivechju è un cartulare nant'à a stesa di u portu di a cumuna. Per avà ùn s'hè intesu nè à Georges Mela, nè à Camillou nant'à sta storia.

Una cosa hè accertata : u milieu s'interessa assai à stu tesoru novu chì hè u litturale di a Corsica Suttana. I milioni cascanu nant'à e piaghje da Purtivechju à Aiacciu è discetanu l'appititti.

È chì puderà opponesi à quessa ?

Ùn si sentia più parlà di Gilbert Casanova dapoi qualchì tempu è eccu chì l'omu face forte : u so nome s'hè ritruvatu in prima pagina di tutti i media francesi.

Ci vole à dì chì l'affare hè originale. Un tràfficu di droga in eliccòtteru da u Maroccu chì duvia dopu parte in direzzione di a banlieue parigina.

I media anu avutu difficultà à definisce à Gilbert Casanova. Prima presentatu cum'è un "notable corse ", dopu cum'è un " ex-notable ", finalmente si ritene " ex-figure du nationalisme ".

Face assai "ex"... Hè chì u tippu ùn c'era più.

Al dilà di a magagna nant'à l'anziani di u Mouvement Pour les Affaires, chì ritenerà a storia di a generazione di i naziunalisti di l'anni 90 ?

Chì bilanciu si ferà di i Charles Pieri, Alain Orsoni, Jean-Martin Verdi, François Santoni, è astri Gilbert Casanova ?

Chì sò state e vittorie per u populu corsu, qualesse l'avanzate purtate da st'omi ?

Per avà si trattà sempre d'attualità è ùn ancu di storia, è l'affari sò troppu freschi.

Forse ùn avemu ancu abbastanza rinculu per parlanne di manera ogettiva, senza passione.

Ma un ghjornu, per ùn micca cascà in i listessi errori, per preparà una Corsica chì sia sana, ci vulerà bè à fallu, stu bilanciu...

È voi, chì ne pensate di sta storia ?

PS : Ci hè un prublema tennicu cù i cummentarii ma pudete parlanne nant'à u forum

Vi dumandate à chì ghjovanu i scentìfichi è ciò ch'elli cercanu ? È s'elli à rombu di circà, trovanu qualcosa ?

Allora eccu una nutizia chì hà da ralegravvi è una scuperta di prima trinca.

Hè un prufessore israelianu chì a dice .

D'appressu à ellu, quandu Moïse hè fallatu da u monte Sinai è ch'ellu hà presentatu i so dece cummandamenti, ùn avia micca u so capu à segnu. Devia esse appena abambanatu da une pochi di prudutti allucinògeni chì l'anu plasticanu u cerbellu.

Attenti chì l'affare hè seriu : sempre d'appressu à u nostru spezialistu innù i riti religiosi di tandu si facia una grande cunsumazione di prudutti psicotropi, piante è tizzoni chì vi danu e visioni è vi facenu sente e voci...

Da chè spiegà i dece cummandamenti ?

Piuttostu rock'n'roll u nostru vechju barbutu di u Sinai, nò? ZZ Top ùn anu inventatu nunda.

Eccu, ùn era micca pè lancià un dibattitu nant'à a depenalizazione di e droghe trà lettori di A Piazzetta, ma ghjustu per dì chì certe volte, i circadori trovanu.