Accueil
Envoyer à un ami
Version imprimable
Partager

È sì u Qatar si cumprava un pezzu di Corsica ?

Dop'à i palazzi parigini, u PSG è a cuppa di u mondu, u Qatar s'hè cumpratu un pezzu di Sardegna. À quandu a Corsica ?



È sì u Qatar si cumprava un pezzu di Corsica ?
Una miliarda d'euri, hè ciò chì u Qatar hà da investisce in u settore di u turìsimu in Sardegna.

L'annunziu hè statu fattu st'inguernu da u primu ministru di u Qatar Hamad bin Jassim Al Thani. Iè hè u listessu chì cumpratu u PSG è a cuppa di u mondu 2022.

L'ogettivu : investisce in l'infrastrutture è u turìsimu nant'à a Costa Smeralda.

Ùn v'inchietate, anu da rispettà "e caratteristiche di a Sardegna per ùn cambià micca a natura di sta bellissima isula", anu dettu... ma sopr'à tuttu esse di più in più influenti in u Mediterraniu.

Risultatu : pienu di prugetti belli goffi pè trasfurmà i stazzi di i pastori in case di lussu (tè ? ùn vi rammenta nunda ?) è ecologisti in crisa nera.

È in Corsica ? Elli anu i soldi, è ind'è noi ùn mancanu a ghjente per dì chì "iè ma capisci, ça va créer des emplois"... Allora ?

u 15 d'Aprile 2013
U Webmaestru



1.mandatu da buzz a saetta u 14/04/2013 21:44
Qualessi sò i rispunsevuli : quelli chì compranu o quelli chì vendenu ?

2.mandatu da bipu-bipu u 14/04/2013 22:18
Chi ne pensanu i sindicati francese (chi so pieni di corsi !!?) ? Sara forse una bedda nutizia per a Corsica ? Per l'impiegu sigura !!! Facenu e dicenu tutti e cunnerie per l'impiegu !

3.mandatu da Pietro Mastroleo u 14/04/2013 22:37
In questo momento è meglio affidare agli Arabi che a vigliacchi come Giorgio Napolitano, Laura Boldrini, Piero Grasso: personaggi, quest'ultimi, non molto diversi dal panorama politico francese.

4.mandatu da bastiacciu stortu u 15/04/2013 00:00
Allora forzè ci vulera a fa u figatellu " hallal " .......!!!

5.mandatu da citcinelludiguagnenativupèliguagnesusosanguaversatu u 15/04/2013 11:22
Qualessi sò i rispunsevuli: quelli chì so ricchi o quelli chì so povari ?

6.mandatu da ghjacareddu u 15/04/2013 20:42
Saluti,fighjula bene l'infurmazione,ani cumparatu la costa smeralda no la sardegna...,prima era di proprieta' haga khan,poi a cumparatu un americanu libanesu barak,abali e quatar.

7.mandatu da Calvoise u 15/04/2013 21:01
Pietro Mastroleo, ... "è meglio affidare agli Arabi che a vigliacchi come Giorgio Napolitano, Laura Boldrini, Piero Grasso" ... Forse. Ma perchè ùn vai micca campà in u Qatar o in Arabia Saudita, cù a to moglia, pè vede a differenza ?

8.mandatu da jean de navare et des environs u 15/04/2013 21:33
Intesu eri sera a cunstratu, figuratevi chi Angélini a dettu chi e residences secondaires un'eranu micca una gattiva cosa ,s'elle u facianu micca cresce u presu di m2 ??chi rende difficiule per i corsi di cumpra ,allora s'elli s'affacanu i qatari so i be venuti!!
Tuttu si cumpra allora perché micca un pesu di a corsica

9.mandatu da Lisandru u 16/04/2013 11:05
Ch'elli ghjunghjenu, anu da scopre u piacè di u plasticu

10.mandatu da henry smart u 16/04/2013 14:16
O vai ! s'elli ghjunghjenu è ch'elli distribuiscenu appena di soldi, un averanu da cunnosce u plasticu.

11.mandatu da jean de navare et des environs u 16/04/2013 19:35
S'elli ghjunghjissinu i qatari u peghju sera di vestesi cum'elli..

12.mandatu da ghjacumu andria u 16/04/2013 20:57
No ci vole à fa un picciada (cum´ellu si dice jumelage ? ) tra u Katar e a corsica .. Primu i femu venne cui in Bastia diceremu .. E po dopu se lu ne resta anderemu inde elli .

13.mandatu da Lisandru u 17/04/2013 13:02
Iè o Henry s'elli venenu pè creà impieghi è distribuisce appena di soldi cume tu dici va bè, mà si ghjè pè betunnizà u littorale ancu di piu ch'elli stessenu in casa soia. De tutte manere, peghju ch' a francia un puderanu micca fà.

14.mandatu da stumacatu u 17/04/2013 14:35
Benvenutti !

Ci n'hè - sempre listessi manghjoni, di diritta, di manca o naziunalisti - chi c'hanu da di che ghjè bè per u so caru sviluppu...

E s'hanu da carcà appena di piu... quandu l'altri hanu duventà di piu in piu povari !!

15.mandatu da marcu u 19/04/2013 08:28
" ....ani cumparatu la costa smeralda no la sardegna..." Giustu, e naru puru ca de Sadinnia no chi dda leana.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta