Accueil
Envoyer à un ami
Version imprimable
Partager

A rivuluzione di e ciavatte

Mubarak scappatu, hà vintu u populu egizzianu.



A rivuluzione di e ciavatte
Eccu, Mubarak hà fattu e so valisgie è hà finitu per andassine. L'avvene di l'Egittu ferma incertu è tòrbidu, ma si ferà senza Hosni. Ùn si sà mancu chì rollu averanu i "fratelli musulmani", ma per avà si face a festa, i capatoghji veneranu dopu.

2011 hè dunque stata l'annata di a rivuluzione egizziana. Ma sapete ch'ellu hè bè di dà un nome à una rivuluzione, hè qualcosa chì ùn accade micca tutti l'anni.

Avemu dunque la Révolution des oeillets (1974, Purtugallu), la Révolution de velours (1989, Ceccoslovacchìa), a Rivuluzione di e ròsule (2003, Georgìa), a Rivuluzione Arancia (2004, Ukraina), a Rivuluzione di e tulippe (2005, Kirghistan).

Pè a Tunisìa, i giurnalisti anu datu u nome di "Révolution de Jasmin" ma sta spressione hè cuntestata.

È pè l'Egittu allora ? Si pò prupone u nome di "A Rivuluzione di i scarpi" o "di e ciavatte". Durante e manifestazioni, l'egizziani anu alzatu i so scarpi è calpighjatu i ritratti di Mubarak.

In i paesi musulmani, a sìmbolica di a ciavatta hè forte, hè segnu di disprezzu (arricurdatevi u giurnalistu chì avia tiratu i so scarpi nant'à Bush in Iraccu).

Bon, è in Corsica allora ? Si ferà a Rivuluzione di e Meindl ?

u 12 di Farraghju 2011
U Webmaestru



1.mandatu da Gjunvan'Marcu u 12/02/2011 17:22
Ind'è noi, ci sera a rivuluzione di "e capot'inglese" ?

2.mandatu da estrimei u 12/02/2011 19:23
Bon, è in Corsica allora ?

qui po, aemu "run river " e "campemu a l'usu corsu"!
ommancu he so ch'ellu scrive u " canard enchainé " di u 2di feraghju 2011!

3.mandatu da lingua di puttana u 12/02/2011 20:06
Simu noi e ciavatte

4.mandatu da fussila burru u 12/02/2011 22:52
innò a più bella di e rivuluzione seria quella di fà tace - à pena -quelli chì l'aprenu per criticà, tutti sti mercanti di lesciva chì danu lezziò di murale à tutti è chì sò più corsi chè i corsi, più naziunalisti chè i naziunalisti è più astuti chè l'astuti. Per u più, abbaghjanu à spessu ma scumettu ch'elli anu un bellu paghju di ciavatte è chì in casa, s'ellu ùn hè davanti à l'urdinatore, a si chjodenu. Iè chì i cunniscite: a sera, à tardi, falanu u saccu di u mulizzu è facenu piscià u "caniche" di a moglia, à scappera, à mezu à e vitture. Sò di stu populu corsu d'avà ch'ùn compra mancu più e so ciavatte in Corsica ma nant'à internet.

5.mandatu da estrimei u 13/02/2011 11:08
o fussila burru,
poca rabbia ! ci he qualcosa chi ti cunturbeghja?
a sai chi e rivuluzione in Tunisia, in Egitta , e ci he da sperà in d'astri Paesi , so state aestrate da ghjente chi manighjavanu l'urdinatore ?

6.mandatu da Tux u 13/02/2011 13:59
A quandu una chjama à a revuluzione lanciata da a Piazzetta?

7.mandatu da fussila burru u 13/02/2011 16:06
Innò , o Estritoii, ùn ci hè male. D'accordu per dì chì ste revuluzione si sò fatte ancu cù l'urdinatore ma senza ghjente in carrughju, inciavattate o nò, s'ella ùn ci hè micca una causa prufonda è vechja , sai ... Per turnà à e ciavatte, ùn sò solu st'affarucci ch'omu si mette in pede a sera ... N'emu una cullezziò tremenda quì da fanne un museu di e ciavatte è ancu di e ciambotte...

8.mandatu da ANTO u 13/02/2011 17:51
Soga in Corsica c'hè piu "godillots" che ciavatte ! Allora a rivoluzione a facenu a u "café de la paix " .Ghjè a fame chi face move u mondu e indè noi pè u mumentu ognunu manghja di capu n'da sacchetta .

9.mandatu da Viaghju u 13/02/2011 18:53
"Ghjè a fame chi face move u mondu"

Allora simu bè, avemu u Quick.

10.mandatu da ghjuvan'marcu u 13/02/2011 18:58
Ghjè quessa, o Antò, un avemu abbastanza fame; ié, ci sò chi van'à manghjà ind'i "resto du coeur', ci sò estudiante ch'ùn si ponu pagà i studii. L'eletti a sanu e anu inventatu i CDD e u RSA, e 'ncu a sulidarità di a famiglia, tutt'u mondu manghjà, pocu ma manghjà. E una maiurità cambia u votu contra 'ssi impieghi e face nice d'un vede a minurità chi si tichja. Aspettemu a rivuluzione di u clanu.

11.mandatu da Berluty u 13/02/2011 19:09
Mà e "Birkenstock" faranu male in piena faccia...so cume e Meindl, so "Made in Germany"

12.mandatu da Puzzadiipedi u 13/02/2011 21:19
quandu anderemu cun paghju di ciavatte, o scalsi cume i disgraziatti di u terzu mondu, tandu po d'esse, penseremu a a revoluzione, ma a strada he longua di e Birkenstock e Meindl, a a rivolta, e in le seculi a vene, inde e scole i zitelli ampareranu che u populu chi campava in corsica si chiamavanu i birkenstock.

13.mandatu da nuit bleue u 13/02/2011 21:36
A e prosime elezione videremu, u partitu di e birkenstock contra i Mendl, po i birkenstock duri e i "mou", i Mendl di dirita e quelli di manca, e dinu i clandestini Birkenstock cu a bandera bianca stampata d'un bellu paghju di scarpi tedeschi.

14.mandatu da fussila burru u 13/02/2011 22:29
hà da esse un scarpi à scarpi di quelli. E po a puzza ....

Novu cumentu :