Accueil
Envoyer à un ami
Version imprimable
Partager

È sè no eramu tutti "i-Mbecilli"?

"iDiots" hè u nome d'un filmettu chì si ne ride di noi tutti.



U filmettu ùn hè micca mal fattu. Si vede una mansa di robots appena baulli tutti incundiziunali di u so smartphone (tè ? ci serà una sumiglia cù u nostru caru iPhone ?).

I robots compranu teleffunini cari, ùn si parlanu più ma si mandanu textos allora ch'elli sò à cantu, si piglianu in ritrattu, "likanu" nant'à e rete suciali, ridenu di ritratti di ghjatti, compranu applicazioni inutile chì i facenu ride... sin'à chì un grande robot sciappessi tuttu.

Tandu i teleffuni ùn viaghjanu più. I robots sò addisperati è... si lampanu pè cumprà u novu "iDiot 5" chì vene di sorte.

Vi face pensà à qualcosa ?

Di siguru, ci hè una critica di a sucetà di cunsumazione, di "l'obsolescenza prugrammata" è di i nostri cumpurtamenti nant'à Facebook.

Quelli chì l'anu fattu si ne difendenu (dicenu ch'ellu hè solu un filmettu per fassi cunnosce) : «Ne prenez pas ce message trop sérieusement. C’est un film de promo que nous avons fait pour nous moquer de nous-mêmes. Nous avons tous un i-diot au fond de nous et c’est tellement drôle !».

Ma hè un bellu tacle assassinu quantunque.

u 29 di Nuvembre 2013
U Webmaestru



1.mandatu da anghjulu (anti Zmartphone) u 29/11/2013 11:17
Excellent !

2.mandatu da nonchtèlafatchopiou u 29/11/2013 14:25
aghju un telefuninu fragicu, tandu mi dicenu chì sò propiu un imbecile...cumu possu fà..aiutate mi!!!

3.mandatu da Queddu di L'ortu u 29/11/2013 15:59 (da un teleffuninu)
U peghju: n'aghju cumpratu unu eri :)

4.mandatu da anto u 29/11/2013 16:18
i-no un pensu micca !

5.mandatu da Calvoise u 29/11/2013 17:41
Liku, u retweetu !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta