Accueil
Envoyer à un ami
Version imprimable
Partager

Cantona vole fà saltà tuttu

Hè l'ultima cacciata di comptoir d'Eric Cantona. Per mette a puzza, l'anzianu ghjucadore dumanda chì tuttu ognunu caccessi u listessu ghjornu i so soldi in banca.



Cantona vole fà saltà tuttu
L'idea s'assumiglia à una cacciata di fine d'apperitivu, quandu u patrone vole lampà fora i clienti è ch'ellu ùn ci hè mancu più cacahuètes da runzicà.

Eccu dunque ciò ch'ellu dice Cantona : « La révolution est très simple à faire aujourd’hui. Au lieu d’aller dans les rues faire des kilomètres (pour manifester), tu vas à la banque de ton village et tu retires ton argent ».

L'affare face un grande buzz nant'à u net. Più di 36 000 persone anu raghjuntu u gruppu nant'à Facebook chì chjama à caccià i so soldi u 7 di dicembre.

A chjama d'Eric u King cummencia à fà paura ? Si ne parla di più in più, ancu u ministru di u bugettu François Baroin hà riagitu. Da vede a videò di Cantona.

Saperemu dunque marti chì vene s'ella principia a rivuluzione, o nò.

Ma ci hè un prublema o Cantona... Hè bellu è bravu u Sgiò Eric, ma ùn avemu micca tutti ghjucatu à Manchester United. Caccià i so soldi d'accordu, ma s'è no semu innù u rossu ? Cumu fà quand'è no semu à scupertu di 500 eurò ?

Peghju : "tu vas à la banque de ton village", ci cunsiglia u tippu. Saria cun gran'piacè... ma in i nostri paesi chjodenu e poste, e scole, i caffè, e chjese è e case. Ancu i cimiterii ! Allora pensate una banca in paese...

L'abitanti di Pedipartinu è d'Agna di Fiumorbu seranu cuntenti.

Quessa a rivuluzione, cummencia bè !

u 5 di Dicembre 2010
u webmaestru



1.mandatu da estrimei u 05/12/2010 17:49
eu , aghju anticipatu a Cantona.
a mio banca e u "credit municipal " . u sistema un he ne quellu di C.A o a S.G o u C.L

2.mandatu da germinal u 05/12/2010 20:29
è ellu, tracarchu à soldi po fà u maccu...richissimu chia paga l'isf è chi vole fà u "proletaire" ch' ipucrisia in francia
.eo s'era riccu mettia tutti i mo soldi à u Lussemborgu..

3.mandatu da lunachjara u 05/12/2010 23:29
Quellu chì mi piace di più è chì se sta situazione puderebbe mette male e banche, puderebbe fà piacè...à i ladri!!!
Imaginate i furfanti, aspittà che vo' andate à ritirà tutte e vostre ecunumie...pè pigliale!!
Un colpu in capu è à ringraziatti o Cantona!!

I più scemi simu noi, à risicà u pocu che no' avemu!!!

4.mandatu da V07768198309 u 06/12/2010 13:22
___________________________________________

Attention! BankRun 2010: Fascisme Déguisé:

BankRun 2010 est un retraits d'espèces de masse auprès des banques qui se produira le 7 Décembre 7 et qui est initiée par l'ancien joueur de football Eric Cantona. Il est organisé sur Internet par un réseau d'événements Facebook et a indûment attiré l'attention des médias.

J'ai pensé qu'il était spontané et naïf et que je pourrais m'y accrocher afin d'établir b[La Nouvelle Économie. Après une discussion sur Skype avec Géraldine Feuillien je suis venu à la conclusion que son cerveau manipulateur est encore inconnu et son but est d'établir un système économique sans doute fasciste qui apparaîtra par la terreur plutôt que d'un mouvement qui va favoriser les intérêts économiques des chacun de nous.

http://post-crash.com/fa/attention/

b[Sous estimer l'ampleur de ce mouvement, à court et moyen terme, son caractère infâme et le pouvoir de ses sponsors serait suicidaire.]b


Afin de préempter les intentions maléfiques de BankRun 2010 je vais proposer le plus rapidement possible une économie après que l’inévitable crash financier ait eu lieu. Cette économie de marché sera libre de crédit. Elle dépouillera donc les banques de leur pertinence.

http://post-crash.com/fa/attention/

5.mandatu da machja u 06/12/2010 13:48
Canto ha ragio, u mondu gira cu i nostri soldi, e bance s'arricchicesnu sempre di piu, invece d'investi inde l'ecunumia di u paese.
U risparmiu corsu hè unu di i piu fortu di e reghione francese; piu di 10 milliardi d'euros ind'e casce di e bance in Corsica chi so ghjucati, cume a u "casino" nant'e piazze financiare internaziunale.
Eccu cio ch'elli facenu cu i soldi di u populu, ghjè quessu u sistema capitalistu e per u fà cascà ci si vole a assufucalu caccendu cio chi lu face campa.
U 7 dicembre andate a piglia i vostri soldi.

Per A Piazzetta: attenti a tutti i VO77......

6.mandatu da imbecille u 06/12/2010 14:41
a sapete chj l'antenati di cantona so sardi corsi e catalani ghje un tippone!!!
e cantona aiutacci a sfazza i nostri scuparti
e i soldi per u scb ci ni po da un qualcusellu?

7.mandatu da Zeruffu u 06/12/2010 16:06
A feremu o Canto
Ma sara dino u ghjornu ideale pe i furti !

8.mandatu da U.B.S corsa. u 06/12/2010 21:17
Una "banca" corsa puderebbe accoglie tutti soldi ritiratti di e banche francese.......

Ebrei è musulmani ùn hanu e so finanze proprie, perchè micca noi ??

9.mandatu da MARCUCCIU u 06/12/2010 21:42
e eiu chi un aghiu micca soldi piazzati in banca,cumu puderaghiu fà? I mei i soldi so piatati in lu pagliaghiu in una scatula di biscoti in ferru;ma chuttttttt!!!! acqua in bocca.

10.mandatu da Burghisuccia u 06/12/2010 21:54
i CORSI ùn so i più ricchi di tutti i francesi ??.
Incu tutta sta cocaina è "immobilier" u soldu corre in corsica...mà so soldi brutti ??

11.mandatu da machja u 07/12/2010 11:45
I naziunalisti avianu fattu un prugettu di bance, ma oghje un si ne parli piu.
Ma per l'immigranti c'hè a Wafabank chi ghjè una banca marucana in Corsica,chi raccolta i soldi di l'arabi chi travaglianu inde noi.
So piu maligni che noi, piglianu i soldi francese e e mandanu in casa soia.

12.mandatu da Burghisuccia u 07/12/2010 12:20
è pè chi fà una banca corsa... pè finanzà u culunialisimu..o a sculunizazzione ??

13.mandatu da machja u 07/12/2010 13:03
Inno! per finanzà u sviluppu di a Corsica ,invece d'aspità sempre u soldu francese, l'indipendenza economica hè u principiu di a suvranita naziunale.

14.mandatu da Dollaru... u 07/12/2010 21:59
E induve conti piglia e milliarde O machja...??

Pè a suvranità naziunale ùn po esse solu ecunomica, pochi paesi allora sarebbinu

indinpendante..ci ci vole à pudè fà u necessariu indè u so paese senza avè l'accordu di

l'Onu o di a Lidh... tandu SI chi si puterebbi parlà si Suvranità, mà nè simu belli luntani.

15.mandatu da Burghisuccia u 07/12/2010 22:31
u "sviluppu di a corsica" torna parulle chi ùn vulenu di poc'affari... aiutà à quale è finanzà

chi prugetti,secondu chi ideulugia ?? culuniale o sculunizzatrice ??

What is the question ?? è nimu ùn vole risponde, mancu i natios !!

a bona sera, a prestu !!

16.mandatu da machja u 08/12/2010 10:17
Scusatemi, aghju vulsutu rilencia u dibatitu nant'u sviluppu di u nostru paese, ma mi avengu, chi assai corsi so cuntenti di la so sorte, alora perchè cambia ? cume lu si sta bè a u solu c'un bichieru di pastizu ! a parla di u SCB, o di nostri traficanti .
Anc'assai che c'hè a francia daret'a noi, altrimentu ci lasceriamu cripa di fame.
ale scialatelavi

17.mandatu da U Palatinu u 10/12/2010 10:38
In tutti casi, Eric Cantona mi pare d'esse un tipu simpaticu, è a so idea, ancu s'ella hà fiascatu, era interessante, è ancu bona.

18.mandatu da malmignata u 14/12/2010 20:31
ohhhh!! ahhhhh!! Cantonaaa!!

U prublema hè, s' ellu hè una parsona carca a soldi chi parla, si dici "aé ellu parla parchè ùn risicheghja nulla hè carcu"!!
S' ellu hè un povarellu chi dice què si diciarà" aé ellu parla parchè hè un pumataghju ùn risicheghja nulla"!! Allora chi si puderia pinsà... Cantona revuluziunaru!!

Novu cumentu :