Accueil
Envoyer à un ami
Version imprimable
Partager

Veranu silenziosu : ma induve sò passati l'acelli ?

S’è vo vulete falà in boscu è cantà cume l’acelli spicciatevi. Cum’è a mostranu i risultati smuralizanti di l’inchieste scentìfiche, in certi lochi, l’acelli spariscenu « à una vitezza vertiginosa ». Averemu forse da passà da "cuntentu cum’è un pichju" à "depressivu cum’è un rusignolu" o "ammusciatu cum’è u pettirossu".



In u 1962, Rachel Carson publicava in u so cèlebru libru Veranu silenziosu. Issa donna antivista avia cùn talentu spiegatu l’effetti nant’à a natura sana di u DDT, un pruduttu chimicu spartutu in li campi da tumbà l’insetti nucivi.f
Veranu silenziosu : ma induve sò passati l'acelli ?

U so messaghju puderia tene in poche parolle « Si pulverizeghja nant’à l’arburi è à i verani chì seguitanu ùn si sente cantà un merulu. »

Spiegava Rachel Carson chì u velenu si facia strada da a fronda à u vermu da u vermu à u merulu è chì tuttu era ligatu.

Oghje u DDT hè pruibitu, ma veleni ci n’è altri (Roundup ecc. ). L’accertanu i scentìfichi di u 2018, in pochi anni un terzu di l’acelli sò spariti di e campagne francese.


E cause ? L’intensificazione di l’agricultura : a monocultura, u sparghjimentu di prudutti erbicidii o insetticidii, a disparizione di e sepe chì accuglianu tante spezie animale, a disparizione di e maghjere è bella sicura a bettunizazione chì riduce u spaziu salvaticu.

A situazione in Corsica ùn seria micca a listessa ch’è in les Deux Sèvres ? Podassi. Ma, quelli chì battenu a machja a vi diceranu e cose sò cambiate assai. Fochi, pulluzioni, malatie minaccianu a biodiversità ancu in li lochi inalpellati... o à l’abbandonu.

Quandu si sà, chì l’Auropa averebbe persu 80 % d’insetti vulanti è 421 millioni d’ocelli in 30 anni ci vole à ralegrassi quandu si face sente un piulime, un chjuchjulime, un stridulime è ancu u bufunime.



Uffa ! U veranu ùn hè ancu mutu. O serà un buzz di telèfonu ?

Da ralegrassi è amparanne appena di più nant’à l’acelli :

U rusignolu cantatu à voce piena da Antone Ciosi, u nostru Johnny Cash :


"A canzona di u cuccu" cantata Tino Rossi quand’ellu era patriottu


"A merula" cantata da Jackie Micaelli ( incù sassòfonu!)


Dui siti per sapenne di più nant'à l'acelli di Corsica :

Nant'à Corse ornitho

È nant'à Oiseaux de Corse

U libru "Connaître les oiseaux de Corse" di Jean-Claude Thibault è Denis Clavreul (ind'è Albiana)

Veranu silenziosu : ma induve sò passati l'acelli ?

È un filmettu da amparà à ricunnosce u versu di a cardellina, di u merulu, di u pichju o di a capinera :



U Pichju, ritrattu di René ROGER, fonte : oiseauxdecorse.fr

u 12 di Maghju 2018
Zenbucucciu


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta