Marcel Francisci vince l'elezzione di u t-shirt u più goffu.

Cun sti ritratti pigliati nant'à u contu Twitter di Via Stella, si pudia induvinà durante u spogliu quale avia da vince in Portivechju.

Ùn vi sbagliate micca, ste donne sò cuntente di a vittoria di Marcangeli in Aiacciu.

Prima cunsequenza di a disfatta di Simon Renucci : u merre dà e so interviste da una cantina.

Và bè, aviamu capitu chì Marcel Francisci s'era messu à a "muscu"...

Dumè Moret, u giurnalistu di France 3 : "certains partisans de Laurent Marcangeli ont crié "i paisani fora" en référence aux origines de Simon Renucci qui est de Cuzzanu (...) puis ils ont chanté l'Ajaccienne et la Marseillaise". Nisun dubbitu, a Corsica avanza.

"Je suis en tête à Portovèk" : Camille de Rocca Serra ùn ci la face sempre micca à prununzià "Portivechju".

Riportu nant'à Laurent Marcangeli : "entre Napoléon, Pascal Paoli et De Gaulle, Laurent Marcangeli trouve les forces pour faire face". Dapoi quandu u puverettu di Pasquale hè à diritta ?

Paul Giacobbi ùn si muverà micca di u so futtogliu di a serata, ùn s'hè micca vistu in i studios di France 3. Quì, ùn manda micca un sms ma un scud à Stéphanie Grimaldi : "en face de moi, il y avait la vacuité".

A Corsica manderà dunque à Laurent Marcangeli, sosia di Brice Hortefeux à l'assemblea naziunale francese. C'est quand il y en a beaucoup qu'il y a des problèmes...

3 diputati à diritta nant'à 4. In Corsica, ancu Nadine Morano saria stata eletta dumenica.

Surpresa : Jean Zuccarelli ghjunghje terzu è face solu 5.000 voti in Bastia, risultatu u più debbule di tutta a storia di a Zuccarellìa. Grande vincitore di a serata : François Tatti...

Transfert : Samantha Oups passa avà nant'à Via Stella.

Georges Mela, campione di u mondu di u "je me mets derrière Camillou quand il passe à la télé pour qu'on me voit bien". Felicitazione !

Analisa di u scrutinu di Sauveur Gandolfi-Scheit nant'à Alta Frequenza : "je disais c'est Le Retour de la Momie, et le film était plus important que Braïsse de Naïsse, hein, sur Nice. Parce que tout compte fait, je considère que Jean Zuccarelli a été le Braïsse de Naïsse de Nice avec le surf, avec l'homme qui attendait sur la plage de Nice la grande vague, lui il était le Braïsse de Naïsse de Bastia, il était sur la plage de L'Arinella avec son surf et il attendait la vague rose, mais elle n'est jamais venue..."

E serate di l'emissione pulìtiche di ste legislative sò state animate è cummentate nant'à Twitter (da seguità nant'à u contu di A Piazzetta). Di manera appena strana, i vincitori ùn si sò micca veramente intesi a sera di i risultati. Troppu occupati à fà a festa ? E riazzioni eranu piuttostu crìtiche, eccu ne une poche :


@Vintisari
Apparemment les Corses sont heureux et ne veulent pas du changement......

@ndeperetti
Laurent marcangeli député nous vivons dans un pays de fous

@JacquesMattei
Avec 3 députés à droite, la Corse en excellente position pour négocier un projet constitutionnel avec le Gouvernement !

@pirouettecacahu
Le CCB ressuscité, le 3ème âge fait la farandole dans les rues d'Ajaccio

@LVesperini
Les défaites de MAM, Guéant et Morano arriveraient presque à me consoler des victoires locales de Marcangeli et Rocca-Serra. Presque.

@sambucucciu
Tandis que Gandolfi-Scheit entame un 54eme tour de boulevard Paoli avec sa BMW...

@appolonie2b
Si un jour on a un débat jean Z - Simon Renucci , cumprate puru i décodeur vi la dicu

@Alessandrini_p
l'immobilisme est en marche. Rien ne saurait l'arrêter.

@sambucucciu
Le grand vainqueur de la soirée : Paul "the System" Giacobbi. Progrès ?

@adrianu_
Quand je vois les résultats en Corse, je me dis que la jeunesse insulaire est encore dans la merde pour les 5 prochaines années.

@Lilinuccia
Il faut vraiment que Camillou prennent des cours de corse, c est de mal en pire...

@cooperwahoo1
Comment les porto vecchiais peuvent ils continuer a voter pour des mecs comme Rocca Serra??

Solu omu puliticu corsu à reagisce, Jean Zuccarelli :

@JeanZuccarelli
Vi ringraziu à tutti per u vostru sustegnu.

A risposta ùn hè stata longa :

@LuigiPiombu
"tutti" ùn sò micca cusì numerosi...

Una diritta in testa ma chì piglia a falata :

• In Aiacciu avia fattu 45% in u 2007, Laurent Marcangeli face 30%

• Sauveur Gandolfi-Scheit avia fattu 44,% in u 2007, face 32%

• Camille de Rocca Serra hè statu elettu cun 51% di i voti in u 2007, perde guasi 20 punti è face 33%

• Stéphanie Grimaldi perde 16 punti in 5 anni. A so campagna contr'à "le système" ùn hà micca viaghjatu. Face 84% in a so cumuna di A Porta d'Ampugnani. I picculi 16% chì ùn anu micca vutatu per ella non più ùn sò micca in u "système".

L'altre falate :

• U clanu Zuccarelli : Emile avia fattu 33,5% cinque anni fà, Jean-Jean face 10 punti di menu, malgradu a vittoria di a manca à a presidenziale

• In Bastia solu 600 voti di differenza trà Zuccarelli è Simeoni

• Corsica Libera, in tutte e circuscrizzioni, u FN li passa in davanti. Iè, Tony Cardi davant'à CL...

Quelli chì anu manghjatu e frittelle :

• Simon Renucci chì tuttu u mondu vede perde à ogni elezzione è chì hè sempre quì

• Paul Giacobbi. Ùn hà più nemichi in a so circuscrizzione è s'annoia. Allora a si caccia contr'à l'IFOP, vistu chì à l'UMP ùn ci hè più nimu...

• Gilles Simeoni è Jean-Christophe Angelini, pè a prima volta ci serà dui candidati naziunalisti à u segondu giru d'una legislativa

U FN. Tony Cardi è i so amichi facenu in giru à 10%. Iè, Tony Cardi... Quellu chì prupone "la priorité d'emploi aux Français et la priorité d'emploi aux logements"

Frédéric Hantz 2012
Frédéric Hantz face torna una bella elezzione. 67 voti in A Vulpaiola, ghjunghje segondu daretu à Paul Giacobbi.

U misteriu
Pierre-Noël Tucci, candidatu Génération Ecologie-PRG hà riesciutu à fà 4 voti, sia 0,01% in a prima circuscrizzione di Corsica Suttana. Un prublema l'hà impeditu d'avè biglietti di votu. Peccatu, era in forma. À u dibattitu di Via Stella avia dettu chì "tant qu'il y aura les clans et le système, il n'y aura AUCUN développement économique en Corse". Cun l'etichetta PRG dunque.

A pulèmica
Femu a Corsica accusa a merria di Bastia d'avè pigliatu i quaterni di e firme, (cahiers d'émargement) per fà e fotocopie

Tutti i risultati nant'à elections-corse.com
Tutti e video nant'à France 3 Corse

Eranu veramente forti Ben Ali è Mubarak pè cascà cusì in furia ? Ci hè di chè dumandassi. Ùn sò mancu stati capaci di tene più di 30 anni à capu di u so statu.

Invece chì e nostre e dinastie sò veramente di ferru.

Quandu anu cumminciatu e dinastie di Giacobbi, Rocca Serra è Zuccarelli ? Ùn si sà mancu. Ci vuleria à ricullà à i tempi di a feudalità, è ancu. S'è no femu un test ADN in Filitosa è Cucuruzzu qualcosa si truverà.

Hè cusì o ghjente, ci piace u clanu. L'anni passanu, e casate di i nostri sceffi nò. Semu fatti per quessa, u scambiamentu ci stumaca, ci face a paura. Ci vole à perpetuà e tradizioni di i nostri cari antichi. Trà di noi, ci pudemu sempre arrangià.

È dì chì u mondu sanu si scandalizeghja di u pistonu di Gamal Mubarak allora chì Jean-Jean hà trovu a so piazza à l'ADEC, chì Paul Emploi hà pigliatu a piazza di François, Camille quella di Jean-Paul, è ùn parlemu mancu di Francisci è di Manue de Gentili. Ancu Edmond hà passatu a manu à Gilles è Pierrot Cahuzac hà riesciutu à piazzà u so figliulinu à u Sporting.

I naziunalisti anu riesciutu à fà crede ch'ellu ci vulia à ammazà stu sistema allora chì ùn ci hè sistema più corsu ch'è u clanisimu. Ùn sapemu funziunà di manera altra. U ghjornu induv'ellu ùn ci serà più clanu in Corsica vulerà dì ch'ellu ùn ci serà più Corsi.

Allora ùn vale a pena di fà quelli chì sò contr'à u niputisimu. Ci piace, hè cusì. Ci rassigureghja di crede chì u mondu ùn scambia.

Di rivuluzione quì, ùn ci ne serà mai. A rivolta di Sambucucciu d'Àlandu per mette fora i sgiò ferma un'anumalia di a storia...

Sta videò hè tirata da u ducumentariu Partiti è pulitichella passatu in l'emissione Ghjente nant'à France3 Corsica. Per vedela sana, andate quì.

Di i dodeci mesi di l'annu, quellu di maghju hè siguramente u peghju pè a Corsica.

Per noi, u venneri 13 dura un mese sanu.

Hè semplice, di maghju ùn ci accadenu ch'è guai è catastrofe.

Eccu u listinu :

8 è 9 maghju 1769 : Corsica vs Francia in Pontenovu, a squadra di Pasquale Paoli piglia a concia. Aspettemu u match retour.

5 maghju 1821 : Napuliò more in esiliu à Saint-Hélène, solu, cum'è un disgraziatu.

9 maghju 1978 : Finale cuppa UEFA. Bastia 0, PSV Eindhoven 3.

5 maghju 1992 : Catastrofa di Furiani. Papin, Boli è Tapie avianu da perde contr'à Bourabaa, Di Fraya è Mangione. 18 morti è più di 2500 ferriti.

1986 : Tchernobyl. Di manera officiale, u nulu radioattivu s'hè piantatu à a fruntiera. Splusione di i càncari di a tiròida in Corsica.

Ancu più forte : intornu à l'annu 1000 (ùn si cunnosce micca a data, ma si sà ch'ellu era di maghju, hè què chì hè tremendu) hè tombu u sceffu di a Corsica, u famosu Arrigo Bel Messere. Sapete, hè quellu chì ci porta a ghigna dapoi 1000 anni : "hè mortu Arrigo Bel Messere, è Corsica ùn averà mai bè"...

11 maghju 2002 : Bastia perde contr'à Lorient a finale di a cuppa di Francia a più goffa di tutti i tempi. Ùn si pudia micca vince cun Prince, Dieuze è Deblock...

6 maghju 2007 : Nicolas Sarkozy hè elettu presidente di a Ripublica. È avemu da ripiglianne per 5 anni.

4 maghju 2010 : Bastia perde contr'à Vannes è fala in National. Cum'ellu a dice Antoine Redin : "on sait quand on descend, on sait pas quand on remonte..."

6 maghju 1952 : Nasce Christian Clavier. In più hè vera !

21 maghju 1954 : Nasce Camille de Rocca Serra. Pare fatta à posta.

Apre Via Notte.

U mese di maghju viderà nasce dinù Lorie, Nikos Aliagas, Jean-Marie Bigard, Brice Hortefeux, Bob Sinclar, Patrick Bruel, Yannick Noah, Pierre Bachelet, Daniel Xuereb, u Fronte, Zacarias Moussaoui, Dave, Édouard Balladur, Pierre Deblock, Bernard Lambourde è Jean-Guy Talamoni.

S'ellu ùn hè u mese di i loosers...

Siamu franchi. Cun Paul Emploi Giacobbi dettu dinù "The Brain" à u capu di a CTC, a diritta pò dì à vedeci à l'assemblea di Corsica per una bella stonda.

Femuli puru cunfidenza à u venachese. L'omu ci capisce. Ùn vi scurdate ch'ellu hè statu elettu presidente di u Cunsigliu Generale di Corsica Suprana allora chì a diritta era magioritaria, in u 1998. Oghje, a magiorità Giacubbista hè di 2/3.

Per quelli chì anu cunnisciutu i petits fours è e lasagne à u Palazzu Lantivy, l'anni à vene risicheghjanu d'esse quelli di a traversée du désert.

Senza offiziu, senza postu à l'esecutivu, ch'anu da diventà ?

Per Jérôme Polverini si parla di fà "Koh Lanta". Antò Giorgi hà ripigliatu u club di "Des chiffres et des Lettres" di A Sarra di Farru.

Anghjulu Santini s'hè messu à u Prozac. Camillù hà da participà à "Lost".

Rendemu dunque un omàgiu à quelli chì anu fattu avanzà a Corsica st'ultimi anni.

Difficiule di fà peghju ch'è Frédéric Lefebvre. U spezialistu di a pretensione, di a pruvucazione è di a cunneria à l'UMP (hè u so rollu offiziale) n'hà fattu una bella nant'à a Corsica : per ellu sariamu "un petit village gaulois".

Peghju : "nous avons deux Astérix avec Camille de Rocca Serra è Ange Santini".

Dopu à "nos ancêtres les Gaulois", eccu dunque una cacciata nova. 2000 anni dopu, i Corsi sò dunque "ingallizati".

Cum'è metafora, difficiule di fà più chjaru ! Almenu sapemu induve andemu...