Accueil
Envoyer à un ami
Version imprimable
Partager

Bona nutizia : l'alcool face smagrisce !

D'appressu à un studiu americanu, e donne chì beienu di manera regulare ingrassanu menu ch'è l'altre.



Bona nutizia : l'alcool face smagrisce !
L'affare ci vene da u seriu Brigham and Women’s Hospital di Boston.

Ci ampara chì ind'è e donne di più di 40 anni è chì beienu dui bichjeri à ghjornu à settimana ingrassanu menu ch'è l'altre.

Ùn ridite micca, stu studiu hà purtatu nant'à più di 19.000 donne americane, per divvi si i circadori americani facenu bè u so travagliu.

Ma attenzione, si tratta di dui bichjeri à ghjornu in una settimana, è di bichjeri di vinu rossu.

Avà si pò prupone à i nostri amichi di Boston d'apprufundisce appena di più in e so ricerche. Per esempiu, eccu unepoche di dumande impurtantissime :

- E donne di 40 anni è più, ok. Ma l'altri ? Ind'è l'omi di menu di 35 anni, per esempiu ?
- I dui bichjeri di vinu à settimana cunsigliati si ponu beie d'un colpu in una serata ?
- Si pò smagrisce dinù cun 14 bichjeri di vinaccia ? Ancu cù a "Cuvée du Barbu" ?
- Dui bichjeri à ghjornu à settimana, facenu quantu buttiglie à mese ?
- Si pò fà un regime cumpostu di vinu rossu è cacahuètes ?
- Viaghja dinù cù u pastizzu, u gin-tonic è u Johnnie-Coca ?
- L'americani dinù mettenu a soia ?
- À ragiò di quantu scimie à mese si pò perde un chilò ?
- Piuttostu ch'è d'andà à fà u footing, si pò dunque fà l'aperiting ?

Tante dumande senza risposta ch'ellu ci vuleria à schjarisce. Sappiate, amichi di u Brigham and Women’s Hospital di Boston chì a squadra di A Piazzetta hè pronta à fà avanzà a scenza.

À a salute !

l'11 d'Aprile 2010
U Sgaiuffu



1.mandatu da OBAMO u 11/04/2010 18:03

Sò tonti sti americani! -))

2.mandatu da weight watchers u 11/04/2010 18:58
o sinno ci hè u regime "alain orsoni" : 15 chilo in un mese !

3.mandatu da UBoziu u 11/04/2010 23:57
Simu sempre in 1944 ! Dite a parola " americani" è e donne sò pronte à tuttu : pè a scienza, beni siguru ! Eppuru hè bellu comudu pè una donna di smagrisce senza sforzu prima l'estate...Basta à truvà ùn omu corsu famitu pè farsi runzicà u pulpetu. E i famitoni, quindi, ùn mancanu !

4.mandatu da So eiu u 12/04/2010 08:10
Mi so campatu! forza a piazzetta!

5.mandatu da anto u 12/04/2010 16:00
Hè un'affare sicuru :guardate a Borloo cum'èllu hè magru ,e qual'hè chi un cunosce un grande"pastizzore "qui sia biancu e trasparente cume u vetru ?

6.mandatu da Carghjisanu u 14/04/2010 00:20
S'ellu hè pà a scienza sò prontu à beie buttigle sane cù tutte e mericane chì vuleranu

7.mandatu da Suarella u 21/04/2010 17:07
Eiu cunoscu bè u "prof di gym" chì m'avia detti in l'anni 80 di fà un regime incù "vin rouge et tartes aux pommes". Risultatu : sò techju...è cuntentu !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta