Accueil
Envoyer à un ami
Version imprimable
Partager

Auguri di l'annu novu : quantu avete mandatu SMS ?

Novu record di 400 milioni sms mandati sta notte... ma quantu scimie pigliate ?



Auguri di l'annu novu : quantu avete mandatu SMS ?
Quist'annu, cum'è annu passatu, u record di SMS inviati pè l'auguri di l'annu novu hè statu battutu. 400 milioni di textos ci dice l'AFP.

400 milioni di SMS, ma quantu "pace è salute" ? I trè operatori ùn a ci diceranu micca, ma quist'annu torna, u picculu "pace è salute" mandatu hè statu u tube di a notte di San Silvestru in Corsica.

Quantu SMS anònimi è micca signati (ma quale serà quessu ?), quantu SMS ricevuti da nùmeri scunnisciuti, quantu SMS chì ùn duvianu micca parte è chì sò stati mandati, quantu sbaglii d'inviu... Ùn a saperemu mai.

Eppò quantu SMS mandati in burdata nera, quantu SMS chì sentenu u champagne caldu, quantu SMS mandati da ghjente incustumata, faticata, sbragagliulata è piena di cotillons in i capelli ? Quantu SMS mandati sta mane chì sèntenu a scimia ?

Sta notte hè stata quella di u record di SMS inviati, di litri di champagne beti, di pena in capu sta mane, è di persone chì sò finite in garde à vue (più di 500 d'appressu à u ministeriu). È voi, cumu avete finitu ?

Pace è salute quantunque !

u 1mu di Ghjenaghju 2011
U Sgaiuffu



1.mandatu da estrimei u 01/01/2011 18:47
manc'unu.
ma vogliu ringrazià tutti quelli di a piazzetta e preggà Pace e Salute e cerbellu a sennu a tutti quelli chi si primureghjanu di a nostra lingua e di u nostru Paese

2.mandatu da orsucciu u 01/01/2011 19:55
Ci vularia à fà u contu di i basgi sciaccati à mezanotti...O dinò di i basgi dati à parsoni chì vo ùn cunnisciati mancu!

3.mandatu da anto u 04/01/2011 08:27
Pè u me contu n'aghju mandatu una vintina di pace e salute ,ma e risposte so state quasi tutte in francèse !

Novu cumentu :