Accueil
Envoyer à un ami
Version imprimable
Partager

È voi, e pagate e vostre vacanze ?

Fillon in Egittu, MAM in Tunisia... Elli sò partuti pè 0€ ! Voi, pè listessu prezzu vi pudite pagà e vostre vacanze in Casamozza.



È voi, e pagate e vostre vacanze ?
Chì furtuna ch'elli anu i grandi di stu mondu ! In più d'esse pagati abbastanza bè, anu vintu u dirittu d'ùn pagà micca e so vacanze.

È chì vacanze ! MAM girandulava in Tunisia grazia à Ben Ali, è Fillon si spassighjava in Egittu grazia à Mubarak.

À tal puntu chì Sarko hè intervenutu pè prevene i so ministri : basta e cunnerie, à e prùssime vacanze i ministri francesi duveranu andà... in Francia.

Bon, hè vera chì andà in u Loiret o in Gueugnon hè appena menu attirante ch'è di parte sott'à u sole di u Mediterraniu.

Nant'à u so blog Paul Giacobbi face bè di preveneci : ellu, ùn hè mai andatu in vacanze à l'ochju... Basterebbi ch'è no amparghimu ch'ellu hè statu invitatu da Kim Jong-Il o Kadhafi !

Astrimenti, pè listessu prezzu ch'è e vacanze di i ministri francesi in Egittu è in Tunisia, voi vi pudete pagà un dopu meziornu di vacanze in Casamozza. Vi và ?

u 13 di Farraghju 2011
U Webmaestru



1.mandatu da U Palatinu u 13/02/2011 20:44
Manc'eiu ùn partu mai in vacanza, è allora ?
Cosa li pò fà à stu malasciamè ? A stessa cosa ch'ella mi face à mè per ellu.

2.mandatu da Purchettu u 13/02/2011 20:57
Sarko a dettu chì i ministri in l'avvene anu da pliglià e so vacanze in Francia. Mi pare chì
a sola manera di andà à l'esteru e di firma in Francia hé di sceglie a Corsica. Allora u pròssimu "slogan" di a campagna publicitaria di l'ATC serà "Corse, terre de Ministres".

3.mandatu da tupinetta u 14/02/2011 04:17
Perchè un ci hè micca u prufessore Lantieri ind'è e persunalità corse ? Ghjè una vergogna !

4.mandatu da CG2B u 14/02/2011 07:49
o Tupinetta hè vera...eppo manca dinù Balthazar Federici....

5.mandatu da ANTO u 14/02/2011 18:57
Basta a falà a u Cateraghju o pè a Ghisunaccia hè quantu e esse in Tunisia .

6.mandatu da cuccurucù u 14/02/2011 19:39
u più di i niostri fratelli nordafricani sò maruccani, micca tunisiani. Ma parlendu di sciffri, ci n'hè di più in Bastia chè in piaghja.

7.mandatu da kamellu u 14/02/2011 21:56
Ghje quessu u scambiu di populazione, i marucani so in Bastia e i corsi in Marakech.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta