A vita di spurtivu di grande nivellu hè difficiule. Dui mesi fà, Frédéric Hantz era un diu in Bastia. Oghje, puderia esse messu fora da u Sporting.

François Tatti ùn hè ancu ghjuntu à u livellu di pupularità di Hantz ma s'hè digià pigliatu un cartone rossu da Emile Zuccarelli.

In una lettera publicata da Corse Net Info, s'ampara chì u merre di Bastia li hà cacciatu a so delegazione à i travaglii (u so postu d'agiuntu dunque), aspettendu a seguita : "J'examinerai dans les prochains jours les dispositions complémentaires que cette décision pourrait appeler".

Ci vole à dì ch'Emile ùn hà mancu appena appreziatu a pruposta di Tatti d'organizà elezzioni primarie à l'internu di a manca pè elege u candidatu di a manca à e municipali di u 2014 (da leghje nant'à u so blog).

Ciò chì facia dì à Corse-Matin : Tensions à gauche : la citadelle bastiaise se fissure de l'intérieur.

Pocu dopu, era Eric Calloni, cunsiglieru generale PRG, chì cappiava una bomba à Corse Net Info. Dillusu d'ùn esse statu elettu à u capu di l'offiziu HLM di Corsica Suprana, spiega ch'ellu paga u so sustegnu à Tatti :

Primu scud : On va détourner cet outil de sa vraie démarche et distribuer les logements pour gagner des électeurs.

Segondu scud, l’autocratie familiale : On tend à imposer, par le truchement du PRG, la candidature de Jean Zuccarelli qui pointe la tête et souhaiterait reprendre le flambeau. Le PRG ne se réunit jamais, sauf au moment de désigner les investitures aux élections. Est-ce normal pour un parti ? Il n’y a pas de communication, pas de discussion. Il y a une forme d’autocratie familiale.

Nò, ùn hè micca Jean-Guy Talamoni o Gilles Simeoni chì parla cusì. Hè un membru di u PRG. Parla ancu di chasse aux sorcières pè i partigiani di Tatti...

Jean Zuccarelli ùn s'hè ancu manifestatu, ma deve digià avè una grossa pena in capu.

To be continued...

Una diritta in testa ma chì piglia a falata :

• In Aiacciu avia fattu 45% in u 2007, Laurent Marcangeli face 30%

• Sauveur Gandolfi-Scheit avia fattu 44,% in u 2007, face 32%

• Camille de Rocca Serra hè statu elettu cun 51% di i voti in u 2007, perde guasi 20 punti è face 33%

• Stéphanie Grimaldi perde 16 punti in 5 anni. A so campagna contr'à "le système" ùn hà micca viaghjatu. Face 84% in a so cumuna di A Porta d'Ampugnani. I picculi 16% chì ùn anu micca vutatu per ella non più ùn sò micca in u "système".

L'altre falate :

• U clanu Zuccarelli : Emile avia fattu 33,5% cinque anni fà, Jean-Jean face 10 punti di menu, malgradu a vittoria di a manca à a presidenziale

• In Bastia solu 600 voti di differenza trà Zuccarelli è Simeoni

• Corsica Libera, in tutte e circuscrizzioni, u FN li passa in davanti. Iè, Tony Cardi davant'à CL...

Quelli chì anu manghjatu e frittelle :

• Simon Renucci chì tuttu u mondu vede perde à ogni elezzione è chì hè sempre quì

• Paul Giacobbi. Ùn hà più nemichi in a so circuscrizzione è s'annoia. Allora a si caccia contr'à l'IFOP, vistu chì à l'UMP ùn ci hè più nimu...

• Gilles Simeoni è Jean-Christophe Angelini, pè a prima volta ci serà dui candidati naziunalisti à u segondu giru d'una legislativa

U FN. Tony Cardi è i so amichi facenu in giru à 10%. Iè, Tony Cardi... Quellu chì prupone "la priorité d'emploi aux Français et la priorité d'emploi aux logements"

Frédéric Hantz 2012
Frédéric Hantz face torna una bella elezzione. 67 voti in A Vulpaiola, ghjunghje segondu daretu à Paul Giacobbi.

U misteriu
Pierre-Noël Tucci, candidatu Génération Ecologie-PRG hà riesciutu à fà 4 voti, sia 0,01% in a prima circuscrizzione di Corsica Suttana. Un prublema l'hà impeditu d'avè biglietti di votu. Peccatu, era in forma. À u dibattitu di Via Stella avia dettu chì "tant qu'il y aura les clans et le système, il n'y aura AUCUN développement économique en Corse". Cun l'etichetta PRG dunque.

A pulèmica
Femu a Corsica accusa a merria di Bastia d'avè pigliatu i quaterni di e firme, (cahiers d'émargement) per fà e fotocopie

Tutti i risultati nant'à elections-corse.com
Tutti e video nant'à France 3 Corse

Tutti i dibattiti sò da vede nant'à u situ di France 3.

Cummencia forte a campagna di e prussime legislative (10 è 17 ghjugnu). Per dinunzià l'abandonu di i "spazii verdi" di Lupinu, Gilles Simeoni hà organizatu un'operata pè rimette in statu è pulisce i lochi.

Jean-Jean 2012 ùn hà micca appreziatu è risponde nant'à u so blog di campagna. Parla di "détracteurs déguisés en jardiniers".

In tutti i casi, i smachjaghjoli ci anu fattu una bella dimustrazione di u scambiamentu di l'utilizazione di u "treillis". 30 anni dopu, i fucili sò rimpiazzati da e débroussailleuses. Deve esse quessa a rivuluzione verde.

Averemu da chjamallu "Stihl Simeoni" ?

Prima ci hè u titulu : "Jean Zuccarelli l'affranchi". Appena cumu si Jean-Jean avia da ghjucà in u remake di Goodfellas di Scorsese, cun François Tatti è Ange Rovere à a piazza di De Niro è Jo Pesci.

Dopu ci hè l'articulu, piuttostu bravu (hè un eufemisimu...) cù u candidatu.

Piccula scelta : "Jean Zuccarelli s'émancipe... il occupe le terrain et fait feu de tout bois. Ceux qui le pensaient sans envergure ni charisme en sont pour leurs frais... en train de se faire un prénom... Jean Zuccarelli est sur orbite... gagne des points et accumule les opinions favorables... Cordial et avenant... il connait parfaitement ses dossiers... il a un ton posé et sa parole fait mouche... Jean Zuccarelli n'a pas peur... il a foi en lui et regarde l'avenir avec optimisme... il a des idées plein la tête... il veut briser les stéréotypes de fils à papa et se sens prêt à mener tous les combats..."

Allora ? Articulu di stampa ? O publicità pè Jean-Jean ?

Avemu capitu, crìtiche in st'articulu, ùn ne truveremu micca. Ùn ci serà veramente nunda à dì ? Mancu un picculu suppulellu di criticuccia, ancu chjuca chjuca ? Ci vole à crede chì nò. Stranu...

È a cunclusione chì pesta : "Que cela plaise ou non, la dynastie des Zuccarelli est loin d'être terminée". Pigliatevi què ! L'elezzione hè dunque fatta, avemu u miglior candidatu di tutti in tempi in Bastia è ùn a sapiamu mancu.

Iè, ancu più forte chè Jacques Cheminade, Jean-Jean ! Ma cumu serà chì Barack Obama ùn l'hà ancu chjamatu !

Bon, appena và bè. Ma quantunque, ùn truvate micca chè vo avete appinuccia esageratu, nò ?

Aspettemu cun impazienza listessu trattamentu è listessi "publi-reportages di campagna" pè l'altri candidati, à sapè Tony Cardi, Sauveur Gandolfi-Scheit, Jean-François Baccarelli, Gilles Simeoni, Jean-Philippe Antolini. Metterà infine appena d'animazione in sta campagna.

Chì successu ! Avemu arresgistratu 1359 voti per l'elezzioni di u Catinu di l'annu 2010. Ma nant'à A Piazzetta cum'è in e vere elezzioni, a demucrazia ùn esiste micca. Hè vera ch'ellu si pudia frodà. I falsi elettori, e false precure è i voti in doppiu è in trìplice eranu accettati. Cum'è in a vita...

Quale avia da piglià a successione di Christian Clavier (in 2008) è di Paul Giacobbi in 2009 ? Quist'annu dinù, ùn eranu micca i catini chì mancavanu.

Pè a prima piazza a lotta hè stata accanita è stretta sin'à l'ultimu. Dui picculi voti di differenza solu trà i dui campioni ch'è no semu dunque obligati di dichjarà Catini d'oru ex-aequo : Frédéric Thiriez (15,74%), tercanu anticorsu, catinu intersiderale per avè vulsutu sbarazzassi più d'una volta di i clubs corsi è in particulare di u Sporting. È dì ch'ellu hè statu l'avucatu sceltu da u... PRG in l'affare di l'elezzione di Pascaline Castellani. Di fattu, pudemu rimette dinù à u PRG è à questa quì u primu postu di a classifica. Felicitazioni !

Sta prima piazza hè dunque spartuta cù a FCPE, in particulare a sezzione Corse du Sud di sta federazione di parenti d'elevi. D'appressu à u so rispunsèvule (da ascultà nant'à Alta Frequenza l'insignamentu di a lingua corsa saria pulitizatu è ancu suspettu d'ùn esse laicu (!). Bravu. Hè vera chì tutti l'insignanti di lingua è cultura corsa, in più d'ùn esse cumpetenti, corci, militanti di l'armata di l'ombra (ma chì canale o Ortoli ?) sò tutti chjesali è ne sò sempre à amparà u Pater Nostru à i so sculari. Chì l'omu sia rassiguratu. L'obligazione di a lingua corsa ùn hè micca à u prugramma in 2011, nè in 2012, è siguramente micca in 2020 non più. Scumettemu ? Ma chì li serà pigliatu di vulè fà a pulèmica cù l'insignamentu di u corsu ? A FCPE averia fattu listessu cun l'insignamentu di l'inglese, di a fìsica o di e matematiche ? O forse a federazione hà vulsutu fassi un colpu di pubba è fassi vede cum'è "quelli chì ùn anu micca paura di i naziunalisti" ? Sola a psicanalisi ci puderà aiutà.

Chì u sgiò Pierre-Vincent ùn s'inchieti, l'effettivi di sculari scritti in corsu ùn crescenu micca, è ancu megliu : a lingua corsa ùn s'hè mai purtata cusì male. Hè a quarta lingua parlata in stu paese, daretu à u francese, l'arabu è u purtughese. Ancu di grazia ch'elli ci sò i guardiani di l'egualità è di a laicità per chì a nostra lingua ùn sia un perìculu per a Ripublica... O Ortoli, ùn vedi mancu chì di lingua in stu paese, à mumenti ùn ci n'hè più ? In fine di contu, l'intullerenti è i riazziunarii, sò elli...

Surpresa, in terza pusizione truvemu u Quick, chì hà fattu nasce assai cummenti sti pochi ghjorni. Ancu di più chì dapoi l'apertura, u spaziu davant'à u munumentu (chì si trova ghjustu in faccia) in a memoria di e vittime di a catastrofa ùn hè più rispettatu...

In quarta pusizione, à un votu (solu !) in daretu, l'Equipe de France chì ci hà fattu sunnià quist'annu : Zahia, Kysna, Anelka, Evra, eccetera... Eppò dinù Domenech, Escalettes, i macciacci, è un'eliminazione festighjata in u mondu sanu chì hà fattu dì à Aimé Jacquet : "J'ai honte d'être français". Almenu, averà vintu qualcosa quist'annu...

Per un votu solu, truvemu in daretu u pistunatu u più cèlebre di Corsica, u nostru Jean-Jean di Pappà naziunale, chì hà cunnisciutu a gloria durante l'annata 2010. A so cullata da a 25esima piazza d'una lista à a direzzione d'un uffiziu in qualchì settimana hè entratu in a grande storia di u piston.

Infine, ùn ci n'hè mancu unu nant'à u podium, ma a grande famiglia di a diritta corsa s'hè surpassata in u 2010. L'inseme di i voti di i canditati colla à 17,8 % ! Si mèritanu dunque u premiu anch'elli, un Catinu Speziale per l'inseme di a so òpera. Hè a racolta d'un longu travagliu di i so partigiani :
- Camillou è Ange Santini, capimaghja di u fiascu di a peghju diritta di u mondu (Padduc, AMG 800, schjaffu messu da Sarkozy, bettunizazione à buzeffu, peghju risultatu pè a diritta corsa dapoi chì l'elezzioni esistenu...)
- Jean-Jacques Panunzi chì vole mette fora l'associ di difesa di l'ambiu cun sta grande frasa : "Nous devons nous soulever pour lutter contre le lobby des associations (...) À force d’œuvrer pour la protection du lézard, de la libellule et des crapauds, il ne restera plus que ça et nous, on va disparaitre, je vous le dis !". Seremu d'accordu cun ellu nant'à un puntu : semu veramente in traccia di smarisce, ma micca per e listesse ragioni...
- Hè dinù a vittoria d'Antoine Giorgi chì trova chì 75% di residenze segundarie ùn bastanu micca nant'à a so cumuna. A frasa di l'annu l'hà cacciata ellu : "si on arrête de construire on va tuer la Corse !" Magnificu...
- Ùn ci scurdemu di u coppiu infernale di u Borgu, Paul è Anne-Marie Natali. Arricurdatevi di e cicculate ind'è Sarkozy è di i nomi di lochi di a so cumuna di u Borgu (scusate, Borgaux) cù a celebre "Rue des Castors". In più, anu vintu u cuncorsu di u più bellu giratoghju in 2009.
- Infine, ùn ci scurdemu di i neo-cursisti Stéphanie Grimaldi è Marcel Francisci, chì si sò scuperti un'anima di naziunalisti dapoi i risultati di l'ultime elezzioni : "il faut corsiser l'UMP" hà dettu Stéphanie Grimaldi à RCFM. Anu scupertu ch'ellu c'era un populu, una lingua à salvà, una terra à prutege... Ma sin'avà, durmianu ?

Per finisce, à quelli chì s'inchietanu, i naziunalisti ùn sò micca ultimi in stu classamentu. Per una volta i duri sò piazzati in testa (2,94%) davant'à i molli (2,84%). Facenu megliu ch'è Paul u polpu (0,8%).

Felicitazione à tutti, è cuntinuvate cusì ! Ùn ci hè dubbitu chì 2011 serà un'annata di catinoni chì ci la feranu à fà l'attualità corsa à grandi colpi di bugie, di pazzie, di sumerisimu o di mischineria... È senza elli, A Piazzetta ùn esisteria micca.


Risultati cumpletti :