Accueil
Envoyer à un ami
Version imprimable
Partager

Apperitivu tamantu : è in Corsica ?

Ancu a Corsica hè tocca da a moda di "l'apéro géant" ma senza troppu successu. L'apperitivu gigante, hè tutte e sere à u comptoir !



Apperitivu tamantu : è in Corsica ?
Trè "apéros géants" eranu organizati in Corsica sta dumenicata : in Bastia, Aiacciu è Calvi. Ma nunda à chì vede cù e 10.000 persone di Montpellier è Nantes.

Hè statu piuttostu l'apperitivu di u fiascu. In Aiacciu eranu quattru, in Bastia ùn c'era ch'è un car di CRS. Ancu LePost.fr si ne ride è scrive chì En Corse: les apéros géants font plouf.

In fine di contu, nant'à Facebook hè u gruppu anti-apéro géant in Corsica chì hà u più successu : più di 3.400 membri.

A Corsica hè dunque spartuta in duie categurie. I pro-apperitivu gigante è l'anti.

I partigiani dicenu chì l'apperitivu maiò hè sinònimu di cunvivialità, d'apertura, di scambiu è d'alcool à bon pattu.
È ci sò l'anti-apperitivone : dicenu chì hè per i pumataghji è i ràncichi, chì u veru corsu spende i so soldi è beie solu à u comptoir.

Difficiule d'analizà a moda di "l'apéro géant". Apperitivu di a miseria è di a solitutine ? Novu ligamu suciale ? "Pied de nez à la crise" cum'elli dicenu nant'à Slate.fr ? O robba di pumataghji è di closce à l'oziu ?

Hè vera chì l'apperitivu tamantu in Corsica hè un sport naziunale è si praticheghja tutte e sere. I Corsi ùn anu aspettatu à Facebook per inventà a sborgna. Ma pigliassi una scimia in Prada à Via Notte o à l'Acapulco hè più classa ch'è di beie una buttiglia di a Cuvée du Barbu pè i carrughji.

In quant'à l'apperitivu maiò di a baracca di a CTC, nimu parla d'interdiscelu...

u 24 di Maghju 2010
u webmaestru



1.mandatu da olive & tom u 25/05/2010 00:44
Face piacè di vede u "flop" d'isse serate urganizate da i pumataghji, i drugati è i pinzuti !

"Apéro Géant" Fora !!

2.mandatu da ghjuvan'marcu u 25/05/2010 08:14
Lasciate i punziti fà i so apertivone in carrughju; ghjè per abituassi a la vita di "closcie" sott'à i punti; a vita prumessa da Sarkosy per i travagliadori francesi. Noi cuntinuemu a fà l'aperitivu trà l'amichi tutt'azimuti, in Aiacciu (u mezziornu), in Bastia (u nordiu), in Calvi ( u punente) e in Corti (l'oriente)...

3.mandatu da ghjuvan'marcu u 25/05/2010 08:16
Scusate : i pinzuti...

4.mandatu da So eiu u 25/05/2010 08:18
Robba francese tuttu qué!!!

5.mandatu da Tinelu u 25/05/2010 08:19
( le gogo)
"hé putinnng on va se sifflé une verte gratos
sans evion ni badoua !!!!!"
( dumè)
"aho veni cui o gaulois a te montrer moi l apperitivu chez nous c quoi "
( gogo)
"hé ouais mais moi putin gé pas pris mon port'feuille moi bordel"
(dumè)
"é viens là pas besoin de tes pièces jaunes
sort tes oursins du cap de tes poches"
"gogo"
"heu purée v'zaller cantonner des chants sacrés sur le zing gratos"
"dume"
"ahé quand c'est gratos vous êtes là o cughjò"


6.mandatu da anto u 25/05/2010 16:21
Queste so faccendè pè i circadaghji ,qui quand'ellu s' impastizzeghja un cè bisognu di scrivela nanta "faccia beccu" .S'omu principia a pigla ss'abitudinacce pinzutesche simu lecchi !Aio o ghjentè beimu a modu nostru e micca acqua chi sfonda i ponti ....

7.mandatu da gwen u 25/05/2010 17:15
Mi face ride tutti sti pinzuti chi parlanu inde l'articulu di u LePost.fr !! So l'illustrazione di i veri pumataghji chi un so mai vinuti in tarra nustrale....

8.mandatu da Diego Militante u 25/05/2010 18:28
i pumataghji di facebook ùn anu inventatu nunda. a nostra briachina cullettiva si chjama "santa di u niolu".

9.mandatu da MP.. u 30/05/2010 14:33
I Corsi ùn so tutti briaconi o Diego... mà hè vera chi di più in più piglianu l'usu francese di i spiriti à buzeffu e di l'usu di l'allupii (droghe...)° in suciulugia so cumpurtamenti di fuga, ci sarà una suffrenza prufonda....??? Una perta tremenda di i nostri valori ....!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta