Accueil
Envoyer à un ami
Version imprimable
Partager

Quandu l’ignuranza face cresce a furesta

L’ignuranza è a cunneria ponu diventà sustanze fertilizante, suvu pè e fureste di u mondu. Eccu ciò ch’elli credenu l’attivisti chì anu cuncipitu u prughjettu "Trump Forest" : volenu cumpensà i danni chì Donald Trump face à u clima è incuragisce a ghjente à pone unipochi d’arburi ad ogni malfatta antinaturale chì u presidente americanu cummette.



L’omu u più putente di u mondu hè scètticu è ùn crede micca a scenza. Per Trump u riscaldamanentu climaticu ùn esiste micca. Per indettu, ùn hè tantu in America, nivava assai, un ventu pulariu traghjacciatu paralizava a vita in Chicago, a temperaturu era falata à -25 gradi, i puveracci crepavanu in carrughju è Trump irunizava nant’à Twitter « o zitè state puru à u carminu... chì s’aspetta sempre quellu riscaldamentu imaginariu ».

Quandu l’ignuranza face cresce a furesta

Persuasu ch’ellu hà ragiò, Donald ne face assai : hà vulsutu chì u so paese ùn rispettessi micca l’accordi internaziunali nant’à u clima, autorizeghja u sfruttamentu di zone naturale pruttette, rilancia e mine di carbone, sreguleghja à prò di i pù ingordi...

L’idea scimatichella di Trump Forest hè di contrabilancià e malfatte ecològiche di u presidente capelli aranciu.


Si sà chì e fureste ponu ghjuvà di «pozzi di carbone» è catturà una grande parte di i gasi respunsevuli di u riscaldamentu. U scopu di Trump Forest hè di pone 10 miliarde d’arburi, da cumpensà i 650 milioni di tunnellate di CO² supplementarie chì Trump hà da lentà in l’atmosfera.

L’idea hè piacente : ad ogni cacciata di stu sciuccone di Trump si pone un arburu in qualchì locu, e cacate trumpiste diventanu u sudu d’una sumente nova. Ognunu pò participà à quella operata gigante è ancu assutiglià l’affare : à ogni
decisione inutule (esistenu!) d’un puliticante nustrale di bettunizà, imbruttà, distrughje puderiamu pone, putà o insità un arburu, rinvivisce o fà nasce un alivetu, un castagnetu, un liccetu.

Ùn hè ghjennaghju, u mese di l’auguri ?



u 7 di Ghjenaghju 2018
Zenbucucciu


Novu cumentu :



Seguitateci nant'à Facebook



Abbunatevi à a newsletter

Circà nant'à A Piazzetta