Accolta > PRESIDENZIALI 2012

U paese induve Sarko è Le Pen anu fattu 0%

Esiste una cumuna di Corsica induve Sarkozy è Le Pen anu fattu 0% : L'Alzi, in a pieve di u Boziu.

Ci hè un locu di Corsica induve Jean-Pierre Pernaut ùn venerà mai.

Induve Didier Barlevien ùn cumprerà mai a so residenza segundaria.

Induve Nadine Morano è Brice Hortefeux ùn veneranu micca à fà campagna.

Stu paese si chjama L'Alzi, in Boziu.

Nant'à i 27 vutanti, nisunu hà lampatu un biglittinu pè un candidatu di diritta.

Hè una di e rare cumune induve a candidata FN hà fattu 0 votu (5 cumune nant'à 360 : A Munacìa d'Orezza, E Casevechje, A Parata è Currà), a sola induve Sarko ùn hà nisun sustenidore.

Serà l'anima di Sambucciu d'Àlandu chì hè sempre viva in Boziu ?

DSK, Robert Hue, è Laurent Fabius puderanu dumandà l'esiliu puliticu in paisucciu buzincu, casu mai Sarkozy sia elettu presidente di a Ripublica...

u 26 d'Aprile 2012

U Sgaiuffu

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

51.mandatu da Cheminatistu u 29/04/2012 15:51

@Mi puzza l'ansciu : ci hè sempre statu un naziunalisimu "di manca" (FRC) è un naziunalisimu cunservatore, di diritta (ARC)

"di manca" vole dì anti-culunialistu è regiunalistu. ma cum'è tù sì astutu sai ch'elle ci sò parechje manche (republicana è jacobine).

esse di manca vole di cumbatte l'ultra-liberalisimu. i so sbirri lucali so quelli chi ùn pensanu chè à u soldu, u prufittu; in Corsica sò i patroni di u turisimu, di u BTP, quelli chi facenu tuttu pè custruisce

ùn vole micca di sustene à Giacobbi è Zuccarelli. d'altronde si puderia discorre assai assai per sapè si sti tippi so veramente di manca

dunque iè, si po esse di manca, patriottu è anti liberale, è ùn ricunnoscesi micca nè à u PS è ancu menu à u PRG

fà un sforzu, a realità pulitica hè più cumplessa chè cio chè tù dici. ghjè per quessa ch'ùn vuteraghju micca à e prussime elezzione, presidenziale e ANCU MENU a e legislative

avà, forse u muvimentu naziunale deveria infine sceglie s'ellu hè di manca o di diritta, liberale è à prò di i patroni o piuttostu di u cantu di i precari, chi mi pare so i più numerosi in stu paese ?

ma quessa, ùn hè pigliemu micca a via. Corsica Libera cume i Simeoni cercanu di chjappà tuttu (cume u PRG), è in fine di contu ùn sò nè carne nè pesciu. è quale prufitta di u sistema ? u soldu è i patroni.

52.mandatu da Mi puzza l'ansciu u 29/04/2012 17:28

U pluralisimu di u naziunalisimu corsu hè un fattu STORICU, è ghjè un affare chi a sapete bè un po micca scambià cusi, quessa digià hè tempu di capilla, nanzu chè di fà crede chi i soli veri naziunalisti so internaziunalisti di manca strema... I risultati di stu primu giru, credu, so per disgrazia abbastanza chjari, è ch'ella ci piacessi o no.

A verità hè dunque assai di piu cumplessa chè i "slogans" primarii "FASCISTI FORA", "HITLER DEMISSION" è tutti quanti... Hè megliu à pruvà à capisce, quandu s'hè appena intelligenti...

Dunque per circà di analizà un suppulu e cose, un tippu cum'è Poutou, o una donna cum'è Joly, forse simpatichelli (è quantunque assai megliu chè l'altru ghjacubinu scemu pazzu di Mélenchon), cio ch'elli vi danu da una parte, u vi piglianu da l'altra cu u sistema unione-aurupeista murtale ch'elli portanu... U naziunalisimu corsu, senza chjodesi bestiamente à u mondu, un si po micca nun piu snaturà accettendu u sistema liberale è ultraimmigraziunistu impostu da i ricchi patroni di st'Auropa di u sollu. Un picculu populu cum'è u nostru, pè cuntinuà à "fabricà Corsi", deve firmà maestru di i so flussi migratorii, osinno ghjè u principiu di a fine pè noi tutti, è què saria un'andatura DRAMATICA.

Preciseghju chi ammaistrà i so flussi, vale à di frenalli è cuntrullalli in modu astutu, un vole micca di piantà ogni immigrazione o apertura (necessaria) à u mondu, un vole micca di nun piu "diventà cum'è Le Pen", ma piuttostu truvà un mezu paru ghjustu da chi u POPULU CORSU pudessi cuntinuà à campà nant'à a so terra, integrendu è assimilendu à u megliu e nove pupulazione, affare chi oghje à l'evidenza si face SEMPRE DI MENU. E di pensà cusi, o ghjente, un hè nè razzisimu, nè fascisimu.

Prublema : i naziunalisti si tacenu nant'à stu sughjettu chi tocca assai a ghjente (a prova !), incheta di perde a so identità in mezu à tuttu stu sistema impostu è sfrenatu, è fendu cusi, pigliendu a famosa "girata à manca" (GC Angelini), facenu in fatta fine avanzà assai u FN in Corsica... Vi pare una riescita ? Eccu torna una bella cunneria di u naziunalisimu nustrale...

Trattà sta situazione, tranquillamente è bè, diventa a videte piu chè necessariu. Ghjè un affare di bon sensu, di sennu, di sale in zucca... E si po fà ancu di manera assai umanista, inde l'interessu di tutti, ghjente "di ceppu" quant'è scalaticci "di frescu"... Un ci vecu micca nazisimu o altre cunnerie...

Ma s'è vo preferite i slogans bestii, o cuntinuà à sunnià un'opposizione sucialo-cummunista à un miticu "naziunalisimu fascistu", ebbè a figliola Le Pen a prossima volta cullerà à 30...

APRITE L'OCHJI.

53.mandatu da Cheminatistu u 29/04/2012 17:46

à manca JC Angelini ?!? nant'à Alta Frequenza hà dettu di u FN "il ne faut pas dramatiser". hè d'una famiglia di cummercianti chi campanu di u turismu, hà sustenutu u prifettu pè u PLU di PV (cume CL d'altronde) per appughjà i so amichi cummercianti, patroni (chi piglieranu i pulunesi è i rumeni nant'à i chantiers) è artigiani chi volenu sempre di piu turisti.

per mè ùn hè micca esse à manca quessa.

in quant'à l'immigrazione, ùn so micca siguru chi cù un chomage à 2% ci saria statu listessu risultatu.

u prublemu hè chi a sucetà corsa un fabricheghja più Corsi

per cuntinuvà à fabricà d'altri Corsi, ci vuleria chi i Corsi cummencinu per esse elli stessi Corsi : amparà a lingua à i so figlioli, e so tradizioni, a so cultura...

ma hè megliu di circà u prublema inde l'arabi chè inde noi stessi. i Corsi so più pinzuti che i pinzuti, neganu a so cultura, si vergognanu di a so lingua, un pensanu che a i soldi è a prufità di a vita, vendendu terreni a i francesi, campanu in lotissements à l'usu banlieue francese... ma ai ragio u prublema hè u halal

viderai, forse ci la ferai in l'anni à vene à regulà l'immigrazione, chjode e fruntiere, è impone un "test de français" à quelli chi venenu. e dopu ? camperai in una sucetà chi serà sempre di più francese

tù voli mette l'arabi fora, eiu vogliu custruisce una sucetà chi cuntinuveghja à esse corsa. passa pè a cultura, a lingua, l'educazione

e a ti dicu torna : un vuteraghju a e prossime elezioni e facciu campagna per nimu

54.mandatu da Topu pinzutu u 29/04/2012 18:34

È si u votu FN in Corsica, ci dava un'indicazione nant'à u votu naziunalistu corsu : contr'à tuttu (tutti, è ancu sè !!) è senza avvene. A meglia a scelta ùn hè quella di u sistemà puliticu francese (dritta/manca), mà quella di a liberta di u mo populu, di a so cuscenza è di a maestria di u s'avvene.
Pè fà scelte d'avvene ci vole digià à esse liberi ... Forse ci ne scurdemu troppu prestu. Forse ùn simu tantu naziunalisti à pensala cusì ... Forse u votu naziunalistu corsu ùn hà per tutti a listessa prumessa d'avvene.
Mà, dumane, turneraghju in caffè à posà accantu à quelli chì votanu u FN, u glan, e zucche, quelli chì mughjenu "ò frate, on s'en est pris une hier et qui on est", accantu i druggati è e closce, accantu i "dépressifs" chì dicenu ch'ùn cè più nunda fà ; in fattu à posà à mezu à u mo populu pè spieca li dà duve venimu, qualle nè simu, cio ch'ell'hè pussibbile di fà in stu paese è sparte cù ellu una vizionne d'avvene ch'eo sia d'accunsentu o nò. Perchè mi pare ch'ùn s'assumigliemu mai di più à i francesi chè quandu ci spicchemu cume elli pè u s'avvene à elli...

55.mandatu da Michè u 29/04/2012 18:59

"Ma s'è vo preferite i slogans bestii, o cuntinuà à sunnià un'opposizione sucialo-cummunista à un miticu "naziunalisimu fascistu", ebbè a figliola Le Pen a prossima volta cullerà à 30..."

u tippu hè forte: trova manera in a stessa frasa di "criticà" à Le Pen è di aduprà una di e so spressioni dilette, i famosi (o piuttostu l'infami) "sucialo-cummunisti"... Pichjate puru "socialo-communistes" nant'à Google, viderete qualessi so l'ultimi da parlà sempre cusi...

Mi face pensà à quelli chi dicenu chi ancu s'elli ùn votanu micca à l'elezzioni francese, è chi u FN hè un nemicu di u populu corsu, almenu hè un nemicu onestu, dichjaratu, puru, in somma simpaticu... Cacciate puru e maschere.

A questione di i flussi di migranti ùn hè ch'è un aspettu di quella di u statutu di risidente. E questu puntu, hè un puntu puliticu chi dumandu appena di più ch'è di tazzà sempre à l'immigratu, chi, cum'è tuttu ognunu a sà, face a droga, tomba à i Corsi à mitragliate, vende i so terreni, mette in piazza in ogni amministrazione capizzoni francesi, cuntribuisce à spiccià a sucetà corsa trà ricconi (sin'à quandu d'altronde?) è disgraziati, etc.

56.mandatu da Abdelkrimu u 29/04/2012 19:13

ind'è mè un arabu hà vindutu u so terrenu , oghje ci hè un lotissement induve un ci campanu che francesi.

ancu l'arabi anu scambiatu in stu paese, facenu cume i corsi....

57.mandatu da Mi puzza l'ansciu u 29/04/2012 20:02

1) Un aghju scrittu indocu ch'o vulia "lampà fora à l'Arabi". Quand'e parlu di l'immigrati, parlu di tutti, è ben intesa pinzuti cumpresi. Dunque l'accusazione lamintevule di razzisimu o di naziunalisimu francese, "on tire la chasse et on appuie"...

A videte bè, simu una volta di piu inde l'isteria, i slogans baulli è e caricature grussulane...

Pè contu meiu, un vecu micca in chi sensu a messa in minurità numerica sempre piu forte di i Corsi in Corsica puderà aiutà à "custruisce una sucetà chi cuntinueghja à esse corsa". Educà è tutti quanti và bè, di sicuru ci vole à falla, ma ci hè una limita à tuttu.

Ghjè precisamente sta limita, st'equilibriu, stu mezu paru intelligente ch'è vo un ci la fate micca à stabbilisce. Ricusendulu, aprite e porte à issu sistema unifurmizante è murtale ch'o dinunciu.

Cuntrullà e so intrate ogni paese sinnatu a face, è per forza ci tuccherà ancu à noi à falla s'è no vulemu fà campà inde u tempu u sintimu naziunale corsu, senza ch'ella finisca in zenufubia, cumunutarisimu, indianizazione o altre cose gattive. Si po parlà di què senza esse razzistu, quandu s'hè frà ghjente nurmale, ma un so micca sicura ch'ella sia troppu u casu custi...

2) Angelini s'hè dichjaratu ufficialmente di manca nant'à RCFM pocu fà, hà parlatu di "girata à manca" da piglià à tutti i patti, è hà fattu capi ch'ellu saria statu prontu à piglià un'investitura PS à e legislative in casumai. Da naziunalistu sinceru, mi sentu accantatu è ancu puru insultatu, a dicu di core.

3) Ogni retorica NAZIUNALISTA hà, per forza, punti cumuni cun d'altre. A "priferenza naziunale", per esempiu, a ritruvate dipertuttu. Hè forse per quessa, d'altronde, chi certi si lascianu ingabbiulà...
Detta quessa, averaghju bisognu di precisà chi l'interessi di u naziunalisimu corsu è di u naziunalisimu francese un vanu micca inde u listessu sensu ? S'o rimettu in causa i "sucialo-cummunisti", ghjè perchè ne vecu è ne sentu assai, accaniti, chi cercanu di fà ingolle ch'elli so elli i veri, i duri, i sputichi, è chi l'altri so tutti inculati. Sarianu u fiore di u naziunalisimu è di a cursitudine, s'o capiscu bè. Ghjè forse cio ch'ellu sottintende st'articulu ?
Eiu mi cunsidereghju piuttostu cum'è un cunservadore, ma un so nè razzistu, nè "nazillon" è tutte ste cunnerie. So Corsu, è vogliu fà avanzà u mo paese. Ma s'è vo mi cacciate chi parlà di cuntrullà i so flussi migratorii ghjè "lepenisimu", ghjè ch'è vo site tocchi da a saetta, o accecati da un so chè...
Ci hè d'altri prublemi gravi à trattà, ancu assai, ma di nigà sta quistione qui ghjè una cunneria tamant'è u mondu chi lascia una vera TRAVERSA ghjust'appuntu à quelli ch'è vo cumbattite...

Serà cusi duru à capi o ghjente ???

58.mandatu da Michè u 29/04/2012 20:43

allora s'è no parlemu di flussi di migranti, pudemu cunsiderà ch'ellu ci vole à cuntrullà i flussi di francesi ? o micca? o i flussi di cumpratori ricconi in Balagna o u sud?

59.mandatu da Mi puzza l'ansciu u 29/04/2012 21:17

Ma ben sicuru !

60.mandatu da Manghja Inseme u 30/04/2012 21:43

Dopu esse statu suspresu di u pocu interessu per a canditati di i verdi di a parte di i naziunalisti ,é ancu di piu di l'eculugisti ma quessa u si dice !! ,François Alfonsi chjama per u secondu giru di vuta a Hollande,ancu JCA chjama a vuta per un canditatu di manca ,è mi paré avé intessu chi Femu a Corsica dino ,per contu megliu u sera né unu né l'altru.
Corsica Libera so digia in" vacanza"
Da qui a pocu ci seranu é legislative per a corsica sutana,si chjama a votu contr'u systeme Giacobbi ,popo nunda qué ché!!
Cumé si po capisce stu volte é gira, dopu a avé fattu "les yeux doux au systéme giaccobi" é esse stati eletti per Giacobbi ind'é e merrie??? ma ci piglianu per conni??
Allora per fa fiasca u systeme Giacobbi vuteraghju a Stéphanie.
Dopu si stonanu chi i Corsi vutessinu a Marine,o a u Fn ,ma i corsi é i naziunalisti so cumé i so eletti so di dopia identita.
A l'eletti naziunalisti hé di a vostra respunsablita ,a supa vi piacé allora manghjaté puru..

61.mandatu da Michè u 01/05/2012 13:10

http://www.lemonde.fr/election-presidentielle-2012/article/2012/05/01/dans-minute-longuet-fustige-hollande-et-ses-allies-socialo-communistes_1693665_1471069.html://

62.mandatu da Michè u 01/05/2012 13:21

[http://www.lemonde.fr/election-presidentielle-2012/article/2012/05/01/dans-minute-longuet-fustige-hollande-et-ses-allies-socialo-communistes_1693665_1471069.html

63.mandatu da Rinucciu u 04/05/2012 20:58

Sogu naziunalistu "corse de gauche"
Votu hollande e Melanchon
U manghju piu figatellu ma "halal"
U diu vi salvi he un cantu riligiosu reazziunariu e prifiscu canta "saga Africa" Cu Noah
"A droga fora " he una chjama
fascista he megliu u "join" in vendita libra e ci voli incuragi a noscia ghjuventu a tasta!
Semi prugressisti e a magiurita Di corsi razzisti e Mafiosi : l'ani detta chevennement, ruquier e bhl,
Inno a a cursizazioni Di l'impieghi evviva a cumunita di distinu: "soyons une terre d accueil "...
allora mitimu I corsi fora e rimpiazemuli fendu vena i bobo
parrigini a pallati cu flussi migratorii d ogni cantu a chi ni voli....
Cusi a Corsica sara pupulata e prugrissista....senza I corsi e
Meddu..
Zucca for ever !

64.mandatu da Petru u 05/05/2012 20:43

@Rinucciu

Hahaha :)

Avete fattu un bellu rittrattu di i novi "resistenti" corsi !

A francia deve trimà...

PS: Ne ridimu per ùn pienghje.

65.mandatu da Fan di Tancrède u 06/05/2012 00:32

M'ai cunvintu o Rinucciu.

in 2007, anch'eiu vutaraghju LE PEN

EVVIVA A CORSICA BIANCA, FRANCESA è EVVIVA A PULIZZA NAZIUNALE FRANCESA !!

OUI, COMME RINUCCIU J'AIME LA FRANCE !!!

66.mandatu da Rinucciu u 07/05/2012 00:12

(da un teleffuninu)

Ai vutatu Le pen in 2007 un la sapia micca ma chi se pa a pulizza francesa un mi stona mancu stampa Vistu chi tu Devi sustena jean Di papa, chevennement e bonnet chi so come tuttu u Monda a sa a favori Di a lingua corsa contra a ripressioni ! Umba

http://a piazzetta

67.mandatu da Cheminatistu u 07/05/2012 02:40

serà a mo ultima risposta à Rinucciu. ùn vale a penna di cuntrastà, ai e to edee. si ti dritta, anti immigrazione e cunservatore, l'aviamu capita

per tè, tutti quelli di manca so bobo gauchistes ripublicani francese drugati arabi zuccarellisti

appena semplice no, un pensi micca ? u mo nipote chi ghjè à u CM2 tene listessu ragiunamentu. ma ùn face nunda, ai e to edee e ti piacenu i ragiunamenti ultra-semplici, ùn face nunda ùn cercu micca à cunvinceti

siguramente ch'ellu ti rassigureghja chi tutti l'inculati bobo di manca che no simu vulemu vede smarisce a Corsica

ghjustu una cosa : hè un guvernu amicu di e to edee, di strima dritta, anti immigrazione, quellu di a Lega Lombarda e di Berlusconi :

tè u l'articulu di Le Figaro :
http://www.lefigaro.fr/international/2009/07/29/01003-20090729ARTFIG00002-berlusconi-regularise-en-masse-des-sans-papiers-.php

iè, poi pensà ch'ellu hè tristu, ma sò i capitalisti di diritta chi anu bisognu d'operai. i taliani (cume i Corsi) ùn facenu micca abbastanza figlioli. l'immigrazione hè un bisognu economicu, s'ellu ùn ci n'hè, l'ecunumia si sprufonda. CECI EST UN CONSTAT.

segondu affare : a to grande passione pè l'arabi t'impedisce di vede i veri prublemi di a Corsica d'oghje, en vrac:
- A MISERIA di i to cumpatriotti
- A DROGA (so i corsi chi a vendenu è chi a cunsumanu)
- i FRENCESI chi compranu tutti ghjorni a nostra terra
- s'elli a compranu, ghjè chi a MISERIA di i Corsi l'obliga à vendela, è chi i trafficoni CORSI di U BTP e di l'agences immobilères facenu a so vita nantu
- a MORTE di a nostra cultura, lingua, identità, chi semu incapaci di prumove di manera pusitiva, altru che pienghjulona
- incapaci perche perdemu a NOSTRA CULTURA perche a nostra giuventù preferisce sente e merde di TF1 e di i DJ... a colpa à i so parenti chi ùn li facenu vede nunda d'altru

m'arrestu qui... tù metti tuttu in colpa à l'immigrazione, à i bobos-gays-jointés-republicani di a GAUCHE CAVIAR, metti tuttu in colpa à l'arabi...

...ma ùn ti rendi mancu contu di tuttu cio chi face in giru à tè è chi U TO PAESE SI SPRUFONDA

ma ai ragio, hè talmente semplice d'avè un discorsu semplice...

PS: ùn vuteraghju micca à e prussime elezione, so un bobo-gaucho-nationalo, ma micca troppu quantunque.

68.mandatu da Populu sumerone! u 13/05/2012 01:01

Umbè!! Quanti discorsi annantu à drita è à manca ! cume s'ellu esistia une sferenza oghje ghjornu