Accueil
Envoyer à un ami
Version imprimable
Partager

A fine di l'orribili nomi di residenze in Aiacciu ?



"Le Clos de Longvilliers". In u Pas-de-Calais ? Nò, in Muriani...
"Le Clos de Longvilliers". In u Pas-de-Calais ? Nò, in Muriani...
Ci hè u cambiamentu à u serviziu di a lingua corsa di a municipalità aiaccina. Christophe Mondoloni piglia a successione di Tumasgiu d'Orazio chì avia stallatu u serviziu sei anni fà.

Interrugatu da Alta Frequenza, hà annunziatu i cantieri di a so mandatura : allergà u serviziu di a lingua corsa à a CAPA è travaglià nant'à a tupunimia :

"Lorsqu'une résidence ou un immeuble sera fait à Ajaccio ou dans le grand Ajaccio, on recherchera le lieu-dit, son histoire".

Hè vera chì in materia di dà nomi goffi, simu furtissimi in Corsica. Arricurdatevi st'articulu di u 2012. È ne parla dinù u blog Ofedericabellatchitchi.

È per infurmazione, nò, "Le Clos de Longvilliers" in Muriani ùn hè disgraziatamente micca una magagna.

Dice Mondoloni chì ci vole chì i casali è e residenze nove portinu l'anticu nome di locu, "et non pas L'Orée du bois ou Le Wilson"... è hè piuttostu una bona nova, tantu u scempiu hè impurtante.

Avà ùn ferma più ch'è à finiscene cù l'architettura goffa.

u 3 di Ghjugnu 2014



1.mandatu da acquaviva u 03/06/2014 09:55
clos de longvilliers so corsi quelli chi costruiscenu sti palazzi?.RICURDEMULI CH'aiacciu he a A LATITUDINE DI ROMA:AH STI FRANCESI CI HANNU FATTU PERDE U SUD!!!!

2.mandatu da antone u 03/06/2014 09:57
S'ellu ci la face, dicu FELICITAZIONE ! ma aspettu di vede

sti nomi so un scumpientu maio, u summum di l'acculturazione e di a francizata

3.mandatu da ernestu u 03/06/2014 10:34
Bravu Christophe

4.mandatu da sempr''''''''''''''''azeza u 03/06/2014 22:28
di sicuru ci scambierà a vita di vede una residenza " l'alivetu " dopu avè tagliatu tutti l'alivi per metteci bettonu, l'aria serà più fresca è a vista meravigliosa

in paese c'hè un locu chî si chjama CORN 'IN CULU ..... tandu sî !!

ancu A SCHIZZATOGHJA (a cacarella) mi piacerebbe à sentellu in bocca à i pinzuti

5.mandatu da capicursina u 03/06/2014 22:31
ùn hè micca u tuttu di mette nomi corsi , ci vulerebbe à vede ancu A QUALE ci si mette nentru à ssi casali

6.mandatu da oscarucciu u 03/06/2014 23:15
capicursina.ha dettu tuttu.....basta a corsizazione di faciata...

7.mandatu da Hantzu u 03/06/2014 23:17
Forse, s'ellu un c'era che nomi difficiuli à prununzià per i francesi cume "Ghjaddinavarghja", venerianu menu numerosi per stacci

8.mandatu da l'alzincu u 04/06/2014 18:37
serebbe troppu faciule

Novu cumentu :