10 ragioni d'ùn micca celebrà a Saint-Valentin

Per falla finita cun sta festaccia !

Cuntavate passà a serata in lover , incù màzzulu di fiori è dîner aux chandelles ? Sopr'à tuttu, ùn fate micca cum'è l'altri !

10 ragioni d'ùn micca celebrà a Saint-Valentin

1 - A prima ragione hè chì San Valentinu ùn hè mai statu festighjatu in Corsica. Cummincemu per celebrà e nostre feste tradiziunali : San Ghjuvanni, Santa Divota, Santa Maria, San Brancaziu, Sant'Alesiu, San Petru, San Martinu, Santa Lucia, San Chirgu, Sant'Antone, eccetera... è dopu anderemu à circà i Saint Valentin è i Saint Donovan.

2 - Site solu ? Eccu una ragione di stavvi in casa u ghjornu di a Saint Valentin. Micca cum'è tutti sti coppii di lonzi chì si facenu e so serate incù musica di lover e candele prufumate.

3 - Site sbaiuccatu. Hè a crisa, ùn vi ferma mancu un bigliettu di 5 eurò per pudè mette a vostra turnata à u comptoir.

4 - Hè una festaccia artifiziale. A Saint Valentin ùn hè ch'è una invenzione di a nostra sucetà di cunsumazione per favvi spende i vostri soldi per cose cumplettamente inùtile. Allora boycott !

5 - Passate à a risa. Francamente, aspettà u 14 di ferraghju per invità u(a) vostru(a) cumpagnu(a) à u restò, site rancicu o chè ?

6 - Semu sabbatu. È u sabbatu, ci hè apperitivu cun l'amichi. Allora u dîner aux chandelles per morre d'annoiu, serà per un'antru annu !

7 - Ùn site micca forte pè i rigali. Allora ch'è vo comprite un giuiellu à 3000 eurò o un mazzulu di fiori, serà suppa di musu in casa, i vostri rigali ùn sò mai riesciuti.

8 - Risparmiatevi a discussione nant'à l'avvene di u coppiu. Nunda di megliu ch'è un ripastu di Saint-Valentin per parlà di i sugetti ch'ellu ùn ci vole micca à trattà : l'avvene di u coppiu, u matrimoniu, avè i zitelli, avè un cane, u culore di i rideaux, a vostra socera, eccetera...

9 - Hè per i beaufs. A Saint-Valentin, u tunning, Johnny Halliday, u Flunch... Tutta listessa robba per beaufs !

10 - Avete parechje(i) cumpagne(i). V'hà da custà caru l'affare ! Sarete obligatu(a) di fà un creditu à a SOFINCO per fà i vostri rigali.

S'è vo ùn site ancu cunvintu(a) cun tuttu què, hè veramente ch'è vo site persu(a) è ùn si pò più fà nunda per voi.

D'altre pruposte ? Aspettemu i vostri cummenti !

u 14 di Farraghju 2010

U Sgaiuffu

Accueil

Envoyer à un ami

Version imprimable

1.mandatu da harold u 10/02/2009 10:02

eccu, a saint valentin, hè robba per i pinz !

2.mandatu da Ghjisè u 10/02/2009 12:06

O Sguaiuffu, mi pare ch'u solu rancicu pè a "saint valentin" sì tù!!!!!
HiHiHi
Mà sò d'accunsentu incù tè, hè una festa per fà marchjà i cummerci!! Tantu megliu per elli,
he a surtita ch'i "coppii anziani" aspettanu incù impazienza!

3.mandatu da robindiafuresta u 10/02/2009 12:14

chi tante saint valentin un bellu colpu di misumbau quessu si li face prò e costa pocu

4.mandatu da circinelludiguagnenativupeliguagnesusosanguaversatu u 10/02/2009 13:40

eu s'è facciu un rigalu à la me moglia pà a senvalantèn, o s'è provu à dìddi calcosa à u svegliu, mi sciacca un pattoni, ti spiegu !!!

5.mandatu da ZIU ANTO U PURCAGHIU u 10/02/2009 14:46

e eiu solu disgrazziatu sensa moglie ne cumpagne mi batteraghiu una sega.Ecusi mi cuntenteraghiu solu sensa spende soldi. . . .

6.mandatu da ghjisepucciu u 10/02/2009 16:32

vogliu di a Anto u purcaghju " fà puru ma falà cume lu ci vole : c'u una rosula in mana

http://sculcaracciu.blogzoom.fr

7.mandatu da Piratella u 10/02/2009 18:42

Ragiò 11 : Micca bisognu di ragiò 11.

8.mandatu da altore u 10/02/2009 21:25

giustu per dì chì sò d'accunsentu cù u fondu di l'articulu ma dinù pè favvi rimerca un affarucciu... u corsu ùn dice micca "10 ragioni d'ùn micca celebrà.." ma "10 ragioni d'ùn celebrà micca..". ùn hè micca un sbagliu tamantu ma l'aghju rimercatu dunque a dicu... ma longa vita à a piazzetta ! mi campu tutti i ghjorni à leghje l'articuli (è ancu à aspettà i prussimi)

9.mandatu da lunachjara u 11/02/2009 09:01

Ùn sò se vo' avete rimarcatu ,ma v'aghju dà infurmà.
Se per casu vulete fà qualcosa pè San Valentinu( o nunda)...sopratuttu evitate à Bastia!!!!
Chì quist'annu c'è Matrimonia: u salone, a fiera di u matrimoniu...allora chi ne pensate, omi di poca fede????
Finamente ùn hè megliu à piglià a so amica è purtala in Balagna o in Aiacciu è pagà una notte à l'ostellu? Piuttostu chè di pagà un matrimoniu, o avè una discussione à nant'à l'avvene di u coppiu (quessa, tandu, ùn ci scapperete micca!!!!!)??

Ma sò d'accordu cù u fondu dinù: hè una festa cummerciale. Perchè aspittà una festa indettata da a sucietà oghjinca per sprime i so sintimi???
Sò donna, ma una declarazione per san Valentinu face à pena banale, innò?

Sprimete i vostri sintimi ogni ghjornu!
(avà ci scappa ancu a lacrima.... )

;-)

http://mettu u mo nome cusì mi ricunnosci o vechjò!

10.mandatu da ZIU ANTO U PURCAGHIU u 12/02/2009 11:18

ai piu chè ragio o lunachjara . UN fistà a san valentinu ma festa piutostu a saint claude un 15 di feraghju u lidumane . . . .

11.mandatu da lunachjara u 12/02/2009 20:58

È perchè micca????!!!!!!!! Pò esse un'idea o Ziu Anto.... :-)

12.mandatu da Laicità curnuta u 13/02/2009 14:19

Un'altra ragiò per ùn festighjà micca à San Valentinu : site laicu / laica. D'altronde, da laicu / laica, ùn festighjate micca Natale, è u Luni di Pasqua, quellu di e Penticoste, u ghjovi di l'Ascensione, quant'è per a Santa Maria / Assunta Gloriosa, u 15 d'agostu andate à travaglià. Invece sè vo site cristianu / cristiana, in tutti issi ghjorni quì, andate à a messa è à tutti quelli chì si ne mettenu pienu e stacche di e feste cristiane diventate quelle di u soldu, li mandate un bellu paghju di corne.

13.mandatu da ZIU ANTO U PURCAGHIU u 13/02/2009 17:51

O Lunachjara ti dicu quessa perchi SAINT CLAUDE ghiè un loccu in FRancia induè so fatte cusi beddè pipè .Ecasca u lindumane di u famosu ST VALENTIN; ai capitu ? ? ?

14.mandatu da corsicaserabonasera u 13/02/2009 19:00

12esima ragio Valentin rima cù catin

15.mandatu da lunachjara u 13/02/2009 19:11

Capitu avà o ziu.... :-)

16.mandatu da Cristiani in bisbò u 18/02/2009 14:21

Tredecesima ragiò : site cristianu è n'avete una techja di vede e feste cristiane diventà feste suldaghje.

17.mandatu da Corsica nasone u 18/02/2009 14:23

Saint Valentin, in corsu di dice San Valentinu, appena cum'è Tinu u Rossu. Quattordecesima ragiò.

18.mandatu da Donne u 18/02/2009 14:29

Maritatu George Clooney, avemu persu ogni speranza di festighjà à Saint Valentin…

19.mandatu da Heliofobu u 18/02/2009 18:46

Micca sicuru o "Donne"... Vi ferma sempre qualchi leader naziunalisti, innò ?

20.mandatu da piratella u 19/02/2009 00:19

14sima ragiò : Megliu à festighjà l'amore TUTTI L'ALTRI GHJORNI DI L'ANNU...

21.mandatu da Donne u 08/03/2009 14:12

Per risponde à Heliofobu : Jean-Charles Orsucci? Jean-Martin Mondoloni? Saranu naziunalisti elli?

22.mandatu da PICCHJACCANTU u 08/04/2009 00:34

15ima ragiò:
u 14 di Ferraghju, ci si more sempre di freddu fora. Allora ùn hè megliu di stà in casa soia, vicinu à u caminu, nò??

A fassi qualchi "monopoly" o "scrabble" incù a moglie???

23.mandatu da stefani lucie u 14/02/2010 16:27

E una festa per i pinzudi...i tintacci ,hannu sempre bisogno di fa cume tutti!! Per me l'amore hè tutti i ghjorni un cè bisognu chi a publicità mi dicca cio ch'adjiu da fa !

24.mandatu da l'arte è mighellazzu manghjà è beie è stà a spassu u 14/02/2010 19:49

ié avete à raggiò mà stu ghjornu e zitelle chi so sole cercanu i chjovi rughjinosi ;) per elle d'apressu a mè ghjé un bellu ghjornu per una bella futtita !! :D

25.mandatu da stefani lucie u 14/02/2010 20:02

Chi bella espressione:"i chjovi rughjinosi"! un l'avia mai intesa! E zitelle chi so sole (mica tutte ) cercanu potesse a fassi fa un rigalu...piu cumerciale. Chi n'hè pensate ?

26.mandatu da mazzulettu u 14/02/2010 23:39

o zitelli fate attenzione, che di regula, li piacenu "a saint valentin" a e donne...

27.mandatu da Briacone u 15/02/2010 07:55

- Site sbaiuccatu. Hè a crisa, ùn vi ferma mancu un bigliettu di 5 eurò per pudè mette a vostra turnata à u comptoir.
Una turnata a 5 euro????Face un bellu pezzu che he morta a turnata a 5 euro! Ava so tutte a 20 euro e turnate,quandu pagu 5 euro ghjé che beiu solu o sino dite mi subitu u locu induve si po beie turnate cusi!!

28.mandatu da Tarzan di a vechja cità u 15/02/2010 09:09

Ciò ch'omu hè ubligatu di fà pà fassi alliscià i peli di u cazzu...
C'hè da rida, ùn vi sminticheti chi tira più un pelu di muzza in cuddata cà dui paghji di boii in falata!!

29.mandatu da Marcucciu u 15/02/2010 14:08

http://www.20minutes.fr/article/384692/Sport-Un-fan-de-NHL-se-prend-un-rateau-le-jour-de-la-Saint-Valentin.php

30.mandatu da Eiu stessu u 15/02/2010 16:42

Eiu so transsessuale (una femmina incu... un cusucciu in piu), e trovu chi a me cundizione un hé micca abbastanza ricunnisciuta nant'a Piazzetta. Hé sempre difficiule di fa un rigalu a un Shemale: un prufumu pe l'omi ? un saccu a manu pe donna ? L'ultimu stracciu-libru di Paul Silvani ?

31.mandatu da Cumpalliols u 15/02/2010 20:51

Quant'à me chì ùn averaghju ch'è què à fà di festighjà sta "festa" muderna è cummerzialista.
Sopra tuttu chì sò solu !

http://cumpalliols-in-corsu.over-blog.com

32.mandatu da coco loco u 17/02/2010 12:51

Bè' no! Sa Valentino hè una festa antichissima, dal 400 dopu cristu in Italia e poi in tutta europa e quindi puru in Corsica.
Solo in questi ultimi 30 anni hè diventata na festa commerciali, comu lu Natali, capudannu e la befana!

33.mandatu da asalonga tony u 21/02/2010 23:04

basta 'ssa sardaria, i taliani fora tutti PD!!!!

34.mandatu da Balanina u 01/03/2010 19:54

A a Saint Valentin, tuttu hè siempre carcu, risturanti.. Avemu l'impressione di fà bè allora chi in fine nudda li piace.

35.mandatu da Ciuciarella2a u 01/03/2010 20:05

Parchi un hè micca un piaceri passà a settimana pà un rigali, cumpralu, è a a fine avè un rigalu cumpratu un ghjornu, picculu è ridiculu.

36.mandatu da Audrinetta u 01/03/2010 22:29

Una ragio d'un micca festa a San Valentinu hè chi sta festa hè stùpida, ùn ci hè micca un ghjornu speciale per festa l'amore, questa hè fatta per fà spende soldi à a ghjente, u peghju ghjè chi marchja.

37.mandatu da MTG u 09/03/2010 19:33

un ci hè micca bisognu d'un ghjornu speziale per festighjà l'Amore.
A festa di l'amore ghjè tutti i ghjorni.

38.mandatu da larenzu u 06/10/2011 09:15

é a festa di a nazione, l'ottu di dicembre a vi scurdetta? vergogna a voï!!!

39.mandatu da Jean u 14/02/2012 11:40

Santa Maria !

Novu cumentu :