Accueil
Envoyer à un ami
Version imprimable
Partager

Ci cumpremu ancu noi un vulcanu per mette a panicca ?

Sin'à eri, nimu cunniscia u vulcanu islandese Eyjafjallajökull chì nimu riesce sempre micca à prununzià. Cù a panicca ch'ellu hà messu, ùn si parla più ch'è d'ellu. Imaginate chì stu vulcanu fussi statu corsu...



Ci cumpremu ancu noi un vulcanu per mette a panicca ?
L'Eyjafjallajökull, stu misteriosu vulcanu d'Islanda chì riesce à paralizà nunda ch'è cù u so fume. Chì perfurmanza !

Tràfficu aereu paralizatu, un "jeudi noir" per e cumpagnie è l'aeroporti, centinaie d'euro di benefizii chì partenu in fume. Chì tippu stu vulcanu ! Tuttu què senza viulenza, nè feriti nè morti.

Ma imaginate una stonda chì stu vulcanu fussi statu corsu...

U nostru simpàticu vulcanu à noi u metteriamu in Niolu o in Fiumorbu. Di tantu in tantu, u metteriamu in marchja ch'ellu caccessi appena di fume. Cusì, ghjustu per imbestià à l'altri.

Per esempiu s'è no vulemu ritardà (ghjustu d'una settimana !) a venuta di i turisti in Corsica, solu per avè appena di pace una stundella.

O per impedisce una vìsita presidenziale chì Sarkozy averebbe annunziatu.

Vidimu i tìtuli di a stampa da quì : "Le trafic aérien mondial perturbé suite à l'éruption d'un volcan corse"... "Ce volcan corse qui empoisonne les vacances des touristes allemands"...

Si pò sunnià : "Le match de l'équipe de France reporté en raison de la colère du volcan corse"... "À cause du volcan corse, Christophe Maé annule sa tournée"... "Vacances pourries : Sarkozy toujours bloqué à Roissy !"... "Didier Barbelivien n'a pu regagner sa villa corse"...

È perchè micca "Bloqué depuis un mois, Emile Zuccarelli n'a toujours pas regagné la Corse"... "Le calvaire d'André Paccou : "j'habite depuis un mois dans un Formule 1 sur le périph' !"... "Dépité, Camille de Rocca Serra est radié des listes électorales de Portivechju"... "L'Equipe de France déclare forfait pour la Coupe du Monde !"

Cresce sperenza : "En raison du nuage de cendres, la retransmission de la série Plus Belle la vie est perturbée sur la TNT"...

Mentre chì LCI è CNN passanu senza piantà e fiure di "les usagers mécontents" chì tiranu u musu : "C'est toujours pareil à cause des volcans, on est pris en otage ! Pire que la CGT !", pèstanu i turisti in ciavatte bluccati in Puretta.

Allora, u ci cumpremu stu vulcanu ?

u 16 d'Aprile 2010
u webmaestru



1.mandatu da Elodie u 16/04/2010 11:15
Possu da 50 euri per cumpralu!

2.mandatu da mysterytour u 16/04/2010 13:52
Cunvene di più à cumprà una cumpagnia marittima ....

3.mandatu da Eyjafjallecettera u 16/04/2010 14:47
Certi nomi...

4.mandatu da u picchju u 16/04/2010 16:40
s'ellu face piantà a trasmissione di "poubelle la vie", m'arrestu sùbitu indè a mo banca pè fà un imprestu di 50000 Euro.

5.mandatu da Turist'destructor u 16/04/2010 17:55 (da un teleffuninu)
S'ellu face piantà u pumataghjisimu, l'équipe de france e Christophe maé, facciu subbitu un prestitu di 200 000 euros

6.mandatu da Maskagazu u 16/04/2010 19:25
S'ellu pudia assufugà tutti i pinzutti e altri stranieri ùn saria una bella vindetta corsa..?!

7.mandatu da Vesuvio.... u 16/04/2010 19:52
Aio fratelli a mumenti mi ci mettu anch'eiu....Vai chi i francesi anu dà licà cume ci vole...!!

8.mandatu da estrimei u 17/04/2010 10:56
Ci cumpremu ancu noi un vulcanu per mette a panicca ?

per mette u cumbugliu , n'avemu abbastanza "ncu stu trenacciu di merda !

9.mandatu da santucci u 17/04/2010 23:41
Ava, cume ci vuole chiamà u nostru vulcanu?

10.mandatu da A_mela u 18/04/2010 04:27
Troppu bellu st'articulu!!

11.mandatu da anto u 18/04/2010 07:15
E cènère so in Nizza e prestu qui ,ava l'avemu u nostru vulcanu !

12.mandatu da zyclon B u 18/04/2010 08:09
S'ellu vene qui u nuvu,ci vole à dà maschi solu à i corsi, cusi sarà a fine di a communauté de destin.....hihihihihihihi !!

13.mandatu da machja u 18/04/2010 10:09
Un ci sara che u "vulcanu" per caccia fora i pinzutti ?

Femu vuta per "i nostri" a l'assemblea, una legge per che lu sbucci un vulcanu in Corti ,e che e cenere cascenu nant'i pinzutti soli ,per quessu seranu tutti d'accunsenti ,avale simu noi i "maestri" !!!!!!!

14.mandatu da ARC u 18/04/2010 10:30
Maestri di che o Machja ? Avà i maestri so Pacou & co, e quesse i pinzutti i tenenu belli cari cume certi naziunalisti d'altronde...!!

15.mandatu da machja u 18/04/2010 11:42
O ARC ,hè una cacciata, un saremu mai maestri in casa nostra, i corsi un volenu rispunsabilita, basta ch'ellu casca tutti i mesi u RMI o u RSA, o altri subvenzione, so pronti a accita tutti i frusteri di u mondu, a vende a so terra e ancu moglie e figliole per un pezzu di pane, o una strinta di manu d' un elettu.
Hanu vutatu, dopu hanu fattu a festa, chi avianu vintu,alora tuttu u mondu he cuntentu ?
Sopratuttu i clanisti.

16.mandatu da ARC u 18/04/2010 12:12
D'accunsentu incu una parte di u to ragionu, mà ci vole ad aghjutà pè a to longa lista..Una sciarpa, una piazza d'elettu qui o qualà e ricuniscenza di esse un "tipu bè" un "veru citoyen" cume li dicenu avale...

Eo e parecchji altri.. un aspettanu nè rmi nè rsa mà hè vera chi quessi so numerosi..In fine eo so di quessi chi volenu chi naziunalisti ghjunghjessinu à e respunsablità, mà pè fà una pulitica "vera" pulitica naziunalista, vole di quella chi sarebbe criticata assai dà i "Tutti" nostri nemici, quandu a francia e a stampa parleranu di noi in bè allora sarà a fine... Oghje u Naziunalisimu ùn hè ché un fondu di cumerciu pè i dirigianti di i dui "partiti", forse i militanti e o populu si n'avererannu u ghjornu....mà un credu, e a polvera d'islandia ùn ci hè pè nunda.. a prestu o machja..!!

17.mandatu da Carlo Leonardi u 18/04/2010 17:55
Bonasera,
so Talianu, u corsu ghje capiscitoghjiu per me, ma 'un so cosa vole dì "panicca", 'un l'aghju truvatu inde u dizziunariu in rete di l'ADECEC.
A ringraziavvi.

18.mandatu da ASIMA u 19/04/2010 09:02
Carlo, talianu si dice lucchese in corsu...!!!

19.mandatu da carlinu u 19/04/2010 15:08
pocu purisimu Carlo ! in talianu si dice pànico, ùn la sai chì u corsu si mudernizeghja ancu ellu ? ci hè un pezzu di musica di C. Mac Daniel (canta u populu corsu) chì si chjama "panicca nera". t'accade di sapè scherzà ?

20.mandatu da Carlo Leonardi u 19/04/2010 17:59
Eu so scherzà! E per seguità a scherzà, cuntinueraghju in u mio dialettu!
Non so un purista, conosco un tantinu u parlà vostru anche perché u dialettu miu se rassomija a u corsu: "Così recentemente un osservatore non linguista (Tomassini 2000, 23) rispondeva alla domanda «a che cosa somiglia il modo di parlare dei còrsi?» con: «immagina l'umbro o il sabino parlato da un siciliano e ci arrivi piuttosto vicino», "La lingua còrsa", O. Durand, Paideia Editrice, pagg. 29 e 30).
E io so natu e vivo a Narni, a u Sud dell'Umbria a u confine co' a Sabina.
C'eo penzatu che u significatu poteva da esse quellu (panico), ma ago approfittatu de a rete pe' levamme sta curiosità. Da noi se direbbe «panicu» o anche «stretta de culu»! Lu sapevo che Italianu se dice "lucchese", ma ago vistu (in quarch'andru situ) che se po dì anche talianu.
Ve ringrazio e ve saluto.
Carlo Leonardi

21.mandatu da Leghistu.... u 19/04/2010 19:14
O carlo, in "dialetto Lumbard" cime si dicerà a "Corsica a i Corsi...!!

22.mandatu da Leghistu.... u 19/04/2010 19:37
Vulia di "Cume" mà averette capitu..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta