Accolta > TERRITURIALI 2010

Elezzioni : road to 2010 !

Eccu, ci semu ! A campagna pè l'elezzioni territuriali hè avà lanciata. À u prugramma : riunioni azeze, discussioni accanite è dibatti à ùn finisce più. À manca, à diritta è ind'è i naziunalisti, sempre listessu prublema : A CUMPUSIZIONE DI A LISTA.

Qualessu hè u principale prublema di a Corsica oghje ?

U disimpiegu è a situazione ecunomica ?
U sottu sviluppu ?
U fundivu è a vèndita di a terra ?
A manumessa di a maffia ?
L'eculugia, a bettunizazione ?
A lingua è l'identità ?
A demograffia chì cresce ?
A droga ?
U Sporting chì si sprufonda ?

NÒ !

Per 100% di i partiti pulitichi, ùn si parla di nisunu di sti prublemi.

À colpi d'AG sticchite, di riunioni pùbliche o piattate, di dibattiti infrebbati è accaniti, di tutti i guai di a Corsica d'oghje ùn si ne parla.

Voi pensate ch'ellu si parla prugramma, avvene, perspettive, suluzioni...

Invece u solu dibattutu chì conta hè quellu di "a lista".

Quale serà u capilista ? À quale mettimu in terza pusizione ? (ci vole à dì chì cù a parità, e piazze à i nùmeri pari ùn contanu per nunda...). À quale mettimu in pusizione d'esse elettu ?

À manca (chì pò sperà piglià a CTC) Giacobbi è Zuccarelli ùn sò amichi più ch'è nant'à Facebook.
À diritta, Rocca Serra è Santini s'insultanu per SMS.
Ind'è i naziunalisti, l'arechje di Jean-Christophe Angelini ùn s'arrestanu più di fischjà.

Bon, si parla appena di prugramma ?

u 18 d'Utrovi 2009

u webmaestru

Accueil

Envoyer à un ami

Version imprimable

1.mandatu da MM u 18/10/2009 17:53

Perchè ? Hè sempre naziunalistu Angelini ?

L'hà dettu ellu stessu u solu scopu hè di "ghjunghje à e rispunsabilità" !!

2.mandatu da machja u 18/10/2009 19:52

VINCE! hè quessa a primura per assai corsi.

Ma ,una volta di piu, un hanu capitu nulla a u "filmu",di quale a tramà,a messa in scena, a scelta di i cumediante hè stata fatta per i scruconi chi ci culunizzeghjanu dipoi seculi.

Ma chi vuleranu vince ?
A vi diceraghju!

Volenu vince u dirittu di fa parte di l'eletti di a ripublica francese.
Vince una sumiglia di putere, di dicisione nant'una pulitica, mai messa in piazza senza a voglia di u putere parriginu.
Vince un ossu a rusicà, un ghioculu per batessi tra di noi.

Che cambieria un Quastana o un Poggioli, presidente di a CTC ?Nulla !
Liber Bou diccia che ancu 300 000 naziunalisti un cambierianu a pulitica di u statu francese in Corsica.
Di piu su piculu putere ha un prezzu, una bella "funa" intornu a u colu, tenuta per sarko e a so squadra, e attenti a quellu chi sorte a pena di u caminu.
Tornate a leghje" le loup et le chien", ghje quessu che no vulemu vince ? ghjè per sa funa a pena lussuosa, che no ci battimu, che no ci tradissimu, che no ci vendimu, tra corsi senza vergogna,e in lu disonore ?
Eiu un vogliu piglià parte ind'issa carnavalàta, di fa una sceglia tra corsi, di fa u ghjoccu di a divizione, e ricuso e legge francese fatte per sottumetesi.
Mai un vuteraghju per un corsu chi ha per ambizione di purta nant'u pèttu " su stacciu, azuru, biancu e rossu"
L'avvene per a Corsica di dumane hè a nostra Cunsulta Naziunale.

Un cascate mica una volta di piu inde sa trappula, un andate a vuta !

3.mandatu da Marcu u 18/10/2009 20:21

1 - U disimpiegu è a situazione ecunomica ?
2 - A demograffia
3 - U fundivu è a vèndita di a terra ?
...
10 - A lingua è l'identità
11 - L'eculugia, a bettunizazione ?
(10 & 11 = parchì si ne futtanu i corsi elli stessi).

Forse ùn anderaghju à vutà ... osino ... CL .. o PNC o Alf o Dr House o david guetta o facebook o obama, o helmut fritz o ... a merda.
di tutte manere ... hè compia a partita.

4.mandatu da Marcone u 18/10/2009 21:30

ùn so tantu d'accordu incù voscu, ùn hè micca ghjustu di dì chì nimu "parla di sti prublemi": CL hà custruitu un librettu di più di 100 pagine, Corsica 21, travagliatu da tutte e sezzione di u muvimentu, hè chì hè sempre in custruzzione...

5.mandatu da fratellu ficatellu u 18/10/2009 21:49

O Machja ! Eccu quì un bellu discorsu chi mi rallegra lu core... Un ci vole da scurdassi di la cumplicità lamintevule è "auto-stafillatoghja" di l'elettori mansi, ind'u scumpientu puliticu nustrale...

6.mandatu da emenemsu u 19/10/2009 13:05

Ci seria un'incumpatibilità trà naziunalisimu è pudere (rispunsabilità). Ma stamane Corsica libera dice ch'ella vole una lista d'unione cù Angelini è Simeoni ... Ma o MM allora chì ci facenu tutti sti naziunalisti in e merrie, parechji agiunti è cunsiglieri in tanti paesi è ancu in certe cità ? U naziunalisimu ùn hà per scopu ch'è d'aspettà a liberazione di i prigiuneri pulitichi? D'esse sempre l'uppusizione ? D'esse u più di l'argumentazione clanista per ogni elezzione? Poveri à noi ... Povera Corsica ..

7.mandatu da Marcu u 20/10/2009 14:54

u prublemu ùn hè micca u putere, sicuru chi ci vole u putere per impone e so idee, esse riprisentati à l'assemblea, travaglià in a CTC, in e so servizi e so "offices" etc ... infine esse dentru a u sistemu è e strutture, spergu quantunque chi stu dibatitu hé compiu dippoì qualchi anni fà !

8.mandatu da machja u 20/10/2009 18:08

Ci vuleria a sapè,un vulemu piu esse francese, ma vulemu quantunque esse ind'un' assemblea francese, travaglia in a CTC, in e so servizi.
Vulemu esse dentr'u sistema,ma micca troppu, vulemu esse indipendenti ma cu i soldi di u statu francese etc etc....
E pusizione un so mica chjare e su dibatitu hè piu che mai d'attualita.

9.mandatu da Forza u 21/10/2009 10:34

I Naziunalisti, si so cumprumessi anc'elli inde u ghjocu di a "democrazia", cume a fola, a granochia si vole fa piu grande che u boje.
A pulitica e un organismu di carriera fulminente. Page santissime, una bella ritirata a u capu di 5 anni d'attivita. In fine una mina d'oru !
Quellu chi sa cunta fole in publicu po entre indu su mondu senza mezzi, solamente grazia a u votu di qualchi piugoni !
U populu vote i rapacci manghjanu !

10.mandatu da Marcu u 21/10/2009 10:55

mà u naziunalismu corsu ùn hè mai statu una rivoluzione ... hè una lotta puliticha, chi si face incu u tempu.
Oghji a corsica hè una rughjone francesa cume un'altra, è - fora di qualchì parsoni - ùn si po campà senza i soldi di u statu ... hè cusì. Manghjemu robba frances, vistuti francese vitture francese, midicamenti francesi etc ....
Dunque, iè, ci vole à impone e so idee incu stu sitemu quì, è fallu cambià da l'internu incu l'elezzioni etc ... parchì osino chi vuleti fà ? a rivoluzioni ? senza appartene à nisunu partitu ?
Chi hè a diffarenza trà esse elettu à l'assemblea, essendu naziunalistu pruvendu di travaglià per a corsica o esse naziunalistu travagliendu in n'importa chi struttura altra solu in u so scornu ... ? tutti a vita écunumica hè "francese" ! Basta à PARLA francese, è si in cuntradizziona.

11.mandatu da machja u 21/10/2009 14:41

O Forza quandu vo parlate di naziunalisti cumprumessi, di quale parlate ? di u populu ? o di una dodecina di capimachji chi pensanu raprisinta u nostru populu, e chi oghje un riprisentanu ch'a elli ?
Una magiorita di corsi un li seguitanu piu (4%) ma u spiritu corsu hè sempre vivu e a voglia di cacciassi d'issa intrapulatura francese dinu.
A strada ch'è, quella di decisi da per noi di u nostru avvene senza passa per u statu culuniale, i mezzi l'avemi, i soldi che a francia ci lampa so nostri, un hè un rigalu, avemu una terra maravigliosa, toca a noi di sfrutala, e a pudemu fa.
Invece di vuta per i partitacci di scrucconi andemu a vuta per a nostra Cunsulta Naziunale.
PIU CHE MAI ,ASTENZIONE vultemu u spinu a tutte isse legge straniere chi ci potanu che guai.

12.mandatu da PERTU SANTU u 21/10/2009 18:06

amè hè cusi sia ! !! !

13.mandatu da Forza u 21/10/2009 23:35

O Machja ! Ai capitu be che parlava di qualchi capi machja. In cuntendu i tinenti e i sottu tinenti ci n'e face assai piu d'una dodecina.
Un mi permeteria mai di mette u populu Corsu in causa.
Cume tu m'ai dumandatu una precizione, ti vularia dumanda a me tornu, quande tu dici "i soldi che a francia ci lampa so nostri" di chi soldi parli ? Quelli di u statu o quelli di u turismu ?

Per contu meu un votu mai a l'elezione organizate per i francesi.

Salute

14.mandatu da marcone u 22/10/2009 09:29

Dunqua, s'è vi capiscu bè à tutti, ùn ci sò ch'è i naziunalisti à esse merzi ! Nun solu i "capimachji" ma dinò "i tinenti" è ancu "i sottu tinenti"... i militenti so pecure, i so ziteddi pessimi !
Cum'è di i clanisti ùn si ne parla mancu, ùn ferma più ca voi: Forza è Machja !

15.mandatu da Forza u 22/10/2009 09:55

O Marco ! Un appia tu pinseri chi l'avene di i cappi di macchja e cupartu d'oru ! Un so ne eu ne d'altri chi pudaranu cuntraria su fenomenu. L'aghju detta piu sopra, a pulitica e una machina a fa soldi.

16.mandatu da machja u 22/10/2009 11:51

Socu naziunalistu e ancu indipendentistu dipoi anni e anni, e aghju sempre dettu chi certi rispunsevule si sbagliavanu di strada, metendu a LLn nant'u pianu di l'instituzione francese,e u risultatu si vede oghje ancu 4% di vote per noi.
Anc'eiu l'aghju dettu piu sopra, l'avvene di a Nazione Corsa e di u nostru Populu un si putra decidesi che per un'adesione màssima a a nostra Cunsulta Naziunale,senza passa per u statu francese chi , da per me,un hè piu leghjitimu, per ricunosce o no , u Populu Corsu

17.mandatu da machja u 25/10/2009 13:22

Forza, quandu parlu di soldi corsi ,un so ne quelli di u statu francese, ne quellu di u turisimu, vogliu parla di u risparmiu CORSU chi hè di 10 MILLIARDI D'EURI, ti rendi conti dece milliardi, quande tu pensi che u PEI hè di 3 mlliardi, ma per 15 anni.
Si soldi, invece d'inghjettali inde l'ecunumia di l'isula so lampatti per via di e banche francese nant'u mercatu di e finanzie internaziunale.

18.mandatu da Marcu u 26/10/2009 11:47

Aghju lettu sta mane l'articulu di JG Talamoni nant'à Corse-Matin ... so ubligatu à dì chi tutte e so risposte so chjare, incu un prughjettu e chi so d'accordu cun ellu per guasgi tuttu ... fora di "l'état français" ... parulle e dialettica ch'ùn ghjuvanu à nunda è stancani a ghjente.

19.mandatu da estrimei u 26/10/2009 11:51

vuleria dì anc'eu u mio parè nant'a st'ellezzione ch'a da vene.
aghju sempre dinunziatu e cumbliculle di i naziunalisti - e ci n'he statu parecchje! - , aghju sempre dinunziatu u partitu ammaestratu da Pieri , Rossi , Santoni; oghje mi pare chi a pruposta di CORSICA 21 , presenta un interressu : quellu di pudè fà riflette, di pudè fà pruposte .
s'avia , oghje un votu(in stu casu votu un he micca u biglittinu 'nu a scatulla di votu) a fà , seria quellu chi feria piglià cuscenza a u Populu corsu di e so rispunsabilità .
l'aghju dicia scritta: mi pare chi so chi manca so riunione di riflessione,cuntrastate , aperte a tutti , per fà avanzà a pruposta .
per contu meiu , so spertu parecchje edee 'ncu Forza , e 'ncu Macchja , a stu ghjornu so decisu a vutà per Corsica Libera - mi pare ch'ella sie , ella, chi piglia u piu a difesa di a nostra terra , di u nostru Paese. ha di sicuru parecchji sforzi a fà per a difesa di a nostra lingua-

20.mandatu da Iffoppu u 26/10/2009 12:48

bravu ! Ai a raggiò: micca cumbriccule, micca cumprumissione § Iè, l'altri sò tutti vinduti è cattivi, ambiziosi, traditori.
Bravu ! Eccu un tippu sinceru, naziunalistu è patriottu.
Iè, ma dimmi, s'è tù faci 4 o 5 % , ai da salvà assai affari ? ....

21.mandatu da filidatu u 26/10/2009 15:00

o Iffoppu è sè tù t'associi cun giacobbi credi di salvà di più affari?

22.mandatu da IFFOPPU u 26/10/2009 17:51

Si dipende o Filidà
Pensu chì tù mi poni una quistione interessante
(capimuci bè hè una quistione chè? )
Eiu ti rispunderaghju cusì :
dumanda à Biancucci s'ellu ùn salva nunda assuciendusi cù u clan di manca in Cuttoli ...
E dopu dumanda à Talamoni s'ellu salva qualcosa in Bastia?
E per finì dumanda à i naziunalisti ciò ch'elli volenu di marzu
è tandu forse ghjudicherai ...

23.mandatu da estrimei u 26/10/2009 17:53

o Iffoppu ,
a ringraziatti pè i cumplimenti.
a a to dumanda rispondu per un astra: se tu hai 70% d'eletti, se tu multiplicheghji per 100 u "developpement economique de la Corse" senza tene contu ne di u Populu, ne di a terra , ne di a lingua, ti pare ch'o ci surteremu a bè ?
he capita chi per a " ligue des droits de l'homme ", per i " progressistes " per "les intellectuels " a mio pruposta serrà capita cume razzista, ma a scrivu e a mantengu : senza prutegge u Populu a lotta naziunale un ha sensu .

24.mandatu da filidatu u 27/10/2009 09:06

o iffoppu ùn m'intendu micca ghjudice ma per rispondeti ùn pensu micca chì un'unione nantu à u pianu cumunale (per parlà di Biancucci) si possi aparagunà à un'unione à a ctc .
D'altronde à mè mi scumode st'unione prevista è annunziata cun Giacobbi, perchè chì Giacobbi hè una di e più grande ruvine di a Corsica, a so pulitica di clientelisimu mantene a Corsica nù un coma economicu, pensu chì i naziunalisti ùn anu nunda à vince à alleassi cun ellu, s'ellu ùn hè una piazzarella à l'esecutivu ma a Corsica ùn ci vincerà.

25.mandatu da Marcu u 27/10/2009 10:40

salute,

mi puedete spiega cio chi hè u "clientelismu" e u "clanismu" incu qualchi esempii chjari.

A ringrazziavi.

26.mandatu da IFFOPPU u 27/10/2009 20:59

L'affare pare più chè seriu.
A' Marcu, una risposta per dilli chì Clientelisimu è clanisimu sò duie grande malatie.
A' Filidatu (torna), ancu s'è Giacobbi hà sta malatia ch'e parlu quì, ancu s'ellu hè cuntagiosu, ùn vecu micca quale chì dice chì i naziunalisti s'anu da mette cun'ellu.
In seriu, l'idea d'un cumprumessu ùn hà sensu ch'è s'è u naziunalisimu passa u primu giru cù à u più pocu 15% di i voti.
Parlà capunanzu di ciò ch'elli anu da fà i Simeoni, l'Angelini o i Biancucci mi pare propiu un puttachju bastiacciu ...

27.mandatu da filidatu u 29/10/2009 19:20

O Iffoppu ognunu balla à so sensu dicenu in niolu per contu meo, pensu segondu e dichjarazione chì sò fatte nù i media, è senza stà à sente nisun puttachju ch'ellu sia bastiacciu o aiaccinu chì u PNC và in u sensu d'una alleanza cun Giacobbi à u terzu giru, hè una pusizione chì puliticamente sì pò difende ma chì eo ùn ghjudicheghju bona.

Avà chì l'affari sò chjari ti salutu o Iffoppu.

28.mandatu da estrimei u 30/10/2009 07:32

pigliemu u casu, chi a l'assemblea, ch'ellu ci sie una maggiurità fatta di Insemme, di u PNC, di Corsica Libera , di i Verdi.....
serranu tutti d'accunsentu per impedisce Veolia ?
serranu tutti d'accunsentu per ricunosce u Populu ?(micca quellu di"la ligue des droits de l'homme" o di Petru Mari") e dalli a priurità nantu a so terra.
serranu tutti d'accunsentu per dà a priurità un bene stà a u tutti e scurdassi di e parulle di "developpement " e di "progressistes "ch'elli hanu trovu per sbaglià i nucenti?
nu a so? ma per contu meu dubbiteghju chi mi parenu troppu numerosi quelli chi corenu apressu a sacchetta .

29.mandatu da machja u 30/10/2009 11:38

Marcu
U "clientelisimu" hè di fà crede a l'elletore che u so dirittu hè un privilègiu, e a i corsi i privilègi li piacenu assai.
Un esempiu : per imbrancà u telefonu invece di chjama a france telecom, vanu a vere u diputatu o u sgio mere, listessa cosa per un cartularu a l'assiguranza, e cusi pianu pianu u clanistu si face una bella lista eleturale.
Ma a sai cume me !!!

30.mandatu da machja u 30/10/2009 11:47

Cio che tu dice hè vera Estrimei, e di piu un ci si vole mica scurdassi che l'assemblea, hè FRANCESA, e ancu se tutti l'eletti so d'accunsentu, l'ultima decizione si pigliera in Parrigi.
Hè per quessu che no vulemu un "assemblea corsa" e l'avemu cu a CUNSULTA NAZIUNALE, chi pudera piglia decizione senza passa per u statu francese , chi , da per me ' un hè piu leghjitimu per decise di a nostra sorte.

31.mandatu da Iffoppu u 30/10/2009 14:44

d'accordu cù machja per a definizione di u clientelisimu. Ma ci vole à cumplettà cù tutte e prumesse fatte, l'impiecucciu à a DDE, un pustucciu per accoglie a ghjente in un scagnu induv'ellu ci hè digià trè persone per listessa piazza, una teleffunata per chjamà a banca o l'uffiziu HLM, una per chjamà i giandarmi per un pv, è tira avanti è tocca.

32.mandatu da Marbeuf u 30/10/2009 18:40

o machja ti dici naziunalistu è tuttu què allora ùn ti scordi micca ch'un votu in menu per i naziunalisti hè una voce per i clanisti... Po aghju da veda una volta di più un ministru merdosu di sarkozy spiegacci chì "i corsi so attaccati à a republica francese, l'emu vistu à l'ultimi elezzione"... Avà n'aghju una techja di sti discorsi! Dunque ùn t' attaccu micca o machja ma sò sicuru chì ste cunarie t'annarbanu anc'à tè allora pruvi à rifletta per l'elezzione chì ottantu una voce farà a differenza...
U cummentu vale per Marcu dinù

33.mandatu da circinelludiguagnenativupeliguagnesusosanguaversatu u 31/10/2009 08:16

D'accordu à fondu incù Marbeuf: L'assemblea di Corsica , digià, ùn hè micca un'assemblea francese; basta avà cù 'ssi tuntii ! Tocca à noi di pigliàcci u puteri !
A cunsulta, ch'aghju sustinutu, ùn ci capiscu più nunda: hè diventata ciò ch'aviu à l'epica privistu ch'ella divintaria: una "cosa", tagliata d'u populu, senza ambizione è senza legitimità ! Certi à l'epica avianu dettu: Attenti o figlioli, s'ell'hè par fà un "assemblea pruvisoria" i corsi ùn ci suvitaranu micca... hè ciò chi accade oghje ! Ci ne vulia à fà piutostu un locu "virtuale" di scontru di naziunalisti, pà rigruppalli è pà fàcci sundaghji giganti da alimentà u partitu... mi paria à me più fàciuli à metta in piazza.

34.mandatu da estrimei u 31/10/2009 11:41

furmazione, rispunsabilisazione, he vera ch'elle he di quessa chi u muvimentu naziunale ha bisognu.

35.mandatu da machja u 31/10/2009 11:53

Marbeuf e Circinellu, capiscu u vostru ragiunamèntu, ma ditemia, qual'hè u scopu di a LLN ? di piglia duie piazze d'eletti in un assemblea chi ghjè u "simbulu di a francia" in Corsica, una trappula induve caschemu dipoi anni ,e anni ? o di ritruvà una suvranita naziunale, e di strappà e catene cu u statu francese ?
Un ci sbagliemu una volta di piu di nemicu, eiu l'assemblea di corsica a laccia vulinteru a i clanisti, che un hanu nissun putere, perche e fune so tenute per sarko e a so squadra.
E po una volta di piu simu pronti a fà una lista cummuna cu l'autonomisti e l'altri, un si po accuncia u focu e l'acqua.
Circinellu dice che i corsi un hanu seguitatu a Cunsulta, ma un seguitanu mancu Corsica Libera (4% chi vargogna) e dipoi trent'anni aspitemu sempre e so prove.
Cio che no vulemu cu a Cunsulta hè di purta u prublema di a Corsica in lu piànu internaziunale,che a francia un hè piu leghjitima per ricunosce u nostru populu o no.
Ma per quessu ci si vole che a Cunsulta diventa a casa di u nostru populu, ch'ella un sia piu un "locu virtuale" cume tu dici, ma u locu di dicizione, chi sola pudera impone nostra voglia d'esse un populu liberu.
Per voi quesse so "utopia" o sogni , ma u mondu se fattu cu l'utopisti, per i nostri antenati, marchja nant'a lunà era piu che un utopia,una pazzià, eppuru....
Fratellanza

36.mandatu da estrimei u 01/11/2009 07:50

deraghju u mio parè nant'a ste prussime ellezzioni:
per cummincia vuleria dinunzia so ch'elli chjammanu i "sondages". i facenu a modu soiu e quand'elli so fatti, l'acconcianu cum'ella li pare. d'altronde vuleria sapè, un vi pare micca stranu chi Corsicà (induv'ellu ci he assai publicità di a ctc e di i dipartimenti), fr3 e rcfm si sienu adunitiper paggalli ? e in tempi d'ellezzioni n e facenu assai ! vuleria sapè chi he un' nterressu di sti " sondages" in tempi d'ellezzioni????????
avà ,nepochi dicenu l'assemblea he frencese, a maggiurità un l'avemmu, e reggulle un so micca fatte per noi e e 'impeghjuriscenu tutti i ghjorni di piu : he verità.
ma una campagna fatta a prò di a terra , di a lingua, chi spieghi a u Populu ch'ellu ci 'ole ch'ellu sie unitu, chi a dimarchja naziunale he fatta per pruvà a salvallu, chi in piu di a Francia avemmu a guilluttina di VEOLIA chi 'ncu u solu volle ammaestrà oghje i trasporti e l'acqua, dumane u mulizzu, l'eletricità , i casali, per suttumetteci a u solu, per un lascia in Corsica che ghjente chi hanu i mezzi, po esse un fattu di mubilsazione militente chi deve ajutà a lottà.
ma per ch'ella si passi cusi ci'ole chi i naziunali di dienu di rimmenu per cuntrastà nant'a i fori , i carughju e in ogni lochi.
un so micca sempre d'accunsentu ma vi ringraziu a tutti di praticà u cuntrastu puliticu: he una di e manere e piu ghjuvevulle di difende u nostru PAese

37.mandatu da estrimei u 01/11/2009 07:52

guilluttina=>ghilliuttina

38.mandatu da Marbeuf u 01/11/2009 14:28

Capiscu ciò chè tù dici, è eiu à a dilla franca ùn sò micca innamuratu di sta CTC, ma cosa hè un votu... D'apressu à mè i militanti UMP et PRG ùn ci anu da micca aspiità per andà à vutà... Avà tocca à voi di veda chì eiu ùn sò micca un puliticu dunque arrestu a mo "campagna" quì... A dopu è vi ringraziu chì mi campu cù discuzzione cusì

39.mandatu da machja u 01/11/2009 18:39

A leghje " la mort de la nation corse" nant'u situ di www.jeanpierresantini.com, hè scrittu in francese, ma quantunque cio ch'ellu dice fa riflette, e ci porta a pena di chjarificazione anant'u muvimentu naziunalistu, e sopratuttu nant'i capimacchji.

40.mandatu da estrimei u 01/11/2009 20:18

aghju lettu so ch'ellu scrive J.P.Santini , stu vecchju militente di a manca internaziunale ha un gran difettu : dà piu valore a a riflessione intellettuale che a a pratica oghjinca di a vita.ancu so li rimproveru di un avè mai fattu u sforzu d'ammaestrà a nostra lingua , l'omu he sinceru, he onestu-u cunoscu dipoi 75 - .so d'accunsentu 'ncu ellu quand'ellu dice: "A ce jour, si l’avenir apparait radieux pour tous ceux qui rêvent de cogérer le système colonial français, il est particulièrement sombre pour l’avenir de la nation corse. "ma quand'ellu mette in opposizione l'independentisti e l'autonomisti e i cursisti , custi face un sbagliu maiò.(ci so di l'autunumisti chi hanu una vita di naziunalisti chi si merita piu che u rispettu)quand'ellu dice l'assemblea di Corsica, u sistema elletturale , so frencesi , he ghjustu ! ma quand'ellu dice he per via di quessa ch'ell'un ci vole micca a andà a l'ellezzioni , custi l'affare un va piu. o Jean Pierre si statu stitutore e a scola he frencese! si statu merre di Barrettalli , ere nu u sistema frencese! maneghji -'ncu assai finezza-a lingua frencese, un he micca a nostra, ma ti ne servi , postu ch'ella he piu pratica per te .l'ellezzioni , so un ci participemmu , un cambierà nunda ! i nemichi di u Populu corsu si senteranu piu forti

41.mandatu da circinelludiguagnenativupeliguagnesusosanguaversatu u 02/11/2009 13:33

ùn aghju più nunda à dì dopu à i dui ùltimi missaghji di Estrimei...
Hè un'anàlisi chjara, sincera è senza cuncessioni di ciò chi ci voli à fà: andà à l'alizzioni, certu, ma cù l'ochji aparti !

42.mandatu da machja u 03/11/2009 18:29

A seguita in marzu 2010................

Novu cumentu :