Accueil
Envoyer à un ami
Version imprimable
Partager

E seratacce di John Galliano

Truvate chì e vostre surtite sò annuiose ? Sempre listessi lochi, sempre listesse facce ? Pensate ch'è vo site un loser di a notte ? Purtantu ci hè peghju : fidighjate à John Galliano...



E seratacce di John Galliano
In generale quand'è vo dumandate à qualchissia s'ellu sorte, vi sentite risponde : "buh, n'aghju una techje di sorte, sempre listessu affare, ùn ci hè nunda à fà, sempre listessi lochi, sempre listesse facce !"

È di siguru pensate chì quelli chì sò ricchi è cunnisciuti, quelli di a jet set chì stanu in Parigi è in Londra, elli sì chì si càmpanu... ma ci hè John Galliano.

John Galliano, ùn si pò fà megliu : stilistu ind'è Dior, giovanu, à a punta di a moda, riccu, cunnisciutu, chì campa à mezu à e più belle donne (è ancu i più belli omi)... ebbeh passa serate di merda.

A videò di The Sun induv'ellu si vede à John Galliano insultà una cliente d'un bar è fà a gloria d'Hitler hà scandalizatu u mondu sanu. Hè vera, quessa ùn si face è hè propiu scandalosa.

Ma ci hè peghju : John Galliano passa veramente seratacce cum'è più nimu ne face : solu solu, à pusà in caffè, sempre in u listessu bar, à inturcassi. È per mette appena d'animazione, si mette à insultà i clienti.

Vi và ? Sò quesse e nights di i grandi di u show biz è di a moda ? Francamente, ùn dite mai più chì in Corsica ùn ci hè nunda à fà è v'annuiate. À cantu, un apperitivu à u Pénalty o à u juke-box di u Corsica Bar sò cafés philo.

Iè, ste serate induve tuttu u mondu hè sticchitu è si fideghja in caterochju, hè sempre megliu ch'è e seratacce di John Galliano...

u 2ndu di Marzu 2011
U Sgaiuffu



1.mandatu da estrimei u 02/03/2011 10:16
forse ci metterà appenna di sale in zucca !
i soli e u parè facenu nasce e 'mbiglie e e ghjelusie ma un imbelliscenu micca a vita.
noi , qui , in Corsica , cuniscimu una qualità ,chi a parè meu un esiste in astrò:u sumerinu .
e u sumerinu ci po ajutà assai a campà megliu.
ommancu , mi pare cusì !

2.mandatu da Sté u 02/03/2011 12:28
Sé chi tocca a da retté a tutti i briacconi di a crazioné un si védéra mai a finé.

3.mandatu da ANTO u 02/03/2011 13:47
Chi mi vole questu ? Un tengu mica caffè o amicu pè riserve !

4.mandatu da Alexferox u 02/03/2011 16:26
U sale ancu nè a zucca dà a sede ! e cu a sede vene prestu a scimia. Qui o in Pariggi !

5.mandatu da Alexferox u 02/03/2011 16:45
A pruvà ? http://www.lepost.fr/article/2011/02/15/2406810_la-formule-secrete-de-coca-cola-enfin-devoilee.html

6.mandatu da Alexferox u 02/03/2011 16:49
Più difficiule à diggerisce chè u Coca, anch'ellu hè Corsicacola :
http://www.lepost.fr/article/2010/06/05/2101378_bilderberg-2010-quand-l-elite-mondiale-se-reunit-discretement-en-catalogne.html

7.mandatu da ghjuvan'marcu u 02/03/2011 18:16
Ind'è Dior cum'è ind'è Guerlain c'hè un profume di merda.

8.mandatu da Mamone u 03/03/2011 17:26
Stu tipu bevie ma sopratutto,mi si pare lu "sniffi" e dopu un sa più cio che lu facce ....e poi sara un pocu fascistu perchè chi u naturale a un mumentu piglia a suprana !!!

Novu cumentu :