Accueil
Envoyer à un ami
Version imprimable
Partager

Sant'Andria puderà rimpiazzà Halloween ?

E "grandes surfaces" aprenu in ogni locu, l'usu corsu tradiziunale si perde, i paesi si biotenu è quandu ci hè a ghjente in paese hè per festighjà à... Halloween.



Cumu fà tandu per piantà l'andatura nova di a sucetà corsa è mantene un pizzatellu di a nostra cultura ?
Cumu ci l'hà fattu Halloween à stallassi ? Parchì si vede è si sente da partutu ! I zitelli sò scimatuliti da e publicità à a televisiò è i custumi ind'è i magazeni, ne parlanu in a corte di a scola è postu chì i zitelli sò rè, si face Halloween.
Oghje chì tuttu si face in giru à u cummerciu eccu 10 pruposte per salvà à Sant'Andria di pettu à Halloween.

1. Tuttu pincipia d'aprile, a ferula spunta in i prati. Hè quì chì s'appicca u capu à u fustu cù una funa da priparà i bastoni pasturecci chì seranu vinduti di nuvembre.

Sant'Andria puderà rimpiazzà Halloween ?

2. Ottobre, una greva di i trasporti impedisce l'articuli d'Halloween d'entre in Corsica ! I cummerci ci perdenu è sò ubligati di vende articuli di Sant'Andria per rifassi.

3. Si mette "mannequins" in tutti i cummerci, vestuti di stracci è cù una ferula in manu. A ghjente si dumanda ciò chì si passa, cummossi d'ùn avè fattu Halloween si dicenu "tè, è parchì micca ?"

4. Più hè caru più si vende ! 30€ una ferula, 50€ una baretta vechja ! Nantu à un parking, un "vide grenier" hè urganizatu, i custumi vechji di babbò si vendenu à buzeffu. Gifi riciculeghja l'orribile custumu di "Super Corse" è cumparisce a tinuta "Best'Andria".
Sant'Andria puderà rimpiazzà Halloween ?

5. Da divertisce a ghjente, l'impiegati di l'Atrium facenu una curegrafia à postu. Tutti vestuti di stracci, ballanu u Tectonigliu, mischiu di tectonik è di quadrigliu. Sinfunia Nustrale hè ripresa per creà a musica, a ghjente hè incantata.

6. Burger King urganizeghja una serata Sant'Andria. Esce u "Burger Landatchane" cù una carne fina fina, un pane seccu è un suppulellu di noce pistate sopr'à una fituccia di toma di u Cantal ! A SMS hè chjamata da gestisce a coda di i clienti fora.

7. In i lochi cummerciali pudete piglià un ritratu cù u SDF di u centru per valurizà a so presenza una volta à l'annu. I zitelli li ponu dinù lampà noce è castagne per ghjucassi.

8. U Primu Vinu hè statu un scumpientu. I vignaghjoli ripiglianu e buttiglie è cambianu l'affisse appicichendu un disegnu di Sant'Andria. A vendita riparte.

9. In u listessu tempu hè creatu un suchju di clementine "a vagabonda", la clémentine pressée de la Saint-André !

10. Amandule ci n'hè quasi più dopu a fiera in Aregnu. Tandu hè inventatu "Amandulina", bumbò in forma d'amandula cù parechji parfumi.

11. A festa hè vultata in a tradizione. A Corsica festighjeghja Sant'Andria, Halloween hè diventatu "has been" è ferma sempre qualchì Corsu azezu chì ne hà una techja : "Capisci avà ci sò i pinzuti pè Sant'Andria, ùn ci vocu più !"

u 29 di Nuvembre 2017
U Pettirossu


Novu cumentu :