Iè ma ci n'hè sempri à futta a merda, à creda chì a viulenza, o l'agressività, hè un valori pusitivu di l'identità. È a maior parti di l'aienti nurmali, à forza, ùn pirdarani più u so tempu è i so solda à sustena un club chì ghjoca sempri annant'à u filu di u rasoghju. U prublemu hè chì di u passatu, ùn si riteni chè i cunnarii cridindu ch'iddi sò provi straurdinarii.

È u prublemu hè chì in Furiani, si risica sempri di varcà i limiti, l'anni passani ma 'ssu sintimu malsanu si manteni. Pensu chì i 4 squatri corsi in i divizioni prufiziunali sò un miraculu, una furtuna pà l'isula. Ma l'affari ùn hà da durà, parchì a rivuluzioni di u spiritu chì duvaria accumpagnà tamanta riescita spurtiva ùn hè ancu à fassi.