Accueil
Envoyer à un ami
Version imprimable
Partager

È s'ella ghjunghje a xylella "ebola" fastidiosa, chì femu ?

A "xylella fastidiosa" s'hè digià stirpata l'alivi di u meziornu di l'Italia. S'ella sbarca in Corsica, serà un sterminiu per l'agricultori. È chì face u Statu ?



È s'ella ghjunghje a xylella "ebola" fastidiosa, chì femu ?
Avemu parlatu un mese fà di a "xylella fastidiosa", sta battèria chì hà arruvinatu l'alivi di a regione taliana di e Puglie.

Per fà semplice, s'ella ghjunghje questa quì in Corsica, serà un sterminiu. Ma un sterminiu maiò, di quelli "massacre à la tronçonneuse". Ùn esiste nisun trattamentu per "l'ebola di e piante". In Italia anu brusgiatu l'arburi infettati.

Saria una catastrofa per l'ambiu, per l'ecosistemi, per i pruduttori d'oliu d'aliva. A battèria di a xylella fastidiosa s'attacca dinù à tutti l'arburi fruttìferi, à l'allori, è à e vigne.

Allora chì fà ?

Per avà ci vuleria à cuntrullà e piante è l'arburi chì ghjunghjenu in Corsica. Si face digià, ma si sà ch'elli ùn sò ch'è 5% i vegetali cuntrullati.

Un cullettivu s'hè furmatu chì prevene di a catastrofa ch'ella saria sì st'affaracciu venia ind'è noi. Rammintemu ch'ellu hè cusì chì u cynipsacciu chì si sterpa tutti i castagni di Corsica è u pinzachju rossu chì si manghja tutte e palme di Corsica sò stati intrudutti in l'isula.

S'ella ghjunghje a "fastidiosa", più nunda a puderà parà è ùn ci firmeranu più ch'è l'ochji per pienghje, è dì una volta di più chì "Corsica ùn averà mai bè".

RCFM si pone a dumanda : "la vraie question est : quand arrivera-t-elle ?" Da sente quì.

Ùn hè ancu troppu tardi. Basteria per avà à multiplicà i cuntrolli, pruibisce l'introduzzione di vegetali (iè ci vuleria ancu à fà un "statutu di residente" per e piante...) è fà sapè à l'opinione publica ch'ellu ùn ci vole à fà vene piante da fora (hè cusì ch'elli sò ghjunti cynips è pinzachju rossu di e palme).

Ma oghje, i servizii di u statu sì cuntentenu di dì chì tuttu và bè è chì a situazione hè sott'à cuntrollu.

Sin'avà, tuttu và bè.


u 12 di Sittembre 2014



1.mandatu da sardu u 13/09/2014 03:15
hè solu in italia stu batteriu...

2.mandatu da sardu u 13/09/2014 03:15
hè solu in italia stu batteriu...

3.mandatu da casgiu merzu u 13/09/2014 06:54
Caseneuve ùn hà chè da fà u arretatu cum'è quellu di u 9 di settembre per i sustenitori di foot è seremu franchi !

4.mandatu da Cyril Cattana u 13/09/2014 15:07
Auropa di merda, a ringrazzia ti!

Malèfica Bruxelles e u so duttrina di circulazione senza dugana né cuntrolli : avà ci so i rigali di un mondu apertu a e disgrazie e malatie....

5.mandatu da Giuvanottu di Biguglia u 19/09/2014 12:24 (da un teleffuninu)
Iè ma pè u statu (è l''opinione publica dinù) pare esse più impurtante di parlà (male) di Bastia 1905 in stu mumentu. L''agricultori si n''impipenu pocu

6.mandatu da Giuvanottu di Biguglia u 19/09/2014 12:24 (da un teleffuninu)
Iè ma pè u statu (è l''''opinione publica dinù) pare esse più impurtante di parlà (male) di Bastia 1905 in stu mumentu. L''''agricultori si n''''impipenu pocu

7.mandatu da cugi u 19/09/2014 14:58
Tutti 'ssi naziunalisti chi so sempre a aspittà apressu à u statu francese...

8.mandatu da Falculella Salvatica u 20/09/2014 09:19
Cusgì, ùn vecu micca u raportu di u vostru cumentu quì incù a situazione...
A sapete chì, per disgrazia, a Corsica hè sempre frencese è chì postu ch'ell'hè cusì, ghjè à u statu ghjust'à puntu di piglià e so respunsabilità. !!!
In quantu à i naziunalisti , vi ferraghju rimarcà chì sò i soli à avè rispostu à a chjama di u sindicatu agricolu via campagnola per sustene ci.
Una chjama hè stata mandata à tutti i partiti per avè un aiutu, è SOLU femu a Corsica hà rispostu ....

9.mandatu da Falculella Salvatica u 20/09/2014 09:23
Alora forse aspettanu da u statu cumè voi dite, ma mi pare chì sò i soli à move si !!! Mentre chì d'altri parlanu assai, criticheghjanu troppu è facenu Nunda !!

10.mandatu da Fratè u 20/09/2014 21:06 (da un teleffuninu)
Eh iè Falculella. I naziunalisti facenu, sò criticati. Ùn facenu, sò criticati.
Lascemu li parlà.
È chì si pò fà di più in stu casu quì chè di dinunzià chì u statu un face u si travagliu?!

11.mandatu da Falculella Salvatica u 22/09/2014 01:51
À ringrazià vi o Fratè !!!
Moveranu tutti quand´ellu serà troppu tardi ...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta