Oghje, ci vole à esse bravi
A trovu "Troppu brava" a piazzetta in stu mumentu... à mè mi piace quella più ghjattiva.
ed eiu trovu chi certe infurmazioni un si leghjenu che qui, nanta apiazzetta
si seriu o oui-oui ? perche esse troppu gattivu per nunda trovu ch'ellu ghjova a nunda.ghjè bè, cuntinuvate cusi
forza apiazzetta!!!.....
bravo !!!!! a a piazzetta
Sgaiuffu presidente, Sgaiuffu presidente !!!
Iè, sò d'accunsentu, ci vole à rifiatà appena, è po ne aghju una techja d'esse sempre gattivu. Calchì volta mi pare d'esse un funziunariu di a gattivezza.
Oghje vogliu esse bravu, una volta à l'annu ci vole à piglià risichi, "ciò chì ùn tomba ingrassa" pruverbiu nietchtzeanu (quessu dinò pocu gattivu...).
Hè tantu difficiule à dì ma tengu cari à tutti quanti (sò falzu a sò, ma oghje hè a ghjurnata di a bravezza è basta).
È po mi n'arricordu quand'eru à u liceu tra di noi ci dumandavamu "o, è a quessa, cumu a trovi, hè bella?", è tandu ci n'era unu chì rispundia "ah hè brava!".
Par finisce mi dumandu s'è esse bravu in Corsica, ùn hè micca una gattiva cosa!
Eo so pè un ghjornu mundiale di gattivera...mà unu solu..!
F. Nietzsche ùn avia (è hà sempre) che un tortu maiò...esse tedescu..!!
A filusufia porta à a Saviezza O per ride...ci ghjunghjerai pocu à pocu..
Ghjustu pè risponde à a t'ultim'affirmazione, In Corsica simu indè una sucietà arcaica, esse bravu hè debulezza, più si gattivu è più si temutu...mà forse micca tenutu...!!
Analisa critica è sincera o Estri...d'accunsentu incu tè, simu in Corsica in piena schizufrenia..!!
O ESTRIMÈ, scusa ma tutte e to gattivezze l'avii pussute scrive dumane!
Oghje ci vole à esse bravu...sinu à mezanotte (più cà 5ore à tene!)
NIETZSCHE a palisatu di vulè vene à campà in Corsica, ùn hà pussutu, piccatu, saria statu u prima people.
Hà compiu a so vita "scemu". Ma eiu, paragoni ùn ne facciu, ...sinu à mezanotte.
U mondu in duvè no simu hè di piu in piu cattivu sopratuttu pè noi altri corsi ,dunque s'omu vole campa ci vole a esse cume tuttu u mondu e pè tagliala a l'accorta hè megliu a mustra i so pugni chè u so culu !
Iè anto, hè vera.. mà qui cume in altrò.. fassi la valè ghjè un ubligu pè sopravive..!!
Chi goia, stà mane possu odià u mondu sanu !
Eri, stavu messu à a turtura. Un era umanu. Un averaghju tinutu una ghjurnata di più.
O Estrimè, ai appaspatu a Cucaina..,??
O Estrimè, ti guasti u sangue! Fà pianu, à rombu di frasturnati t'ai da piglià calchì male (ti facciu e corne).
Aghjà ch'è no semu pochi pochi à discorre in corsu, s'è tù ti ne vai tù (à cent'anni!) saremu ancu più pochi. Tandu appaciati è leghji A PIAZZETTA senza pigliala in seriu.
Campemu un sunniacciu è basta.
È prestu ci spataremu ...pà u sempre.
A tutti, ùn vi nè fatte, in 2012, tutti i nostri guai seranu compie una volta pè tutte...è po sperenza o Estrimè, u Guvernu Fillon II ci salverà..sina tandu..
Incu i francesi ci cole sempre à esse Bravu è ancu bravissimi, l'algerinu so stati bravi
120 anni, è po dopu so diventati gattivi, appena cume i corsi, mà noi ùn avemu sapiutu
(o vussutu) esse gattivi.
Ognunu nè pisenrà cio chi vole...
s'omu vole campa ci vole a esse cume tuttu u mondu ...a dice antò
A Piazzetta ùn hè cum'è tutti...finu à quandu, iè, finu à quandu... ma ogni porta chì si chjudi da u bughju centu ni caccia torna...
È a me penna s'infiara...
Solu l'omi so, è ponu esse gattivi.noi altre, ghjustu qualchi volte....
 Scrive una risposta
|
|
|
