Accueil
Envoyer à un ami
Version imprimable
Partager

Una scunfitta ? Iè, ma di quale ?



Certe disfatte ùn sò micca quelle ch’omu crede.

L’arbitru, l’altra sera, era in serviziu cummandatu :

- U PSG ci vulia ch’ellu ghjuchessi u so quartu di finale senza lasciacci nisuna piuma, in nisuna manera

- Thiriez ùn si duvia imbruttà à tuccà a manu di Bastiacci vincidori : mai ch’ella fussi !

Allora, ellu u capu di l’istituzione più alta di u pallò francese, hà cummessu u sacrilegiu d’ùn rispittà l’istituzione ch’ellu raprisenta : d’ùn esse falatu à salutà e (a) squatre(a), l’intrinori(e), hè stata quant’è à torce a santa messa pè u prete.

Vinti anni fà, ci era statu quellu scandalu di u puntu ricusatu à Anton Drobnjak. Sabbatu sera, emu vistu peghju… Era scritta : Bastien ùn aspittava chè u primu occasione da cacciacci un ghjucadore.

À prupositu, l’avete rimarcata a pruvucazione d’Ibrahimovic in ver di Cahuzac, à a fine di u macciu, quandu ellu finghjia i so basgiarelli sprizzanti ? È quessi i vulete chjamà gran ghjucadori ?

Una scunfitta ? Iè, ma di quale ?

U pallò francese piglia un versu chì si ne capisce u sensu : mandà via u foot pupulare. Bastiacciu o altru. Ma, cù noi altri, bene intesu chì ci hè quellu, sempre, « supplimentu d’anima ».

A disfarenza maiò trà u Barça è u PSG ? I sigondi ùn anu chè soldi, i primi l’anu dinò ma riprisentanu ancu una tradizzione di risistenza nata in li tempi durissimi di u franchisimu. I « socios » l’anu invintati elli. I ciucci di i sustinidori sò scritti nantu à un rigistru di u club prima d’esse dichjarati in merria di Barcelona. Andarete à fà quessa in Parigi…

Marcuri sera, u PSG lutta cù u Barça : à quale ete da sustene po voi ? Eiu, a meia a scelta hè fatta. Tenì, sunniaria ancu una cità bastiaccia tutta à bandere catalane.

Iè, certe disfatte ingrandanu à quelli chì e patenu : tuttu ugnunu hà pigliatu cuscenza l’altra sera di u trattamentu inghjustu risirvatu à una certa idea di u pallò. Bastava à stà à sente a maturità stupenda di certi zitelli arrisera, à u microfunu di Via stella : quessi anu capitu pè u sempre.

Allora avà, sapemu chì trappule ci ne anu da tende sin’à a fine di stu campiunatu maladettu. Avemu vistu a risposta degna data da una squatra, da i sustinidori, tutti, da u populu. Matura. Sabbatu sera, iè, scunfitta ci hè statu, certa.

Ma, in fatta fine, di quale ?

u 14 d'Aprile 2015
L'Azezu



1.mandatu da jojo u cecu u 14/04/2015 19:58
Ibra dettu inculatore, incula à tutti è tutti u temenu (tutti = i francesi d i m...) FORZA IBRA , ci vole ch'ellu entri in a storia cù u so "PAYS DE MERDE"

2.mandatu da Alphonse di L'Ariola u 14/04/2015 22:18
Eh iè, ma e finale sò fatte per esse vinte

3.mandatu da tristi assai u 14/04/2015 23:14
à ringrazià ti, o Azezu, per u to bellu testu, degnu cum'è no simu stati degni

4.mandatu da turchinettu u 15/04/2015 07:20 (da un teleffuninu)
Vidaremu sta sera contra ''liò''(Lyon ) .
.ma i lioni di furiani, s''hannu dà d''à manghja crudi, senza reagisce....
Thiriez si ferà una sega davanti à '' beinsport '' ...

5.mandatu da Ghjuvanluca u 15/04/2015 21:03
sempre forza bastia

6.mandatu da Luca u 29/04/2015 17:38
Eccu una altra prova di razzismu anti corsu e di partita rubata bravu u Qatar di Parigi

Novu cumentu :