Accueil
Envoyer à un ami
Version imprimable
Partager

315.000 abitanti in Corsica, è dopu ?

L'INSEE ci porta una bona nutizia : a Corsica hè a regione induve a pupulazione cresce u più in furia. Una bona nutizia, veramente ?



Trà Natale è capu d'annu, l'INSEE ci hà fattu sapè ch'è no sariamu oghje circa 315.000 abitanti in Corsica (314.486 in u 2011).

Cusì, semu a regione chì cunnosce a più forte crescita dapoi u 1999. Corse-Matin n'hà fattu a so prima pagina :




315.000 abitanti in Corsica, è dopu ?

L'INSEE ci ampara chì sta crescita spettaculare ùn hè micca u fattu di a natalità :

"le taux de natalité en Corse (9,4 %) est largement inférieur à la moyenne nationale de 12,6 %"

I Corsi ùn facenu micca abbastanza zitelli. Per paura di l'avvenne ?

Sta splusione di a demugrafia hè dunque u fattu di a venuta in l'isula di furesteri :

"Cette évolution provient exclusivement des phénomènes migratoires. L'augmentation est principalement alimentée par l'attraction des pôles urbains même si l'espace rural se peuple aussi. Tous les types de territoire bénéficient du dynamisme démographique".

Tutta a Corsica hè tocca ? Iè tutta.

315.000 abitanti in Corsica, è dopu ?

Ma s'ellu si parla di furesteri, ùn si parla micca di strangeri :

"À noter que la part des étrangers dans la population insulaire est de l'ordre de 8,7 %. En France, le chiffre est de 6 %. Une donnée relativement stable au regard des statistiques de 2006 qui faisait état de 8 %."

Allora, 315.00 è dopu ? Ci serà da ralegrassi ?

Seranu parechji à risponde di sì. Hè u famosu "ça va créer des emplois". I patroni ci spieganu di manera regulare chì più numerosi semu, megliu hè.

For'chì i risultati di u disimpiegu ci mostranu chì nò. Ci sò 21.069 persone senza travagliu in Corsica.

Ma cum'ella a cantava Aznavour, a miseria hè più campatoghja sott'à u sole...

In u Padduc si parla assai di demugrafia. Si pò leghje chì :

"La Corse gagne désormais environ 3 500 habitants chaque année."

è chì :

"Les flux migratoires quasi exclusivement dirigés vers le littoral (sur les 34 000 habitants qu’a gagné la région Corse entre 1999 et 2006, 81 % ont été accueillis sur le littoral)."

Allora, trà un pezzu di bûche de Noël è u bichjeru di Citrate de bétaïne di capu d'annu, st'articulu ùn serà micca rimarcatu.

Ma digià si pò fà un paragone cù a situazione di a Corsica, più di quarant'anni fà. In Corse des années ardentes (1939-1976), Paul Silvani ci ramenta chì u sciffru di 320.000 abitanti era l'oghjettivu à ghjunghje in u 1985 di u "schéma d'aménagement de la Corse". Semu in l'annata 1971 :


Ma mentre chì tuttu u mondu digerisce a so dinde aux marrons, noi chì avemu u rollu di i sempiterni azezi puneremu qualchì dumanda.

Sì in u 1971 l'ARC si dumandava "320.000 habitants, mais combien de Corses ?" ci pudemu pone a dumanda oghje ?

3500 ghjunghjiticci à l'annu ci dice u Padduc. Chì cunsequenze nant'à l'urbanizazione (spessu anarchica o mal pensata) di l'isula ? Nant'à i trasporti ? L'ambiu ?

Chì cunsequenze pè e zone agrìcule ? À chì ne simu di ciò porta in francese u nome di "étalement urbain", è chì hè un scumpientu ecologicu è sucetale ?


Paisaghju corsu d'oghje : uniformiazione, cunsumazione è "étalement urbain"...
Paisaghju corsu d'oghje : uniformiazione, cunsumazione è "étalement urbain"...

Cumu integrà sta ghjente ? Chì accessu li demu à a nostra cultura, à a nostra lingua ? À ciò ch'è no semu ?

A Corsica hà sempre fabricatu Corsi, è integratu millaie di ghjente chì ci sò ghjunti è chì si sò intesi Corsi. Ma oghje ? I paesi sò vioti è ùn ci n'hè ch'è pè u cunsumerisimu. Allora cumu li demu l'uppurtunità di diventà Corsi ? Forse chì sustene u Sporting ùn basta micca.

Ma bon Natale quantunque hein.

u 26 di Dicembre 2014



1.mandatu da sasha u 26/12/2014 20:17
Ghjé tuttu dettu ! Un' vuleria micca raghjustane all'azezume d'issa publicazione ma secondu me, e statistiche so' falze e strangeri (e furesteri) ci ne so' assai di più che detta. Cio' chi sarebbe interessante di sapè, ghjé cume fà perchè e cose cambjinu.

2.mandatu da Antò u 26/12/2014 20:18
Peghju chè i francesi : i corsi impinzutiti

3.mandatu da écusìsia u 26/12/2014 20:41
BOMBE

4.mandatu da Natale u 26/12/2014 22:05
"320.000, mais combien de Corses" ????

in 1971..... allora oghje ????

5.mandatu da Natale u 26/12/2014 22:06

6.mandatu da stampate duru u 27/12/2014 00:22
Quelli chi so cuntenti : u MEDEF, i grandi patroni, u BTP, a grande distribuzione... Perrino e cumpagnia ponu esse felici

tuttu hè dettu : francesi chi ghjunghjenu a palittate, impussibiltà d'integrazione (u pinzutu chi sbarca chi si ritrova in Baleone, in Sarrola Carcopinu, o in Moriani-Plage, chi li po futte di a lingua corsa ???).....

uniformisazione : cultura di NRJ 12, télé réalité, selfie, Via Notte, Mafiosa

I Corsi ùn facenu fighjoli, a ghjuventù piglia cume mudellu a merda di a mundialisazione (andate a vede l'estate in calvi, à l'instabar, ajacciu ne parlu mancu)

i naziunalisti ci vendenu a "communauté de destin" (o povera elli !!!)

Chi femu ?

7.mandatu da écusìsia u 27/12/2014 19:26
stampate duru, sò cun tè, ci vole à tene forte

8.mandatu da Ghjuvanluca u 29/12/2014 22:20
Lingua e cultura corsa insegnate d'obbligu in scole primarie,Lingua corsa sola lingua ufficiale (a coufficialità di duie lingue, ghjiè un'ingannu).Oghje pè campà corsu tocca a fabbricalli i corsi.Pè fa custi ci vole ù corasgiu di à pulitica e à partecipazione forte di ù populu sanu.
ù prublema è sentitu a l'istessa manera da nui in Sardegna.
Pace e Salute a tutti fratelli corsi

9.mandatu da loris u 14/01/2015 08:56
in Sardegna nessuno minaccia la lingua sarda, è insegnata e parlata da tutti senza problemi...
in Corsica chi parla in corso, ormai nessuno, solo francese!
dov'è il riacquistu se i primi a non volere sono i corsi??

Novu cumentu :