Calvi On The Rocks, ghjè cum'è a masturbazione. Tutt'ognunu a praticheghja, ma nimu ùn la palesa. Perchè ?
Pè falla à l'accorta, cosa hè Calvi On The Rocks : a ghjurnata, sò millaie di giuvanotti è giuvanotte corsi briachi, mezu spugliati è aspessu drugati chì ballenu, music'à tappu, annant'à a rena di u golfu calvese.
A sera, sò parigini, nizzardi è corsi mischjati, techji di bambou è di cachetons chì vanu à fà i so trafficchi sott'à a citadella genuvese, « kiffendu a vibes » di l'ultimi musicanti à a moda ind'è i mezi « bobos ».
Per a cità balanina, sò cinque ghjorni di rimore, di mughji, d'azzuffi, di picciate, d'overdose, di comà ettilicchi. I distributori di soldi sò vioti, i giovani si lampenu tutt'a so paca d'istatina in e pagliotte di piaghja, annacquendu di champagne e so faccie troppu techje.
Tuttu què, urganizatu da squadre appena corse, è sopr'à tuttu parigine. A colpi di sponsoring di marche mundialamente cunnisciute chì invadiscenu u paradisu ch'elle sò e piaghje calvese.
A a televisione corsa, ind'è i giurnali, stu festivale passe pè a « manifestazione culturale » a più impurtante è meravigliosa di Corsica. Ghjè divintatu u simbulu di l'apertura di spiritu, di a « faccia nova » di a nostr'isulella tante volte criticata per via di li so usi antichi. Simu infine cum'è l'astri, da quì à pocu seranu l'abitanti d'Ibiza chì veneranu à passà e vacanze in Corsica.
Ma cosa ci porte veramente di novu è d'interessante stu festivale ? Chì sarà l'interessu d'imbriacassi in pienu sole accant'à u mare ? Fà cum'è quelli springbreaks spagnoli, duve si chjave è si piglie droga à buzzeffu senza vergogna ?
Aspittendu què, e cunsequenze cuncrete di stu festivale sò chjare. Sempre i listessi cummercianti chì s'empienu e stacche, ottelli, bars, buatte di notte, pagliotte, campings è ristoranti.
E accantu à què, una pupulazione chì feghje u spettaculu da u so cuttidianu miserosu. Dopu à « COTR », l'abitanti balanini ùn vedenu a so vita scambià. Forse puderanu ficcassi qualchì sciringa in pede marchjendu annant'à a rena calvese.
Ma in fin'di contu, quelli chì travaglienu u più pè'ssu festivale, senza esse pacati di più, sò i duttori di l'antenna medicale di Calvi, u SAMU, i pompiers è i flicchi... Elli sì chì si campenu à Calvi On The Rocks, à racoglie i giovani in pezzi è à curalli, incù un certu fatalisimu.
In un paese chì s'indegna d'un cazzu annant'à un affissu, pare stranu chì a stessa ghjente trovi nurmale di fighjà centinaie di culi è di petti à l'aria annant'à e nostre piaghje.
Sarà veramente quessa a faccia di u sviluppu, di a mudernità ?
Pè falla à l'accorta, cosa hè Calvi On The Rocks : a ghjurnata, sò millaie di giuvanotti è giuvanotte corsi briachi, mezu spugliati è aspessu drugati chì ballenu, music'à tappu, annant'à a rena di u golfu calvese.
A sera, sò parigini, nizzardi è corsi mischjati, techji di bambou è di cachetons chì vanu à fà i so trafficchi sott'à a citadella genuvese, « kiffendu a vibes » di l'ultimi musicanti à a moda ind'è i mezi « bobos ».
Per a cità balanina, sò cinque ghjorni di rimore, di mughji, d'azzuffi, di picciate, d'overdose, di comà ettilicchi. I distributori di soldi sò vioti, i giovani si lampenu tutt'a so paca d'istatina in e pagliotte di piaghja, annacquendu di champagne e so faccie troppu techje.
Tuttu què, urganizatu da squadre appena corse, è sopr'à tuttu parigine. A colpi di sponsoring di marche mundialamente cunnisciute chì invadiscenu u paradisu ch'elle sò e piaghje calvese.
A a televisione corsa, ind'è i giurnali, stu festivale passe pè a « manifestazione culturale » a più impurtante è meravigliosa di Corsica. Ghjè divintatu u simbulu di l'apertura di spiritu, di a « faccia nova » di a nostr'isulella tante volte criticata per via di li so usi antichi. Simu infine cum'è l'astri, da quì à pocu seranu l'abitanti d'Ibiza chì veneranu à passà e vacanze in Corsica.
Ma cosa ci porte veramente di novu è d'interessante stu festivale ? Chì sarà l'interessu d'imbriacassi in pienu sole accant'à u mare ? Fà cum'è quelli springbreaks spagnoli, duve si chjave è si piglie droga à buzzeffu senza vergogna ?
Aspittendu què, e cunsequenze cuncrete di stu festivale sò chjare. Sempre i listessi cummercianti chì s'empienu e stacche, ottelli, bars, buatte di notte, pagliotte, campings è ristoranti.
E accantu à què, una pupulazione chì feghje u spettaculu da u so cuttidianu miserosu. Dopu à « COTR », l'abitanti balanini ùn vedenu a so vita scambià. Forse puderanu ficcassi qualchì sciringa in pede marchjendu annant'à a rena calvese.
Ma in fin'di contu, quelli chì travaglienu u più pè'ssu festivale, senza esse pacati di più, sò i duttori di l'antenna medicale di Calvi, u SAMU, i pompiers è i flicchi... Elli sì chì si campenu à Calvi On The Rocks, à racoglie i giovani in pezzi è à curalli, incù un certu fatalisimu.
In un paese chì s'indegna d'un cazzu annant'à un affissu, pare stranu chì a stessa ghjente trovi nurmale di fighjà centinaie di culi è di petti à l'aria annant'à e nostre piaghje.
Sarà veramente quessa a faccia di u sviluppu, di a mudernità ?
L'insignamentu bislingu, basta !
