Accueil
Envoyer à un ami
Version imprimable
Partager

È avà, avete da rivende i vostri rigali ?

Rigali goffi ? In doppiu ? Site fusciatu ? O tratechju di rigali ? Hè a tindenza dapoi qualchì annu : a rivendita di i rigali di Natale nant'à internet.



È avà, avete da rivende i vostri rigali ?
Imaginemu : v'anu rigalatu Tempi Fà, ma l'aviate digià ? Una vesta Millet ma hè troppu chjuca ? Un slip Pull-In troppu goffu ?

Site tratechju, avete tuttu in casa : Full HD, Porsche, Playstation, X Box, Wii, Blue Ray, iPhone 4, iPad è cinque paghje di scarpi Prada ?

Peghju : Babbu Natale ùn hà truvatu nunda di megliu da fà ch'è di purtavvi u best of di Justin Bieber o l'ultimu libru di Jean-Pierre Raffarin.

Chì fà ? Pudete sceglie di mettelu in un scornu, è da quì à dui mesi finiscerà in granaghju cù i topi. O allora pudete vendelu nant'à u web, nant'à eBay o Priceminister.

Hè a grande tindenza dapoi qualchì tempu. Sti siti di vendita d'ogetti d'occasione cunnoscenu 30% d'attività in più i lindumani di Natale ! Hè diventatu un veru business.

Certi ne sò ancu diventati spezialisti. Sàppiate ch'elli ci sò i rancichi chì aspettanu Natale unicamente pè turnà à vende i so rigali per fassi dui soldi... Fate pianu, ci ne forse in giru à voi.

Hè a crisa, hè mortu u "pouvoir d'achat'... tutte e scuse sò bone pè i ranciconi di Natale è ùn si vergognanu mancu più.

È voi allora, chì ne pensate ? Manera di sbarazzassi di veri scumpienti ? Scusa di rancichi ? Di ghjente tratechja di cunsumazione ? O necessità pè i veri fusciati ?

Dite u vostru parè !

u 25 di Dicembre 2010
Plasticu Bertrand



1.mandatu da Babbu noël u 25/12/2010 22:51
Eiu vendu l'ultimu libru di Jean Guy talamoni , quale u vole?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta