Accueil
Envoyer à un ami
Version imprimable
Partager

Vergogna à tè chì dai n'importa chì nome à a to terra

A lingua corsa smarisce in a tupunimia d'oghje, in i nomi di residenze, di lotissements, di casali...



Vergogna à tè chì dai n'importa chì nome à a to terra
Durante centinaie d'anni, i Corsi anu datu nomi corsi à i so lochi. I nomi di muntagne, di fiumi, di paesi, sò stati chjamati : u pentone, u poghju, a punta, l'aghja, a leccia, u castagnu, u pratu, u chjarasgiu, i stazzi...

Sti nomi avianu un sensu, è l'omi s'indentificavanu à i so lochi. Avianu una memoria, una storia.

Oghje, a frenesia immubiliare è a splusione demogràfica hà fattu nasce paesi, residenze è lotissements novi, vicini di i lochi di cunsumazione, senza identità, assettizati. Stu paisaghju senza anima puderia esse quellu di a Seine et Marne.

In quant'à i nomi di lochi, ci pudemu dumandà s'è no semu sempre in Corsica. Eccu unepochi d'esempii di sti «nomi novi ». Cumu averanu dà fà quelli chì anu da ingrandà, ghjucà, campà in sti lochi per custruisce un'identità corsa ?

Les domaines du Levant (Lucciana)
Les Jardins de la Mer (Bravone)
Résidence Les Couchants (Agosta)
L’orée du Bois (Aiacciu)
Résidence Eros (Borgu)
Résidence Appolonie (Bastia)
Résidence Brasilia (Aiacciu)
Vanina Park (Corti)
Le grand Large (Calvi)
Résidence Alsace – Loraine (Corti)
Le Chêne Vert (Corti)
La Résidence Melody (Santa Maria Poghju)
Les Floralies (Biguglia)
Les Chênes (Borgu)
Les Hespérides (Viscuvatu)
Corsicana Forêt è Corsicana Village (Linguizzetta)
Tropica Club (Linguizzetta)
Les Cigales (Vintisari)
L'Orangeraie (Coti Chjavari)
Les Hauts de la Résidence du Golfe (Purtichju)
La Colline des Feurs (Purtichju)
Carré Saint-Jean (Borgu)
Le Clos de Longvilliers (Muriani)
Résidence Elisa (Lucciana)
...è si puderia cuntinuvà assai cusì.

30 anni fà, Canta u Populu Corsu cantava Vergogna à tè chì vendi a terra. Quelli chì inventanu sti nomi guffissimi distrucenu a memoria di i lochi è di a lingua.

Cumu ci ghjudicheranu e generazione future d'avè fattu n'importa chè cù u nostru patrimoniu, a nostra lingua, a nostra memoria ?

Vergogna à tè chì dai n'importa chì nome à a to terra

u 26 di Farraghju 2012
U Webmaestru



1.mandatu da mamone u 26/02/2012 17:09
Avete raghjone ...sti nomi so guffissimi , so a prova chi a Corsica perde a so lingua , a so memoria, e i fatti andaranu di male in peghju si u trasaltu u n'hè micca generale...

2.mandatu da MONTANA u 26/02/2012 20:31
mi so fattu a listessa riflessione.... tutti i casali novi sopra a u Fangu portanu nomi cusi: le phare, le rubis, le desk, l'esplanade....manc'unu cu un nome corsu!!!
è ùn parlu mancu di tutti i "lotissements" novi in Balagna....ci hè veramente da pienghje....

3.mandatu da Viaghju u 26/02/2012 21:18
"Metti un nome di fiore, piacerà à i vechji ritirati !"

4.mandatu da Grossu panzutu u 27/02/2012 11:01
Hé vera chi "longvillier" hé propiu un nome chi rilleva di a vera tupunimia pinzuta! ma di tutte manere inde i novi alloghji ùn ci so che pinzuti vistu chi a crescita di pupulazione corsa hé a 90% d'urigine furestera!

Nuteremu quantunque a residenza "l'arcusgi" in ponte novu! Micca male cume tupunimia pe una volta!

5.mandatu da mamone u 27/02/2012 12:43
Site sicuru ? ...90% ...e cose so' serie !!

6.mandatu da Grossu panzutu u 27/02/2012 14:14
Ci vole andà a vede l'insee pe ave ciffre precise. Ma si sa chi e nascite e e morte s'ecquilibreghjanu in corsica, dunque a crescita di pupulazione si face che nanta l'emigrazione. E avemu pigliatu 60 000 abitenti in piu in 10 anni. Fate i vostri conti, ùn annu nancu finitu di cresce i "longvillier" "beaurivage" "bleuciel" o "douce gaule"...

7.mandatu da Quattruetresette u 27/02/2012 18:38
e sopra a l'ospitale di Bastia " la closerie des chênes "!!! " E suare" " I querci "
"E leccie" un mancavanu po micca i nomi !

8.mandatu da mamone u 27/02/2012 18:53
Avete raghione..u mancanu i nomi d'alburi ! Ma "Closerie (...des Lilas) face più "pinzu"; anche ..pariginu !! Ohimè, cio chi a Corsica diventà !!

9.mandatu da Quatruetresette u 27/02/2012 19:12
In l'Ortale di Biguglia "lotissement Belle île en mer" fra pocu hannu da cresce i "bananier e paletuviers "in giru a e case.!

10.mandatu da albator u 27/02/2012 20:10
S'o trovu u connu chi hà datu u nome di "Clos de Longvilliers" in Moriani...

11.mandatu da Fan di Tancrède u 28/02/2012 02:30
eccu cume ogni ghjornu, sempre appena di piu, a lingua corsa smarisce

felicitazioni à l'assassini chi trovanu sti nomi di merda

12.mandatu da ANTO u 28/02/2012 07:27
S'ell'un c'era micca terreni a cumpra pè i promutori pinzuti ,un ci sarrebenu micca tutti sti numacci .Ma un so mica siguru chi tutti sti nomi sianu u fattu di pinzuti !!!!

13.mandatu da mamone u 28/02/2012 07:36
So d'accordu cun voi ,o Anto ..a Cosica hè venduta a i furesteri ..ma pensu ancu eiu ,chi ci so' i corsi "inbastarditi"...

14.mandatu da Glutor u 28/02/2012 12:20
A residenza Gérard Holtz in Accendi Pippa...

15.mandatu da culomba u 28/02/2012 17:23
u peghju hè quandu una Municipalità cum'è AIACCIU, puru impegnata in certi prugrammi pè a lingua corsa, ripiglia senza anscià u nome di una residenza ( "les Galets") nantu à a so Signaletica, pè u quartieru chì si chjama "Carminu" ...!

16.mandatu da Kim jong di papa u 28/02/2012 17:30
A prima volta ch eu so ghjuntu a Sagone, aghju vistu "le hameau du soleil"... Aghju resu! Inculatacci!!!

17.mandatu da Mika u 29/02/2012 09:25
" Les jardins de loubly" Capuralinu ....

18.mandatu da Mare nostrum u 01/03/2012 00:22
In Calvi ci hé un immeuble in custruzione è si chjama " Nahya Marya " ... Face paura ! Sara indianu ?

19.mandatu da di lecci sò ! u 01/03/2012 16:07
sò certo chi i patruni di sti costruzioni so tutti francesi.. è i fancesi mettuno nomi "internaziulnali".. micca li fanno pe vui corsi.. tanto vui na casa la tenete.

nu baciu da Lecci.

20.mandatu da ciucci u 04/03/2012 17:27
vanina i corti vanina era a moglia di paoli

21.mandatu da Antonia u 15/03/2012 20:47
Hannu dimenticatu a fileta !

22.mandatu da fabio u 16/03/2012 16:24
in Italia tantissime città hanno vie dedicate a città o personaggi corsi.
per esempio a Milano esiste Viale Corsica (viale molto grande) e via Pasquale Paoli eroe corso.
A PArigi esiste via PAscal PAoli??!!!! mmmhh...
CAri amici corsi la FRancia dovrebbe rispettarvi di più..

23.mandatu da Ghjaseppu u 20/03/2012 00:48
Unu restaurante in purtivecchju si chjama u "figatellix"..

24.mandatu da oimelacara u 22/03/2012 14:33
dannu digià nomi ridiculi à i so figlioli...allora à e so case...vistu ind'è e nostre scole: jennifer è jonathan (i picci), Diamanta,ect...è per stu restaurant di porti vecchju chjamatu "figatellix" li auguru un bellu plasticatelix.

25.mandatu da ciuciarellu u 23/03/2012 17:25
in pv c'hè un restaurante chi si chiama kosten quesako ?
LES HAUTS DE PINARELLO UN un c'è mai bassi?

QUANDU U LOCU SI CHIAMA cafe de france ghè un corsu quandu si chiama a nepita gjhè un francese è simplice!!!!

26.mandatu da A truita di ponte novu u 26/04/2012 11:27
Simu i piu forti In ponte novu.....

27.mandatu da Populu sumerone! u 18/06/2012 21:43
E "ravioli au bruccio" si ne manghja dapertuttu ! Un v'arrabbiate : simu persi

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta