Accueil
Envoyer à un ami
Version imprimable
Partager

A storia di u connu è di "l'apéro géant"

Hè a storia d'un tippu chì vulia organizà un "apéro géant" nant'à Facebook. Prublema : era ricircatu da a pulizza.



A storia di u connu è di "l'apéro géant"
Sapete chì a moda nant'à Facebook hè di lancià un "apéro géant" (hè ancu stranu chì nimu ùn appia ancu lanciatu sta cunneria in Corsica...)

Cusì, ci hè statu apperitivi giganti chì anu addunitu 10.000 persone in Nantes, 9.000 in Montpellier. À tal puntu chì sta moda cummencia à inchietà i puteri pùblichi.

Pensate... 10.000 persone briache chì si spasseghjanu à tappu pè i carrughji di e cità, spartendusi tizzoni, buttiglie di vinu à bon pattu è bieraccia calda.

Dunque, un giuvanottu vole avè u so apéro in a so cità, Brive. «Le but, c'est de faire parler de Brive, spiegava à u giurnale La Montagne. Je veux que le maire voie qu'il y a encore des jeunes à Brive. Il faut qu'il fasse quelque chose pour éviter que Brive ne se meure

Perchè micca ! U tippu passa ancu nant'à France 3 è cummencia à esse cunnisciutu. Ma u nostru amicu hè ricircatu pè escroquerie è violences commises sur conjoint. Hè statu cundannatu à 6 mesi di prigiò per quessa... è hè scappatu. Dapoi 2007, era ricircatu da a pulizza.

Hè appena cum'è si à l'epica, Yvan Colonna avia datu appuntamentu à i so amichi à l'Acapulco nant'à Facebook.

Risultatu, a vigilia di l'apéro géant i pulizzeri sò venuti à circallu è l'apperitivu l'hà fattu à u cummissariatu. Julien Maury averà u tempu di medità tuttu quessa durante qualchì tempu.

Muralità : riflettite bè nanzu di mette una cunneria nant'à Facebook...

u 14 di Maghju 2010
u webmaestru



1.mandatu da Odessa... u 14/05/2010 08:44
Una rivolta populare si pò fà incu l'aiutu di FB.....

2.mandatu da Calavrone.. u 14/05/2010 08:48
Pè fà un'addunita......nant'à un tema qualunque, i truvaremu 9000 corsi.....senza esse ubbligati di cuntà a "roba di forca".....??

3.mandatu da Küg u 14/05/2010 09:36
tutta sta pinzutia...

4.mandatu da Maskagazu u 14/05/2010 09:47
ùn si sente parlà nant'à e televisione francese chi di "Convivialité" ghjè un veru "locu cumunu" s'ellu si po di...Pè ghjustificà qualcosa si sente a spesse "C'est convivialleeuu" a credi che i francesi nè so privi....e vera chi ella ùn hannu più nunda di cumunitariu, so diventati una populazione veradimente qualunque....Cume a so squadraccia di a Francia...

5.mandatu da "Francois" u 14/05/2010 10:07
I francesi so i nostri "maestri" e u peghju di tuttu i nostri mudelli....allora faremu ancu noi cume in Cuntinente....

6.mandatu da pazzurgu u 14/05/2010 11:11
O zittè face bellu tempu che n'avemu, noi corsi, l'apéro géant, cullate di settembre in niolu vidderete !!

7.mandatu da "Francois" u 14/05/2010 11:35
Mà parli di a "Santa" o pazzurgu ?

8.mandatu da pinz u 14/05/2010 12:36
ma ch'avete contr'à i pinzuti ?

a santa, san brancà, via notte, l'acapulco... pensate chi i corsi so megliu ?

eppo viderete u connu chi hà da lampà un apéro géant in corsica

9.mandatu da Pinzuttunatuincorsica.. u 14/05/2010 13:24
Eviva a briachina....!! diventaremu un populu di "Bobo CaviaroAlcolo cocainoman" ...eviva u culinialismu culturale, ah avà mi scurdava di Omo....e simu à u cumpletu....!!

10.mandatu da Milanista delusu.. u 14/05/2010 13:39
Camellu di PVechju e u s'amicu Borloo veneranu di sicuru a l'apero FBook in Corsica... Pè u "Stizzone" chjameremu stu Rimitu di Pacou....Feranu un bellu "Attelage"...no ???

11.mandatu da Linguaccia u 14/05/2010 15:24
Sè l'inviti so mandati pè Noêlle Vincensini, simu ch'ellu ùn ci sia tantu mondu fora (ben intesu) di qualchi "Gruppies" "alter" ùn so ché, "mundialo" chi nè so...

12.mandatu da Linguaccia u 14/05/2010 15:24
*Semu sicuri , scusate mi piglia u sonnu avà ....!!

13.mandatu da anto u 14/05/2010 16:32
I nostri paisani un so mica l'ultimi a fassi vedè nanta "faccia beccu" ,secondu mè piu di a metà si so fatti scrive (hè megliu che di fassi leghje) e si ponu vedè nanta FB associ stunenti di ghjente d'issu paèse .

14.mandatu da Barack oniolu u 15/05/2010 03:53
É sè u tipu s'era lampatu incu a so vittura vultendu incu i s'amichi di a fiera Di bucugnà era listessa affare!!!! era briachu é basta pocu importa s'ellu surtia Di un " apéro geant" o di l'acapulco ghj'he listessa!! femu chi e nostre surtite compienu sempre cume lu ci vole !!!!pocu importe a razza!!!

15.mandatu da Tux u 15/05/2010 13:04
"a me i pinzutti, i supportu meddu che l arabi caccati chi un mi possu piu veda !! allora lascieti i pinzutti e crippeti l arabacci !!!!!"

Quandu leghju quessa, aghju vergogna. Averianu ragiò, quelli chi dicenu chi i corsi sò racisti? Speru chi no, è di tutte manere, racisti si ne vedenu da pertutu, in ogni populu. Ma sò quantunque sorpresu chi i moderatori lascianu stu missagiu…

Di i corsi conni ne possu fà una lista. Pasqua. De Rocca Serra. Tony Cardi (aiò, più conu ch'ellu, hai trovu, tu?) Tiberi. Fils-à-papa Sarkozy (a so mamma hè corsa, ne?) Tutti i clani di Neuilly. I mafiosi di a "Brise de Mer". Quelli chi participanu à a seria "Mafiosa", chi hè inveru cio chi si trova di più mullizzosu ind'e a categoria di sta nova moda anti-corsa di u filmu francese. O torna quelli chi vendenu o cumpranu a droga. Quelli chi plasticheghjanu n'importa chè ma lascianu construiscesi e villa (in paese, anu plasticatu dui case, chi eranu tramindui case anziane, ma e merde chi construiscenu nant'a marina, e lascianu…).

Infine…


Corsi, nant'à Facebook, ci ne sò assai. Un avete micca vistu u gruppu "A Piazzetta"? E ùn mi pare micca esse un veru prublemu. Facebook stessu hè ghjustu un situ web cume un astru. Dopu, ci ne pò fà appena n'importa chè.

16.mandatu da Linguaccia u 15/05/2010 13:52
@ Tux, tu sarai un adettu di a "cinsura" veghja manera di i stati tutalitarii e oghje di l'ultime dittature cumuniste o islamiste o sacra santa ideulugia ripubblica culuniale... a libertà di pinsà e di sprime e s'opinione qualsia sianu...e un dirittu.....!!

17.mandatu da JVC u 15/05/2010 13:56
iè linguaccia, sprime si OK... a libertà di pensà ghjè una cosa, avà ci vole à sapè chi s'ellu accade una cunneria so i muderatori chi so rispunsevuli davanti à a lege

he digià accaduta chi muderatori di forum so stati cundannati perche un avianu sguassatu messagi razzisti o viulenti

allora per piacè, pensate cio che vo vulete ma calmatevi appena o zite, un ci vole micca chi stu blog diventi u ruminzulaghju di tutte e vostre frustrazioni

18.mandatu da Aleriacciu.. u 15/05/2010 13:59
Case anziane o muderne , ghjè u pruprietraiu chi ghjè visatu micca a casa no ?? Pinzutti eranu pochi a cumprà indè i paesi eranu ghjustu indè e marine o e città, avale ci so ancu indè i nostru paese....
" Casa antica di paese, si tu cambii di padrone, guarda ch'ellu sia corsu..." cantava u cumunistu Antoine Ciosi, allora mi pare à mè nurmale ch'elli sia tocchi anch'elli...

19.mandatu da Linguaccia u 15/05/2010 14:44
"Puliticamente currettu" ghjè u "putere" dà cumbatte,quellu di i media e di l'ideulugia pronte à pinsà di u mundialisimu e nigazione di sè stessu........ dinò in Corsica e sopratuttu pè u muvimentu patriotticu o JVC... a prestu !!

ps : Nanzu à SONY chè JVC..

20.mandatu da estrimei u 16/05/2010 10:45
Face una eternità chì a meteò ci dice : tempacciu, tempurale, timpesta, acquate,
piogia
(???) ruppate è rinfriscata. O Marina, fà qualcosa !!!
he vera che no simu tutti crosci intinti , ma un ci he bisognu d'andà e parulle di i Paesi vicini per dì ch'ellu piove .
o ghjente ! femu un sforzu pruemu a parlà a nostra lingua a usu nustrale , serrà sempre megliu chi tutti sti frencisisimi chi nepochi ghjuicheghjanu primurosi per imputtellà ch'elli so a a moa .

21.mandatu da 3615 estrimei u 16/05/2010 20:33
alè, ne simu sempre à discorre di vucabulariu, di lingua, è di "ùn si dice micca cusi...."

CHI FATICA !

in più di quessa ùn vecu micca cio che tu rimproveri à "piogia" chi esiste in corsu, a dice ancu l'infcor :

imbambulisci !

22.mandatu da what a fair foot u 16/05/2010 22:15

Estrimei tandu prova una urtugrafia curretta...u d si scrivi ancu s'iddu ùn si prununzia micca in u ro rughjonu. Ùn po' avè a to grafia parsunali, solu solu !

lascia corra i lizziò o ni ricivarè tù dinò.

23.mandatu da arsène wengoffu u 16/05/2010 23:16
lasciatelu stà à u nostru amicu estrimei !

u so rollu hè d'esse azezu è di criticà, spessu hà ragio, è avemu bisognu d'ellu

ùn ti lascia fà o estrimè !!!! falli falà !!!!

24.mandatu da estrimei u 18/05/2010 15:50
O 3615 ,

fà u piecè , lasciami u mio cugnome chi l'affari sianu chjari .

un imbambuliscu micca ! a dicu e a mantengu !
mi ,pare chi "pioggia" he impieggata nu u Capi Corsu e basta .
pienu di a mio prutensione, diceraghju chi infcor ajuta ma un basta , u piu bellu dizziunariu chi ne deve impone.... anc'a mè : he u parlatu paisanu

25.mandatu da piratella u 19/05/2010 00:19

Facebook ùn hè u prublema, ci hè solu chì i conni si ne servenu cum'è conni è basta...

Si facenu scambii interessanti dinù nantu à Facebook : puesia, literatura, lingua corsa, musica, idee, nutizie, infurmazione nantu à evenimenti, ecc. Ognunu u so usu.

Ma e folle à mè mi facenu peura è dinù sta moda scema di pensà chì fà a festa hè mettesi à u stracciu, sin'à u comà etillicu!!

26.mandatu da ARC u 19/05/2010 16:20
Aperitivu ùn si dicia "culaziò indè i tempi......O piratella ci vole ad accittà a mudernizazione e a pinzuttizazione di u populu corsu (Scusate di à suciètà... di corsica)..

Novu cumentu :