Accueil
Envoyer à un ami
Version imprimable
Partager

Sì face minà è diventa intelligente

Sì pò esse più intelligente dop'à una cazzuttata ? Iè, ci l'hà pruvata un americanu chì hè diventatu un geniu di e matematiche dop'à essesi fattu tichjà di colpi à un karaoké.



Sì face minà è diventa intelligente
È sì a viulenza era ghjuviticcia pè u cerbellu ? L'omu hè americanu, hà 43 anni è si chjama Jason Padgett. L'hè accaduta una storia chì ci hè cuntata da u New York Post.

Simu in u 2002. Tandu Jason porta i capelli longhi nant'à u tupezzu, u mullet. À a surtita d'un bar, dop'à un karaoké, si face tichjà di colpi (ùn si sà perchè, nè ciò ch'ellu hà cantatu). A cazzuttata hè viulente è casca seccu, incuscente.

Ma subbitu dopu, diventa un geniu di e matematiche. Hà sviluppatu una capacità tremenda à analizà. Vede figure geomètriche in ogni locu. U colpu hà discitatu una parte di u so cerbellu chì era adrumintata.

Si chjama u "sindroma di u sapiente" (francese " syndrome du savant "). Hè ciò chì tocca l'eroe di u filmu Rain Man, ci dice l'articulu.

L'anzianu rivinderolu in un magazinu di mòbuli hè diventatu matemàticu.

Bon, attenzione, ùn vale a pena di piglià i vostri figlioli à pattoni per fà cresce a so media in matematiche. E lesioni di u cerbellu sò à una grande magiurità gattive è periculose. Chì una cumuzione cerebrale fessi nasce u sindrome di u sapiente ind'è un omu hè qualcosa d'ancu più raru.

Ma hè sigura chì nant'à certi, valeria u colpu di pruvà.

u 15 di Maghju 2014



1.mandatu da Hantzu u 15/05/2014 11:01
face 40 anni chi i CRS si facenu pichjà e so sempre cusi conni

2.mandatu da Calvoise u 15/05/2014 12:17
Seria una furtuna di diventà un amante di e matematiche ?!
Brrrr...
(sò conna e ne sò fiera, iè)

3.mandatu da stella capicursina u 15/05/2014 14:58
pensemu à i listessi?.......

4.mandatu da anto u 16/05/2014 07:25
Pensu di si o Stella...

5.mandatu da Calvoise u 16/05/2014 13:21
Dite puru !

6.mandatu da u sumeru di l'ospedale u 28/05/2014 08:16
Mi so fattu tribia una volta cuandu eru piu ghjovanu surtendu di "boite" ma so ancu piu conu chi nanzu ava

Novu cumentu :