A battaglia di e sciarpe

Hè un tweet di u contu di France 3 Corse chì a face rimarcà :

"La guerre des écharpes continue, et devient même un commerce"

U tweet face riferenza à una publicità ch'ellu si pò vede in Corse-Matin, à a pagine di... Bastia, pè "l'écharpe des élus corses".

A guerra di e sciarpe, hè Gilles Simeoni chì l'hà dichjarata cù a so vittoria in Bastia.

Pocu dopu, avemu vistu nasce "l'écharpe des élus corses". Hè fatta in Balagna è vi custerà 168 €, ma avete interessu à esse elettu di qualcosa. L'avemu vista per l’Associu di l’eletti di Corsica Libera.

Bon, serà forse un'altra sciarpa chì metterà tuttu u mondu d'accunsentu : quella arancia di u culletivu Parlemu Corsu, ch'è no videremu à a manifestazione di sabbatu in Aiacciu.

Infine, speremu...

u 20 di Maghju 2014

Accueil

Envoyer à un ami

Version imprimable

1.mandatu da l''''azeza u 20/05/2014 14:08

a sciarpa di l'eletti corsi chî parlenu pinzutu...
mi piace di più Gillou cù a sciarpa francese ma chî parla corsu
ùn hè micca u vestitu chî face l'omu ma l'omu chî face a sucetà
parlate u corsu in giru à voi, in famiglia, à l'amichi è sopr'à tuttu cù i vostri figlioli è ùn averete bisognu di l'accunsentu di a custituzione francese per fà campà a vostra lingua

2.mandatu da Corsica2b u 27/05/2014 15:21

O zitelli ùn ci vole a esse criticoni quandu a ghjente sustene a lingua corsa ci vole a sciacammanà invece eppoi ci so parrechi corsi chi puru essendu a pro di a lingua corsa so impauriti di aduprala perche ogni volta chi apprenu a bocca so giudicati per via di u so accentu o perche ùn conoscenu micca bé a lingua corsa allora fate u piace quandu omu prova aiutatelu invece di diprezzalu ci vole a ricordasi chi ogghje giornu si sente parlà francese in cherrugju allora date voi l esempiu e parlate a vostra lingua si a sapete parlà

Novu cumentu :