Accueil
Envoyer à un ami
Version imprimable
Partager

Chì n'ai da fà di l'iPhone 5 !

Hè esciutu, hè bellu, costa caru, tuttu u mondu u vole... ma n'avete veramente bisognu ?



Chì n'ai da fà di l'iPhone 5 !
Voi, lettori di A Piazzetta, sapete bè chì l'iPhone hè un ogettu magnificu, postu chè vo site più di 13.000 à avè stallatu l'applicazione iPiazzetta.

A surtita mundiale di a versione 5 di u smartphone d'Apple hè diventata un evenimentu mundiale, assai di più chè l'evenimenti in Sirìa. À tal puntu chì i JT di TF1 è di France 2 si sò trasfurmati in spots publicitarii pè l'intrapresa à a mela.

In i magazini di e grande cità si sò viste file tamante di ghjente chì anu durmitu fora per esse i primi à chjappà l'apparichjùculu d'Apple (leghje nant'à u Nouvel Obs). Si sarianu vinduti 5 milioni in trè ghjorni.

In Corsica dinù l'iPhone 5 era aspettatu. U primu ghjornu, i magazini di Bastia ùn ne avianu digià più, d'appressu à France 3. À 679 € l'apparechju u menu caru, ci vole à crede chì crisa, ùn ci n'hè micca veramente.

Allora hè vera chì u teleffunu à a miluccia hè una maraviglia di tennologia. Più ràpidu, più grande, face i ritratti più belli è hà un'autonomia più grande chè l'anzianu.

Bon, pè riassume, l'iPhone 5 vi permetterà d'andà più in furia per cuntà a vostra vita nant'à Facebook è pè publicà i vostri ritratti à colpi di "lol" è di ";-)"...

U mondu sanu vole avè u listessu teleffunu è corre in e butteghe per cumprassi un ogettu à 700€, chì hà pochi affari in più chè l'iPhone 4 è chì serà rimpiazzatu da un altru apparechju da quì à un annu.

È Apple riesce à facci crede chè no ne avemu veramente bisognu.

Sò veramente forti ind'è Apple. È noi, simu catini...

u 25 di Sittembre 2012



1.mandatu da Ajassien u 25/09/2012 17:51
"Oh il faut pas critiquer, avec mon i phone5 je suis en place... " chi vergogna sta sucieta di parè.

2.mandatu da Laura u 25/09/2012 18:33
Serà quessa ch'elli chjamanu u colpu di a Mela cotta ?

3.mandatu da Juvénalu u 25/09/2012 19:01

4.mandatu da tarra nostra u 25/09/2012 21:26
Brava, Laura !

5.mandatu da ANTO u 26/09/2012 17:33
E di chi ci so chi un manghjanu micca pé cumprassi sse cunnerie !

6.mandatu da ziu santu apple merda u 26/09/2012 21:52
sò numerose e closce chì mettenu missaghji "urgent vends iphone 4s " mancu a vergogna di dì ch'elli ùn anu micca i mezzi ma volenu fà i mac quautunque. I più inteligenti sò quelli di apple anu capitu chì a ghjente hè scema.

7.mandatu da Si corti avia un portu u 27/09/2012 08:49
Per fammi un'idea di a scimità di à ghjente, so andatu nantu à "Leboncoin" é aghju circatu iPhone 4 in Corsica...

8.mandatu da giramondu u 27/09/2012 10:07
700€ ? Dui mesi di cumissioni pè una famiglia di 4 persone (è ancu facenduci piaccè),
700€? u mese di creditu pè cumprasi un terrenu è una casa,
700€? u prezzu di una tassa d'abitazione,
700€? un mese di ritirata da mette d'accantu pè i so vechji ghjorni.

E pensu chi ci so tanta d'altre cose da fà cù 700€.
Dopu ad ognunu e so priorità.

9.mandatu da Marcumà u 27/09/2012 16:07
700€ un mese di cocaine pa i nosci ghjovanni

10.mandatu da U Palatinu u 27/09/2012 18:00
Ùn aghju nunda à dì eiu. Certe mi pare à bastanza sti 700 €, ma mi tocca à precisà chì hè quantunque menu caru ch'e cio ch'o so statu obligatu di pagà (oimè !!) ch'e quandu aghju avutu u mio accidente di vittura, per fà riparà a vittura !
Ancu di grazie ch'o sò rancicu.

11.mandatu da Capicursinu rancicu u 28/09/2012 22:15
Ancu tù si capicursinu ?

12.mandatu da tralala in piazza u 02/10/2012 22:07
U ci é micca a crisa e megliu cusi..
Attenti ci i a d'a esse una taxe nantu l' Iphone

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta